Sablayan High School

31/12/2025

Ka-DepEd, bago matapos ang 2025, nais naming ipaabot ang taos-pusong pasasalamat. 🫶

Sa mga learners, teachers, personnel, at education partners na naging katuwang ng DepEd sa pagsasakatuparan ng mga reporma sa edukasyon.

Sa pamumuno ni Sec. Sonny Angara, marami tayong napagtagumpayan ngayong taon. Ikinagagalak naming patuloy kayong makasama sa paghahatid ng dekalidad na edukasyon para sa mga Pilipinong mag-aaral, sa susunod na taon. ☺️❤️

30/12/2025

Kaisa ang buong Kagawaran ng Edukasyon (DepEd) sa paggunita sa kabayanihan ni Dr. Jose Rizal ngayong Disyembre 30, sa pagdiriwang ng Rizal Day.

Sa ika-129 na anibersaryo ng kanyang pagpanaw, ating alalahanin hindi lamang ang kanyang sakripisyo, kundi isabuhay ang mga aral na kanyang iniwan: ang malalim na pagmamahal sa bayan, paninindigan sa katotohanan, at pananalig sa kapangyarihan ng edukasyon.

24/12/2025

𝐌𝐚𝐥𝐢𝐠𝐚𝐲𝐚𝐧𝐠 𝐏𝐚𝐬𝐤𝐨 𝐒𝐚𝐛𝐥𝐚𝐲𝐚𝐧𝐨𝐧!
🎄🎁🎉

23/12/2025

Sablayan High School
Year-End Party 2025
🎄❄️🎁🫶🏻🩵

23/12/2025

𝐂𝐚𝐩𝐚𝐜𝐢𝐭𝐲-𝐁𝐮𝐢𝐥𝐝𝐢𝐧𝐠 𝐩𝐚𝐫𝐚 𝐬𝐚 𝐆𝐞𝐧𝐝𝐞𝐫 𝐚𝐧𝐝 𝐃𝐞𝐯𝐞𝐥𝐨𝐩𝐦𝐞𝐧𝐭 𝐧𝐠 𝐊𝐚𝐠𝐮𝐫𝐮𝐚𝐧 𝐧𝐠 𝐌𝐏𝐒, 𝐦𝐚𝐤𝐚𝐛𝐮𝐥𝐮𝐡𝐚𝐧𝐠 𝐢𝐬𝐢𝐧𝐚𝐠𝐚𝐰𝐚

Pinaigting sa pamamagitan ng capacity-building ng Mataas na Paaralan ng Sablayan (MPS) ukol sa Gender and Development (GAD) nitong Disyembre 16–17, 2025 sa Gamay Balay, Sta. Teresita, Bulan, Sorsogon.

Komprehensibong tinalakay ni Atty. Noel B. Evan, Division Legal Officer ng Department of Education (DepEd) Schools Division Office (SDO)-Sorsogon ang paksang Mitigiting Measures and Protocols on VAWC: Strengthening Response and Protection.

Dagdag pa, nagkaroon din ng pagkakataon ang kaguruan na magtanong kay Atty. Evan ng ilang paglilinaw kaugnay ng kanilang mga personal na karanasan ukol sa paksa.

Lubos din ang pasasalamat ni Ma’am Jillianne A. Amado, GAD Coordinator sa pakikiisa at pagtutulungan ng lahat para sa matagumpay na pagsasagawa mg capacity-building.

23/12/2025

𝐏𝐈𝐍𝐓𝐀 𝐊𝐎𝐍𝐓𝐑𝐀 𝐃𝐑𝐎𝐆𝐀

23/12/2025

𝐏𝐈𝐍𝐓𝐀 𝐊𝐎𝐍𝐓𝐑𝐀 𝐃𝐑𝐎𝐆𝐀

Nakiisa ang mga Sablayanong mag-aaral sa LGU-Juban Mural Contest kaugnay ng kampanya kontra droga nitong Disyembre 18, 2025 sa Juban Gymnasium.

