https://www.facebook.com/224807870707087/

Ang Kulintang - Pahayagang Pangkampus ng Mataas na Paaralan ng Kabacan, Mapanao St., Kabacan (2026)

24/06/2026

𝐀𝐭𝐭𝐞𝐧𝐭𝐢𝐨𝐧, 𝐊𝐍𝐇𝐒𝐢𝐚𝐧𝐬!

Safety first! Please be guided by the updated school policies on entry, uniforms, and campus security. Kindly read and follow these guidelines to help maintain a safe, secure, and disciplined learning environment for all.

11/06/2026

𝐊𝐀𝐒𝐀𝐑𝐈𝐍𝐋𝐀𝐍: 𝐀𝐏𝐎𝐘 𝐍𝐆 𝐍𝐀𝐊𝐀𝐑𝐀𝐀𝐍, 𝐋𝐈𝐖𝐀𝐍𝐀𝐆 𝐍𝐆 𝐊𝐈𝐍𝐀𝐁𝐔𝐊𝐀𝐒𝐀𝐍

Tuwing ika-12 ng Hunyo, ginugunita ng sambayanang Pilipino ang isang tagumpay na humubog sa ating pagkakakilanlan bilang isang malayang bansa. Ang Araw ng Kasarinlan ay hindi lamang pag-alala sa isang makasaysayang pangyayari, ito ay pagpupugay sa katapangan at sakripisyo ng mga bayaning nag-alay ng kanilang buhay upang maipagkaloob sa atin ang karapatang mamuhay nang may dangal at kalayaan. Sa bawat pagwagayway ng watawat, binibigyang-buhay natin ang kanilang mga pangarap para sa bayan.

Ang kasarinlan ng Pilipinas ay isinilang sa gitna ng pakikibaka. Hindi ito basta ipinagkaloob kundi buong tapang na ipinaglaban ng mga Pilipinong tumangging magpasakop sa pang-aapi. Ang kalayaang tinatamasa natin ngayon ay isang pamana na binayaran ng dugo, pawis, at buhay ng mga nagmahal sa bayan nang higit sa kanilang sarili.

Sa paglipas ng panahon, nananatiling mahalaga ang diwa ng kasarinlan. Ang tunay na kalayaan ay hindi lamang pagiging malaya mula sa pananakop, kundi ang kakayahang manindigan para sa katotohanan, kumilos nang may pananagutan, at magmalasakit sa kapwa at sa bayan. Ang pagmamahal sa bansa ay hindi nasusukat sa mga salitang binibigkas tuwing pagdiriwang, kundi sa mga gawaing nagpapakita ng integridad, pagkakaisa, at malasakit araw-araw.

Ang Araw ng Kasarinlan ay paalala na ang kalayaan ay hindi natatapos sa isang deklarasyon at hindi nasusukat sa paglipas ng panahon. Ito ay isang pananagutang patuloy na ipinapasa mula sa isang henerasyon tungo sa susunod. Habang nananatiling buhay ang pagmamahal sa bayan sa puso ng bawat Pilipino, mananatiling matatag ang kalayaang minsang ipinaglaban ng ating mga ninuno.

Ang kalayaan ay hindi lamang alaala ng nakaraan—ito ay isang apoy na dapat nating panatilihing nagliliyab, upang ang bawat susunod na henerasyon ay mamuhay sa isang bayang malaya, matatag, at karapat-dapat ipagmalaki. 🇵🇭

✍️ | Maysara Tacap
👩‍💻 | Rakma Macaalay

28/05/2026

𝐁𝐑𝐈𝐆𝐀𝐃𝐀 𝐄𝐒𝐊𝐖𝐄𝐋𝐀 𝐍𝐀!

KNHSians, magsama-sama at makiisa sa BRIGADA ESKWELA 2026 at maging bahagi ng sama-samang pagkilos para sa isang ligtas, malinis, maayos, at handang paaralan para sa ating mga mag-aaral para sa taong-panuruan 2026-2027 mula June 1 hanggang June 5, 2026.

