Macael Elementary School

05/09/2026

🇵🇭✨ PANGWAKAS NA PAGDIRIWANG NG BUWAN NG WIKA AT ASEAN🌏

Matagumpay at makabuluhan ang ating Pangwakas na Pagdiriwang ng Buwan ng Wika at ASEAN, na pinatingkad ng malikhaing KULTURA BOOTH CONTEST ng bawat baitang at seksyon. 🎉

Itinampok ng ating mga mag-aaral, kasama ang mga g**o at magulang, ang yaman ng kulturang Pilipino. Mula sa mga tradisyon, sinaunang kagamitan at artifact, hanggang sa mga kakaning minana sa mga naunang salinlahi tulad ng biko, ibos, sinapot, at turon.🇵🇭❤️

Higit sa isang paligsahan, ang Kultura Booth ay naging makabuluhang karanasan sa pagkatuto, pagpapahalaga, at pagpapanatili ng ating kultura.

Taos-pusong pasasalamat kay Gng. Jinneva Liolio, Filipino Coordinator sa mahusay na direksiyon at paggabay; kay Gng. Eva Quintano, School Head, sa walang-sawang suporta; at sa lahat ng g**o sa kanilang pakikiisa at pagtutulungan.

Maraming salamat din sa ating mga hurado sa oras at panahon na kanilang inilaan, at higit sa lahat, sa ating mga magulang na buong puso ang pakikiisa at suporta. 💛

Kultura natin, kayamanan natin. Ipagmalaki, pahalagahan, at ipasa sa susunod na henerasyon!

Mabuhay ang Kulturang Pilipino!
Mabuhay ang Pagkakaisa!

05/09/2026

Taos-pusong pagbati sa ating mga mag-aaral na buong tapang na lumahok sa katatapos na District Press Conference ng West District!👏🎉

PAGBATI SA ATING MGA NAGKAMIT NG PARANGAL!

📌 Diana Pesino – 4th Placer
Science & Technology Writing – Filipino
Tagapagsanay: Sainie P. Cipriano

📌 Dylene Gie Owog-Owog – 5th Placer
News Writing – Filipino
Tagapagsanay: Sainie P. Cipriano

📌 Sofia C. Garcia – 5th Placer
Editorial Cartooning – English
Tagapagsanay: Jinneva A. Liolio

📌 Jaira Melgar – 5th Placer
📸 Photojournalism – English
Tagapagsanay: Lihlah Perillo

PAGBATI DIN SA ATING MASISIPAG NA PARTICIPANTS!

🌟 Elieza Jane Baronda
🌟Shane Belarma
🌟 Kylie Buenafe

Hindi man lahat ay nakauwi na may medalya, tandaan ninyo na bawat karanasan, pagsubok, at pagtatangka ay bahagi ng inyong paglalakbay tungo sa tagumpay. Ang inyong tapang na humarap sa kompetisyon at ibahagi ang inyong talento ay isa nang tagumpay na dapat ipagmalaki. ❤️

Patuloy na magsulat, mangarap, at maniwala sa inyong kakayahan!

06/08/2026

Magkasabay, Magkaagapay!💚🍛🥣🌱🍀

"Mula sa Gulayan, Tungo sa Hapag, Mula sa Hapag, Tungo sa Pangarap."

Ang Gulayan sa Paaralan (GPP) at School-Based Feeding Program (SBFP) ay tunay na magkahawak-kamay sa iisang layunin—ang mabigyan ang ating mag aaral ng masustansyang pagkain, malusog na pangangatawan, at mas maliwanag na kinabukasan.

Mula sa sariwang ani ng ating paaralang gulayan at SBFP, napupuno ang bawat pinggan ng pagmamahal, malasakit, at pag-asa. Dahil kapag sama-sama ang paaralan, mga magulang, at komunidad, mas masagana ang ani at mas masigla ang mga bata.

Maraming salamat sa sama-samamg pagkilos.

Sa Diyos ang lahat ng papuri at luwalhati sa bawat ani, bawat biyaya, at bawat ngiti ng ating mga mag aaral.

03/08/2026

03/08/2026

🇵🇭Ang Macael Elementary School ay buong pusong nakiisa sa pagdiriwang ng Pagbubukas ng Buwan ng Wikang Pambansa at Buwan ng ASEAN!

Alinsunod sa tema ng Buwan ng Wikang Pambansa 2026 na "Wikang Filipino at AI: Kasangkapan sa Pananaliksik at Tulay sa Yaman ng Impormasyon," patuloy nating pinahahalagahan ang wikang Filipino habang sinasabayan ang makabagong teknolohiya bilang katuwang sa pagkatuto at pananaliksik.

Bilang bahagi ng pagdiriwang, masayang nakiisa ang ating mga mag-aaral sa:
🇦🇸 Pagwagayway ng mga watawat ng mga bansang kabilang sa ASEAN
👘 Pagsusuot ng iba't ibang tradisyunal na kasuotan ng mga bansang kasapi ng ASEAN

Sa pamamagitan ng mga gawaing ito, naipakita ng ating mga mag-aaral ang pagmamahal sa sariling wika, paggalang sa iba’t ibang kultura, at pagpapahalaga sa pagkakaisa ng mga bansang bumubuo ng ASEAN.

