BSE Filipino 2025-2026

𝗜𝗸𝗮𝗹𝗮𝘄𝗮𝗻𝗴 𝗬𝘂𝗴𝘁𝗼, 𝗠𝗮𝘀 𝗠𝗮𝗹𝗮𝗹𝗶𝗺 𝗻𝗮 𝗣𝗮𝗴𝗻𝗶𝗻𝗶𝗹𝗮𝘆

Pinangungunahan ng kanilang Tagapayo, 𝑷𝒓𝒐𝒑. 𝑲𝒉𝒂𝒓𝒆𝒏 𝑫. 𝑽𝒊𝒅𝒂𝒅, matagumpay na naisagawa ng BSE Filipino 4A ang kanilang ikalawang post-conference sa Field Study.

Kung sa unang pagpupulong ay pagbabalik-tanaw, sa ikalawa nama’y mas malinaw na nakita ang pagbabago at paghinog ng bawat student-teacher. Dito’y higit na naipahayag ang mga natutunan, ang mga pagsubok na kanilang kinaharap, at ang mga pagkakataong nagpatatag sa kanilang paninindigan bilang magiging g**o.

Ang bawat kwento ay tila hibla ng karanasan na habi-habi’y nagiging kasuotan ng kanilang propesyon—matibay, makulay, at may saysay.

Sa paggabay ni Prop. Vidad, ang ikalawang post-conference ay nagbukas ng mas malawak na pang-unawa na ang pagtuturo ay hindi lamang pagbibigay ng kaalaman, kundi pagbuo ng tao at pagbibigay-liwanag sa kanilang landas.

𝗔𝗻𝗴 𝗺𝗴𝗮 𝗻𝗮𝗽𝗶𝗹𝗶𝗻𝗴 𝗺𝘂𝗸𝗵𝗮 𝗻𝗴 𝗯𝗮𝗴𝗼𝗻𝗴 𝗵𝗮𝗻𝗮𝘆 𝗻𝗮 𝗺𝗴𝗮 𝗼𝗽𝗶𝘀𝘆𝗮𝗹 𝗻𝗴 𝗕𝗮𝘁𝘀𝗶𝗹𝘆𝗲𝗿 𝗻𝗴 𝗦𝗲𝗸𝗼𝗻𝗱𝗮𝗿𝘆𝗮𝗻𝗴 𝗘𝗱𝘂𝗸𝗮𝘀𝘆𝗼𝗻 𝘀𝗮 𝗙𝗶𝗹𝗶𝗽𝗶𝗻𝗼 4-𝗔

𝘈𝘵 𝘴𝘢 𝘩𝘶𝘭𝘪𝘯𝘨 𝘺𝘶𝘨𝘵𝘰 𝘯𝘨 𝘱𝘢𝘨𝘭𝘢𝘭𝘢𝘬𝘣𝘢𝘺 𝘢𝘯𝘨 𝘬𝘢𝘯𝘪𝘭𝘢𝘯𝘨 𝘱𝘢𝘮𝘶𝘮𝘶𝘯𝘰 𝘢𝘯𝘨 𝘨𝘢𝘣𝘢𝘺 𝘵𝘶𝘯𝘨𝘰 𝘴𝘢 𝘵𝘢𝘨𝘶𝘮𝘱𝘢𝘺.

Mga mukha na pangungunahan ang huling taon ng pagsasama-sama sa kolehiyo bilang iisang klase. Sa kanilang pamumuno, inaasahan na magkakaroon ng mas matibay na ugnayan at pagtutulungan sa loob ng klase. Bukas sa malinaw na komunikasyon at naglalayon na magkaroon ng maayos na daloy ng kooperasyon sa lahat ng kanilang tungkulin.

Sa pamamagitan ng kanilang dedikasyon at positibong pananaw, inaasahan na mas magiging makabuluhan ang huling taon sa kolehiyo. Sa pagsasama-sama ng kanilang mga natatanging pamamaraan at talento, ang mga bagong opisyales ay nangangako na gagampanan ang kanilang tungkulin nang buong husay at pagmamalasakit. Nangangako sa kanilang mga kapwa mag-aaral na ang huling taon ng kanilang pag-aaral ay mapupuno ng pagkakaisa, pagbabago, at tagumpay para sa buong klase.

