𝐁𝐚𝐧𝐠𝐬𝐚𝐦𝐨𝐫𝐨 𝐇𝐨𝐥𝐲 𝐐𝐮𝐫'𝐚𝐧 𝐀𝐜𝐚𝐝𝐞𝐦𝐲, 𝐈𝐧𝐜. -𝐐𝐮𝐫'𝐚𝐧𝐢𝐜 𝐌𝐞𝐦𝐨𝐫𝐢𝐳𝐚𝐭𝐢𝐨𝐧

EID AL-ADHA AL-MUBĀRAK

Assalamo Alaikum Wa Rahmatullahi Wa Barakatuh🤍

Sa pagdating ng mapagpalang Eid Al-Adha, nawa’y punuin ni Allah ﷻ ang ating mga puso ng pananampalataya, kapayapaan, at kasiyahan.

Ang Eid ay hindi lamang araw ng selebrasyon, kundi araw din ng sakripisyo, pasasalamat, at pagpapalalim ng ating pagsunod kay Allah.

Nawa’y tanggapin Niya ang ating mga du‘ā, kabutihan, at sakripisyo, at pagpalain ang ating mga pamilya ng gabay at barakah. 🤲

Eid Mubārak to everyone! 🕋✨

📍Compliments from:
Bangsamoro Holy Qur’an Academy Inc. (BHQAI)

TIGNAN | ARAW NG 'ARAFA
Assalamo Alaikum Wa Rahmatullahi Wa Barakatuho
Ngayong darating na Martes, Mayo 26, 2026, ating sasalubungin ang isa sa mga pinakamapagpalang araw sa Islam — ang Araw ng ‘Arafah. 🤍

Isang araw ng paghingi ng tawad, taimtim na panalangin, at pagpapalapit kay Allah ﷻ.
Nawa’y pagkalooban tayo ng kapatawaran, awa, at gabay sa banal na araw na ito.

Sinabi ng Propeta Muhammad ﷺ:

“Ang pag-aayuno sa Araw ng ‘Arafah ay nagpapawi ng kasalanan ng nakaraang taon at ng darating na taon.” — Sahih Muslim

Samahan natin ito ng pag-aayuno, du‘ā, dhikr, at pagbabasa ng Qur’an.

📍Pagbati mula sa:
Bangsamoro Holy Qur’an Academy Inc. (BHQAI)

📚 𝐇𝐀𝐏𝐏𝐄𝐍𝐈𝐍𝐆 𝐍𝐎𝐖 | 𝐁𝐇𝐐𝐀𝐈 𝐀𝐂𝐀𝐃𝐄𝐌𝐈𝐂 𝐌𝐈𝐃𝐓𝐄𝐑𝐌 𝐄𝐗𝐀𝐌𝐈𝐍𝐀𝐓𝐈𝐎𝐍

Kasabay ng paglipas ng bawat araw ng pag-aaral ay ang pagharap din ng ating mga mag-aaral sa panibagong hamon at pagsubok. Sa kasalukuyan, isinasagawa ang Academic Midterm Examination ng mga estudyante ng Bangsamoro Holy Qur’an Academy Inc. bilang bahagi ng kanilang paglalakbay sa pag-aaral at paghubog ng kanilang kaalaman.

Makikita sa larawan ang pagsisikap, pagtuon, at pagnanais ng bawat mag-aaral na maipakita ang kanilang natutunan mula sa mga nakaraang aralin. Hindi man naging madali ang paghahanda, dala nila ang tiyaga at pag-asa na makamit ang magandang resulta ng kanilang pagsusulit.

Nawa’y pagkalooban sila ng Allah SWT ng malinaw na pag-iisip, sapat na lakas, at gabay upang matagumpay nilang matapos ang kanilang pagsusulit. ✨

MASDAN || FACULTY’S ORIENTATION AND CONSULTATION OF BHQAI

Matiwasay na naisagawa ang semestral Faculty Orientation and Consultation ng Bangsamoro Holy Qur’an Academy Inc. nitong araw ng Biyernes, April 3, 2026.

Ang gawaing ito ay pinangunahan ng pamunuan ng BHQAI na may layuning higit pang mapagtibay ang ugnayan ng bawat g**o, mapag-usapan ang mahahalagang usapin kaugnay ng akademikong programa, at mapataas ang kalidad ng pagtuturo at paggabay sa mga mag-aaral sa larangan ng pag-aaral ng Banal na Qur’an.

Kabilang sa mga pangunahing agenda ang mas sistematikong pagpapatakbo ng proseso ng pagtuturo, pagpaplano ng mga epektibong estratehiya sa loob ng halaqah, ang paggawa ng banghay-aralin, at ang maayos na pagtatalaga ng mga g**o sa bawat antas ng pag-aaral. Tinalakay rin ang patungkol sa paggawa ng banghay-aralin(Lesson Plan) upang matiyak ang organisado, maayos, at epektibong daloy ng pagtuturo sa institusyon.

