Kapisanang Inang Wika MMSU CTE

𝗣𝗔𝗠𝗣𝗜𝗡𝗜𝗗 𝗡𝗔 𝗣𝗔𝗟𝗔𝗧𝗨𝗡𝗧𝗨𝗡𝗔𝗡 𝟮𝟬𝟮𝟲: 𝗜𝗦𝗔𝗡𝗚 𝗣𝗔𝗚𝗗𝗜𝗥𝗜𝗪𝗔𝗡𝗚, 𝗜𝗦𝗔𝗡𝗚 𝗣𝗔𝗚𝗠𝗔𝗠𝗔𝗟𝗔𝗞𝗜 🇵🇭✨

MAGANDANG ARAW, RABBIS!

Agosto 24, 2026 — isang makulay at makabuluhang pagtatapos ang naghihintay sa Pampinid na Palatuntunan, bilang huling yugto ng ating pagdiriwang ng wika, kultura, talento, at pagkakakilanlang Pilipino.

Mula sa mga paligsahan, pagtatanghal, at iba’t ibang gawaing nagbigay-buhay sa ating pagdiriwang, sama-sama nating balikan at ipagdiwang ang mga natatanging sandali na nagbuklod sa atin.

At bilang bahagi ng natatanging araw na ito, kinakailangang magsuot ang lahat ng mga estudyante ng tradisyonal o modernong kasuotang Filipino. Maaaring isuot ang Barong Tagalog, Filipiniana, at iba pang kasuotang sumasalamin sa ating kulturang Pilipino. 👔🌺

Sa bawat kasuotan ay may kuwentong nagmula sa ating kultura. Sa bawat kulay at disenyo ay naroon ang ating pagkakakilanlan. At sa bawat Pilipinong buong pagmamalaking nagsusuot nito, patuloy na nabubuhay ang pagmamahal sa sariling atin.

Kaya’t sa pagtatapos ng ating pagdiriwang, isuot natin ang ating kultura, ipakita ang ating pagmamalaki, at sama-sama nating gawing makabuluhan ang pagdiriwang na ito nang may pagmamalaki at pagmamahal sa salamin ng ating kasarinlan.

𝗠𝗮𝗴𝗱𝗶𝘄𝗮𝗻𝗴. 𝗠𝗮𝗴𝘀𝗮𝗺𝗮-𝘀𝗮𝗺𝗮. 𝗜𝗽𝗮𝗴𝗺𝗮𝗹𝗮𝗸𝗶 𝗮𝗻𝗴 𝗪𝗶𝗸𝗮 𝗮𝘁 𝗞𝘂𝗹𝘁𝘂𝗿𝗮. 🇵🇭✨

𝗛𝗮𝗹𝗶𝗻𝗮’𝘁 𝗶𝗽𝗮𝗴𝗱𝗶𝘄𝗮𝗻𝗴 𝗮𝗻𝗴 𝘀𝗮𝗿𝗶𝗹𝗶𝗻𝗴 𝗮𝘁𝗶𝗻—𝗻𝗮𝗸𝗮𝘀𝘂𝗼𝘁 𝗮𝗻𝗴 𝗸𝘂𝗹𝘁𝘂𝗿𝗮, 𝗻𝗮𝗸𝗮𝘁𝗮𝘁𝗮𝗸 𝗮𝗻𝗴 𝗽𝗮𝗴𝗺𝗮𝗺𝗮𝗹𝗮𝗸𝗶! 🇵🇭🌺

𝗡𝗔𝗦𝗔 𝗟𝗔𝗥𝗔𝗪𝗔𝗡 | 𝗜𝗞𝗔𝗟𝗔𝗪𝗔𝗡𝗚 𝗦𝗘𝗥𝗬𝗘 𝗡𝗚 𝗪𝗘𝗕𝗜𝗡𝗔𝗥 𝗣𝗔𝗥𝗔 𝗦𝗔 𝗕𝗨𝗪𝗔𝗡 𝗡𝗚 𝗪𝗜𝗞𝗔𝗡𝗚 𝗣𝗔𝗠𝗕𝗔𝗡𝗦𝗔 𝟮𝟬𝟮𝟲

Nagpatuloy ang makabuluhang pagtalakay sa ugnayan ng wika at teknolohiya sa ikalawang serye ng webinar para sa pagdiriwang ng Buwan ng Wikang Pambansa 2026.