𝙼𝚊𝚢𝚘𝚛:
𝗬𝘀𝗵𝗮 𝗠𝗮𝗲 𝗦. 𝗕𝘂𝗹𝗼𝗻𝗴

𝙱𝚒𝚜𝚎-𝙼𝚊𝚢𝚘𝚛:
𝗡𝗮𝘁𝗵𝗮𝗹𝗶𝗲 𝗝𝗼𝘆 𝗔𝘆𝘀𝗼𝗻

𝙺𝚊𝚕𝚒𝚑𝚒𝚖:
𝗝𝘂𝗹𝗶𝗲 𝗔𝗻𝗻 𝗖. 𝗖𝗮𝗯𝗮𝗹𝗹𝗲𝗿𝗼

𝙿𝚊𝚗𝚐𝚊𝚕𝚊𝚠𝚊𝚗𝚐 𝙺𝚊𝚕𝚒𝚑𝚒𝚖:
𝗥𝗼𝗯𝗶𝗲𝗹𝘆𝗻 𝗔. 𝗘𝘀𝗽𝗮ñ𝗼𝗹𝗮

𝚃𝚊𝚐𝚊-𝙸𝚗𝚐𝚊𝚝 𝚈𝚊𝚖𝚊𝚗:
𝗔𝗻𝗴𝗲𝗹 𝗥𝗼𝘀𝗮𝗿𝗼

𝙿𝚊𝚗𝚐𝚊𝚕𝚊𝚠𝚊𝚗𝚐 𝚃𝚊𝚐𝚊-𝙸𝚗𝚐𝚊𝚝 𝚈𝚊𝚖𝚊𝚗:
𝗝𝗲𝗮𝗻𝗲𝗹𝗹𝗲 𝗚𝗼𝗿𝗼𝘀𝗽𝗲

𝚃𝚊𝚐𝚊𝚜𝚞𝚛𝚒:
𝗟𝗮𝗱𝘆 𝗔. 𝗔𝘂𝗿𝗲𝗹𝗶𝗼

𝚃𝚊𝚐𝚊𝚙𝚊𝚗𝚐𝚊𝚕𝚊𝚔𝚊𝚕:
𝗣𝗶𝗼𝗻𝗮 𝗝𝗲𝗮𝗻 𝗦𝘂𝗻𝗶𝗴𝗮

𝚃𝚊𝚐𝚊𝚙𝚊𝚐-𝙱𝚊𝚕𝚒𝚝𝚊
𝗟𝗲𝗼𝗻𝗲𝗹 𝗩𝗮𝗹𝗱𝗲𝘇

𝚃𝚊𝚐𝚊𝚙𝚊𝚖𝚊𝚢𝚊𝚙𝚊 (𝙻𝚊𝚕𝚊𝚔𝚒):
𝗠𝗮𝗿𝗸 𝗔𝗻𝘁𝗵𝗼𝗻𝘆 𝗦𝗼𝗹𝗼𝗺𝗼𝗻

𝚃𝚊𝚐𝚊𝚙𝚊𝚖𝚊𝚢𝚊𝚙𝚊 (𝙱𝚊𝚋𝚊𝚎):
𝗟𝘆𝗸𝗮 𝗦𝗵𝗮𝗶𝗻 𝗛𝗶𝗽𝗼𝗹𝗶𝘁𝗼

𝙾𝚙𝚒𝚜𝚢𝚊𝚕 𝚗𝚐 𝙿𝚊𝚕𝚊𝚔𝚊𝚜𝚊𝚗 (𝙻𝚊𝚕𝚊𝚔𝚒):
𝗠𝗶𝗸𝗲 𝗣. 𝗕𝗮𝘂𝘁𝗶𝘀𝘁𝗮

𝙾𝚙𝚒𝚜𝚢𝚊𝚕 𝚗𝚐 𝙿𝚊𝚕𝚊𝚔𝚊𝚜𝚊𝚗 (𝙱𝚊𝚋𝚊𝚎):
𝗥𝗵𝗲𝗮 𝗠𝗮𝗲 𝗔𝗿𝗲𝗹𝗹𝗮𝗻𝗼

G**o
𝐏𝐫𝐨𝐩. 𝐊𝐡𝐚𝐫𝐞𝐧 𝐃. 𝐕𝐢𝐝𝐚𝐝

𝘗𝘢𝘨𝘣𝘢𝘵𝘪 𝘴𝘢 𝘪𝘯𝘺𝘰𝘯𝘨 𝘭𝘢𝘩𝘢𝘵!

𝗨𝗻𝗮𝗻𝗴 𝗛𝗮𝗸𝗯𝗮𝗻𝗴, 𝗨𝗻𝗮𝗻𝗴 𝗣𝗮𝗴𝗻𝗶𝗻𝗶𝗹𝗮𝘆 ✨

Pinangungunahan ng kanilang tagapayo, 𝐏𝐫𝐨𝐩. 𝐊𝐡𝐚𝐫𝐞𝐧 𝐃. 𝐕𝐢𝐝𝐚𝐝 , matagumpay na isinagawa ng BSE Filipino 4A ang kanilang unang post-conference sa Field Study.

Sa pagtitipon, hindi lamang mga tala ng obserbasyon ang binigyang-diin, kundi ang pagbabahagi ng mga aral, karanasan, at inspirasyong nakuha mula sa mga silid-aralan.

Higit pa sa isang requirement, ito ay naging pagninilay at panata—na sa bawat batang kanilang nakita, naroroon ang hamon ng pagtuturo, ngunit higit na nangingibabaw ang pag-asa at posibilidad.

