What are the opening hours?

Monday 6am - 5pm Tuesday 6am - 5pm Wednesday 6am - 5pm Thursday 6am - 5pm Friday 6am - 5pm

https://www.facebook.com/123215357547249/

Abot-Tanaw - Laoac NHS, Poblacion, Laoac (2026)

26/09/2026

𝗖𝗔𝗜𝗛𝗦, 𝗡𝗮𝗽𝗮𝗻𝗮𝘁𝗶𝗹𝗶 𝗮𝗻𝗴 𝗪𝗼𝗺𝗲𝗻’𝘀 𝗩𝗼𝗹𝗹𝗲𝘆𝗯𝗮𝗹𝗹 𝗰𝗿𝗼𝘄𝗻; 𝗟𝗡𝗛𝗦, 𝗟𝘂𝗺𝘂𝗵𝗼𝗱 𝘀𝗮 𝗳𝗶𝗻𝗮𝗹𝘀

Pinutol ng Cabilaoan Agro-Industrial High School (CAIHS) ang pangarap ng Laoac National High School (LNHS) matapos nilang masungkit ang kampeonato sa Women’s Volleyball sa ginanap na Municipal Meet, noong ika-26 ng Setyembre 2026, sa Laoac NHS Social Hall.

Ipinatupad sa naturang paligsahan ang single round-robin format kung saan ang dalawang nangungunang koponan lamang ang may karapatang umabante sa championship match.

Sa unang round, bumuwelo ang CAIHS matapos ipadama sa LNHS ang isang manipis na pagkatalo sa dalawang sunod na set, 24–22 at 21–13. Sa kabila ng pagkakadapa, mabilis na bumawi ang LNHS sa kanilang kasunod na laro matapos padapain ang Don Maximo G. Gombio-Panaga-Tabao Integrated School (DMGGPT IS) sa pamamagitan ng 22–20 at 21–9 na talaan upang siguruhin ang kanilang slot sa finals.

Sa championship match, muling nagkaharap ang dalawang mortal na magkatunggali ngunit hindi na pinahintulutan ng CAIHS na makaporma ang LNHS. Pinatunayan ng CAIHS ang kanilang matinding dominasyon nang tapusin ang laban sa dalawang deretsong set, 25–16 at 25–13, upang tuluyang maibulsa ang nagniningning na titulo.

Dahil sa tagumpay na ito, ang CAIHS na ang tatayo bilang opisyal na kinatawan ng Laoac sa nalalapit na Cluster Meet, habang nagtapos naman bilang runner-up ang LNHS matapos ang isang kapana-panabik na kampanya.

𝗔𝗿𝘁𝗶𝗸𝘂𝗹𝗼 | Kheilyn Mhae Alap
𝗗𝗼𝗰𝘂𝗺𝗲𝗻𝘁𝗮𝘁𝗶𝗼𝗻 𝗧𝗲𝗮𝗺 | Jia Jamyl Padua, Wilmer Romano, Kheilyn Mhae Alap, Jeiffer Eron Cendana, Princess Lacambra, Ruby Jane Navarro, Aisha Ricafort, Rhodalyn Paragas, Twinkle Althea Patalud at Gretchen Campos

26/09/2026

𝗟𝗮𝗼𝗮𝗰 𝗡𝗛𝗦, 𝗞𝗮𝗺𝗽𝗲𝗼𝗻 𝘀𝗮 𝗠𝗲𝗻’𝘀 𝗩𝗼𝗹𝗹𝗲𝘆𝗯𝗮𝗹𝗹; 𝗔𝗮𝗯𝗮𝗻𝘁𝗲 𝘀𝗮 𝗖𝗹𝘂𝘀𝘁𝗲𝗿 𝗠𝗲𝗲𝘁

Depensa at lupit sa attack line ang ipinamalas ng Laoac National High School (LNHS) upang panatilihin ang korona sa Men's Volleyball sa Municipal Meet sa mismong home court nila na LNHS Social Hall, noong ika-26 ng Setyembre 2026.

Bumuwelo ang LNHS sa unang round matapos talunin ang Cabilaoan Agro-Industrial High School (CAIHS) sa dalawang sunod na set, 21–13 at 21–17. Sa bawat puntos, unti-unting nakontrol ng koponan ang takbo ng laro upang makausad sa susunod na yugto ng Municipal Meet.