Pinangunahan ni 𝐆. 𝐑𝐚𝐥𝐩𝐡 𝐇𝐨𝐰𝐚𝐫𝐝 𝐌. 𝐀𝐧𝐠𝐞𝐥𝐞𝐬 ang talakayan na nakatuon sa paksang “𝗔𝗜 𝘀𝗮 𝗣𝗮𝗴𝘀𝗮𝘀𝗮𝗹𝗶𝗻: 𝗣𝗮𝗴𝗽𝗮𝗽𝗮𝗹𝗮𝘄𝗮𝗸 𝗻𝗴 𝗔𝗸𝘀𝗲𝘀 𝘀𝗮 𝗞𝗮𝗮𝗹𝗮𝗺𝗮𝗻 𝘀𝗮 𝗪𝗶𝗸𝗮𝗻𝗴 𝗙𝗶𝗹𝗶𝗽𝗶𝗻𝗼.”

Binigyang-tuon sa talakayan ang paggamit ng Artificial Intelligence sa pagsasalin bilang paraan upang mapalawak ang akses sa impormasyon at kaalaman sa Wikang Filipino. Tinalakay rin ang potensiyal nito sa paghahabi ng ugnayan sa pagitan ng mga wika at sa pagpapadali ng pag-unawa sa mga tekstong nagmumula sa iba’t ibang wika.

Sa pamamagitan ng talakayan, higit na nabigyang-diin ang kahalagahan ng teknolohiya bilang katuwang sa pagpapalaganap ng kaalaman, habang patuloy na pinayayaman at pinauunlad ang paggamit ng Wikang Filipino sa panahon ng AI.

Tunay ngang ang Wikang Filipino ay nakasasabay sa modernisasyon, patuloy na umuunlad at yumayabong kasabay ng mabilis na pag-unlad ng teknolohiya.

𝗠𝗮𝗯𝘂𝗵𝗮𝘆 𝗮𝗻𝗴 𝗪𝗶𝗸𝗮𝗻𝗴 𝗙𝗶𝗹𝗶𝗽𝗶𝗻𝗼!🔥

Bilang bahagi ng pagdiriwang ng Buwan ng Wika 2026, malugod na inaanyayahan ang lahat na makiisa sa unang serye ng webinar na gaganapin sa 08 Agosto, 2026 (Sabado), 10:00 n.u. hanggang 12:00 n.t., na pangungunahan ni 𝐆. 𝐑𝐚𝐥𝐩𝐡 𝐇𝐨𝐰𝐚𝐫𝐝 𝐌. 𝐀𝐧𝐠𝐞𝐥𝐞𝐬, Junior Teacher 1, St. Paul College of Ilocos Sur.

Tunghayan ang kaniyang pagtalakay sa paksang “𝗔𝗜 𝘀𝗮 𝗣𝗮𝗴𝘀𝗮𝘀𝗮𝗹𝗶𝗻: 𝗣𝗮𝗴𝗽𝗮𝗽𝗮𝗹𝗮𝘄𝗮𝗸 𝗻𝗴 𝗔𝗸𝘀𝗲𝘀 𝘀𝗮 𝗞𝗮𝗮𝗹𝗮𝗺𝗮𝗻 𝘀𝗮 𝗪𝗶𝗸𝗮𝗻𝗴 𝗙𝗶𝗹𝗶𝗽𝗶𝗻𝗼,” na magbibigay ng mahahalagang pananaw sa paggamit ng artificial intelligence bilang katuwang sa pananaliksik, pagtuturo, at pagkatuto ng Wikang Filipino.

Inaasahan ang inyong pakikiisa sa makabuluhang talakayang ito na magbibigay ng mga bagong pananaw sa ugnayan ng wika, edukasyon, at teknolohiya.

Maaaring i-access ang link dito: https://meet.google.com/mhn-dgbr-bzp

Kitakits, mga KaWika!

𝗠𝗮𝗹𝗶𝗴𝗮𝘆𝗮𝗻𝗴 𝗞𝗮𝗮𝗿𝗮𝘄𝗮𝗻, 𝗕𝗯. 𝗔𝗹𝗲𝘅𝗮𝗻𝗱𝗿𝗮!🎉🌷

Isang mainit na pagbati sa ating 𝐏𝐚𝐧𝐠𝐚𝐥𝐚𝐰𝐚𝐧𝐠 𝐊𝐚𝐥𝐢𝐡𝐢𝐦!💐

Sa ngalan ng buong Kapisanan, taos-puso naming ipinapaabot ang aming pagbati sa iyong kaarawan. Maraming salamat sa iyong sipag, dedikasyon, at mahalagang paglilingkod sa ating kapisanan.