Inaanyayahan ang mga magulang, alumni, mag-aaral, pribadong sektor, mga organisasyon, at iba pang stakeholders na makibahagi sa iba't ibang gawain tulad ng:

✅ Paglilinis ng mga silid-aralan at paligid ng paaralan

✅Pagkukumpuni at pagpipintura ng mga pasilidad

✅ Pagtatanim at pagpapaganda ng kapaligiran

✅ Pagbibigay ng donasyon at iba pang suporta para sa paaralan

Ang inyong oras, talento, kagamitan, at anumang tulong ay malaking ambag sa paghahanda ng isang mas maayos na kapaligiran sa pagkatuto.

Sama-sama nating isulong ang bayanihan para sa edukasyon! 💪

09/04/2026

𝐀𝐭𝐭𝐞𝐧𝐭𝐢𝐨𝐧 𝐀𝐬𝐩𝐢𝐫𝐢𝐧𝐠 𝐒𝐓𝐄 𝐒𝐭𝐮𝐝𝐞𝐧𝐭𝐬!

Kabacan National High School invites aspiring students to apply for the Science, Technology, and Engineering (STE) Strand. This opportunity is open to incoming Grade 7 students who wish to explore, innovate, and develop their skills in STE.

📅 Admission Test: May 6, 2026
🕖 Morning: Paper-Pen Test | 7:00 AM – 11:30 AM
🕐 Afternoon: Interview | 1:00 PM
📍 Venue: Kabacan National High School, STE Building

📎 Click the link to access all required documents: https://drive.google.com/drive/folders/1jjTDD9VQb7nH_Kl3PmKWmWJouo-2gTvY?usp=drive_link

For inquiries, please contact 0997 496 4502 or 0960 646 0781 or look for Sir Joseph Lego Cabrestante, STE Coordinator.

We look forward to welcoming future innovators and leaders in STE.

01/04/2026

𝐓𝐚𝐠𝐮𝐦𝐩𝐚𝐲 𝐚𝐭 𝐏𝐚𝐧𝐠𝐚𝐫𝐚𝐩: 637 𝐍𝐚𝐠𝐭𝐚𝐩𝐨𝐬 𝐬𝐚 𝐒𝐇𝐒, 𝐇𝐚𝐧𝐝𝐚 𝐬𝐚 𝐁𝐚𝐠𝐨𝐧𝐠 𝐘𝐮𝐠𝐭𝐨 𝐧𝐠 𝐁𝐮𝐡𝐚𝐲

Kasabay ng maalinsangang panahon, binuksan ang programa ng mainit na pagbati para sa mga nagsipagtapos sa ika-9 na Senior High School Commencement Exercises na idinaos noong Marso 30, 2025 at ginanap sa USM Auditorium Kabacan, Cotabato.
‎
‎Sa pormal na pagsisimula ng seremonya, dumalo ang hindi bababa sa 637 mag-aaral mula sa Science, Technology, Engineering, & Mathematics (STEM), Accountancy, Business & Management (ABM), Humanities and Social Science (HUMSS) strands, at Technical-Vocational-Livelihood (TVL) track. Kalakip ng isinagawang pamamahagi ng diploma, paggawad ng mga karangalan, at pagbibigay ng mga espesyal na pagkilala sa mga natatanging mag-aaral na nagpakita ng kahusayan sa iba’t ibang larang ng pagkatuto.
‎
‎Kinilala naman bilang Top of the Class ang mag-aaral mula sa HUMSS strand na si Yusoph A. Galangan, na naatasang maghatid ng appreciation message. Sa kanyang talumpati, ipinaabot niya ang pasasalamat sa kanyang mga magulang, mga g**ong gumabay, at kapwa nagtapos. Binigyang-diin din niya na hindi naging hadlang ang kaniyang pagiging tahimik at mahiyain sa klase upang abutin ang pinakamataas na marka.
‎
Nagsilbing Speaker ang alumnus ng paaralan na si G. Basser Lidasan Mamalac PhD, at ibinahagi ang karanasan na kailanman hindi naging balakid ang mga pagsubok sa kaniyang buhay upang makamit ang kaniyang mga pangarap. Aniya, “My journey has been a significant turning point in my life; despite the hardships I faced as an underprivileged individual, I never allowed them to hinder me from pursuing and achieving my dreams.”

Sa kanyang makahulugang mensahe, ibinahagi naman ni Rommelito G. Flores, CESO V, ang kahalagahan ng pagpupunyagi, disiplina, at matibay na paninindigan sa pag-abot ng mga pangarap. Binigyang-diin niya ang katagang “Make a difference,” bilang Isang paalala na ang bawat isa ay may kakayahang magdulot ng positibong pagbabago sa kanilang buhay.