Bago ang championship match, sumalang ang LNHS kontra Don Maximo G. Gombio-Panaga-Tabao Integrated School, ngunit nakuha ng koponan ang panalo by default upang makapasok sa finals.

Sa championship match, kumawala ang LNHS sa unang set at nagtala ng 21–25 laban sa CAIHS. Bumawi ang CAIHS sa ikalawang set, 25–23, upang itabla ang laban at dalhin ito sa deciding third set.

Sa huling set, pinatatag ng LNHS ang depensa at opensa habang papalapit ang laban sa dulo. Sa iskor na 15–8, tuluyang isinara ng koponan ang laban at ipinagpatuloy ang kanilang sunod-sunod na paghahari sa Municipal Meet.

Dala ng LNHS ang titulo bilang kinatawan ng Laoac sa Cluster Meet, na magsisilbing susunod na hakbang patungo sa Congressional Meet.

𝗔𝗿𝘁𝗶𝗸𝘂𝗹𝗼 | Kheilyn Mhae Alap
𝗗𝗼𝗰𝘂𝗺𝗲𝗻𝘁𝗮𝘁𝗶𝗼𝗻 𝗧𝗲𝗮𝗺 | Jia Jamyl Padua, Wilmer Romano, Kheilyn Mhae Alap, Jeiffer Eron Cendana, Princess Lacambra, Ruby Jane Navarro, Aisha Ricafort, Rhodalyn Paragas, Twinkle Althea Patalud at Gretchen Campos

25/09/2026

‎𝗜𝗖𝗬𝗠𝗜: 80 𝗞𝗮𝗯𝗮𝘁𝗮𝗮𝗻 𝗟𝘂𝗺𝗮𝗵𝗼𝗸 𝘀𝗮 3-𝗔𝗿𝗮𝘄 𝗻𝗮 𝗖𝗮𝗺𝗽𝘂𝘀 𝗝𝗼𝘂𝗿𝗻𝗮𝗹𝗶𝘀𝗺 𝗧𝗿𝗮𝗶𝗻𝗶𝗻𝗴 𝘀𝗮 𝗟𝗮𝗼𝗮𝗰 𝗡𝗛𝗦

‎Lumahok ang humigit-kumulang 80 kabataan sa Training Workshop on Campus Journalism and Responsible Use of Media na ginanap sa Laoac National High School (LNHS) noong Setyembre 8–10, 2026, upang mapaunlad ang kanilang kaalaman at kasanayan sa pamamahayag at responsableng paggamit ng media.

‎Sa opening program, nagbigay ng mensahe si Gng. Rebecca T. Gonzales, Public Schools District Supervisor, bilang bahagi ng pagsisimula ng tatlong araw na pagsasanay. Naging katuwang din sa programa sina Laoac Vice Mayor Hon. Jose Benedict E. Lopena at ang Laoac Local Government Unit (LGU).

‎Naging pangunahing tagapagsalita sina RK Peralta para sa Radio Broadcasting, isang award-winning journalist at broadcaster at dating Most Outstanding Campus Journalist of the Philippines; Carlito Abalos para sa Collaborative Desktop Publishing, isang multimedia artist at senior designer na nagtapos Summa Cum Laude sa AB Multimedia Arts; JC Ayende para sa Sports Writing, isang sports analyst, college instructor at award-winning campus journalist; at Ramil Magno para sa News Writing, isang g**o, campus journalism trainer, writer at multi-awarded school paper adviser.

‎Sa unang araw, isinagawa ang mga lektyur tungkol sa iba’t ibang larangan ng campus journalism. Sinundan ito ng practice writing sa ikalawang araw upang mailapat ng mga kalahok ang kanilang mga natutuhan sa pagsulat at pamamahayag.

‎Sa ikatlong araw, nagbigay naman ng panibagong lektyur si Bb. Dianne Mae Naces bago isinagawa ang closing at awarding ceremony para sa mga kalahok. Tumulong din sa pagsasagawa ng programa sina Bb. Dian L. Guba, Bb. Rhyslyn Salinas, G. Lauro M. Paco, Gng. Jamelie Crispino, Bb. Jean Louise Baguidudol, at Gng. Amy T. Paco ng LNHS.

