SHC - Samahan ng Tanglaw ng Bayan

"Maligayang kaarawan, G. Angelo Baylen.🩵Ang iyong dedikasyon at sipag bilang ingat yaman ng Tanglaw ng Bayan ay tunay na kahanga-hanga. Nawa'y patuloy kang biyayaan magandang kalusugan at tagumpay sa lahat ng iyong gawain."

Taos-puso po kaming nagpapasalamat sa inyong aktibong pagdalo at pakikiisa sa ating isinagawang pagpupulong. 🙏💬
Ang inyong presensya ay patunay ng inyong malasakit at dedikasyon sa ating mga adhikain bilang isang nagkakaisang organisasyon. 👥✨

Umaasa kami na ang ating pagtitipon ay naging makabuluhan at nagbigay-linaw sa mga layunin at direksyong nais nating tahakin bilang isang organisasyon. Nawa'y magsilbi itong inspirasyon upang lalo pa nating paigtingin ang ating pagtutulungan. 💡❤️

Muli, maraming-maraming salamat sa inyong oras, suporta, at pakikiisa. Hangad namin ang mas marami pang pagkakataong magkakasama tayo para sa ikabubuti ng nakararami. 🤝🌟

Maligayang Kaarawan sa aming minamahal na Moderator ng Tanglaw ng Bayan, G. Richard Vergara! 🥳🎊🎂 Sana'y maging puno ng kagalakan at pagpapala ang iyong kaarawan. Lubos kaming nagpapasalamat sa iyong walang humpay na paggabay at inspirasyon. Dalangin namin ang iyong masaganang kalusugan at hangad namin ang iyong patuloy na kaligayahan at tagumpay sa bawat hakbang ng iyong buhay.🩵🎉

Magandang Araw ⛅Mga Ka-Tanglaw ng Bayan, isang mainit na pagbati! 👋

Inaanyayahan namin kayong dumalo sa ating Pangkalahatang Pagpupulong sa ika-19 ng Setyembre (Biyernes), ganap na ika-1:00 ng hapon. Sama-sama nating itaguyod ang mga ideya para sa mas maliwanag na kinabukasan ng ating samahan. ✨

Makisali sa makabuluhang talakayan, magbahagi ng suhestiyon, at sama-sama tayong lumikha ng positibong pagbabago.

Huwag palampasin ang pagkakataong ito para sa masayang samahan at bagong kaalaman.

Aasahan namin ang inyong presensya! 😊

Maligayang kaarawan 🎉, nawa'y pagpalain ka ng mas maraming taon na hitik sa kalusugan, kasiyahan, at tagumpay. Salamat sa dedikasyon, at malasakit bilang isang mabuting Ikalawang Tagapagbalita ng Tanglaw ng Bayan.💙

𝐓𝐈𝐍𝐆𝐍𝐀𝐍 | 𝐌𝐠𝐚 𝐊𝐨𝐫𝐝𝐞𝐚𝐧𝐨, 𝐧𝐚𝐠𝐭𝐚𝐠𝐢𝐬𝐚𝐧 𝐧𝐠 𝐡𝐮𝐬𝐚𝐲 𝐬𝐚 𝐃𝐚𝐠𝐥𝐢𝐚𝐧𝐠 𝐓𝐚𝐥𝐮𝐦𝐩𝐚𝐭𝐢

Nagningas ang talino at galing ng mga Kordeano sa Dagliang Talumpati, tampok sa pagdiriwang ng Kordiwang 2025 Buwan ng Wika noong Setyembre 4 sa Sacred Heart College of Lucena City, Inc. Ipinamalas ng mga kalahok ang husay sa pagbibigay ng makabuluhang pananaw at masining na pagpapahayag na lalong nagpatibay sa pagpapahalaga sa wikang Filipino.

Sa kabila ng mahigpit na kompetisyon, nagwagi si Lourd Zxygmar M. Tierra mula sa Kolehiyo ng Sikolohiya bilang kampeon, sinundan ni Gwyneth Licuan mula sa Kolehiyo ng Parmasya na pumangalawa, at ni Katrina C. Line mula sa Kolehiyo ng Edukasyon na pumangatlo. Sa pagtatapos ng paligsahan, muling napatunayan na ang wikang Filipino ay hindi lamang midyum ng komunikasyon, kundi isang sining at tulay upang sumigla ang pagkakaisa ng mga kabataan at bayan.

