17/07/2026
Please react and share. ๐๐๐ Thank you๐ค
MAGAPIT NATIONAL HIGH SCHOOL
SAKLAY
Sa loob ng maraming dekada, kinagisnan natin ang paniniwalang โAng Kalikasan ay ating Ina.โ Ang ina ang siyang halos gumagabay at nagpapalago sa
kaniyang mga supling. At kung susuriin, hindi magiging malusog na ina sa atin ang kalikasan kung patuloy itong pipilayan.
Kaliwaโt kanan ang paglalapastangan sa kalikasan. Maraming mga kapwa natin ang hindi pa rin namumulat sa tunay na kahulugan at saysay ng pangangalaga sa kapaligiran. Kaya naman sa loob ng bawat paaralan sa Lal-lo, sinasanay ang bawat mag-aaral sa pagtatanim ng mga gulay, herbal plants, at prutas upang: una, masiguradong may masustansya at masaganang pagkukunan ng gulay na maaaring gamitin sa paghahanda ng pagkain ng mga mag-aaral at g**o. Pangalawa, maiwasan ang paglaganap ng ibaโt ibang sakit gaya ng Dengue, kaya naman naging bahagi ng bawat school garden ang Citronella Plants. At higit sa lahat, makatulong sa mga estudyanteng kapos sa buhay upang makapagdala ng makakain, kung kayaโt bukas ang bawat gulayan para sa bawat isa.
Tayo man bilang mga bunga ng kalikasan ay may malaking gampanin sa pagtataguyod ng mas matingkad na kinabukasan para sa lahat.
PAGMAMAHAL
Ang isang ina ay marapat na magtamo ng pagmamahal mula sa kaniyang anak.
Hindi rin nagkakalayo sa kalikasan ---- kasama nito ang respeto na dapat nating isaalang-alang sa pagpapalago ng mga tanim. Sa pagmamahal na ito nag-uugat ang masaganang kalikasan na siya ring tumutulong sap ag-unlad ng ating kalusugan.
Ang simpleng pagtatanim ng mga puno, tamang pagtatapon ng mga basura,
pag-iwas sa polusyon, at pagtitipid sa likas na yaman, ay napapanatiling malusog ang bawat karagatan, paaralan, kagubatan, ilog, komunidad, at iba pang ekosistema. Ang pagmamahal natin sa kalikasan ay nagsisilbing pataba sa mapayapang kinabukasan.
ARUGA
Sa oras na kailanganin ng isang ina ang pagsaklolo ng kaniyang anak,
dapat itong tumugon at magbigay ng makabuluhang solusyon.
Kung pagmamasdan, ang kulay ng ating mga yamang tubig ay sinasalamin ang
mapait nitong kalagayan buhat ng kapabayaan. Ang mga kagubatan ay nagdaan sa โdi mabilang na pagkakalbo para sa pansariling ginhawa. Ang mga basura ay gumagala sa bawat kalsada sapagkat pinipili nating magbulag-bulagan sa kaganapan. At higit sa lahat, ang dating malalago at masiglang pananim ay unti-unting natutuyo dahil walang sapat na pagkalinga.
Upang matamo natin ang ginhawang nakabalot sa kalikasan, simulan nating
magbukas ng isip sa agarang lunas para sa ating inang kalikasan.
PANANAGUTAN
Bilang konsumer ng kalikasan, hindi biro ang ating pananagutan sa bawat
paglalapastangan.
Upang mapanatili natin ang ligtas na kapaligiran at maayos na kalusugan para
sa bawat mamamayan, itanim natin sa ating mga puso na tayo bilang tao ay may gampaning punan ang bawat pagkukulang sa kalikasan, sumunod sa limitasyong kaakibat ng paggamit ng natural na yaman, at iwasan ang pang-aabuso sa kakayanan nito. Dahil ang anumang kapabayaan ay naibabalik.
Ang tatlong ito ay ang magsisilbing dilig upang manumbalik ang diwa ng
kalikasan. Bata man o matanda, mag-aaral o g**o, sa bayan o sa bansa, sa paaralan o sa tahanan, piliing maging lunas at saklay sa napipilay sa kalikasan. Dahil sa nutrisyon at kalusugan, may kinalaman ang ating kalikasan.
