10/04/2024
https://www.facebook.com/share/p/9jnKJ9ztahvxvc5r/?mibextid=WC7FNe
OPISYAL NA PAHAYAG
Sa pagpapabilis ng calendar shift
10 Abril 2024 - Sa ilalim ng DepEd Order No. 3, nakasaad na ang unti-unting paglilipat ng school calendar ay resulta ng malawakang konsultasyon kasama ang field personnel, student leaders, parent organizations, at teacher organizations. Ang iskedyul ng paglipat ay napagkasunduan ng iba't ibang stakeholders.
Upang matiyak na hindi makokompromiso ang learning outcomes at breaks, ang orihinal na ipinanukala ay ang 5-year period para sa unti-unting pagbabalik sa April-May break. Bilang resulta ng nasabing mga konsultasyon, ginawang 2 taon na lamang ang orihinal na 5 taong unti-unting pagbabalik dito. Magdudulot ng malaking pagbabago ang higit na pagpapaikli ng timeline hindi lamang sa learning outcomes kundi pati na rin sa kapakanan ng learners at teachers dahil sa kakulungan ng kinakailangang school break.
Ayon sa naipatupad na polisiya, maaaring magpatupad ng Alternative Delivery Modes (ADM) ang mga paaralan kung mayroong man-made o natural disasters, kabilang ang weather disturbances.
Sa ngayon, 5,844 ng 47,678 pampublikong paaralan sa buong bansa ang lumipat na sa ADMs. Malinaw na ipinapakita nito ang hindi pare-parehong sitwasyon ng bawat paaralan. Samakatuwid, ang pagbibigay desisyon kung lilipat sa ADMs ay nakaayon na sa mga school head — kung saan siya ang nasa pinakaangkop na posisyon upang suriin ang learning environment — ay nagbibigay ng mas agaran at epektibong pagtugon sa init ng panahon sa halip ng pagkakaroon ng biglaang mga pagbabago na siyang mas higit na makakapagkompromiso sa learning recovery.
Makatitiyak ang publiko na ang DepEd ay nakatuon sa pagpapabuti ng kalidad ng basic education at patuloy na makikipag-ugnayan sa Pangulo kaugnay ng kanyang naging pahayag tungkol sa paglilipat ng school calendar matapos siyang makabalik mula sa Trilateral Summit.
Salamat.
[Full article (English): https://www.deped.gov.ph/2024/04/11/on-speeding-up-the-calendar-shift/]