Samantala, umapaw ang emosyon sa ginanap na Tribute to Parents nang buong pusong nagpasalamat ang mga nagtapos sa kanilang mga magulang at tagapag-alaga.

Kasunod nito, pinangunahan ni Riccah May C. Balingway mula sa ICT strand ang Pledge of Loyalty bilang panata ng mga nagtapos sa paaralan.

Nagwakas ang aktibidad sa pamamagitan ng isang makabuluhang pananalita mula sa punong-g**o na si Jasper L. Lobaton, P-IV. Ginawaran din ang iba’t ibang stakeholders ng paaralan bilang pagkilala sa kanilang naging mahalagang konstribusyon sa pagpapaunlad ng KNHS.

Sa pagtatapos ng seremonya, bitbit ng bawat nagtapos ang kanilang mga diploma—hindi lamang bilang katibayan ng akademikong tagumpay, kundi bilang pasaporte sa susunod na yugto ng kanilang buhay. Ang matagumpay na pagtatapos na ito ay nagsisilbing simula ng bagong yapak sa buhay ng mga nagsipagtapos ng KNHS Class of 2026.

✍️ | Almera Uyasan, Renz Aljer Aguilar, Fadal Amulan

31/03/2026

𝐋𝐢𝐰𝐚𝐧𝐚𝐠 𝐧𝐠 𝐓𝐚𝐠𝐮𝐦𝐩𝐚𝐲: 𝐈𝐤𝐚-11 𝐧𝐚 𝐂𝐨𝐦𝐩𝐥𝐞𝐭𝐢𝐨𝐧 𝐂𝐞𝐫𝐞𝐦𝐨𝐧𝐲 𝐧𝐠 𝐊𝐍𝐇𝐒; 𝐊𝐚𝐫𝐚𝐧𝐠𝐚𝐥𝐚𝐧 𝐚𝐭 𝐊𝐚𝐭𝐚𝐧𝐠𝐢𝐚𝐧𝐠 𝐏𝐢𝐥𝐢𝐩𝐢𝐧𝐨, 𝐈𝐩𝐢𝐧𝐚𝐠𝐝𝐢𝐰𝐚𝐧𝐠

Binigyang-pugay ng Kabacan National High School (KNHS) ang husay at pagsusumikap ng mga mag-aaral sa Junior High School sa ginanap na 11th Completion Ceremony ngayong ika-30 ng Marso, 2026, ganap na ika-6:00 ng umaga. Sa ilalim ng temang “Filipino Graduates: Prepared to Lead with Competence and Character,” naging sentro ng pagdiriwang ang paghubog sa mga kabataang hindi lamang matalino, kundi may matatag na prinsipyo.

Nagsimula ang programa sa isang masining na pagtatanghal ng Pambansang Awit, kung saan ang Lupang Hinirang ay isinalin sa Sign Language ng mga mag-aaral mula sa 10-STE Maxwell, isang pagpapakita ng inklusibong diwa ng paaralan at paggalang sa pagkakaiba-iba.

Sa kanyang Keynote Message, nag-iwan ng isang makapangyarihang hamon ang panauhing tagapagsalita na si G. Jaypee A. Fabian (Alumnus, Batch 2007) para sa mga nagsipagtapos. Aniya:
“Diploma opens the door. Diskarte helps you move. But the character determines how far you go.” Ang katagang ito ay nagsilbing paalala na ang edukasyon at talino ay mga kasangkapan lamang, ngunit ang mabuting pagkatao ang tunay na magdadala sa kanila sa rurok ng tagumpay.

Nagbahagi rin ng kanyang madamdaming pasasalamat si Kent Jaspher L. Milanes sa bahagi ng Words of Gratitude. Buong kerendahan niyang binigyang-diin ang pananampalataya at pagkilala sa mga mahal sa buhay:
“All my triumphs, great or small, to God be the glory, above them all,” ani Kent. Dagdag pa niya bilang pagpupugay sa mga haligi ng tahanan, “Mga magulang, kayo ang bayani sa araw na ito.”

