Ma'had Al-fathi Al-islamie

02/09/2023

عن عائشة -رضي الله عنها- قالت: «كان النبي -صلى الله عليه وسلم- يذكر الله على كل أحْيَانِه». [صحيح] [رواه مسلم والبخاري

Dayin kan Aisha R.A., laung niya: (( in kaawnan sin Nabi S.A.W., nagjijikir ha Allahutaala ha tiyap tiyap kahalan sin kabuhi niya )) Hadith sahih

Kamaksuran sin hadith:


"كان النبي صلى الله عليه وسلم يذكر الله"
"In kaawnan sin Nabi S.A.W. ngjijikir pa Allah"

Hatiniya, katan sin ginisan jikir, biya sin tasbih (سبحان الله), tahlil (لا إله إلا الله), takbir (الله أكبر), tahmiyd (الحمد لله), iban sin pagbassa Qur-an pasal in Qur-an dayin ha jikiran pa Allah iban amuyan in sa afdal afdal jikir.

"على كل أحْيَانِه" ha katan kahalan sin kaubi niya

Hatiniya, in nabi s.a.w. in kaawnan niya ha katan waktu niya nagjijikir pa Allahutaala, sibu da in Siya halawm Hadas asibi atawa dakula, malayingkan dih bassahun in qur-an bang Siya junub,, sabab in tao taga junub dih maharus kaniya in mamassa Qur-an sibu da magdumul atawa mag hapal, ha bayta hi Alih R. A.
"كان النَّبي -صلى الله عليه وسلم- يُقْرِئُنَا القرآن ما لم يَكُن جُنباً"

((In kaawnan sin Nabi S.A.W. bassahun niya kamu in Qur-an ha bukun in kaawnan niya junub))

Nagsulang in pamaham sin mga ulama ha tungud sin (حائض) babae biyubulan, iban sin (النفساء) babae bakas nag anak,bang sud ka sila ha junub?
In matampal bissara sin kamatauran ulama ,jiyari in paghapal sin Qur-an ha babae biyubulan iban bakas nag anak ha sabab sin lugay sin idda,
Damikyan dih maharus in pag jikir, ha waktu pagjamban ( pag ihi iban pag intaw) ibanha tampat niya.

30/08/2023

عن ابن مسعود -رضي الله عنه- قال: قال رسول الله -صلى الله عليه وسلم-: «مَنْ قَرَأ حَرْفاً مِنْ كِتاب الله فَلَهُ حَسَنَة، والحَسَنَة بِعَشْرِ أمْثَالِها، لا أقول: ألم حَرفٌ، ولكِنْ: ألِفٌ حَرْفٌ، ولاَمٌ حَرْفٌ، ومِيمٌ حَرْفٌ». [صحيح] [رواه الترمذي]

Dayin kan Abu Mas-uwd (R.A.) laung niya: nagsabda in Rasulullah S.A.W. (( hisiyu siyu in makabassa hambuuk huruf dayin ha kitab sin Allahutaala bistahun kaniya hambuuk karayawan, iban in hambuuk karayawan hampu in lipat niya, bukun in maksud ku , in (الم) hambuuk huruf, sumaguwa in (ا) hambuuk huruf, in (ل) hambuuk huruf, in (م) hambuuk huruf. )) Hadith sahih

الفوائد kapaiddahan sin hadith

١) الحث على تلاوة القرآن.
1) Bulansang ha pagbassa sin Qur-an.

٢) أن للقارئ بكل حرف من كل كلمة يتلوها حسنة مضاعفة.
2) In tao ngbabassa Qur-an, in tiyap tiyap huruf nabassa niya, lipatun kaniya pa karayawan.

29/08/2023

عن أبي مسعود البدري -رضي الله عنه- عن النبي -صلى الله عليه وسلم- قال: «مَنْ قَرَأَ بِالآيَتَيْنِ مِنْ آخر سُورَةِ البَقَرَةِ في لَيْلَةٍ كَفَتَاه».
[صحيح] [متفق عليه]
Dayin kan Abu Mas-uwd Al-badri (R.A.) dayin ha Nabi (S.A.W.) laung niya: (( hisiyu siyu in makabassa sin duwa ayat dayin ha kahinapusan sin surah Al-baqara ha dum, parihalaun siya ))

Hadith sahih

الفوائد kapaiddahan sin hadith

١) بيان فضل أواخر سورة البقرة.
1) kalabbihan sin kahinapusan sin surah Al-baqara.

٢) أواخر سورة البقرة تدفع عن صاحبها السوء والشر والشيطان إذا قرأها من الليل.
2) In kahinapusan ayat sin surah Al-baqara, mama'gangi duun nagbassa kaniya ha kangian, ha bukun marayaw, ha shaytan apabila nabassa Siya ha dum sung matug.

