Himbon Marista

𝐈𝐒𝐏𝐀𝐓𝐄𝐃!

Ilang mga mag-aaral na Sinyor Hayskul ng NDMU IBED suot-suot ang magagarang kasuotang Pilipino para sa kulminasyon ng Buwan ng mga Wika at Kasaysayan ngayong araw Agosto 19, 2026.

𝗪𝗶𝗸𝗮𝗔𝗹𝗮𝗺𝗮𝗻: 𝗦𝗮𝗹𝗶𝘁𝗮 𝗻𝗴 𝗔𝗿𝗮𝘄

𝐩𝐢𝐭𝐡𝐚𝐲à

Lahat ng tao ay may pithayà — may pinapangarap, may pinaglalaban, at may patuloy na hinahangad kahit mahirap itong abutin.

Ang Pithayà ay isang salita na nagmula sa katutubong Tagalog, at ito ay tumutukoy sa masidhing hangarin ng indibidwal sa isang bagay o tao. Hindi man ito nagagamit sa pang-araw-araw na diskusyon, ngunit nananatili ang kahulugan nito sa bawat taong may pangarap na nais makamit.

Ngayong Buwan ng Wika at Kasaysayan, nawa’y magsilbing paalala ang salitang ito na maging pursigido sa tinatahak nating landas at maging maalam sa mga hangarin na nais makamit.

Sanggunian: https://kwfdiksiyonaryo.ph/?query=pithaya

𝐊𝐀𝐆𝐀𝐆𝐀𝐍𝐀𝐏 𝐋𝐀𝐍𝐆 | Uminit ang kompetisyon sa Senior High School Lobby ng Notre Dame of Marbel University – IBED ngayong Agosto 18, 2026, habang nagsasagupaan ang mga mag-aaral sa ginaganap na Tagisan ng Talino.

Ipinamalas ng bawat koponan ang kanilang kaalaman, bilis ng pag-iisip, at kumpiyansa sa pagsagot sa iba’t ibang katanungan. Sa bawat tanong, patuloy na nagbabago ang takbo ng laban habang pinananatili ng bawat koponan ang kanilang pokus upang makuha ang mga tamang sagot.

𝐊𝐀𝐆𝐀𝐆𝐀𝐍𝐀𝐏 𝐋𝐀𝐍𝐆 | Lumahok ang mga mag-aaral ng NDMU-IBED sa isang paligsahan sa pagbabaybay (spelling bee) na ginanap ngayong araw, ika-17 ng Agosto, 2026, sa paaralan bilang bahagi ng pagdiriwang ng Buwan ng Wika at Kasaysayan. Pinangunahan ang nasabing aktibidad ni G. Ralph G. Bansawan, kung saan ipinamalas ng mga mag-aaral ang kanilang talino, bilis ng pag-iisip, at pag-unawa sa Ortograpiyang Filipino.

𝐊𝐀𝐆𝐀𝐆𝐀𝐍𝐀𝐏 𝐋𝐀𝐍𝐆 | Nakiisa ang mga mag-aaral ng NDMU-IBED sa ginanap na Paligsahan sa Debate ngayong Agosto 18, 2026, bilang bahagi ng pagdiriwang ng Buwan ng Wika.

Pinangunahan nina Gng. Sarah Elloran at G. Adrian Pete Pregonir ang paligsahan, kung saan ipinakita ng mga kalahok ang kanilang husay sa pangangatwiran at maayos na pagpapahayag ng sariling pananaw gamit ang wikang Filipino. Sa bawat pagtatalo, naipamalas din ang kahalagahan ng pakikinig, paggalang sa magkakaibang opinyon, at paggamit ng salita upang maipahayag nang malinaw ang isang paninindigan.

𝐍𝐀𝐍𝐆𝐘𝐀𝐑𝐈 𝐍𝐀 | Nagtipon ang mga mag-aaral ng Grade 11 sa NDMU-IBED Gymnasium ngayong Agosto 17, 2026, para sa isang sesyon ng pagpapayaman (enrichment session) tungkol sa RIASEC Test na pinangunahan ni Ms. Ma. Dorothy V. Tuban, RPm, CHRA. Ang sesyon ay nakaayon sa Sustainable Development Goal 4 (Quality Education) at SDG 8 (Decent Work and Economic Growth) ng United Nations sa pamamagitan ng paggabay sa mga mag-aaral na tukuyin ang kanilang mga interes na may kaugnayan sa mga career pathway.