Sa paggabay ni Prop. Vidad, naging makabuluhan ang post-conference bilang isang hakbang tungo sa pagkahinog ng mga student-teachers—mga binhing unti-unti nang sumisibol at handang magbigay ng lilim at kanlungan sa susunod na henerasyon.

𝐄𝐞𝐛𝐚’𝐭 𝐀𝐚𝐝𝐚𝐧, 𝐒𝐢𝐦𝐮𝐥𝐚𝐧 𝐧𝐚…

Kilalanin ang mga magbibigay-buhay sa nananahimik na tanghalan.

Muling mabubuhay ang Dulaang Filipino—sa anyo ng ngiti, kilig, at halakhak.

Abangan kung sinu-sino ang mga artistang magtatanghal ng kuwentong puno ng damdamin at kasiyahan.

Sa bawat sulyap at ngiti, sa bawat salitang may lambing at halakhak—isinisilang ang isang kuwentong puno ng pag-ibig at katuwaan.

Isang pagtatanghal na maghahatid ng kilig, saya, at aral mula sa puso.

Simula pa lamang ito— abangan ang ngiti, halakhak, at pusong bibigyang-buhay sa entablado.

𝗪𝗮𝗹𝗮𝗻𝗴 𝗦𝘂𝗸𝗮𝘁, 𝗪𝗮𝗹𝗮𝗻𝗴 𝗛𝗮𝗻𝗴𝗴𝗮𝗻—𝗧𝘂𝗹𝗮𝗻𝗴 𝗠𝗮𝗹𝗮𝘆𝗮𝗻𝗴 𝗡𝗶𝗹𝗶𝘀𝗮𝗻
𝘯𝘪: 𝘉𝘚𝘌 𝘍𝘪𝘭𝘪𝘱𝘪𝘯𝘰 3𝘈

Narito ang tinig ng diwang malaya,
mga salitang hinugot sa puso,
inihayag nang walang alinlangan,
isinulat ng BSE Filipino 3A upang marinig, maramdaman.

Sa bawat pahina, may damdaming nananahan,
walang hanggan ang agos ng kaisipan,
sapagkat sa tula, hindi kailangan ng tanikala—sapat na ang wika upang lumaya.