Nagkaroon din ng bukas at makabuluhang talakayan kung saan malayang naibahagi ng bawat g**o ang kanilang mga pananaw, karanasan, at mga hamon sa pagtuturo. Sa pamamagitan nito, napagkasunduan ang mga konkretong hakbang upang patuloy na mapaunlad ang sistema at mapanatili ang mataas na pamantayan ng edukasyon sa BHQAI.

Patuloy na nagsusumikap ang Bangsamoro Holy Qur’an Academy Inc. na maghatid ng de-kalidad, disiplinado, at makabuluhang edukasyon para sa kapakinabangan ng bawat mag-aaral at ng komunidad.

📍 HAPPENING NOW | BHQAI MONTHLY EXAMINATION 📖✍️

𝐀𝐬𝐬𝐚𝐥𝐚𝐦𝐨 𝐀𝐥𝐚𝐢𝐤𝐨𝐦 𝐖𝐚 𝐑𝐚𝐡𝐦𝐚𝐭𝐮𝐥𝐥𝐚𝐡𝐢 𝐖𝐚 𝐁𝐚𝐫𝐚𝐤𝐚𝐭𝐮𝐡𝐨

Eid Mubārak! 🌙
Mula sa Bangsamoro Holy Qur’an Academy Inc., taus-puso naming ipinapaabot ang aming pinakamainit na pagbati sa lahat ng nagdiriwang ng Eid al-Fitr. Nawa’y ang pinagpalang araw na ito ay magdala ng kapayapaan, kapatawaran, at napakaraming biyaya sa inyo at sa inyong mga pamilya. Nawa’y manatili sa ating mga puso ang mga aral ng Ramadan at patuloy tayong gabayan sa araw-araw.

Assalāmu ‘alaykum wa rahmatullāhi wa barakātuh.

Sa ngalan ng Allah (SWT), matagumpay na naisagawa ang pagkilala sa mga mag-aaral ng BHQAI kasabay ng pagpupulong ng mga magulang noong ika-30 ng Enero sa BHQAI. Ang gawain ay nagsilbing paalala ng kahalagahan ng pagtutulungan ng paaralan at pamilya sa paghubog ng kaalaman, mabuting asal, at matibay na pananampalataya ng ating mga mag-aaral.

Lubos ang aming pasasalamat sa mga magulang sa kanilang patuloy na suporta, pakikiisa, at tiwala. Naway patnubayan at pagpalain tayo ng Allah (SWT) sa ating sama-samang adhikain para sa ikabubuti at tagumpay ng ating mga anak, In shā Allāh.

Part 2

Assalamu Alaykum, Ahlan wa Sahlan!

Lubos naming ipinagmamalaki ang matagumpay na Semestral Recognition na ginanap kahapon para sa mga mag-aaral ng BHQAI. Ang pagkilalang ito ay patunay na ang sipag, tiyaga, at pananampalataya ay laging nagbubunga. Nawa’y magsilbi itong inspirasyon sa bawat mag-aaral na ipagpatuloy ang paghahangad ng kaalaman—hindi lamang para sa sariling tagumpay, kundi para sa paglilingkod sa Ummah at sa komunidad.

Taos-puso ang aming pasasalamat sa lahat ng stakeholders, mga g**o, administrasyon, at sa buong komunidad na patuloy na sumusuporta sa adhikain ng BHQAI. Higit sa lahat, maraming salamat sa mga magulang sa walang sawang paggabay, panalangin, at sakripisyo. Sama-sama nating hubugin ang mga kabataang may talino, mabuting asal, at matibay na pananampalataya. Barakallahu feekum.

Shukran

Assalamu Alaykum, Ahlan Wa Sahlan!

Sa ngalan ng Bangsamoro Holy Quran Academy Incorporated, kami po ay taos-pusong nag-aanyaya sa lahat na dumalo sa 1st Semester Recognition na gaganapin sa ika-27 ng Disyembre 2025, sa Uyag Compound, Bannawag, Kabacan. Ang pagtitipong ito ay alay bilang pasasalamat sa Allah Subḥānahu wa Ta‘ālā at bilang pagkilala sa pagsisikap, kaalaman, at mabuting asal ng aming mga mag-aaral sa kanilang paglalakbay sa pag-aaral ng Banal na Qur’an.

Ang programa ay magsisimula nang ganap na ika-9 ng umaga. Nawa’y ang inyong pagdalo ay maging daan sa higit na pagkakaisa, pagpapala, at patuloy na paggabay ng Allah sa ating lahat. Jazakumullahu khayran, at kami po ay lubos na umaasang kayo’y makakasama sa banal na okasyong ito.

Shukran!