Deped Koronadal Sto. Nino ES

𝐀𝐥𝐥𝐚𝐝𝐨, 𝐬𝐮𝐦𝐢𝐤𝐥𝐚𝐛 𝐬𝐚 𝐜𝐡𝐞𝐬𝐬! 𝐒𝐢𝐥𝐯𝐞𝐫 𝐟𝐢𝐧𝐢𝐬𝐡 𝐧𝐠 𝐂𝐥𝐮𝐬𝐭𝐞𝐫 𝟏, 𝐩𝐚𝐬𝐨𝐤 𝐬𝐚 𝐒𝐑𝐀𝐀 𝟐𝟎𝟐𝟔

Pinatunayan ni Jechris Rheo N. Allado ng Cluster 1 ang kanyang husay sa larangan ng chess matapos niyang masungkit ang pilak sa elementary boys category ng City Koronadal Athletic Association (CKAA) Meet 2026 na ginanap sa Koronadal Central Elementary School (KCES) II, Pebrero 13.

Sa kabila ng matinding kompetisyon mula sa iba’t ibang clusters, nanindigan si Allado sa buong torneo at nagpakita ng matalinong laro, disiplina, at matatag na stratehiya sa bawat round.

Dahil sa kanyang tagumpay, siya ay napili bilang isa sa mga magiging kinatawan ng Schools Division Office (SDO) of Koronadal City sa nalalapit na SOCCSKSARGEN Regional Athletic Association (SRAA) Meet 2026, buwan ng Abril.

Ipinahayag naman ng kanyang coach na si Llomer R. Milan ang malaking tiwala sa potensiyal ni Allado.

Ayon sa kanya, ang pagkapanalo ng batang atleta ay bunga ng kanilang puspusang paghahanda at dedikasyon sa pagsasanay.

Inaasahan na mas magiging masinsinan ang preparasyon ni Allado at ng kanyang koponan bilang paghahanda sa pagtapat sa pinakamagagaling na manlalaro mula sa buong rehiyon 12.

𝐂𝐥𝐮𝐬𝐭𝐞𝐫 𝟏 𝐬𝐢𝐧𝐞𝐥𝐲𝐮𝐡𝐚𝐧 𝐚𝐧𝐠 𝐤𝐚𝐦𝐩𝐞𝐨𝐧𝐚𝐭𝐨 𝐬𝐚 𝐂𝐊𝐀𝐀 𝟐𝟎𝟐𝟔; “𝐊𝐢𝐦𝐩𝐢𝐭” 𝐩𝐥𝐚𝐲𝐞𝐫𝐬, 𝐮𝐦𝐚𝐧𝐢 𝐧𝐠 𝐬𝐩𝐞𝐜𝐢𝐚𝐥 𝐚𝐰𝐚𝐫𝐝𝐬

Pinatunayan ng Cluster 1, “Team Kimpit” ang kanilang lakas at determinasyon matapos talunin ang Cluster 5 sa volleyball boys (elementary), sa iskor na 25-19, sa ginanap na City of Koronadal Athletic Association (CKAA) Meet 2026, Pebrero 13.

Sa kabila ng matinding depensa ng Cluster 5, nanatiling agresibo at organisado ang Team Kimpit upang masig**o ang kanilang panalo at pag-angkin ng kampeonato sa nasabing torneo.

Bukod sa pagkapanalo, kinilala rin ang husay ng mga piling manlalaro ng Team Kimpit, sa pamamagitan ng special awards:
📌Best Libero: Apelacio, Jaderick A.
📌Best Server: Duron, Larry Jr. M.
📌Best Open Spiker: Jayawon, Francis Joven R.
📌Best Setter at MVP: Papuling, Christian R.

Pinangunahan ang koponan ng kanilang mga coach na sina Raiza M. Salvaloza at Lian April D. Awid, na kapwa nagpahayag ng kanilang pagmamalaki sa dedikasyon at pagsisikap ng mga batang atleta.

Dahil sa kanilang tagumpay, ang Cluster 1, ‘Team Kimpit’ ang magiging kinatawan ng Schools Division of Koronadal City sa volleyball boys (elementary), at lalahok sa nalalapit na SOCCSKSARGEN Regional Athletic Association (SRAA) Meet 2026 ngayong Abril.

Handang-handa na ba ang inyong mga chikiting sa unang hakbang ng kanilang pag-aaral?