𝗛𝗶𝗻𝗮𝗯𝗶𝗻𝗴 𝗧𝘂𝗹𝗮
𝘯𝘪: 𝘉𝘚𝘌 𝘍𝘪𝘭𝘪𝘱𝘪𝘯𝘰 3𝘈

Sa bawat taludtod na pinanday sa wika,
Damdami’y humimig, diwang malaya.
May sukat at tugmang hinubog sa husay,
Bawat titik ay yaman ng pusong makulay.

Narito ang akdang aming iniluwal,
Hinabing salita, masining, marangal.
Sa dulo ng panulat, mithiin ay isa
Ipagdiwang ang tula, wika, at bansa!

𝐃𝐢𝐰𝐚𝐭𝐚 𝐬𝐚 𝐍𝐚𝐤𝐚𝐫𝐚𝐚𝐧, 𝐁𝐢𝐭𝐮𝐢𝐧 𝐧𝐠 𝐊𝐚𝐫𝐮𝐧𝐮𝐧𝐠𝐚𝐧 𝐬𝐚 𝐊𝐚𝐬𝐚𝐥𝐮𝐤𝐮𝐲𝐚𝐧

Maligayang Kaarawan, 𝐌𝐚’𝐚𝐦 𝐌𝐚𝐫𝐢𝐚 𝐄𝐥𝐢𝐳𝐚 𝐒. 𝐋𝐨𝐩𝐞𝐳

G**o, apat na letra pero malalim ang kahulugan,
Mga g**o na nagpamalas ng iba’t ibang karunungan.
Salamat sa pagtuturo at pagsilbing sandalan,
Sa bawat problema, kayo'y aming malapitan.

𝐆—abay sa bawat araw sa paaralan—
𝐔—pang di maligaw sa masaklap na tadhana,
𝐑—uta na paroroonan ay maginhawa,
𝐎—rdinaryo ang tagumpay sa buhay ay ating natatamasa.

Ang tinig mo ang paborito naming dinggin,
Mga prosa’t tula, alay mong walang kapantay na sining.
G**o namin, lahat ng iyong itinuro,
Hindi kailanman magiging walang kabuluhan sa puso.

Hindi mapapantayan ng bilang ng mga tala,
Ang pagmamahal namin sa iyo, walang kapara.
Hindi nababatid ng buwan ang ngiti sa aming labi,
Tuwing ikaw ay kasama, mundo'y puno ng saya at sigla.

Ang buhay namin ay binigyan ng kulay,
Salamat sa mga payong tumatak sa aming isipan,
Mag-aral ng mabuti, ito’y iyong sinabi,
Tulay tungo sa magandang kinabukasan, aming pangarap.

Maraming salamat, dahil sa iyo’y marami kaming natutuhan.
Anuman ang mangyari, patuloy kang hinahangaan.
Saludo sa mga g**o na nagbahagi ng kaalaman,
Mabuting ehemplo, inspirasyon sa mga kabataan.

Mula sa BSE Filipino III-A, Maligayang Kaarawan, Dr. Maria Eliza S. Lopez`

We pay tribute to the individuals who cultivate minds and transform the futures of students. Today, we celebrate their invaluable contributions.

Happy World Teachers’ Day to all MMSU educators and teachers around the world!

Agbiagkayo Apo Maestra ken Maestro!

𝐌𝐚𝐥𝐢𝐠𝐚𝐲𝐚𝐧𝐠 𝐀𝐫𝐚𝐰 𝐧𝐠 𝐦𝐠𝐚 𝐆𝐮𝐫𝐨!

Sa pagdiriwang ng espesyal na araw na ito, nais naming ipahayag ang aming taos-pusong pasasalamat sa lahat ng inyong sakripisyo at dedikasyon sa pagtuturo. Ang bawat aral na inyong ibinabahagi ay hindi lamang nagdadala ng kaalaman kundi pati na rin ng inspirasyon at pag-asa sa aming mga mag-aaral. Sa kabila ng mga hamon na dulot ng makabagong panahon, patuloy ninyong pinapanday ang aming landas tungo sa tagumpay at mas maliwanag na kinabukasan.