Nawa’y maging makabuluhan at puno ng masasayang sandali ang iyong bagong taon. Ipagpatuloy mo ang iyong sipag, malasakit, at pagiging inspirasyon sa iba. Samahan ka sana ng saya at tagumpay sa panibagong yugto ng iyong buhay.

Maligayang kaarawan, Bb. Alexandra! 🎂✨

𝗠𝗔𝗞𝗜𝗪𝗥𝗔𝗠𝗣𝗔 𝗔𝗧 𝗪𝗜𝗞𝗔𝗥𝗔𝗡𝗚𝗔𝗟𝗔𝗡: 𝗦𝗔 𝗕𝗔𝗪𝗔𝗧 𝗛𝗔𝗞𝗕𝗔𝗡𝗚, 𝗞𝗨𝗟𝗧𝗨𝗥𝗔; 𝗦𝗔 𝗕𝗔𝗪𝗔𝗧 𝗧𝗜𝗡𝗚𝗜𝗡, 𝗞𝗔𝗥𝗔𝗡𝗚𝗔𝗟𝗔𝗡.

Sa bawat kumpas ng kasuotan, sa bawat yapak sa rampa, at sa bawat palakpak na umalingawngaw, muling nabigyang-tinig ang kulturang matagal nang nakaukit sa ating kasaysayan. Ang MAKIWRAMPA ay naging isang entablado kung saan nagtagpo ang hibla ng tradisyon at sinulid ng makabagong henerasyon—mula sa maringal na Barong Tagalog at sa makukulay na anyo ng Filipiniana hanggang sa kinang ng mga medalya at dangal sa bawat sertipiko.

Ngunit higit sa kasuotan, ang tunay na ipinakita sa rampa ay pagmamalaki.

Sapagkat ang damit ay maaaring isuot, ngunit ang kulturang kinakatawan nito ay dapat dalhin sa puso.

At habang ang mga yapak ay nag-iwan ng bakas sa entablado, ang WIKARANGALAN naman ay nagsilbing tanglaw sa mga pangarap na nagningning sa iba’t ibang patimpalak. Isa-isang binigyang-pugay ang mga tinig, isip, kamay, at pusong naglaan ng panahon at talento para sa wika at kultura.

Sa araw na ito, hindi lamang mga pangalan ang itinampok.

Mga kuwento ang binigyang-karangalan.

Mga talento ang binigyang-liwanag.

At isang kulturang Pilipino ang muling ipinagmamalaki.

Ang bawat medalya ay maaaring humimlay sa isang sulok lamang, ngunit ang karangalang nakaukit sa likod nito ay mananatili bilang paalala: ang husay ay bunga ng sipag, ang tagumpay ay bunga ng tapang, at ang karangalan ay higit na makahulugan kapag ito’y iniaalay sa kulturang ating pinagmulan.

Sa isang entablado, nagsanib ang ganda ng pinagmulan at dangal ng pagkakakilanlan—ang sining ng pagpapakita at ang sining ng pagkilala.

Sapagkat kung ang wika ang ugat, ang kultura ang katawan, at ang kabataan ang mga sanga, ang bawat tagumpay na ipinagdiriwang natin ngayon ay isa pang dahong sumisibol sa punong tinatawag nating Pilipino.

📸 Narito ang mga sandaling hindi lamang kinuhanan ng kamera—kundi mga sandaling naging bahagi ng ating kuwento.

At sa bawat hibla ng kasuotan, sa bawat hakbang sa entablado, at sa bawat tagumpay na ating ipinagdiriwang— naroon ang kuwentong patuloy nating isinasabuhay.

MAKIWRAMPA AT WIKARANGALAN
Isang entablado. Isang kultura. Isang karangalan.

