01/04/2026
Taos-pusong pasasalamat ang ipinapaabot ng pamunuan ng San Isidro Labac Elementary School kina Gng. Lyka Alcaraz, Panauhing Tagapagsalita sa Kindergarten Moving Up Ceremony, at Gng. Prisca Alcaraz, Panauhing Tagapagsalita sa Pagtatapos ng aming mga Grade 6 na mag-aaral. Ang inyong mga makabuluhan at pusong mensahe ay nagsilbing tanglaw ng inspirasyon, lakas ng loob, at gabay sa aming mga batang magsisimula at magtatapos sa isang mahalagang yugto ng kanilang pag-aaral.
Sa pamamagitan ng inyong pagbabahagi ng karunungan at karanasan, nabigyang-halaga ninyo ang kahalagahan ng pagsisikap, pangarap, at pagtitiyaga. Ang inyong presensya ay hindi lamang nagbigay kulay at dangal sa okasyon, kundi nag-iwan din ng mga aral na tiyak na dadalhin ng aming mga mag-aaral sa kanilang susunod na hakbang tungo sa tagumpay.
Maraming salamat po sa inyong oras, suporta, at malasakit sa edukasyon. Nawa’y patuloy pa kayong maging inspirasyon sa kabataan at instrumento ng pagbabago sa ating lipunan. Ang inyong kontribusyon ay mananatiling bahagi ng aming alaala at tagumpay bilang isang paaralan.