Ang inyong mga pagsisikap na maiparating ang mga mahahalagang aral sa buhay ay tunay na kahanga-hanga. Sa bawat klase, natututo kami hindi lamang ng mga akademikong kaalaman bagkus pati na rin ng mga pagpapahalaga tulad ng disiplina, respeto, at pakikipagkapwa. Ang inyong malasakit at pag-unawa sa aming mga pangangailangan ay nagbibigay sa amin ng lakas ng loob na patuloy na magsikap at mangarap. Ang mga alaala ng mga masayang sandali sa loob ng silid-aralan ay mananatili sa aming puso at isipan.

Nais naming iparating ang aming hangarin na patuloy na makasama kayo sa mga susunod na taon ng aming pag-aaral. Ang inyong mga aral at gabay ay magiging pundasyon ng aming mga pangarap. Maraming salamat po sa lahat ng inyong ginagawa para sa amin. Nawa'y patuloy kayong maging inspirasyon sa susunod na henerasyon.

Muli, mula sa bumubuo ng Kapisanang Inang Wika, maligayang araw ng mga g**o!

𝐓𝐚𝐠𝐚𝐩𝐚𝐲𝐨 𝐧𝐠 𝐊𝐚𝐫𝐮𝐧𝐮𝐧𝐠𝐚𝐧✨

Sinong tagapagturo ang hindi
nakararamdam ng kahinaan
sa gitna ng kalakasan.
Kung sila ang tatanungin kung natagpuan
na ba ang kayamanan sa dulo ng bahaghari.
Ang itutugon nila ay— hindi.Sapagkat ang kayamanan ay nasa karunungan, sila ang 𝐓𝐚𝐠𝐚𝐩𝐚𝐲𝐨 𝐧𝐠 𝐊𝐚𝐫𝐮𝐧𝐮𝐧𝐠𝐚𝐧✨

Sa loob ng dalawampung taong walang pagod na paglilingkod, naging mga haligi ng kaalaman at inspirasyon para sa aming lahat.

Sa bawat sandali ng pagtuturo, ang inyong mga salita ay nagiging binhi ng pag-asa at kaunlaran, at ang inyong malasakit sa aming mga mag-aaral ay nagsisilbing patunay na isa kayong tunay na huwarang g**o.

Bilang Tagapayo ng mga nagpapakadalubhasa sa Filipino, hindi lamang karunungan ang inyong ibinabahagi, bagkus pati na rin ang tunay na pagmamahal sa ating wika at kultura.

Sa selebrasyon ng 124𝘵𝘩 𝘈𝘯𝘯𝘪𝘷𝘦𝘳𝘴𝘢𝘳𝘺 𝘰𝘧 𝘵𝘩𝘦 𝘗𝘩𝘪𝘭𝘪𝘱𝘱𝘪𝘯𝘦 𝘊𝘪𝘷𝘪𝘭 𝘚𝘦𝘳𝘷𝘪𝘤𝘦 𝘈𝘸𝘢𝘳𝘥𝘦e, kayo ay isang malinaw na ehemplo ng kahusayan, tapang, at katapatan sa serbisyo.

Patuloy kayong magningning bilang gabay at ilaw ng kabataan, at nawa'y mas marami pa kayong mahawahan ng iyong alab sa pagtuturo at pagmamahal sa serbisyo publiko.

Mula sa BSE Filipino III-A isang mainit na pagbati, 𝘿𝙧. 𝙈𝙖𝙧𝙞𝙖 𝙀𝙡𝙞𝙯𝙖 𝙎. 𝙇𝙤𝙥𝙚𝙯 𝙖𝙩 𝙋𝙧𝙤𝙛. 𝙆𝙝𝙖𝙧𝙚𝙣 𝘿. 𝙑𝙞𝙙𝙖𝙙! Isang pagpupugay sa mga natatanging g**o, sa mga dakilang tagapayo, at tunay na bayani ng serbisyo publiko!