𝗠𝗔𝗞𝗜𝗪𝗥𝗔𝗠𝗣𝗔 𝗔𝗧 𝗪𝗜𝗞𝗔𝗥𝗔𝗡𝗚𝗔𝗟𝗔𝗡: 𝗞𝗨𝗟𝗧𝗨𝗥𝗔, 𝗧𝗔𝗟𝗘𝗡𝗧𝗢, 𝗔𝗧 𝗞𝗔𝗥𝗔𝗡𝗚𝗔𝗟𝗔𝗡 𝗦𝗔 𝗜𝗦𝗔𝗡𝗚 𝗘𝗡𝗧𝗔𝗕𝗟𝗔𝗗𝗢! 🇵🇭✨

Ngayong araw, masasaksihan ang MAKIWRAMPA AT WIKARANGALAN, isang natatanging patimpalak na inihahandog ng Kapisanang Inang Wika bilang bahagi ng pagdiriwang ng ating wika, kultura, talento, at pagkakakilanlan bilang Pilipino.

Sa 𝗠𝗔𝗞𝗜𝗪𝗥𝗔𝗠𝗣𝗔, tampok ang ganda at yaman ng kulturang Pilipino sa pamamagitan ng pagsusuot ng mga tradisyonal at modernong kasuotang Filipino, kabilang ang maringal na Barong Tagalog at Filipiniana. Sa bawat hakbang sa rampa, muling mabibigyang-buhay ang ating kultura at maipapakita ang pagmamalaki sa ating pagka-Pilipino. 💖

Samantala, sa 𝗪𝗜𝗞𝗔𝗥𝗔𝗡𝗚𝗔𝗟𝗔𝗡, bibigyang-pugay ang mga nagwagi sa iba’t ibang patimpalak na isinagawa mula sa online at maging sa face-to-face. Sila ang mga nagpakita ng husay, talento, sipag, at dedikasyon sa kani-kanilang larangan. 🏆👏

Higit pa sa isang paligsahan, ang MAKIWRAMPA AT WIKARANGALAN ay isang pagdiriwang ng kung ano ang ating ipinagmamalaki maging ang ating kultura, wika, talento, at maging ang mga taong nagbibigay-kulay at karangalan sa Kapisanang Inang Wika.

Sino-sino kaya ang magpapakitang-gilas sa rampa? At sinu-sino naman ang tatanggap ng karangalang nararapat sa kanilang mga tagumpay? 👀✨

𝗛𝗮𝗹𝗶𝗻𝗮’𝘁 𝘀𝗮𝗸𝘀𝗶𝗵𝗮𝗻 𝗮𝗻𝗴 𝗸𝘂𝗹𝘁𝘂𝗿𝗮 𝗮𝘁 𝘁𝗮𝗹𝗲𝗻𝘁𝗼 𝘀𝗮 𝗿𝗮𝗺𝗽𝗮, 𝗮𝘁 𝗮𝗻𝗴 𝗺𝗴𝗮 𝘁𝗮𝗴𝘂𝗺𝗽𝗮𝘆 𝗻𝗮 𝗯𝗶𝗯𝗶𝗴𝘆𝗮𝗻𝗴-𝗽𝘂𝗴𝗮𝘆 𝘀𝗮 𝗪𝗜𝗞𝗔𝗥𝗔𝗡𝗚𝗔𝗟𝗔𝗡! 🏆✨

𝗛𝗮𝗹𝗶𝗻𝗮’𝘁 𝘀𝗮𝗸𝘀𝗶𝗵𝗮𝗻 𝗮𝗻𝗴 𝗽𝗮𝗴𝘆𝗮𝗯𝗼𝗻𝗴 𝗻𝗴 𝘁𝗮𝗹𝗲𝗻𝘁𝗼, 𝗸𝘂𝗺𝗽𝗶𝘆𝗮𝗻𝘀𝗮, 𝗮𝘁 𝗸𝗮𝗿𝗮𝗻𝗴𝗮𝗹𝗮𝗻 𝘀𝗮 𝗠𝗔𝗞𝗜𝗪𝗥𝗔𝗠𝗣𝗔 𝗔𝗧 𝗪𝗜𝗞𝗔𝗥𝗔𝗡𝗚𝗔𝗟𝗔𝗡! 🇵🇭✨

𝐊𝐀𝐏𝐀𝐆 𝐍𝐀𝐆𝐓𝐀𝐆𝐏𝐎 𝐀𝐍𝐆 𝐖𝐈𝐊𝐀 𝐀𝐓 𝐀𝐈, 𝐀𝐍𝐎𝐍𝐆 𝐊𝐔𝐖𝐄𝐍𝐓𝐎 𝐀𝐍𝐆 𝐈𝐒𝐔𝐒𝐔𝐋𝐀𝐓 𝐍𝐀𝐓𝐈𝐍?

