26/08/2026
| ๐ฆ๐๐ฆ๐จ ๐ธ๐ถ๐ป๐ถ๐น๐ฎ๐น๐ฎ ๐ป๐ด ๐๐๐ ๐ฃ ๐๐๐๐๐๐๐ฅ๐ญ๐ข๐ก ๐ฏ๐ถ๐น๐ฎ๐ป๐ด ๐ป๐ฎ๐๐ฎ๐๐ฎ๐ป๐ด๐ถ๐ป๐ด ๐๐ฎ๐ด๐ฎ๐ฝ๐ฎ๐ด๐ฏ๐ถ๐ด๐ฎ๐ ๐ป๐ด ๐๐ฒ๐ฟ๐ฏ๐ถ๐๐๐ผ
Kinilala ang Southern Luzon State University (SLSU) bilang isa sa mga natatanging tagapagbigay ng serbisyo at katuwang ng Bureau of Jail Management and Penology (BJMP) CALABARZON sa ika-35 anibersaryo ng ahensya na ginanap sa Lungsod ng Calamba noong Agosto 20.
Ang pagkilala ay kaugnay ng proyektong pananaliksik na pinondohan ng Department of Science and TechnologyโPhilippine Council for Agriculture, Aquatic and Natural Resources Research and Development (DOST-PCAARRD). Pinangunahan ito nina Dr. Chona V. Cayabat, Dr. Leomar โMiaโ C. Miano, Regent Gino A. Cabrera, Dr. Mari Jane A. Lee, at Dr. Claire Ann M. Yao, kasama sina James M. Sarmiento, Jerick A. Besalo, at Cydrick N. Magbuhos.
Bunga ng proyekto, nabuo ang AGAP Farmers Alliance Agriculture Cooperative (AFAAC) na ngayon ay katuwang ng BJMP sa paghahatid ng sariwang gulay sa mga pasilidad nito. Sa pamamagitan ng ugnayang ito, nagkaroon ng pamilihan para sa mga lokal na magsasaka habang natutugunan ang pangangailangan sa pagkain ng mga Persons Deprived of Liberty (PDLs).
Ipinakikita ng pakikipagtulungang ito kung paano maisasalin ang pananaliksik tungo sa praktikal at napapanatiling programa para sa komunidad sa pamamagitan ng pag-uugnay sa mga magsasaka, institusyon ng pamahalaan, at lokal na pamilihan. Sa pamamagitan ng inisyatiba, nabibigyan ang mga magsasaka ng potensyal at maaasahang pamilihan, habang nagkakaroon naman ang BJMP ng karagdagang mapagkukunan ng sariwang produktong agrikultural.
Binibigyang-diin din ng SLSU-BJMP-AFAAC partnership ang mas malawak na papel ng SLSU sa pagsusulong ng pananaliksik na may konkretong pakinabang sa mga komunidad at sa pagpapatibay sa ugnayan ng akademya at pamahalaan.
Sa temang โDisiplina at Responsibilidad, Sandigan sa Serbisyong May Kredibilidad,โ ipinagdiwang ng BJMP CALABARZON ang kanilang serbisyo at pinarangalan ang iba pang katuwang na institusyon at organisasyon na nag-ambag sa makatao at epektibong serbisyo para sa mga PDLs.
// Panulat: Gino A. Cabrera
// Lapat: April Arianne A. de Leon
// Larawan: SLSU CABHA DOST-PCAARRD & BJMP CALABARZON page