‎Isinagawa ang pagsasanay sa ilalim ng temang “Voice of the Youth, Light of the Campus,” na naglalayong mapaunlad ang kakayahan ng mga kabataan sa campus journalism at mahubog sila bilang responsableng tagagamit ng media.

𝗔𝗿𝘁𝗶𝗸𝘂𝗹𝗼 | Hannah Lorraine Binuya
𝗜𝗺𝗮𝗵𝗲 | Aisha Ricafort, Gretchen Campoos, Nathaniel Longayan, Rhaia Bombase, Hannah Lorraine Binuya, Josef Navarro, Eljohn Bilalay, Kheilyn Mhae Alap, at Iellayne Rose Rodel

24/09/2026

𝗣𝗮𝗺𝘂𝗺𝘂𝗻𝗼 𝗮𝘁 𝗠𝗮𝗯𝘂𝘁𝗶𝗻𝗴 𝗣𝗮𝗺𝗮𝗺𝗮𝗵𝗮𝗹𝗮, 𝗧𝗮𝗺𝗽𝗼𝗸 𝘀𝗮 "𝗞𝗮𝗯𝗮𝘁𝗮𝗮𝗻 2026"

Inilunsad sa Kabataan 2026 ang mga gawain tungkol sa pamumuno at mabuting pamamahala noong ika-12 ng Setyembre 2026, sa ilalim ng temang “Leadership and Good Governance,” na inorganisa ng Lokal na Pamahalaan ng Laoac (LGU Laoac) at Laoac Municipal Social Welfare and Development Office (MSWDO).

Binigyang-diin sa programa ang papel ng kabataan sa pagbuo ng mas maunlad na komunidad. Hinikayat din ang mga kalahok na isabuhay ang katapatan, pananagutan, pagtutulungan, at paglilingkod sa kapwa bilang mga pagpapahalaga sa responsableng pamumuno.

Isinagawa sa programa ang Opening Ceremony, Learning Source Provider na pinangunahan ni G. Rico Emmanuel Pineda, at Battle of Talents na nagbigay sa mga kalahok ng pagkakataong maipakita ang kanilang talento, ideya, at kakayahan.

Itinanghal na Champion sa Battle of Talents ang CASTUSU IS Drama, habang pumangalawa ang CATUSU IS Duo, sinundan ng Laoac NHS Contemporary sa ikatlo, Laoac NHS Choir sa ikaapat, Laoac NHS Band sa ikalima, CASTUSU IS Sabayang Pagbigkas sa ikaanim, ALS Solo sa ikapito, at ALS Duo sa ikawalo.

Ipinagkaloob naman ang ₱10,000 para sa kampeon, ₱7,000 para sa unang puwesto, ₱4,000 para sa ikalawang puwesto, at ₱2,100 para sa ikatlong puwesto. Mayroon ding ₱500 consolation prize para sa mga itinakdang kalahok.

Ipinalala ng programa ang mahalagang papel ng kabataan bilang mga lider sa kasalukuyan. Sa pamamagitan ng responsableng pamumuno at mabuting pamamahala, binibigyan sila ng pagkakataong makatulong sa pagbuo ng positibong pagbabago sa paaralan, komunidad, at bansa.

𝗔𝗿𝘁𝗶𝗸𝘂𝗹𝗼 | Kheilyn Mhae Alap, Nathaniel Longayan, at Twinkle Althea Patalud
𝗜𝗺𝗮𝗵𝗲 | Jia Jamyl Padua, Kheilyn Mhae Alap, Tg Pajela, Princess Lacambra, at Ruby Jane Navarro

23/09/2026

𝗡𝗮𝘁𝗶𝗼𝗻𝗮𝗹 𝗦𝗰𝗶𝗲𝗻𝗰𝗲 𝗖𝗹𝘂𝗯 𝗠𝗼𝗻𝘁𝗵 (𝗡𝗦𝗖𝗠) 2026 𝗦𝗻𝗮𝗽𝘀 - 𝗦𝗲𝗽𝘁.22, 2026 (𝗤𝘂𝗶𝘇 𝗕𝗲𝗲 -𝗦𝗛𝗦)

𝗜𝗺𝗮𝗵𝗲 | Princess Lacambra

22/09/2026

𝗨𝗟𝗔𝗧 𝗢𝗡 𝗧𝗛𝗘 𝗦𝗣𝗢𝗧 | Kinilala ang mga mag-aaral na kumatawan sa Laoac National High School (LNHS) sa iba’t ibang larangan sa pamamagitan ng isang re-awarding ceremony matapos ang flag ceremony noong ika-21 ng Setyembre 2026 sa Laoac NHS Social Hall, na pinangunahan ni Dr. Amy T. Paco, School Principal IV ng LNHS.