Kinatawan naman ni G. Allan Dela Peña ang tanggapan ng ating Vice Mayor, na nagpaabot ng pagbati at suporta para sa mga kabataang Kabaceño na patuloy na nagbibigay ng dangal sa bayan.

Sa kabilang dako, binasa naman ni Ma'am Ma. Bernadette F. Limana ang mga inspirasyonal na mensahe mula sa mga opisyal ng Kagawaran ng Edukasyon na sina Sen. Juan Edgardo “Sonny” Angara (Secretary), Atty. Alberto T. Escobarte (Regional Director), at Romelito G. Flores (SDS). Matapos nito, pormal na iprinesenta ni Jasper L. Lobaton, EdD, Principal IV, ang mga kandidato na opisyal nang kinumpirma bilang mga completers.

Ang okasyon ay binalot ng pasasalamat sa pamamagitan ng Tribute to Parents, kung saan naging emosyonal ang pag-aalay ng pasasalamat ng mga mag-aaral para sa kanilang mga magulang at tagapag-alaga. Ang programa ay matagumpay na pinangasiwaan ni Evelyn D. Paguntalan, LPT, bilang Lady of Ceremony.

Sa pagtatapos ng seremonya, bitbit ng mga mag-aaral ang diploma at ang inspirasyong maging lider na may kakayahan at karakter para sa mas maliwanag na kinabukasan.

✍️ | Akrima Kamad

30/03/2026

𝐁𝐈𝐓𝐁𝐈𝐓 𝐀𝐍𝐆 𝐏𝐀𝐍𝐔𝐋𝐀𝐓 𝐀𝐓 𝐓𝐀𝐆𝐔𝐌𝐏𝐀𝐘; 𝐏𝐀𝐆𝐁𝐀𝐓𝐈 𝐀𝐓 𝐏𝐀𝐆𝐏𝐔𝐏𝐔𝐆𝐀𝐘 𝐒𝐀 𝐌𝐆𝐀 𝐌𝐀𝐆𝐓𝐀𝐓𝐀𝐏𝐎𝐒 𝐍𝐀 𝐌𝐀𝐌𝐀𝐌𝐀𝐇𝐀𝐘𝐀𝐆

Ngayon, hindi lang isang yugto ang nagtatapos para sa mga magtatapos na mamamahayag ng Ang Kulintang, kundi isang kwento na sila mismo ang sumulat. Sa araw ng kanilang pagtatapos, buong puso silang binabati—congratulations, mga beteranong mamamahayag ng Ang Kulintang! Ang tagumpay na ito ay sa kanila, pinaghirapan, ipinaglaban, at tunay na karapat-dapat.

Kasabay ng pagbati, nais ipahayag at ipabatid nang malinaw ng buong patnugutan ng Ang Kulintang—maraming salamat. Salamat sa lahat ng kanilang tulong sa pahayagan. Hindi lang sa dami ng artikulo o sa ganda ng layout, kundi sa oras, pagod, at pusong inilaan para mabuo ang bawat kwento at yugtong pang-akademiko. Higit pa roon, salamat sa walang-sawang paggabay sa mga nakakabatang mamamahayag. Sa bawat pag-check ng sulatin, sa pagtuturo kung paano maging mas maingat sa detalye, at sa paghimok na pagbutihin pa—doon naramdaman ng mga kasama nila na hindi nag-iisa sa prosesong ito.

Sa paraan ng kanilang paggabay, hindi lang natuto ang mga kasamahan nila na magsulat—natuto rin silang maniwala sa sarili nila. Dahil sa kanila, naiintindihan ng mga susunod na henerasyon na ang pagsusulat ay hindi lang talento—ito ay responsibilidad. Responsibilidad na magsabi ng totoo, magmulat, at magbigay-boses sa iba. Iyan ang isa sa pinakamahalagang aral na ibinahagi nila.

Habang sila ay tumatahak na sa panibagong landas, dala nila ang bahagi ng samahang Ang Kulintang. Ang Kulintang naman ay magpapatuloy, bitbit ang mga aral at inspirasyong iniwan nila. Pagbati sa mga seniors! Hindi man kayo makakasama sa susunod na pagsusulat, mananatili kayong bahagi ng bawat salitang isusulat ng pahayagan.

Padayon, at nawa'y patuloy niyong dalhin ang panulat saan man kayo dalhin ng inyong mga pangarap.

