SHC - Samahan ng Tanglaw ng Bayan

18/09/2026

Maligayang Kaarawan sa aming dedikadong Moderator ng Tanglaw ng Bayan, G. Richard Vergara! 💙🥳

Hangad namin ang isang makabuluhan at masayang kaarawan para sa iyo. Maraming salamat sa iyong patuloy na paggabay, inspirasyon, at serbisyo sa ating organisasyon. Dalangin ng buong TNB Fam ang iyong masaganang kalusugan, kaligayahan, at higit pang tagumpay sa mga susunod na taon!🎊🎂

31/08/2026

"Ang tunay na bayani ay nagmamahal sa bayan sa pamamagitan ng gawa, hindi lamang sa salita."

Ngayong araw, Agosto 31, 2026, sabay-sabay nating ipagdiwang at pasalamatan ang lahat ng ating mga bayani! 🇵🇭

Ang Samahan ng Tanglaw ng Bayan ay nakikiisa sa "pagbibigay-pugay at paggunita sa lahat ng mga bayani sa buong mundo." Hindi lang natin inaalala ang mga kilalang pangalan sa ating kasaysayan, kundi pati na rin ang mga makabagong bayani ng ating panahon—ang mga g**o, medical workers, OFWs, at bawat Pilipinong tapat na naglilingkod sa kapwa araw-araw. 🦸‍♂️🦸‍♀️

Paano Tayo Magiging Bayani sa Araw-araw?

🤝 Igalang ang batas at kapwa: Ang simpleng pagsunod sa tama at pagiging mabuting mamamayan ay malaking tulong sa ating bayan.
❤️ Gumawa ng mabuti: Ang maliit na pagtulong sa mga nangangailangan sa ating paligid ay isang uri ng kabayanihan.
🌟 Magpasalamat: Iparamdam natin ang ating pasasalamat sa mga taong walang-sawang nagseserbisyo para sa komunidad.



‎✒️| John Dominic E. Briones
‎🎨| Marc Dexter P. Vargas

30/08/2026

📣 TAGISAN NG TALENTO AT TALINO SA DAGLIANG TALUMPATI 2026!

Ipinamalas ng mga Kordiano ang kanilang malikhain at matalas na isipan sa ginanap na Dagliang Talumpati nitong Agosto 28, 2026 sa SCL 314, bilang bahagi ng pagdiriwang ng KORDIWANG 2026 ng Sacred Heart College - Higher Education Department (SHC-HED).

Sa temang "Wikang Filipino at AI: Kasangkapan sa Pananaliksik at Tulay sa Yaman ng Impormasyon," naging saksi ang lahat sa galing at husay ng ating mga mag-aaral sa pagpapahayag ng kanilang saloobin at kaalaman.

🎉 Mainit na pagbati sa mga nagwagi:
🥇 Unang Gantimpala: Gwenmyth Licuan (Kolehiyo ng Parmasya)
🥈 Ikalawang Puwesto: Lindsey Sombrero (Kolehiyo ng Sining sa Komunikasyon)
🥉 Ikatlong Gantimpala: Jahzeel Nael (Kolehiyo ng Edukasyon)

Maraming salamat sa lahat ng nakiisa at nagbahagi ng kanilang talento!

🎙️ Mga Tagapagpadaloy: Shakinah Calvendra at Angelo Baylen

The Heart Publication
📸 Kuha ni: Alyssa Valencia
💻 Disenyo : Kiela Pureza

29/08/2026

26/08/2026

Mga Kapwa Cordians, sa mabilis na pag-ikot ng mundo at pag-usbong ng makabagong teknolohiya, paano nga ba natin mapapanatiling buhay ang tibok ng ating sariling wika? ❤️‍🔥

Ngayong Buwan ng Wika 2026, ang Tanglaw ng Bayan ay taos-pusong nag-aanyaya sa inyo na tumindig at magsalita sa ating Dagliang Talumpati.

Sa ilalim ng temang “Wikang Filipino at AI: Kasangkapan sa Pananaliksik at Tulay sa Yaman ng Impormasyon,” nais namin marinig ang inyong mga kwento, saloobin, at paninindigan. Hindi lamang ito isang simpleng paligsahan; ito ay pagpapatunay na kahit gaano man katalino ang mga makina, ang pusong Pilipino at ang ating sariling wika pa rin ang mananatiling kaluluwa ng ating bayan. 🇵🇭✨

Ang bawat boses ay may mahalagang kwentong dapat mapakinggan. Ibahagi ang sa iyo!

📅 Kailan: Agosto 28, 2026
📍 Lugar: Sacred Heart College | SCL 314

Hinihintay namin ang iyong tinig! 🗣️

✍️ Marc Dexter P. Vargas

19/08/2026

"Walang pinakamahalaga sa sinumang tao kundi ang pagkakaroon ng kamalayan tungkol sa pagkakaisa ng bansa, at bilang bayan, hindi tayo magkakaroon ng higit na kamalayan kung walang sinasalitang wikang panlahat."🇵🇭

Ang Samahan ng Tanglaw ng Bayan ay nagpapahayag ng pakikiisa sa pagdiriwang ng Araw ng Quezon 2026 at ang paggunita sa Ika-148 kaarawan ni Manuel L. Quezon.

