19/09/2026
Congratulations, Kathryn Andrea B. Imperial, SELG Grade VI-Representative, and her coach, Sir Cristian! We are so proud of you! ❤️
MAINIT NA BALITA | BATANG CANANTONG, DIRETSO SA RSPC!
Kathryn Andrea Imperial, 2nd Place sa Division Press Con; RSPC Qualifier!
CANANTONG, LAUR, NUEVA ECIJA — Kasaysayan ang muling isinulat ng Canantong Elementary School matapos makamit ni Kathryn Andrea P. Imperial ang ikalawang puwesto sa News Writing Filipino sa ginanap na Division Schools Press Conference sa St. Domingo, Nueva Ecija, na nagkwalipika sa kaniya sa Regional Schools Press Conference (RSPC).
Sa husay, tiyaga, at dedikasyon sa pamamahayag, matagumpay na naitanghal ni Kathryn ang pangalan ng Canantong ES sa larangan ng pamamahayag, sa ilalim ng paggabay ng kaniyang coach na si Sir Cristian John C. Aquino.
Ang tagumpay na ito ay makasaysayan para sa Canantong ES, sapagkat ito ang kauna-unahang pagkakataong nakamit ng paaralan ang ganitong karangalan sa News Writing Filipino sa Division Press Conference.
Nagpaabot naman ng pagbati at pagkilala ang buong paaralan, sa pangunguna ng School Head na si Mam Anabel A. Nequia, sa natamong tagumpay ni Kathryn at sa dedikasyon ng kaniyang coach. Ipinagmamalaki ng Canantong ES Family ang tagumpay na ito na nagbibigay-inspirasyon sa mga batang Laurean na patuloy na mangarap at magsikap.
Mula sa Canantong, handa na si Kathryn na dalhin ang kaniyang talento at husay sa susunod na antas ng kompetisyon—ang RSPC!
Isang panulat, isang pangarap, isang makasaysayang tagumpay!
Congratulations, Kathryn Imperial! Buong Canantong ES Family ay ipinagmamalaki ka!