🖋️: Neica Mae Vinson
📷: Frank Luis Ramirez

𝐓𝐈𝐆𝐍𝐀𝐍 | 𝐓𝐚𝐥𝐢𝐧𝐨 𝐧𝐠 𝐒𝐢𝐧𝐢𝐧𝐠 𝐊𝐨𝐦𝐮𝐧𝐢𝐤𝐚𝐬𝐲𝐨𝐧, 𝐁𝐮𝐦𝐢𝐝𝐚 𝐬𝐚 𝐁𝐮𝐧𝐨𝐧𝐠-𝐈𝐬𝐢𝐩

Muling umalab ang talino at galing ng mga mag-aaral sa patimpalak na Bunong-Isip, tampok sa Kordiwang 2025 bilang bahagi ng pagdiriwang ng Buwan ng Wika. Ipinamalas ng koponan mula sa Kolehiyo ng Sining Komunikasyon ang husay sa pagsagot at lalim ng pag-unawa sa mga tanong, dahilan upang sila’y tanghaling kampeon sa naturang paligsahan.

Binubuo ang panalong koponan nina Paolo B. Abril, Mariel O. Gequi, at Paula Therese P. Jaranilla, na nagpakitang-gilas sa bawat round ng kompetisyon. Sa kanilang matatag na samahan at matalinong diskurso, napatunayan nilang ang sining ng komunikasyon ay hindi lamang sa salita, kundi pati sa talas ng isip. Pumangalawa naman sina Lhexia Vhanessa Nanad, Marx Domenic Regio, at Raben Oabel mula sa Kolehiyo ng Edukasyon at nakamit naman nina Dandan Gerero, Sam Tanafranca, at Mikepaul Banderada mula sa Kolehiyo ng Agham Pangkompyuter ang Ikatlong pwesto.

✒️: Roan Ashaneth A. Barlas
📷: Frank Luis Ramirez

"Ang wika ay hindi lamang salita; ito ang kaluluwa ng ating kultura at pagkakakilanlan." 🇵🇭

Maraming salamat sa lahat ng nakilahok sa Organizational Festival noong Agosto 15, 2025. Sa mga g**o, mag-aaral, at mga tagasuporta ng Tanglaw ng Bayan, maraming salamat sa inyong pagtulong upang maisulong ang programa na ito.🩵

Pagyamanin ang ating kultura, at mahalin ang wikang Filipino. ❤️🇵🇭

Ang kadakilaan ay hindi matatagpuan sa mga ari-arian, kapangyarihan, posisyon, o prestihiyo. Ito ay natuklasan sa kabutihan, kababaang-loob, paglilingkod, at pagkatao."-William Arthur Ward

Mga Bagong Opisyales ng Tanglaw ng Bayan(2025-2026) ✍🇵🇭

•Pangulo: Alexsandra J. Reyes
•Ikalawang Pangulo: Novy Marin
•Kalihim: Ramon Oliveros
•Katuwang na Kalihim: Alexa Conchada
•Ingat-Yaman: Angelo John Vincent Baylen
•Tagapagsuri: Kathlea Pabellano
•Tagapagbalita:
1.Jessa Mae Mendoza
2.Marc Dexter Vargas

Magkaisa sa diwa, sama-sama sa gawa. 💙

Ngayong Hunyo 12, ginugunita natin ang tapang at sakripisyo ng mga bayaning lumaban para sa ating kasarinlan. Nawa'y manatili sa ating puso ang diwa ng kalayaan—ipinaglalaban, pinangangalagaan, at isinasabuhay sa bawat araw.

Maligayang Araw ng Kalayaan! 🇵🇭 ✨

Isang mainit na pagbati sa mga bagong halal na opisyales ng Tanglaw ng Bayan!
Nawa’y magsilbi kayong tunay na tanglaw ng katotohanan at pagkakaisa. Ang inyong tagumpay ay simula pa lamang ng mas malaking tungkulin—ang maging tinig at lakas ng bawat miyembro ng ating organisasyon. Hangad namin ang inyong matagumpay at makabuluhang pamumuno. Mabuhay kayo at ang Tanglaw ng Bayan! 🌟🇵🇭

🫡Pangulo: Alexsandra Reyes
👱‍♀️Ikalawang Pangulo: Novy Marin
✍️Kalihim: Ramjay Oliveros
📜Ikalawang Kalihim: Alexa Conchada
💸Ingat-Yaman: Angelo Baylen
🕵‍♀️Tagasuri: Kathlea Pabellano
🗣️Tagapagbalita: Jessa Mendoza
📣Tagapagbalita: Mark Vargas