Bilang mga tagapagtaguyod ng wika, panitikan, at pagkakakilanlan nating mga Pilipino ay buong-pusong nakikiisa sa paggunita sa buhay, pamana at adhikain ni Pangulong Manuel L. Quezon — Ama ng Wikang Pambansa, Pangalawang Pangulo ng Pilipinas at unang pangulo ng Pamahalaang Commonwealth.

Ipinagmamalaki natin ang ating kasaysayan.
Pinahahalagahan natin ang ating kultura.
At patuloy tayong nagsusumikap para sa maunlad na Quezon.

Mabuhay ang Quezon!
Mabuhay ang bansang Pilipinas!


‎
‎
‎
‎
‎
‎

✍️ | John Dominic E. Briones
🎨 | Vince Iseah B. Amion

28/07/2026

💡 MALIGAYANG PAGDATING, MGA BAGONG TANGLAW! ✨🇵🇭

Malugod na pagtanggap sa pamilya ng Tanglaw ng Bayan (TNB) para sa Taong Panuruan 2026–2027!

Labis ang aming kagalakan at saya na makasama kayo. Higit pa sa pagsali sa isang samahan, kabilang na kayo ngayon sa isang pangkat na nagpapahalaga sa sining, panitikan, at paglilingkod.

Sana ay maging tahanan ninyo ang TNB upang:
🎨 Maipakita ang inyong talento at pagmamahal sa ating bayang sinilangan.
🚀 Makatuklas ng mga bagong pagkakataon at kaalaman na magpapatatag sa ating pagkakakilanlan.
🤝 Makabuo ng mga tunay na kaibigan at magagandang alaala.

Huwag kayong mahihiyang magbahagi ng inyong mga kaisipan. Sabik kaming matuto at lumago kasama kayo ngayong taon!

Muli, maligayang pagdating sa inyong bagong tahanan! Kita-kits sa ating mga susunod na gawain. 🇵🇭

💻 Marc Dexter P. Vargas
✍️ John Dominic E. Briones

16/07/2026

"Ang pagiging pinuno ay hindi isang pribilehiyo upang maghari, kundi isang responsibilidad upang maglingkod at mag-alay ng sarili para sa ikabubuti ng nakararami."
— Jesse Robredo

Mga Bagong Opisyales ng Tanglaw ng Bayan (2026-2027)
Pangulo: John Dominic Briones
Ikalawang Pangulo: Angelo Baylen
Kalihim: Lhexia Nanad
Katuwang na Kalihim: Angieline Buenafe
Ingat-Yaman: Alexsandra Reyes
Tagapagsuri: Vince Iseah Amion
Tagapagbalita 1: Shakinah Calvendra
Tagapagbalita 2: Marc Dexter Vargas

Halina't magkaisa, sama-sama sa pagtataguyod ng wika at panitikan!

18/04/2026

Maraming Salamat sa lahat ng kolehiyong nakiisa sa Digital Poster Making para sa Buwan ng Panitikan! 🎨📚 Ang inyong talento ay patunay ng patuloy na pagyabong ng ating panitikang Pilipino. Ipagpatuloy natin ang paglikha at pagpapahalaga sa ating kultura! ✨💙

16/04/2026

𝐌𝐚𝐠𝐚𝐧𝐝𝐚𝐧𝐠 𝐀𝐫𝐚𝐰 𝐌𝐠𝐚 𝐊𝐚-𝐓𝐚𝐧𝐠𝐥𝐚𝐰 𝐧𝐠 𝐁𝐚𝐲𝐚𝐧!

Isang mainit na pagbati sa inyong lahat!
Inaanyayahan namin kayong makilahok sa "𝐏𝐚𝐧𝐢𝐭𝐢𝐤𝐚𝐧 𝐬𝐚 𝐌𝐚𝐤𝐚𝐛𝐚𝐠𝐨𝐧𝐠 𝐏𝐚𝐧𝐚𝐡𝐨𝐧: 𝐈𝐬𝐚𝐧𝐠 𝐃𝐢𝐠𝐢𝐭𝐚𝐥 𝐧𝐚 𝐏𝐚𝐬𝐤𝐢𝐥" na inihanda ng Tanglaw ng Bayan.

Ang tema: 𝐏𝐚𝐠𝐥𝐚𝐥𝐚𝐤𝐛𝐚𝐲 𝐬𝐚 𝐦𝐠𝐚 𝐒𝐚𝐥𝐢𝐭𝐚: 𝐈𝐧𝐭𝐞𝐫𝐚𝐤𝐭𝐢𝐛𝐨𝐧𝐠 𝐏𝐚𝐧𝐢𝐭𝐢𝐤𝐚𝐧 𝐬𝐚 𝐃𝐢𝐠𝐢𝐭𝐚𝐥 𝐧𝐚 𝐄𝐬𝐩𝐚𝐬𝐲𝐨.

Ang aktibidad ay gaganapin sa ika-17 ng Abril, Taong Kasalukuyan (Biyernes) hanggang ika- 18 ng Abril Taong Kasalukuyan sa ganap na ika- 12 ng Tanghali lamang.

𝐒𝐚𝐦𝐚-𝐬𝐚𝐦𝐚 𝐧𝐚𝐭𝐢𝐧𝐠 𝐭𝐮𝐤𝐥𝐚𝐬𝐢𝐧 ang yaman ng ating panitikan, makipagpalitan ng ideya, at palakasin pa ang ating pagmamahal sa wika at kultura ng Pilipinas.

Huwag palampasin ang pagkakataong ito na matuto at makisama sa masiglang aktibidad! Aasahan namin ang inyong presensya!💙