Ipinagmamalaki kayo ng Ang Kulintang! Hanggang sa muli. ✨

✍️ | Maysara Tacap

27/03/2026

𝐋𝐢𝐰𝐚𝐧𝐚𝐠 𝐧𝐠 𝐓𝐚𝐠𝐮𝐦𝐩𝐚𝐲: 𝐊𝐍𝐇𝐒 𝐌𝐨𝐯𝐢𝐧𝐠 𝐔𝐩, 𝐑𝐞𝐜𝐨𝐠𝐧𝐢𝐭𝐢𝐨𝐧 𝐂𝐞𝐫𝐞𝐦𝐨𝐧𝐲 2026; 𝐏𝐚𝐫𝐚𝐧𝐠𝐚𝐥 𝐚𝐭 𝐏𝐚𝐠𝐤𝐢𝐥𝐚𝐥𝐚, 𝐈𝐩𝐢𝐧𝐚𝐠𝐝𝐢𝐰𝐚𝐧𝐠

Bilang simbolo ng matagumpay na pagtatapos ng mga mag-aaral sa kani-kanilang baitang at ang kanilang paghakbang patungo sa susunod na antas ng pag-aaral, isinagawa ng Kabacan National High School (KNHS) ngayong ika-26 ng Marso, ganap na ika-7:30 ng umaga, ang Moving Up at Recognition Ceremony sa Mendoza Covered Court na may temang “Filipino Learners: Prepared to Lead with Competence and Character,” kung saan kinilala ang tagumpay at pagsusumikap ng mga mag-aaral mula ika-pito hanggang ika-9 na baitang at Grade 11.

Nagsimula ang programa sa pormal na pagbubukas, kasunod ang pagtatanghal ng piling mga estudyante ng ika-9 na baitang.

Matapos nito ay isinagawa ang pagkilala sa mga mag-aaral na nagpamalas ng kahusayan sa akademiko at magandang asal.

Tampok sa seremonya ang paggawad ng mga parangal sa mga natatanging mag-aaral bilang pagkilala sa kanilang dedikasyon, pagsisikap, at determinasyon sa pag-abot ng kanilang mga layunin.

Nagpaabot ng mensahe ang panauhing tagapagsalita, si G. John Cesar Villan - Padernal, na nagbigay ng inspirasyon sa mga mag-aaral na patuloy magsikap at maniwala sa sariling kakayahan.

Aniya, “We are making our own history in this world,” na nagsilbing paalala na ang bawat kilos at desisyon ng mag-aaral ay may malaking bahagi sa paghubog ng kanilang kinabukasan.

Binigyang-diin din ni G. Padernal ang kahalagahan ng pagmamahal at respeto sa mga magulang bilang pundasyon ng tagumpay, sapagkat sila ang nagsisilbing gabay, inspirasyon, at lakas ng loob ng bawat mag-aaral sa pag-abot ng kanilang mga pangarap.

Naging paalala rin sa lahat ang mensahe ng butihing punongg**o na Si G. Jasper L. Lobaton, P-IV sa bawat mag-aaral na patuloy na mangarap ng matayog, magsumikap at maging isang individual na may kababang loob.

Ayon sa kanya, "Success is not defined by the possession, achievements or wealth alone but the kind of person you become."

Naging makabuluhan din ang programa sa presensya ng mga magulang at tagapag-alaga, na patuloy na sumusuporta sa paghubog ng mga estudyante, gayundin ang dedikasyon ng mga g**o na nagsisilbing gabay sa kanilang tagumpay.

Ipinaabot din ng pamunuan ng KNHS ang taus pusong pasasalamat sa bawat stakeholders, mga magulang at mag-aaral, SPTA Officials teaching at non teaching staff ng paaralan sa kanilang natatanging kontribusyon upang matagumpay na maisakatuparan ang programa.

Sa pamamagitan ng matagumpay na Moving Up at Recognition Ceremony, muling pinatunayan ng KNHS ang kanilang layuning hubugin ang mga kabataang may kakayahan at mabuting karakter tungo sa mas maliwanag na kinabukasan.