Mabuhay ang Wikang Filipino! Mabuhay ang ASEAN! 💙❤️💛

26/07/2026

🌱 Unang Linggo ng School-Based Feeding Program (SBFP) | Macael Elementary School 💚🍽️
July 20-24, 2026

Matagumpay na naisakatuparan ang unang linggo ng School-Based Feeding Program (SBFP) sa Macael Elementary School—isang linggo ng pagtutulungan, at pangangalaga sa kalusugan ng ating mga mag-aaral sa pamumuno ng ating punong**o Ma'am Eva D. Quintano.

Ipinamulat sa mga bata ang tamang mga gawain bago ang pagkain tulad ng: tamang paghuhugas ng kamay, kasunod ang sama-samang panalangin bilang pasasalamat sa biyaya ng pagkain, at ang masayang pagsasalo sa masustansya at mainit na pagkain. Pagkatapos kumain, isinasagawa ang pagsisipilyo ng ngipin bilang bahagi ng pagpapanatili ng wastong kalinisan at kalusugan.

Mas lalo pang naging makahulugan ang programa sa paggamit ng mga ani mula sa ating Gulayan sa Paaralan, tulad ng talong, petsay, kangkong, spring onion, malunggay, at iba pang sariwang gulay na nagsilbing sangkap sa mga pagkaing inihain sa ating mga mag-aaral. Patunay ito na ang ating gulayan ay hindi lamang nagsisilbing lugar ng pagkatuto, kundi tunay na katuwang sa pagbibigay ng ligtas, sariwa, at masustansyang pagkain sa ilalim ng SBFP.

Ang SBFP ay hindi lamang programa sa pagpapakain—ito ay isang programang humuhubog sa mga batang may malusog na pangangatawan, wastong kalinisan, disiplina, at pagpapahalaga sa wastong nutrisyon at agrikultura.

Taos-pusong pasasalamat sa ating mga G**o, School SBFP Core Group-mga Magulang na boluntaryo sa SBFP, Gulayan sa Paaralan Team, at lahat ng mga katuwang at stakeholder na nagbigay ng sisidlan ng pagkain. Ang iyong pagod, at pagmamahal ay naging sangkalan upang maging matagumpay ang unang linggo ng implementasyon.

Sama-sama nating itaguyod ang bawat batang busog, malusog, masigla, at handang matuto! 💚🌾🍲

25/06/2026

✨ GRATITUDE IN ACTION! ✨

Ang Macael Elementary School ay taos-pusong nagpapasalamat sa Ligao West Central Elementary School (POBLACION), sa pangunguna ni Gng. Angelyn D. Talavera, para sa mga ipinagkaloob na learner's desks at armchairs para sa aming mga mag-aaral.

Maraming salamat din sa Barangay Council Ng Pandan, Ligao City sa pangunguna ni Brgy Capt. Norman Manlangit, para sa kanilang tulong sa paghahakot ng mga upuan.

💙 Isang patunay na sa pagkakaisa at bayanihan, mas napapabuti natin ang kinabukasan ng ating mga mag-aaral.

Maraming salamat po sa inyong suporta at malasakit!

18/06/2026

🚨 DUCK, COVER, AND HOLD! 🚨

Muling nakiisa ang Macael Elementary School sa 2nd Quarter Nationwide Simultaneous Earthquake Drill (NSED) 2026 upang patuloy na ihanda ang ating mga mag-aaral sa tamang pagkilos sa oras ng lindol at iba pang sakuna.

Sa pamamagitan ng aktibong pakikilahok ng mga mag-aaral, g**o, at kawani, matagumpay na naisagawa ang earthquake drill kung saan ipinakita ang wastong pagsunod sa "Duck, Cover, and Hold" at maayos na paglikas patungo sa ligtas na lugar.

💡 Ang paghahanda ngayon ay kaligtasan bukas. Sa bawat drill na ating isinasagawa, mas napapalakas natin ang kaalaman, disiplina, at kahandaan ng bawat isa sa oras ng sakuna.

👏 Palakpakan ang ating mga batang Macaelians na nagpakita ng pagiging alerto, responsable, at handa sa anumang hamon!

✅ Handa sa Lindol!
✅ Handa sa Sakuna!
✅ Handa para sa Kaligtasan!

💙 Sama-sama nating isulong ang isang ligtas at matatag na paaralan para sa lahat.

02/06/2026

🌟📚 ARAL Summer Program 2026 Completion Day 📚🌟
Isang matagumpay na pagtatapos ng ARAL Summer Program 2026 sa Macael Elementary School!

Taos-pusong pasasalamat sa ating mga ARAL Tutors, mga magulang, at sa lahat ng sumuporta sa programang ito. Dahil sa inyong oras, dedikasyon, at pakikiisa, naging makabuluhan at matagumpay ang paglalakbay ng ating mga mag-aaral.

Sa ating mga completers, congratulations! 🎉 Patuloy ninyong dalhin ang mga aral at inspirasyong inyong natutunan.

Munting hakbang ngayon, malaking tagumpay bukas! ✨