Kabilang sa mga muling ginawaran ang Sepak Takraw Girls Team na pinamumunuan ni G. Glenn Villegas bilang tagasanay. Kabilang sa mga manlalaro sina Jesryl D. Cabana, Marly Antonette R. Semilla, Ashia Shane C. Macaraeg, at Apple Joy V. Paine.

Muling kinilala rin ang Robotics Team ng LNHS matapos mag-uwi ng mga parangal sa katatapos na RobOLution Ilocos: Robotics and Automation Competition 2026, na ginanap noong ika-11 hanggang ika-13 ng Setyembre 2026 sa Manaoag National High School.

Samantala, binigyang-pagkilala rin ang mga kinatawan ng LNHS-GSP na lumahok sa International Coastal Cleanup na ginanap sa Lingayen, Pangasinan noong ika-19 ng Setyembre 2026, na pinangunahan ng Pangasinan GSP Council.

Ipinagkaloob ang re-awarding bilang pagkilala sa mga mag-aaral na nagdala ng pangalan ng LNHS sa iba’t ibang larangan at kumatawan sa paaralan sa mga kompetisyon at gawaing pangkomunidad.

𝗨𝗹𝗮𝘁 | Jia Jamyl Padua at Nathaniel Longayan
𝗜𝗺𝗮𝗵𝗲 | Jia Jamyl Padua at Kheilyn Mhae Alap

20/09/2026

𝗟𝗮𝗼𝗮𝗰 𝗡𝗛𝗦, 𝗡𝗮𝗸𝗶𝗶𝘀𝗮 𝘀𝗮 𝗡𝗦𝗖𝗠 2026 𝘀𝗮 𝗣𝗮𝗺𝗮𝗺𝗮𝗴𝗶𝘁𝗮𝗻 𝗻𝗴 𝗜𝗯𝗮’𝘁 𝗜𝗯𝗮𝗻𝗴 𝗣𝗮𝗹𝗶𝗴𝘀𝗮𝗵𝗮𝗻

Isinagawa sa Laoac National High School ang iba’t ibang paligsahan bilang bahagi ng National Science Club Month (NSCM) noong ika-17 ng Setyembre 2026.

Kabilang dito ang Sci Hero JHS, Collage-Making, Slogan-Making, at Poster-Making, na nilahukan ng mga interesadong mag-aaral mula Grade 7 hanggang Grade 12.

Pinangunahan at pinadaloy ang mga aktibidad ng YES-O Club para sa JHS at SHS, Research Club, STE Club, PSYSC, at NEXUS Club. Sa pamamagitan ng iba’t ibang kategorya, naipakita ng mga kalahok ang kanilang kaalaman, pagkamalikhain, at mga ideya na may kaugnayan sa agham at kapaligiran.

Layunin ng mga gawain na mabigyan ang mga mag-aaral ng pagkakataong maipahayag ang kanilang pag-unawa sa Science sa pamamagitan ng malikhaing paraan. Nakatulong din ang mga aktibidad upang malinang ang kanilang kakayahang magpahayag ng ideya at makilahok sa mga gawaing pang-agham.

Sa pamamagitan ng mga paligsahan, naging bahagi ang mga mag-aaral ng pagdiriwang ng NSCM 2026, na ginaganap sa buong buwan ng Setyembre. Ipinakita rin ng mga gawain ang ugnayan ng kaalaman sa agham at pagkamalikhain ng mga mag-aaral.