✍️ | Angel Kasan

20/03/2026

𝐄𝐈𝐃 𝐀𝐋-𝐅𝐈𝐓𝐑: 𝐏𝐀𝐆𝐖𝐀𝐖𝐀𝐊𝐀𝐒 𝐍𝐆 𝐑𝐀𝐌𝐀𝐃𝐀𝐍, 𝐒𝐈𝐌𝐔𝐋𝐀 𝐍𝐆 𝐌𝐀𝐒 𝐌𝐀𝐋𝐀𝐋𝐈𝐌 𝐍𝐀 𝐏𝐀𝐍𝐀𝐍𝐀𝐌𝐏𝐀𝐋𝐀𝐓𝐀𝐘𝐀

MARSO 21, 2026 – Sa pagtatapos ng banal na buwan ng Ramadan, buong galak na ipinagdiriwang ng mga Muslim sa buong mundo ang Eid al-Fitr, na nangangahulugang “Pista ng Pagwawakas ng Pag-aayuno.” Ito ay hindi lamang isang selebrasyon, kundi isang makabuluhang tagumpay ng bawat mananampalataya sa kanilang pagtitiis, disiplina, at taimtim na pagsunod sa mga aral ng Islam.

Nagsisimula ang pagdiriwang sa isang espesyal na panalangin sa umaga (Salat al-Eid), kung saan nagtitipon-tipon ang komunidad upang magpasalamat sa Allah (SWT) sa lakas at gabay na kanilang natanggap sa buong buwan ng Ramadan. Ito rin ay panahon ng pagpapatawad, pagkakasundo, at pagpapanibago ng ugnayan sa kapwa.

Isang mahalagang bahagi ng Eid al-Fitr ang pagbibigay ng Zakat al-Fitr, isang obligadong kawanggawa na iniaalay bago ang pagdiriwang. Layunin nitong matulungan ang mga nangangailangan upang makasabay sila sa kasiyahan ng araw na ito. Sa pamamagitan nito, naipapakita ang diwa ng malasakit, pagkakapantay-pantay, at pagbabahagi na pawang mga mahahalagang gawi na pinagtibay sa buong Ramadan.

Higit pa sa mga handaan at kasiyahan, ang Eid al-Fitr ay nagsisilbing paalala ng mas malalim na diwa ng Ramadan: ang pagiging mapagpakumbaba, matiisin, at mapagbigay. Ito ay panawagan sa bawat isa na ipagpatuloy ang mga mabubuting gawain, panatilihin ang matibay na pananampalataya, at isabuhay ang mga aral ng Ramadan sa pang-araw-araw na buhay.

Sa gitna ng selebrasyon, nawa’y hindi natin kalimutan na ang tunay na diwa ng Eid ay hindi nasusukat sa dami ng handa o kasiyahan, kundi sa lalim ng ating pananampalataya at kabutihang naibabahagi sa iba. Ito ay isang panibagong simula – isang pagkakataon upang maging mas mabuting tao, mas mapagmalasakit sa kapwa, at mas malapit sa Maykapal.

عيد مبارك تقبل الله منا ومنكم.

𝘌𝘪𝘥 𝘔𝘶𝘣𝘢𝘳𝘢𝘬! 𝘛𝘢𝘲𝘢𝘣𝘢𝘭𝘭𝘢𝘩𝘶 𝘮𝘪𝘯𝘯𝘢 𝘸𝘢 𝘮𝘪𝘯𝘬𝘶𝘮. (𝘕𝘢𝘸𝘢’𝘺 𝘵𝘢𝘯𝘨𝘨𝘢𝘱𝘪𝘯 𝘯𝘨 𝘈𝘭𝘭𝘢𝘩 𝘢𝘯𝘨 𝘢𝘵𝘪𝘯𝘨 𝘮𝘨𝘢 𝘴𝘢𝘬𝘳𝘪𝘱𝘪𝘴𝘺𝘰 𝘢𝘵 𝘮𝘢𝘣𝘶𝘣𝘶𝘵𝘪𝘯𝘨 𝘨𝘢𝘸𝘢.

✍️ | HANNAH SOFIA GONGGA

Ang Kulintang - Pahayagang Pangkampus ng Mataas na Paaralan ng Kabacan

24/06/2026

11/06/2026

28/05/2026

09/04/2026

01/04/2026

31/03/2026

30/03/2026

27/03/2026

20/03/2026

Address

Website

Alerts

Shortcuts

Share

Category

Listing takedown request