Magandang gabi, mga ka-WIKA!

Sa panahong kaya na ng AI na lumikha ng mga larawan, salita, himig, at ideya sa isang pindot, isang tanong ang nag-aabang:

𝘈𝘯𝘰 𝘢𝘯𝘨 𝘮𝘢𝘴 𝘬𝘢𝘺𝘢 𝘯𝘢𝘵𝘪𝘯𝘨 𝘭𝘪𝘬𝘩𝘢𝘪𝘯 𝘣𝘪𝘭𝘢𝘯𝘨 𝘵𝘢𝘰?

Ngayong Agosto 19, 2026, pagsasamahin natin ang wika, imahinasyon, at teknolohiya sa iba’t ibang online na gawain:

𝗠𝗚𝗔 𝗢𝗡𝗟𝗜𝗡𝗘 𝗡𝗔 𝗔𝗞𝗧𝗜𝗕𝗜𝗗𝗔𝗗 - 𝟮 𝗞𝗶𝗻𝗮𝘁𝗮𝘄𝗮𝗻 𝗕𝗮𝘄𝗮𝘁 𝗦𝗲𝗸𝘀𝘆𝗼𝗻 (𝗥𝗘𝗤𝗨𝗜𝗥𝗘𝗗)
BuhAI ang Wika – Pagpapakatao sa Sulating AI
AIyusin ang Aimahinasyon – Paglikha ng Larawan
LikhaTek: AI Kaagapay Ko – AI-Assisted Poster Making
KasAIbihan – Pagbuo ng Sariling Kasabihan
TulAI – Pagsulat ng Tula
ImpormAIsyon – Paggawa ng Infographic
BuhAI ng Salita: Boses Ko, Kuwento Ko – Spoken Word Poetry

𝗠𝗚𝗔 𝗢𝗡𝗟𝗜𝗡𝗘 𝗡𝗚𝗔 𝗔𝗞𝗧𝗜𝗕𝗜𝗗𝗔𝗗 - 𝟭 𝗘𝗻𝘁𝗿𝘆 𝗕𝗮𝘄𝗮𝘁 𝗦𝗲𝗸𝘀𝘆𝗼𝗻 (𝗥𝗘𝗤𝗨𝗜𝗥𝗘𝗗)
REELidad – Reels
MusikAIhan / Musikahan – AI Assisted Jingle

𝘒𝘢𝘺𝘢, 𝘮𝘨𝘢 𝘬𝘢-𝘞𝘐𝘒𝘈, 𝘩𝘢𝘯𝘥𝘢 𝘯𝘢 𝘣𝘢 𝘬𝘢𝘺𝘰?

𝘐𝘩𝘢𝘯𝘥𝘢 𝘢𝘯𝘨 𝘪𝘯𝘺𝘰𝘯𝘨 𝘮𝘨𝘢 𝙨𝙖𝙡𝙞𝙩𝙖.
𝘗𝘢𝘬𝘢𝘸𝘢𝘭𝘢𝘯 𝘢𝘯𝘨 𝘪𝘯𝘺𝘰𝘯𝘨 𝙞𝙢𝙖𝙝𝙞𝙣𝙖𝙨𝙮𝙤𝙣.
𝘉𝘶𝘩𝘢𝘺𝘪𝘯 𝘢𝘯𝘨 𝘪𝘯𝘺𝘰𝘯𝘨 𝘮𝘨𝘢 𝙞𝙙𝙚𝙮𝙖.

𝘈𝘵 𝘩𝘢𝘺𝘢𝘢𝘯𝘨 𝘢𝘯𝘨 𝘵𝘦𝘬𝘯𝘰𝘭𝘰𝘩𝘪𝘺𝘢 𝘢𝘺 𝘮𝘢𝘨𝘪𝘯𝘨 𝘬𝘢𝘴𝘢𝘯𝘨𝘬𝘢𝘱𝘢𝘯 𝘴𝘢 𝘱𝘢𝘨𝘭𝘪𝘬𝘩𝘢, 𝘩𝘪𝘯𝘥𝘪 𝘬𝘢𝘱𝘢𝘭𝘪𝘵 𝘯𝘨 𝘱𝘢𝘨𝘬𝘢𝘵𝘢𝘰. 𝘒𝘐𝘞𝘵𝘢-𝘬𝘪𝘵𝘴!