Mag-early registration na sa Sto. Niño Elementary School para sa SY 2026-2027!

Inaanyayahan namin ang mga magulang o guardian ng mga incoming Kindergarten at Grade 1 na bumisita sa SNES at ipatala ang kanilang anak.

Tandaan, ang unang hakbang ay mahalaga, kaya huwag palampasin ang pagkakataon na magparehistro.

Para sa mga detalye, requirements, at iskedyul ng early registration, mangyaring basahin ang mga impormasyong nasa mga larawang nakalakip sa post na ito.

𝐃𝐨𝐮𝐛𝐥𝐞 ‘𝐤𝐢𝐥𝐥’ 𝐬𝐚 𝐜𝐨𝐮𝐫𝐭! 𝐒𝐍𝐄𝐒 𝐩𝐢𝐧𝐚𝐭𝐚𝐨𝐛 𝐚𝐧𝐠 𝐊𝐂𝐄𝐒 𝐈, 𝐈𝐈 𝐬𝐚 𝐠𝐢𝐫𝐥'𝐬 𝐝𝐨𝐮𝐛𝐥𝐞𝐬

Muling umangat ang pangalan ng Sto. Niño Elementary School (SNES) sa larangan ng isports matapos mangibabaw ang kanilang Badminton Girl's Doubles sa Cluster Meet, Enero 15.

Pinatunayan nina Michaela Cabigonda at Joebricaella Babe Carillo ang kanilang husay nang talunin nila ang koponan ng Central I sa unang laban bago tuluyang pataubin ang Central II sa sumunod na salpukan.

Dahil sa sunod-sunod na pagkapanalo ng SNES, opisyal na sasabak sina Cabigonda at Carillo sa City of Koronadal Athletic Association (CKAA) Meet 2026, bilang kinatawan ng Cluster 3 na gaganapin sa Pebrero 12–14.

Sa patnubay ng kanilang coach na si Verlisa M. Milan, inaasahang mas paiigtingin pa ng koponan ang kanilang paghahanda upang maipagpatuloy ang tagumpay at maitaas pa ang bandera ng paaralan sa nalalapit na CKAA Meet 2026.

𝐒𝐍𝐄𝐒 𝐯𝐨𝐥𝐥𝐞𝐲𝐛𝐚𝐥𝐥 𝐛𝐨𝐲𝐬, 𝐩𝐚𝐩𝐚𝐥𝐨 𝐬𝐚 𝐂𝐊𝐀𝐀 𝐦𝐞𝐞𝐭 𝟐𝟎𝟐𝟔

Koronadal City — Nagpakita ng lakas at determinasyon ang Volleyball Boys team ng Sto. Niño Elementary School (SNES) matapos walisin ang kanilang mga laban sa ginanap na Cluster Meet, Enero 15.

Sa unang salpukan, tinalo ng SNES ang Flaviano T. Deocampo, Sr. Elementary School, kung saan namayani ang mahusay na depensa, matitibay na serves, at disiplinadong team play.

Hindi nagpadaig ang koponan sa sumunod na laban kontra Matulas Elementary School, kung saan nanindigan ang SNES at muling isinelyo ang panalo sa pamamagitan ng matalinong galaw.

Sa likod ng sunod-sunod na panalo, opisyal nang papalo ang SNES Volleyball Boys sa City of Koronadal Athletic Association (CKAA) Meet 2026 bilang kinatawan ng Cluster 3 sa Pebrero 12–14.

Pinangunahan ang koponan ng mga manlalarong sina Jaderick Apelacio, Francis Joven Jayawon, Christian Papuling, Darylson D**a, Larry Duron Jr., Jan Angelu Dadivas, John Ronald Naranjo, Khent Bryan Masadia, Zyrone Jay Nuñez, Thyler John Puna, Gino Soterno, Billy Joel Ello, at Azril De Chavez, sa gabay at pamumuno ng kanilang coach na si Raiza M. Slavaloza.

Buong suporta ang ipinapaabot ng paaralan at komunidad ng SNES sa koponan habang sila’y naghahanda para sa mas matinding hamon sa paparating na CKAA Meet 2026.

Lubos na nakikiramay ang buong pamayanan ng Sto. Niño Elementary School (SNES) sa pagkawala ng aming minamahal na g**o na si Gng. Myrna L. Eulatriz, na pumanaw noong Disyembre 23, 2025.