26/08/2023

عن أبي هريرة -رضي الله عنه-: أن رسول الله -صلى الله عليه وسلم- قال: «لا تجعلوا بيوتكم مَقَابر، إنَّ الشيطان يَنْفِرُ من البيت الذي تُقْرَأُ فيه سورةُ البقرة». [صحيح] [رواه مسلم]

Dayin kan Abu haurayra R.A.: bunnal tuud in Rasulullah S.A.W. nagmung: (( ayaw niyu hinangan in mga kabayan niyu pakubulan, bunnal tuud in shaytan maguy Siya dayin ha bay amuin pagbassahan suratul Baqara.)) Hadith sahih

الفوائد kapaiddahan sin hadith

١) بيان فضل سورة البقرة.
1) pagpatarrang sin kalabbihan sin surah Al-baqara

٢) الشيطان يفر من البيت الذي تقرأ فيه سورة البقرة، ولا يقربه.
2) maguy in shaytan dayin ha bay amuin pagbassahan sin surah Al-baqara iban dih Siya sumuuk.

٣) لا تجوز القراءة في المقابر.
3) Dih manjari pagbassahan qur-an in kakubulan.

٤) يستحب الإكثار من قراءة القرآن في البيوت.
4) sarayaw rayaw hinang in pataurun in pagbassa sin Qur-an halawm bay.

25/08/2023

عن عثمان بن عفان -رضي الله عنه- عن النبي -صلى الله عليه وسلم- قال: «خَيرُكُم من تعلَّمَ القرآنَ وعلَّمَهُ». [صحيح] [رواه البخاري]
Dayin kan Uthman bin Affan (R.A.) dayin ha Nabi (S.A.W.) namung Siya: (( in sarayaw rayaw kaniyu amuin nangadji sin Qur-an iban piyanghindu niya.)) Hadith sahih

الفوائد manga pangadjian makawa

فضل تعلم القرآن الكريم وتجويده، وفضل تعليمه.
Kalabbihan sin pagpangadji Qur-an iban tajweed niya ,,iban sin kalabbihan paghindu sin Qur-an.
فضل العمل بما فيه من الأحكام والآداب والأخلاق.
Kalabbihan sin pagbaugbug ha Qur-an dayin namayan ha hukuman niya iban aturan iban pangaddatan.
ينبغي على العالم بذل العلم بعد تعلمه.
Subay ha taga panghati amuin hi hindu niya in unu unu Kiya pangadjian niya ha Qur-an
تشريف لمن تعلم شيئاً من القرآن، ورفع منزلته بما تعلم.
Darajat sarayaw rayaw sin hisiyu siyu mangadji sin unu unu dayin ha Qur-an,,iban angkatun in darajat niya ha sabab sin pagpangadji niya.

22/08/2023

عن أبي موسى الأشعري -رضي الله عنه- عن النبي -صلى الله عليه وسلم- قال: «تعاهدوا هَذَا القُرْآنَ، فَوَالَّذِي نَفْسُ مُحَمَّدٍ بِيَدِهِ لَهُوَ أشَدُّ تَفَلُّتاً مِنَ الإبلِ فِي عُقُلِهَا». . [صحيح] [متفق عليه]

Dayin kan Abu Musa Al-ash-ariy (kiyaridaan siya sin Allahutaala) dayin ha Nabi S.A.W. laung niya: (( Parihala a niyu in Qur-an,, ibut sapahat ha nagpapanjari, in Siya (Qur-an) labi in idla' niya dayin sin unta' yuhukutan mahugut )) Hadith sahih

PANGADJIAN:
1) Bulansang pa amuin subay daran bassahunbin Qur-an.
2) Bang daran biyabassa in qur-an, humugut Siya ha panumtum sin manusiya,,sumaguwa bang kamahangan da tantu malawa Siya iban kalupahan.

16/05/2023

ASSALAMU ALAYKUM.
PAHATI!
Tumagnah in pag class sin adults (kababaihan) ha May 23, 2023 9:00am-11:00am in shaa ALLAH.
In pag class ini open pa katan mabayah manuntut ilmuh dain ha jumlahan sin kababaihan. In tapat pagklasan ha room sin grade 6 ha Ma'had Al-fathi Al-islamie.
Shukran!

30/04/2023

PAHATI.

Tumagnah in enrollment/registration ha simana ini sampay pa May 19.
Open in registration ha weekdays 8-4pm mari sadja pa tampat sin Ma'had Al-fathi Al-islamie ha Lower Manggas Lantawan Basilan.

Tumagnah in Regular Class ha May 20,2023.

Sawpama awn pangasubu nyu makadjari kamu mag Direct Message ha account ini.
Shukran.

14/12/2022

Our heartfelt gratitude most and foremost to Almighty ALLAH, ALHAMDULILLAH! To those who are continuously giving their indefatigable support, Jazakumullahu khayran. Ma'had Al-fathi Al-islamie Saturday and Sunday class (Durus and Qur'an) for boys and girls is still ongoing, Our Ma'had is moving forward to its development in shaa ALLAH.
To those who are willing to extend their wealth for charity, Do not hesitate to give those who are in need.

05/12/2022