𝗪𝗶𝗸𝗮𝗔𝗹𝗮𝗺𝗮𝗻: 𝗦𝗮𝗹𝗶𝘁𝗮 𝗻𝗴 𝗔𝗿𝗮𝘄

𝐥𝐮𝐧𝐠𝐠𝐚𝐭î

May mga bagay na hindi sapat na tawaging “gusto” lamang. May mga pangarap na higit nating ninanais at mga hangaring buong puso nating hinihiling na matupad.

Ang lunggatî ay isang salitang Tagalog na nangangahulugang masidhing damdamin ng paghahangad na makuha ang isang bagay o paghiling na mangyari ang anuman.

Sa isang salitang tulad ng lunggatî, makikita kung gaano kayaman ang ating wika sa pagbibigay ng pangalan sa mga damdaming hindi madaling ipaliwanag. Maaaring hindi ito karaniwang naririnig ngayon, ngunit nananatili itong mahalagang bahagi ng wikang Filipino.

Sanggunian: KWF Diksiyonaryo ng Wikang Filipino

𝗪𝗶𝗸𝗮𝗔𝗹𝗮𝗺𝗮𝗻: 𝗦𝗮𝗹𝗶𝘁𝗮 𝗻𝗴 𝗔𝗿𝗮𝘄

𝐒𝐚𝐥𝐚𝐦𝐢𝐬𝐢𝐦

Higit pa sa mga hangganan ang kayang tawirin ng ating wika; hinubog nito ang ating kultura, kasaysayan, at pagkakakilanlan. Sa lahat ng ating ginagawa, mula sa mga salitang binibigkas, mga sayaw na sinasayaw, at kulturang isinasabuhay—lahat ng ito ay ibinabalik sa ating mga ugat.
Salamisim, isang katutubong salitang Tagalog na nangangahulugang gunita, pag-alala, o isang mapait-tamis na alaala ng nakaraan.
Isang paalala ngayong Buwan ng mga Wika at Kasaysayan, na ang ating wika ay mayaman sa mga salitang nagbibigay-daan upang higit nating yakapin ang ating sarili at pinagmulan. Ating ipagmalaki ang yaman ng ating kultura bilang mga Pilipino!

Saggunian:
https://kwfdiksiyonaryo.ph/?query=salam%C3%ADsim
https://www.thecommononline.org/salamisim/

𝙆𝘼𝙎𝘼𝙇𝙐𝙆𝙐𝙔𝘼𝙉 | Ngayong araw, ika-14 ng Agosto, 2026, nagtipon-tipon ang mga mag-aaral, g**o, at kawani sa NDMU-IBED gymnasium upang ipagdiriwang ng Eucharist bilang paggunita sa Solemnity of the Assumption of the Blessed Virgin Mary—isang paalala ng pagkakataong dinala ng Diyos ang kanyang katawan at kaluluwa nang direkta sa langit.

Kaya naman, sa Homily ni Rev. Fr. Job Abo-Abo, pinaalalahanan tayo na "The more we become closer to the Blessed Virgin Mary, the more we become closer to her son, Jesus Christ."

𝗞𝗔𝗦𝗔𝗟𝗨𝗞𝗨𝗬𝗔𝗡 | 𝗡𝗗𝗠𝗨-𝗜𝗕𝗘𝗗 𝗻𝗮𝗴𝗱𝗶𝗿𝗶𝘄𝗮𝗻𝗴 𝗻𝗴 𝗘𝘂𝗰𝗵𝗮𝗿𝗶𝘀𝘁𝗶𝗰 𝗖𝗲𝗹𝗲𝗯𝗿𝗮𝘁𝗶𝗼𝗻

Agosto 14, 2026 — Nagtipon ang komunidad ng Notre Dame of Marbel University–Integrated Basic Education Department (NDMU-IBED) para sa Eucharistic Celebration ngayong araw, bilang pagkakataon na magpasalamat at muling pagtibayin ang pananampalataya ng bawat Marista.

Sa pagdiriwang ng Banal na Eukaristiya, sama-samang nanalangin ang mga mag-aaral, g**o, at kawani para sa patuloy na gabay at pagpapala sa taong panuruan 2026–2027.