𝐀𝐈, 𝐖𝐢𝐤𝐚 𝐚𝐭 𝐈𝐧𝐭𝐞𝐠𝐫𝐢𝐝𝐚𝐝, 𝐓𝐚𝐦𝐩𝐨𝐤 𝐬𝐚 𝐓𝐞𝐫𝐭𝐮𝐥𝐲𝐚𝐧𝐠 𝐏𝐚𝐧𝐠𝐰𝐢𝐤𝐚 𝟐𝟎𝟐𝟔
𝘯𝘪 𝘑𝘰𝘩𝘯 𝘗𝘢𝘵𝘳𝘪𝘤𝘬 𝘓. 𝘎𝘢𝘯𝘢𝘴𝘢𝘰

𝗠𝗮𝗿𝗶𝗮𝗻𝗼 𝗠𝗮𝗿𝗰𝗼𝘀 𝗦𝘁𝗮𝘁𝗲 𝗨𝗻𝗶𝘃𝗲𝗿𝘀𝗶𝘁𝘆 — Sa patuloy na pag-usbong ng 𝘼𝙧𝙩𝙞𝙛𝙞𝙘𝙞𝙖𝙡 𝙄𝙣𝙩𝙚𝙡𝙡𝙞𝙜𝙚𝙣𝙘𝙚 (𝘼𝙄) at paglawak ng impluwensiya nito sa larangan ng edukasyon at pananaliksik, binigyang-diin ng 𝗧𝗲𝗿𝘁𝘂𝗹𝘆𝗮𝗻𝗴 𝗣𝗮𝗻𝗴𝘄𝗶𝗸𝗮 𝟮𝟬𝟮𝟲 ang pangangailangang pagsabayin ang teknolohikal na pag-unlad, pagpapahalaga sa wikang Filipino, at pananagutang akademiko sa isinagawang talakayan sa pamamagitan ng Zoom at Facebook Live, kahapon, Agosto 14.

Layunin ng talakayan na suriin ang mga oportunidad at hamon sa paggamit ng AI sa pananaliksik, gayundin ang kahalagahan ng etika, akademikong integridad, at kritikal na pagsusuri ng impormasyon sa panahon ng makabagong teknolohiya.

Pormal na binuksan ang programa sa pamamagitan ng panalangin, pag-awit Pambansang Awit ng Pilipinas, at MMSU Hymn, na sinundan naman ng pambungad na pananalita ni Dr. Ronald Candy S. Lasaten, Dekano ng MMSU, College of Teacher Education. Naghatid naman ng inspirasyonal na mensahe si Dr. Virgilio Julius P. Manzano, Jr., Pangulo ng Pamantasan ng MMSU sa pamamagitan ni Dr. Marlina L. Lino, dekana, Kolehiyo ng mga Sining at Agham.

Samantala, pinangunahan naman ni Dr. Maria Eliza S. Lopez, Chief ng Sentro ng Wika at Kultura at tagapayo ng Kapisanang Inang Wika, ang pagpapakilala sa mga tagapagsalita na nagbigay ng kani-kanilang pananaw hinggil sa AI, wika, pananaliksik, at akademikong integridad.

Unang tinalakay ni Prop. Jayson D. Petras, PhD, Associate Professor, Department of Filipino and Philippine Literature, UP Diliman at Program Chair, Diploma/Master of Arts in Language and Literacy Education, UP Open University, ang paksang “Artificial Intelligence Bilang Kasangkapan sa Pananaliksik: Mga Oportunidad at Hamon sa Paggamit ng Wikang Filipino.”

Binigyang-diin sa talakayan ang potensiyal ng AI bilang katuwang sa iba't ibang proseso ng pananaliksik. Gayunman, kasabay ng mga benepisyong ito ang pangangailangang suriin nang mabuti ang impormasyong nalilikha ng teknolohiya.

Mahalaga rin ang konteksto ng wikang Filipino sapagkat hindi lamang ito daluyan ng impormasyon kundi tagapagdala rin ng kultura, identidad, at karanasan. Dahil dito, kinakailangan ang maingat at responsableng paggamit ng AI upang mapanatili ang kawastuhan at kabuluhan ng pananaliksik.