𝗨𝗹𝗮𝘁 | Kheilyn Mhae Alap at Twinkle Althea Patalud
𝗜𝗺𝗮𝗵𝗲 | Kheilyn Mhae Alap

07/09/2026

𝗠𝗚𝗔 𝗔𝗡𝗨𝗡𝗦𝗬𝗢, 𝗧𝗜𝗡𝗔𝗟𝗔𝗞𝗔𝗬 𝗠𝗔𝗧𝗔𝗣𝗢𝗦 𝗔𝗡𝗚 𝗙𝗟𝗔𝗚 𝗖𝗘𝗥𝗘𝗠𝗢𝗡𝗬

Pinangunahan ni Dr. Amy T. Paco, School Principal IV, ang pagtalakay sa mga mahahalagang anunsyo sa Laoac National High School (LNHS) matapos ang Flag Ceremony noong Setyembre 7, 2026. Kabilang dito ang mga nalalapit na paligsahan para sa National Science Club Month, pagbibigay ng parangal sa Best in Barong at Best in Baro’t Saya mula sa pagdiriwang ng Buwan ng Wika, at orientation para sa mga mamamahayag na lalahok sa paparating na Laoac Journalism Camp.

Binigyang-diin ang mga pangunahing detalye at paalala para sa bawat aktibidad upang maging handa ang mga mag-aaral at kalahok sa kanilang mga gagawin.

𝗨𝗹𝗮𝘁 | Nathaniel Longayan
𝗜𝗺𝗮𝗵𝗲 | Danica Mae Mindaro, Kheilyn Mhae Alap, Jayzelle Soriano, at Ielleyne Rose Rodel

07/09/2026

30-𝗠𝗜𝗡𝗨𝗧𝗘 𝗦𝗔𝗙𝗘𝗧𝗬 𝗗𝗥𝗜𝗟𝗟, 𝗜𝗦𝗜𝗡𝗔𝗚𝗔𝗪𝗔 𝗣𝗔𝗥𝗔 𝗦𝗔 𝗚𝗥𝗔𝗗𝗘 10 𝗡𝗚 𝗟𝗡𝗛𝗦

Isinagawa ang 30-minute safety drill para sa mga mag-aaral ng Grade 10 ng Laoac National High School (LNHS) noong Setyembre 7, 2026, matapos ang Flag Ceremony. Pinangunahan ito ni Bb. Benedict Pulido, MSWD PRO 1, kasama ang mga tauhan ng Philippine National Police (PNP) Laoac, Bureau of Fire Protection (BFP) Laoac, mga g**o ng Grade 10, at mga opisyal ng LNHS.

Matapos ang drill, pinangunahan ni Bb. Benedict Pulido ang pag-uusap kasama ang mga mag-aaral upang kamustahin ang kanilang kalagayan at magbigay ng payo sa pagharap sa nakababahalang sitwasyon. Binigyang-diin niya ang kahalagahan ng pananatiling kalmado, pag-abot sa mga taong mapagkakatiwalaan, paghingi ng tulong, at pagsunod sa mga hakbang para sa kaligtasan at proteksyon.

𝗨𝗹𝗮𝘁 𝗮𝘁 𝗜𝗺𝗮𝗵𝗲 | Jia Jamyl Padua

06/09/2026

𝗞𝗔𝗨𝗡𝗟𝗔𝗥𝗔𝗡 𝗕𝗔 𝗢 𝗞𝗔𝗣𝗔𝗟𝗜𝗧 𝗔𝗡𝗚 𝗞𝗜𝗡𝗔𝗕𝗨𝗞𝗔𝗦𝗔𝗡?

Gumising sa katotohanan! Hindi lahat ng proyektong ibinabandera bilang “kaunlaran” ay tunay na kaunlaran para sa sambayanang Pilipino. Sa likod ng matatamis na pangako ng Pax Silica, mas maraming trabaho, mas malaking pamumuhunan, at mas matatag na ekonomiya, naroon ang mga tanong na hindi dapat balewalain: Sino ba talaga ang makikinabang? At ano ang magiging kapalit?

Hindi maikakaila na may mabuting maidudulot ang proyektong ito. Maaari itong lumikha ng mga bagong oportunidad sa trabaho, makahikayat ng mga mamumuhunan, at magpasigla sa ekonomiya ng bansa. Maaari rin nitong isulong ang pag-unlad ng teknolohiya at industriya. Ngunit hindi sapat ang mga pangakong ito upang ipikit natin ang ating mga mata. Para sa akin, dito dapat magsimula ang tunay na pagtatanong: hanggang saan tayo handang pumunta para sa tinatawag nating kaunlaran?

