Banyuhay - SIJ EZEE

11/09/2026

🌦️ Malamig man ang panahon, ngunit mainit ang pagbati at masiglang pagdiriwang! 🇵🇭✨

Isang matagumpay, makabuluhan, at makulay na pagdaraos ng Buwan ng Wika 2026 ang ating ipinagdiwang! 🎉

Sa temang “Wikang Filipino at AI: Kasangkapan sa Pananaliksik at Tulay sa Yaman ng Impormasyon,” naging daan ang pagdiriwang upang higit nating mapahalagahan ang ating sariling wika, kultura, talento, at pagkakakilanlan bilang mga Pilipino. ❤️💙💛

Mula sa Sabayang Pagbigkas, Spoken Poetry, Sayaw Pinoy, Awiting Pinoy, Poster Making, at Slogan Making, tunay na nasilayan ang husay, pagkamalikhain, at pagmamahal ng ating mga mag-aaral sa wikang Filipino. 🎤🎨💃📖

Lubos na pasasalamat sa lahat ng mag-aaral, g**o, tagapayo, administrador, magulang, at lahat ng naging bahagi ng makabuluhang pagdiriwang na ito. Ang inyong oras, talento, suporta, at pagsisikap ang naging susi upang maging matagumpay ang ating programa. 🌸

Tunay na buhay ang wikang Filipino—patuloy na umuusbong, yumayaman, at nagbubuklod sa bawat Pilipino. 🇵🇭✨

Mabuhay ang Wikang Filipino!
Mabuhay ang kulturang Pilipino!
Mabuhay ang bawat kabataang patuloy na nagmamahal sa sariling wika! ❤️

03/09/2026

Isang makabuluhan at masayang pagdiriwang ang naghihintay sa atin! 🌺✨ Halina’t samahan kami sa bawat bahagi ng ating programa bilang paggunita at pagpapahalaga sa Wikang Filipino, kultura, at pagkakakilanlan bilang Pilipino.

📜 Narito ang Daloy ng Programa upang maging gabay sa bawat gawain at pagtatanghal na ating pagsasaluhan.

𝗘𝗹𝗲𝗺𝗲𝗻𝘁𝗮𝗿𝘆: Morning

𝗛𝗶𝗴𝗵𝘀𝗰𝗵𝗼𝗼𝗹: Afternoon

Wika ang tulay, kultura ang yaman, at pagkakaisa ang ating lakas! ❤️💙💛

28/08/2026

Bilang pakikiisa sa pagdiriwang ng Buwan ng Wika 2026, inaanyayahan namin ang lahat ng mag-aaral na makilahok at ipakita ang kanilang talento, husay, pagkamalikhain, at pagmamahal sa Wikang Filipino!

📌 Mga Patimpalak:

🗣️ SABAYANG PAGBIGKAS
💃 SAYAW PINOY: Makabagong Galaw sa Lumang Tugtugin
🎤 SPOKEN POETRY
🎶 AWITING PINOY
🎨 POSTER MAKING

Ang lahat ng patimpalak ay kaugnay ng tema ng Buwan ng Wika 2026:

“Wikang Filipino at AI: Kasangkapan sa Pananaliksik at Tulay sa Yaman ng Impormasyon.”

Ipakita ang inyong talento!
Ipamalas ang inyong pagkamalikhain!
At higit sa lahat, ipagdiwang natin ang kagandahan, yaman, at kahalagahan ng Wikang Filipino! 🇵🇭❤️💙💛

📣 Basahin at sundin ang mga pamantayan at mekaniks ng bawat patimpalak.

Halina’t makiisa, makilahok, at makipagtagisan ng husay!

26/08/2026

𝕭𝖆𝖓𝖞𝖚𝖍𝖆𝖞

Isang taos-pusong pagbati sa mga bagong halal na opisyales ng Banyuhay!

Bagong simula para sa mas masaya at masiglang pagdiriwang ng ating wika at kultura.

Ang kanilang sipag at dedikasyon ang magiging gabay upang mas mapalapit sa ating mga puso ang kulturang Pilipino. Kapit-bisig nating itaguyod ang ating wika para sa isang mas matatag na komunidad!

✍️: Bb. Samantha M. Deoso
🖼️: Bb. Khiellcy Pesimo
Bb. Keitlin Silvestre
G. Matthew Dizon

08/08/2026

"𝙒𝙞𝙠𝙖𝙣𝙜 𝙁𝙞𝙡𝙞𝙥𝙞𝙣𝙤 𝙖𝙩 𝘼𝙄: Kasangkapan sa Pananaliksik at Tulay sa Yaman ng Impormasyon."