“Ang pinakamahalagang teknolohiya ng tao ay ang kaniyang sarili.”, ani Dr. Petras.

Sunod naman na tinalakay ni Prop. Leonardo D. Tejano, Assistant Professor, Mariano Marcos State University, ang “Mapanuring Mananaliksik sa Panahon ng AI: Etika, Akademikong Integridad, at Kritikal na Paggamit ng Impormasyon.”

Binigyang-diin ang kahalagahan ng pagiging mapanuri sa mga impormasyong nakukuha sa pamamagitan ng AI. Hindi sapat ang mabilis na pagkuha ng sagot; kailangang suriin ang katumpakan, pinagmulan, konteksto, at kredibilidad ng impormasyon.
Sa halip na maging kapalit ng sariling pag-iisip, dapat gamitin ang AI bilang kasangkapan habang nananatili sa mananaliksik ang pananagutan sa kaniyang akademikong gawain.

“Ang isang mapanuring mananaliksik ay isang disciplined believer: may malinaw na pamantayan kung bakit niya tinatanggap ang isang pahayag bilang sapat at suportadong impormasyon.”, mungkahi ni Prop. Tejano.

Pagkatapos ng kanilang mga komprehensibong pagtalakay ay nabuksan naman ang open forum bilang plataporma ng pagtatanong para sa mga kalahok at upang mabigyang-linaw ang lahat ng kanilang mga nais malaman tungkol sa paggamit ng AI bilang kasangkapan sa pananliksik at kung paano haharapin ng isang mapanuring mananaliksik ang mga hamong maidudulot nito sa wikang Filipino.

Sinundan ito ng paggawad ng sertipiko ng pagkilala sa mga naging tagapanayam, at detalyadong sintesis ni Dr. Vida V. Antonio, Chief ng Center for Teaching Excellence. Nagtapos ang tertulya sa pamamagitan ng pag-awit sa MMSU March.

Sa kabuuan, ipinakita ng Tertulyang Pangwika 2026 na maaaring maging mahalagang katuwang ang AI sa pananaliksik at pagpapaunlad ng wikang Filipino. Gayunman, kailangang samahan ang paggamit nito ng kritikal na pag-iisip, etika, at akademikong integridad.

𝘚𝘢 𝘱𝘢𝘯𝘢𝘩𝘰𝘯𝘨 𝘮𝘢𝘣𝘪𝘭𝘪𝘴 𝘯𝘢 𝘯𝘢𝘬𝘢𝘭𝘪𝘭𝘪𝘬𝘩𝘢 𝘯𝘨 𝘪𝘮𝘱𝘰𝘳𝘮𝘢𝘴𝘺𝘰𝘯 𝘢𝘯𝘨 𝘵𝘦𝘬𝘯𝘰𝘭𝘰𝘩𝘪𝘺𝘢, 𝘯𝘢𝘯𝘢𝘯𝘢𝘵𝘪𝘭𝘪𝘯𝘨 𝘮𝘢𝘩𝘢𝘭𝘢𝘨𝘢 𝘢𝘯𝘨 𝘬𝘢𝘬𝘢𝘺𝘢𝘩𝘢𝘯 𝘯𝘨 𝘵𝘢𝘰 𝘯𝘢 𝘮𝘢𝘨𝘴𝘶𝘳𝘪, 𝘮𝘢𝘨𝘵𝘢𝘯𝘰𝘯𝘨, 𝘢𝘵 𝘮𝘢𝘯𝘢𝘨𝘰𝘵 𝘴𝘢 𝘬𝘢𝘢𝘭𝘢𝘮𝘢𝘯𝘨 𝘬𝘢𝘯𝘪𝘺𝘢𝘯𝘨 𝘨𝘪𝘯𝘢𝘨𝘢𝘮𝘪𝘵 𝘢𝘵 𝘪𝘣𝘪𝘯𝘢𝘣𝘢𝘩𝘢𝘨𝘪.