Si Teacher Myrna ay isang masipag, mapagmahal, at dedikadong g**o na buong pusong naglingkod sa mga batang mag-aaral ng SNES.

Hindi matatawaran ang kanyang kabutihan at malasakit sa mga batang kanyang tinuruan.

Sa bawat ngiti at aral na kanyang ibinahagi, iniwan niya ang bakas ng isang g**o na tunay na nagmamahal.

Ang lamay ni Teacher Myrna ay gaganapin sa Southern Funeral Home, Purok Mabuhay, Brgy. Reyes, Banga, South Cotabato mula Disyembre 26, 2025 hanggang Enero 2, 2026.

Ang funeral service ay isasagawa sa MECMI Church, na matatagpuan sa Langka St., Purok Bagong Sikat, Brgy. GPS, Koronadal City, South Cotabato, sa Enero 3, 2026 (Sabado), alas-9:00 ng umaga, at susundan ito ng libing sa Forestlake, Victory Homes, Brgy. Paraiso, Koronadal City, South Cotabato.

Patuloy nating ipanalangin ang kapayapaan ng kanyang kaluluwa at ang lakas at kaaliwan para sa kanyang naiwang pamilya at mga mahal sa buhay.

Paalam, Teacher Myrna. Maraming salamat sa iyong walang sawang pagmamahal at paglilingkod. Hindi ka namin malilimutan.

𝐌𝐠𝐚 𝐦𝐚𝐦𝐚𝐡𝐚𝐲𝐚𝐠 𝐧𝐠 𝐒𝐍𝐄𝐒, 𝐧𝐚𝐠𝐩𝐚𝐤𝐢𝐭𝐚𝐧𝐠 𝐠𝐢𝐥𝐚𝐬 𝐬𝐚 𝐃𝐒𝐏𝐂 𝟐𝟎𝟐𝟓; 𝐒𝐮𝐠𝐚𝐧𝐨𝐛, 𝐓𝐚𝐜𝐚𝐧, 𝐚𝐚𝐛𝐚𝐧𝐭𝐞 𝐬𝐚 𝐑𝐒𝐏𝐂 𝟐𝟎𝟐𝟔

Nagpakitang-gilas ang mga mamamahayag ng Sto. Niño Elementary School (SNES) sa katatapos lamang na Division Schools Press Conference (DSPC) 2025 na ginanap sa Saravia National High School, kung saan dalawang kalahok ang nagkamit ng ikalimang puwesto at aabante sa Regional Schools Press Conference (RSPC) 2026.

Kabilang sa mga umabante sa RSPC ay sina Joshua Suganob, na nagwagi ng 5th place sa Editorial Writing (English), at Jairah Miguelle Tacan, na tumanggap ng 5th place sa Feature Writing (Filipino).

Bukod sa dalawang nagwagi, aktibong lumahok ang iba pang mamamahayag ng SNES sa iba’t ibang kategorya ng paligsahan:

AJ CARMONA (Copy Reading & Headline Writing–English)
JOE PRINCE S. FEDOC (Copy Reading & Headline Writing–English)
RYZZA MAE D. CARIÑO (Copy Reading & Headline Writing–Filipino)
LARRY M. DURON (Copy Reading & Headline Writing–Filipino)
BRIELLE AVERY MORTEJO (Feature Writing–English)
ISAIAH LASANAS (News Writing–English)
XIAMARA KATE GEPOLONGA (News Writing–English)
KEAN SINOCRUZ (News Writing–Filipino)
SAMANTHA S. GRAN (News Writing–Filipino)
IZHAN BRITANICO (Editorial Writing–Filipino)
AYESHA TOTESORA (Science Writing–English)
VIEN DANNICA ORILLO (Science Writing–Filipino)
KHENT BRYAN MASADIA (Editorial Cartooning–English)
ERROS SAHAGUN (Editorial Cartooning–Filipino) at;
ASHLEY PAULINE CARILLO (Editorial Cartooning–Filipino)

Pinangunahan ang paghahanda ng mga mamamahayag ng kanilang mga coach na sina Edna Cristina A. Contang para sa English at Ron Jake O. Bravante para sa Filipino, katuwang ang punong-g**o ng paaralan na si Dolores L. Carreon.