Halina't makiisa sa pagdiriwang ng Buwan ng Wika 2026! Sama-sama nating ipagmalaki ang ating sariling wika, kultura, at mayamang tradisyon sa pamamagitan ng iba't ibang patimpalak at makabuluhang gawain.

✨ Mga Inihandang Patimpalak:
🎭 Sabayang Pagbigkas
💃 Sayaw Pinoy
🎤 Spoken Poetry
🎶 Awiting Pinoy
🎨 Poster Making
✍️ Slogan Making

Ito na ang inyong pagkakataon upang ipamalas ang inyong talento, pagkamalikhain, at pagmamahal sa wikang Filipino.

📅 Agosto 28, 2026
🕝 Mula ika-8:00 ng umaga hanggang ika-2:20 ng hapon
📍 Covered court

Huwag magpahuli! Magparehistro na at maging bahagi ng isang makabuluhan at masayang pagdiriwang ng ating pambansang wika.

Ang wikang Filipino ay hindi lamang paraan ng komunikasyon—ito ay salamin ng ating pagkakakilanlan, kultura, at pagkakaisa.

Tara na! Makiisa, makilahok, at ipagdiwang ang Buwan ng Wika!

13/07/2026

𝐁𝐮𝐰𝐚𝐧 𝐧𝐠 𝐖𝐢𝐤𝐚𝐧𝐠 𝐏𝐚𝐦𝐛𝐚𝐧𝐬𝐚 𝟐𝟎𝟐𝟔: 𝐏𝐨𝐬𝐭𝐞𝐫 𝐑𝐞𝐯𝐞𝐚𝐥!

Maaari mo nang ma-download o makakuha ng kopya ng poster ng Buwan ng Wikang Pambansa 2026 na may temang "Wikang Filipino at AI: Kasangkapan sa Pananaliksik at Tulay sa Yaman ng Impormasyon.”

Mada-download ang digital na poster at iba pang kolaterals sa: https://hostyurl.com/HB40c1

𝐇𝐢𝐧𝐠𝐠𝐢𝐥 𝐬𝐚 𝐭𝐞𝐦𝐚

Kinikilala ng tema ng Buwan ng Wika 2026 ang magkaugnay na papel ng wikang Filipino at artificial intelligence (AI) para sa makabansang gawain ng pananaliksik. Panawagan ito para sa responsableng paggamit ng AI habang tinitiyak na may makabuluhang espasyo ang Wikang Pambansa sa mga usaping may kinalaman sa mga umuusbong na teknolohiya at kaugnay na usaping pang-etika rito.

Itinuturing ang AI bilang kasangkapan para maiangat pa lalo ang kalidad ng saliksik na inihahandog ng mga Pilipino, unang-una, para sa mga kapuwa Pilipino. Habang kinakasangkapan ang AI, patuloy pa ring tinatahak ng wikang Filipino ang landas ng intelektuwalisasyon na magbubunga ng panloob at panlabas na pagbabago sa bansa. Sa ganitong paraan, kapuwa ang AI at wikang Filipino ay nagiging tulay na gagamitin ng mga Pilipino para sa kanilang pinapangarap na magandang búkas.

Ating ipagdiwang ang ating Wikang Pambansa sa Agosto 2026!

11/07/2026

27/06/2026

𝕭𝖆𝖓𝖞𝖚𝖍𝖆𝖞

Noong 𝗶𝗸𝗮-𝟮𝟱 𝗻𝗴 𝗛𝘂𝗻𝘆𝗼, 𝟮𝟬𝟮𝟲, sa 𝙎𝙘𝙝𝙤𝙤𝙡 𝙤𝙛 𝙩𝙝𝙚 𝙄𝙣𝙛𝙖𝙣𝙩 𝙅𝙚𝙨𝙪𝙨 𝙀𝙕𝙀𝙀, nagtipon ang mga bagong kasapi ng Banyuhay upang maghalal ng panibagong hanay ng mga pinunong magsisilbing tanglaw at gabay ng samahan. Kasama nila sa makabuluhang pagtitipong ito ang kanilang tagapayo na si 𝐁𝐛. 𝐑𝐞𝐣𝐞𝐞𝐥𝐢𝐧 𝐆𝐚𝐫𝐜𝐢𝐚 at katuwang na tagapayo na si 𝐁𝐛. 𝐃𝐢𝐯𝐢𝐧𝐞 𝐆𝐫𝐚𝐜𝐞 𝐌. 𝐋𝐚𝐲𝐧𝐨.