𝐇𝐈𝐌𝐈𝐆 𝐍𝐆 𝐓𝐀𝐋𝐄𝐍𝐓𝐎, 𝐓𝐈𝐍𝐈𝐆 𝐍𝐆 𝐏𝐀𝐆𝐏𝐔𝐏𝐔𝐍𝐘𝐀𝐆𝐈

Umalingawngaw ang mga tinig at nagningning ang mga talento sa ginanap na Patimpalak sa Pop Solo, Kundiman, at Vocal Duet ngayong Agosto 13, 2026.

Sa likod ng bawat himig ay ang paghahanda at pagpupunyagi ng mga mag-aaral na naghangad hindi lamang ng pagkilala, kundi ng pagkakataong maihatid ang kanilang talento sa mas malaking entablado.

Sa Pop Solo, namayani ang tinig ni 𝙉𝙅 𝙍𝙤𝙗𝙚𝙣 𝙎. 𝘼𝙨𝙪𝙣𝙩𝙤, habang sa Kundiman, binigyang-buhay ni 𝘿𝙖𝙧𝙡𝙚𝙣𝙚 𝙆𝙖𝙧𝙮𝙡𝙡 𝘽𝙖𝙡𝙤𝙖𝙡𝙤𝙖 ang himig ng tradisyon. Sa Vocal Duet, nagkaisa naman ang mga tinig nina 𝙈𝙞𝙘𝙖𝙝 𝙅𝙖𝙗𝙝𝙚𝙨 𝙖𝙩 𝙍𝙚𝙣𝙟𝙤𝙝𝙣 𝙀𝙨𝙢𝙞𝙡𝙡𝙖, na naghatid ng isang pagtatanghal na kapwa puno ng husay at damdamin.

Higit sa mga karangalan, naging pagdiriwang ang patimpalak ng musika at talento. Bawat pagtatanghal ay nag-iwan ng himig, bawat tinig ay naghatid ng damdamin, at bawat kalahok ay naging bahagi ng isang entabladong nagbibigay-halaga sa sining ng pag-awit.

Ngayon, ang mga tinig na nangibabaw sa patimpalak ay hahakbang tungo sa panibagong hamon. Bitbit ang kanilang talento at pagpupunyagi, sila ang magiging kinatawan ng institusyon sa nalalapit na UNIGAMES.

Mula sa bawat himig na umalingawngaw, muling napatunayang ang talento ay higit na nagiging makabuluhan kapag binibigyan ng pagkakataong marinig at maipamalas.

𝐏𝐀𝐆𝐏𝐀𝐍𝐃𝐀𝐘 𝐍𝐆 𝐓𝐀𝐋𝐄𝐍𝐓𝐎, 𝐏𝐀𝐆𝐇𝐀𝐇𝐀𝐍𝐃𝐀 𝐒𝐀 𝐌𝐀𝐋𝐀𝐊𝐈𝐍𝐆 𝐄𝐍𝐓𝐀𝐁𝐋𝐀𝐃𝐎!

Bukas, Agosto 13, 2026, itatanghal ang Patimpalak sa 𝗣𝗼𝗽 𝗦𝗼𝗹𝗼, 𝗞𝘂𝗻𝗱𝗶𝗺𝗮𝗻, 𝗮𝘁 𝗩𝗼𝗰𝗮𝗹 𝗗𝘂𝗲𝘁, isang pagtitipon ng mga tinig na naglalaman ng husay, damdamin, at pagkamalikhain.

Higit sa isang paligsahan, magsisilbi itong tanghalan ng mga natatanging mang-aawit na pipiliin upang maging kinatawan ng ating institusyon sa nalalapit na UNIGAMES.

Sa bawat himig ay maipamamalas ang husay, sa bawat pagtatanghal ay mabibigyang-buhay ang talento, at sa bawat tinig ay mabubuo ang pangarap na maiangat ang pangalan ng ating institusyon.

Sino ang mananaig at magiging tinig na magdadala ng ating pangalan sa mas malaking entablado?

𝗛𝗮𝗹𝗶𝗻𝗮’𝘁 𝘀𝗮𝗸𝘀𝗶𝗵𝗮𝗻 𝗮𝗻𝗴 𝗽𝗮𝗴𝘁𝗮𝘁𝗮𝗴𝗽𝗼 𝗻𝗴 𝘁𝗶𝗻𝗶𝗴, 𝘁𝗮𝗹𝗲𝗻𝘁𝗼, 𝗮𝘁 𝗸𝗮𝗿𝗮𝗻𝗴𝗮𝗹𝗮𝗻. 🎶✨