Ipinahayag ng pamunuan ng paaralan ang kanilang pagbati at pasasalamat sa buong delegasyon ng SNES sa ipinakitang dedikasyon at husay sa larangan ng pamamahayag, at umaasang mas lalo pang aangat ang kanilang pagganap sa nalalapit na RSPC 2026.

𝐁𝐚𝐭𝐚𝐧𝐠 𝐒𝐍𝐄𝐒 ‘𝐝𝐢 𝐩𝐚𝐚𝐰𝐚𝐭! 𝐉𝐚𝐲𝐝𝐞𝐧 𝐁𝐥𝐚𝐤𝐞 𝐁𝐞𝐥𝐥𝐨, 𝟑𝐫𝐝 𝐩𝐥𝐚𝐜𝐞 𝐬𝐚 𝟐𝟎𝟐𝟓 𝐑𝐞𝐠𝐢𝐨𝐧𝐚𝐥 𝐊𝐢𝐝𝐝𝐢𝐞 𝐅𝐞𝐬𝐭𝐢𝐯𝐚𝐥 🥉

Muling naghatid ng karangalan si Jayden Blake M. Bello matapos niyang masungkit ang ikatlong puwesto sa 2025 Regional Kiddie Festival na ginanap noong Disyembre 9, sa Cultural Sports Center, Lungsod ng Tacurong.

Sa kategoryang Poem Recitation, ipinamalas ni Jayden ang malinaw na pagbigkas at mahusay na interpretasyon ng tula, dahilan upang siya ay kilalanin bilang isa sa mga nangungunang kalahok sa buong Rehiyon XII.

Kaagapay niya sa tagumpay ang teacher-coach na si Raiza M. Salvaloza, na naglaan ng matiyagang paggabay at walang sawang suporta sa buong panahon ng kanyang paghahanda.

𝐁𝐞𝐬𝐭 𝐊𝐢𝐧𝐝𝐞𝐫𝐠𝐚𝐫𝐭𝐞𝐧 𝐏𝐫𝐨𝐠𝐫𝐚𝐦 𝐈𝐦𝐩𝐥𝐞𝐦𝐞𝐧𝐭𝐞𝐫 𝐢𝐠𝐢𝐧𝐚𝐰𝐚𝐝 𝐬𝐚 𝐒𝐍𝐄𝐒; 𝐆𝐧𝐠. 𝐄𝐮𝐥𝐚𝐭𝐫𝐢𝐳, 𝐧𝐚𝐧𝐠𝐮𝐧𝐚 𝐬𝐚 𝐂𝐡𝐞𝐜𝐤𝐥𝐢𝐬𝐭 𝐀𝐬𝐬𝐞𝐬𝐬𝐦𝐞𝐧𝐭 𝐑𝐞𝐬𝐮𝐥𝐭𝐬 👩🏽‍🏫🏆

Nobyembre 26, 2025 - Isang malaking karangalan na naman ang natanggap ng Sto. Niño Elementary School (SNES) sa katatapos lamang na Bannawag 2025 – A Literacy Summit cm Awarding of 2025.

Iginawad ng SDO Koronadal City ang Best Kindergarten Program Implementer (Medium School Category) sa SNES, bilang pagkilala sa kahusayan, dedikasyon, at malikhaing pagpapaunlad ng literacy programs para sa mga kindergartener.

Kasabay nito, iginawad din kay Gng. Myrna L. Eulatriz ang unang puwesto sa Best Performance sa Checklist Assessment Result, katibayan ng kanyang makabuluhang ambag sa masusing pagsusuri at pagtataya ng kabuuang pagkatuto ng mga mag-aaral.

Ang mga natamong tagumpay na ito ay hindi lamang repleksyon ng sipag at husay ng mga g**o, kundi bunga rin ng matatag na suporta ng mga magulang, komunidad, at iba pang stakeholders sa pagsusulong ng de-kalidad at makabuluhang edukasyon para sa lahat.

𝐒𝐍𝐄𝐒 𝐬𝐜𝐡𝐨𝐨𝐥 𝐥𝐢𝐛𝐫𝐚𝐫𝐲, 𝐤𝐢𝐧𝐢𝐥𝐚𝐥𝐚 𝐬𝐚 𝐛𝐮𝐨𝐧𝐠 𝐑𝐞𝐡𝐢𝐲𝐨𝐧 𝐗𝐈𝐈; 𝟑𝐫𝐝 𝐩𝐥𝐚𝐜𝐞 𝐬𝐚 𝐄𝐦𝐞𝐫𝐠𝐢𝐧𝐠 𝐂𝐚𝐭𝐞𝐠𝐨𝐫𝐲 🥉📚

Nobyembre 22, 2025 - Isang malaking karangalan ang natamo ng Sto. Niño Elementary School (SNES) matapos itong kinilala sa buong Rehiyon XII.