Ang malawakang industriyalisasyon ay may kaakibat na pananagutan sa kalikasan. Ang paggamit ng lupa, tubig, enerhiya, at iba pang likas na yaman, pati na ang pamamahala sa basura at iba pang epekto ng malalaking pasilidad, ay mga usaping hindi dapat isantabi. Ang pagkasira ng kagubatan, polusyon sa hangin at tubig, at pagkawala ng tirahan ng iba't ibang uri ng hayop ay hindi simpleng isyu. Ang mga ito ay mga sugat na maaaring hindi na tuluyang maghilom.

Ang Pilipinas ay biniyayaan ng luntiang kagubatan, matatayog na kabundukan, malinaw na ilog, at mayamang biodiversity. Ito ang ating yaman at pagkakakilanlan bilang isang bansa. Hindi natin ito minana upang sirain, kundi upang pangalagaan at ipamana sa susunod na salinlahi. Hindi dapat maging kabayaran ng ating kalikasan ang isang pag-unlad na maaaring panandalian lamang o hindi pantay ang pakinabang.

Isa pa sa pinakamalaking tanong ay ang ipinapangakong trabaho. Totoong maaari itong magbukas ng maraming posisyon, ngunit ilan ba rito ang tunay na mapupunta sa mga ordinaryong Pilipino? Kung ang mga trabahong may mataas na sahod ay nangangailangan ng espesyalisadong kasanayan at mataas na antas ng edukasyon, paano ang milyun-milyong Pilipinong hindi nabigyan ng sapat na pagkakataong makapag-aral o makapagsanay?

Baka ang mga de-kalidad na trabaho ay mapunta lamang sa iilang kwalipikado o maging sa mga dayuhang eksperto, habang ang karaniwang Pilipino ay mananatili sa mabababang posisyon o tuluyang maiwan. Dito ako muling napapaisip: sapat na ba ang sabihing may trabaho kung hindi naman pantay ang pagkakataong makuha ito?

Kung tunay na layunin ng Pax Silica ang pag-unlad ng bansa, dapat nitong unahin ang mamamayang Pilipino. Hindi sapat ang paglikha ng trabaho. Kailangang tiyakin na ang mga Pilipino ay may sapat na kasanayan upang sila mismo ang makinabang. Ang edukasyon, pagsasanay, at patas na oportunidad ay dapat kasabay ng pagpasok ng malalaking industriya.

Ang tunay na kaunlaran ay hindi lamang nasusukat sa dami ng puhunan o laki ng proyekto, kundi sa dami ng pamilyang Pilipinong tunay na umaangat ang buhay nang hindi isinasakripisyo ang kalikasan. Sapagkat ano ang saysay ng isang makabagong industriyal na sentro kung ang mga komunidad na dapat makinabang ay maiiwan naman sa gilid?

Sa huli, hindi tayo dapat maging tahimik na tagapanood. Maging mapanuri. Maging mapagbantay. Hindi masama ang hangaring umunlad. Ang dapat nating tutulan ay ang kaunlarang nakakalimot kung sino ang dapat makinabang at kung ano ang dapat pangalagaan.

Ang Pilipinas ay hindi lamang pinagkukunan ng likas na yaman. Ito ang ating tahanan. At ang tahanan ay hindi ipinagpapalit sa pangakong maaaring maglaho, habang ang pinsala ay maaaring manatili sa mahabang panahon.

𝗔𝗿𝘁𝗶𝗸𝘂𝗹𝗼 | Xianne May Dungao
𝗘𝗱𝗶𝘁𝗼𝗿𝗶𝗮𝗹 𝗖𝗮𝗿𝘁𝗼𝗼𝗻 (Topic: Pax Silica) | Charis Dela Rosa (1st picture), Ashley Cariño (2nd picture), Janelle Soriano (3rd picture), Eljohn Bilalay (4th picture), Jayzelle Soriano (5th picture)

Abot-Tanaw - Laoac NHS

26/09/2026

26/09/2026

25/09/2026

24/09/2026

23/09/2026

22/09/2026

20/09/2026

07/09/2026

07/09/2026

06/09/2026

Address

Opening Hours

Website

Alerts

Contact The School

Shortcuts

Share

Category

Listing takedown request

Monday	6am - 5pm
Tuesday	6am - 5pm
Wednesday	6am - 5pm
Thursday	6am - 5pm
Friday	6am - 5pm