Bagama't sariwa ang mga mukhang haharap sa panibagong yugto ng paglilingkod, nananatiling matatag at nag-aalab ang kanilang iisang adhikain—𝐚𝐧𝐠 𝐩𝐚𝐠𝐲𝐚𝐦𝐚𝐧𝐢𝐧, 𝐩𝐚𝐧𝐠𝐚𝐥𝐚𝐠𝐚𝐚𝐧, 𝐚𝐭 𝐢𝐩𝐚𝐠𝐝𝐢𝐰𝐚𝐧𝐠 𝐚𝐧𝐠 𝐦𝐚𝐲𝐚𝐦𝐚𝐧𝐠 𝐤𝐮𝐥𝐭𝐮𝐫𝐚 𝐚𝐭 𝐝𝐚𝐧𝐠𝐚𝐥 𝐧𝐚 𝐢𝐩𝐢𝐧𝐚𝐠𝐤𝐚𝐥𝐨𝐨𝐛 𝐬𝐚 𝐬𝐚𝐦𝐛𝐚𝐲𝐚𝐧𝐚𝐧𝐠 𝐏𝐢𝐥𝐢𝐩𝐢𝐧𝐨. Sa kanilang mga puso ay patuloy na nagniningas ang alab ng pagmamahal sa sariling pamana, isang apoy na magbibigay-liwanag sa mga susunod pang salinlahi.

Isang masaganang pagbati para sa mga bagong halal na opsiyales ng organisasyong Banyuhay!🤎

12/05/2026

𝗟𝗮𝘆𝗻𝗼, 𝗗𝗶𝘃𝗶𝗻𝗲 𝗚𝗿𝗮𝗰𝗲 𝗠𝗮𝘁𝗮𝗯𝗮𝗻𝗴, 𝗟𝗣𝗧.

Ang lahat ng iyong walang humpay na pagsisikap, matibay na pagtitiis, at di-matitinag na determinasyon ay sa wakas ay nagbunga na rin ng tagumpay. Nawa’y ang panibagong yugto at marangal na tagumpay na ito ang magsilbing tanglaw at inspirasyon upang ipagpatuloy mo ang iyong pagmamahal sa pagtuturo, dala ang pag-asang makapaghahandog ng mas maliwanag at masaganang kinabukasan para sa lahat ng iyong minamahal na mag-aaral.

Ang iyong tagumpay ay buong puso naming ipinagdiriwang.

Ang iyong pamilyang Banyuhay ay lubos na nag-uumapaw sa galak at pagmamalaki para sa iyong tagumpay.🤎

28/02/2026

𝙄𝙨𝙖𝙣𝙜 𝙩𝙖𝙤𝙨 𝙥𝙪𝙨𝙤𝙣𝙜 𝙥𝙖𝙜𝙗𝙖𝙩𝙞!👑

Bigyan natin ng isang taos pusong pagbati ang mga miyembro ng organisasyong Banyuhay na nakilahok sa paligsahang pangkagandahan.

Sa buong paligsahan, lubos ninyong ipinamalas ang walang hanggang galing, talento, at pagsisikap. At ang organisasyong Banyuhay ay lubos na ipinagmamalaki na mayroong kaming mga kasaping napakahusay at may labis na pagmamahal at malasakit para sakanilang ginagawa.

𝗥𝗼𝗱𝗼𝗹𝗳𝗼 𝗩. 𝗛𝗮𝗰𝗯𝗮𝗻𝗴 𝗜𝗜𝗜
👑 MR. SIJ 2026
👑 BEST IN UNIFORM WEAR
👑 BEST IN RAMP
👑 CHOREOGRAPHER’S CHOICE

𝗝𝘂𝗮𝗾𝘂𝗶 𝗗𝘂𝗻𝗴𝗼 𝗢𝗹𝗶𝘃𝗮𝗿𝗲𝘀
👑 2ND RUNNER UP
👑 MR. CONGENIALITY
👑 DARLING OF THE CROWD
👑 QUIPPER CHOICE AWARD

𝗝𝗲𝗮𝗻 𝗥𝗵𝘆𝘁𝗵𝗺 𝗗𝗲𝗹𝗮 𝗖𝗿𝘂𝘇
👑 2ND RUNNER UP
👑 MS. MOMENTOUS CHOICE
👑 BEST IN CASUAL WEAR
👑 RICH SABINIAN CHOICE

Muli, lubos naming ipinagmamalaki ang inyong mga tagumpay!

ᴄᴀᴘᴛɪᴏɴ: Aehreys Mitra | Rory Dungca
ᴘᴜʙᴍᴀᴛ: Christian Molina