Nasungkit ng paaralan ang 3rd Place sa Emerging Category – Elementary Level sa Regional Hiraya: Search for the Most Functional Library, isang prestihiyosong pagkilala para sa mga paaralang nagpapakita ng husay sa pamamahala, inobasyon, at serbisyong pang-aklatan.

Personal na tinanggap nina Gng. Dolores L. Carreon, punong-g**o ng SNES, at Gng. Ana Liza F. Serra, School Library In-Charge, ang nasabing parangal bilang kinatawan ng buong SNES.

Ang pagkilalang ito ay naging posible sa tulong at suporta ng mga g**o, mga magulang at tagapag-alaga, at mga stakeholder na sama-samang nag-ambag para mapahusay ang school library.

Nagpapaabot ng taos-pusong pasasalamat ang SNES sa lahat ng naging bahagi ng tagumpay na ito.

Patuloy na magsisikap ang paaralan na palakasin ang mga programa ng school library at isulong ang kultura ng pagbabasa, pagkatuto, at pananaliksik para sa mga batang Niñans.

𝐓𝐚𝐠𝐚𝐩𝐚𝐠𝐛𝐢𝐠𝐤𝐚𝐬 𝐧𝐠 𝐭𝐮𝐥𝐚 𝐦𝐮𝐥𝐚 𝐒𝐍𝐄𝐒 𝐰𝐚𝐠𝐢 𝐬𝐚 𝟏𝟑𝐭𝐡 𝐊𝐢𝐝𝐝𝐢𝐞 𝐅𝐞𝐬𝐭𝐢𝐯𝐚𝐥 𝟐𝟎𝟐𝟓 🥇🥳

Isang kahanga-hangang tagumpay ang tinamo ng Sto. Niño Elementary School (SNES) matapos magpamalas ng husay sa pagbigkas ng tula ang kanilang kinatawan sa 13th Kiddie Festival 2025 na ginanap noong Nobyembre 19, 2025 sa South Cotabato Gymnasium and Cultural Center.

Nasungkit ni Jayden Blake M. Bello, isang mag-aaral sa Kindergarten, ang kampeonato sa Poem Recitation kung saan binigyang buhay niya ang tulang “The Little Dreamer”.

Sa tulong at gabay ng kaniyang g**o at coach na si Raiza M. Salvaloza, ipinamalas ni Jayden ang angking galing sa pagbigkas ng tula na umani ng papuri at paghanga mula sa mga huardo.

Isang mainit na pagbati sa ‘yo Jayden at sa karangalang iyong inuwi para sa ating paaralan!

𝟐𝟎𝟐𝟓 𝐏𝐚𝐦𝐛𝐚𝐧𝐬𝐚𝐧𝐠 𝐁𝐮𝐰𝐚𝐧 𝐧𝐠 𝐏𝐚𝐠𝐛𝐚𝐬𝐚 𝐚𝐭 𝐍𝐚𝐭𝐢𝐨𝐧𝐚𝐥 𝐁𝐨𝐨𝐤 𝐖𝐞𝐞𝐤 𝐂𝐞𝐥𝐞𝐛𝐫𝐚𝐭𝐢𝐨𝐧, 𝐢𝐧𝐢𝐥𝐮𝐧𝐬𝐚𝐝 𝐧𝐠 𝐒𝐍𝐄𝐒

Sa temang “Tulay ang Pagbasa sa Bukas na Puno ng Pag-asa,” opisyal nang binuksan ng Sto. Niño Elementary School (SNES) ang selebrasyon ng 2025 Pambansang Buwan ng Pagbasa at National Book Week Celebration.

Nagsimula ang programa sa isang makulay na Book Character Parade, tampok ang mga mag-aaral na nagbihis bilang kanilang mga paboritong karakter mula sa mga aklat.

Sa buong buwan ng Nobyembre, inaasahan ang serye ng mga gawain at paligsahan na layong paigtingin ang kultura ng pagbabasa at palaganapin ang pagmamahal sa mga aklat.