Binubuo ang pangkat ng mag-aaral nina Shane Sharmaine Grueso, Samantha Nicole G. Banico, Rushy Rose B. Diamante, at Kirk Adrian Griño. Katuwang din ang kanilang tagasanay na si Sir Ricky M. Hita Jr., at tagapamahala ng paaralan na si Sir Jason James D. Almonte.

Layunin ng gawain na magamit ang sining bilang paraan sa paglikha ng kamalayan sa komunidad ng Juban sa pag-iwas sa droga lalo na sa lebel ng kabataan.

Maituturing na malaking pagkakataon din ito sa mga mag-aaral na Sablayanon na mahasa ang kanilang kakayahang pansining sa mas malawak na espasyo.

18/12/2025

𝐔𝐧𝐚𝐧𝐠 𝐀𝐫𝐚𝐰: 𝐋𝐆𝐔-𝐉𝐔𝐁𝐀𝐍 𝐌𝐮𝐫𝐚𝐥 𝐏𝐚𝐢𝐧𝐭𝐢𝐧𝐠 𝐂𝐨𝐧𝐭𝐞𝐬𝐭

Tiwala ang Sablayan High School sa kakayahang sining ng mga Sablayanong mag-aaral sa pakikiisa sa LGU-Juban Mural Contest na binubuo nina Shane Sharmaine Grueso, Samantha Nicole G. Banico, Rushy Rose B. Diamante, at Kirk Adrian Griño. Kasama ang kanilang tagasanay na si Sir Ricky M. Hita Jr., maging ang kaguruang sina Ma’am Jillianne A. Amado at Ma’am Kareen Mae A. Griarte. Dagdag pa, nagpamalas din ng suporta ang tagapamanihala ng paaralan na si Sir Jason James D. Almonte sa nasabing gawain sa patuloy na pagsubaybay sa pagsasagawa nito.

Inaasahan na bukas ay matatapos na ng grupo ang kanilang entry sa nasabing kompetisyon.

17/12/2025

𝐏𝐚𝐬𝐤𝐢𝐥 𝐧𝐠 𝐏𝐚𝐬𝐚𝐬𝐚𝐥𝐚𝐦𝐚𝐭
𝐤𝐚𝐲 𝐆. 𝐉𝐨𝐥𝐚𝐧𝐝 𝐋. 𝐃𝐞𝐥𝐥𝐨𝐦𝐚𝐬

Ang buong Sablayan High School ay ipinaaabot ang pasasalamat at pagkilala sa makabuluhang pamamahala ni G. Joland L. Dellomas sa loob ng halos isang taon.

Tunay na ang kaniyang pamamahala ay nagbigay ng positibong impak sa patuloy na pagkamit ng de-kalidad na edukasyon ng kagawaran. Mula sa kaniyang mga proyekto at paninindigan para sa mas tapat na paglilingkod sa bayan higit na sa kabataang Sablayanon.

Ang kaniya ring husay sa pakikipag-ugnayan sa iba’t ibang ahensiya at stakeholders ay higit ding napakinabangan ng mga mag-aaral na Sablayanon at maging ng komunidad.

Patunay rin ang pagtatagumpay ng kaguruan at mga mag-aaral dahil sa kaniyang suporta at pagtitiwala sa husay ng kabataang Sablayanon.

Kaya sa kaniyang bagong paaralan na paglilingkuran ay tiyak din ang mahusay at makabuluhan niyang pamamahala.

Patuloy na uugnay nang may kabuluhan para sa tunay na diwa ng paglilingkod.

(Mula sa Sablayan High School ay lilipat na patungong Olimpio A. Guarin Jr. National High School si G. Dellomas)

17/12/2025

13/12/2025

𝐏𝐀𝐆𝐁𝐀𝐓𝐈 𝐉𝐎𝐔𝐑𝐊𝐍𝐎𝐖 𝐒𝐀𝐁𝐋𝐀𝐘𝐀𝐍𝐎𝐍!

Paghanga at pagkilala sa mga Sablayanong mag-aaral na mamamahayag ng Mataas na Paaralan ng Sablayan sa matagumpay na pakikiisa sa katatapos na Division Schools Press Conference nitong Disyembre 10-12, 2025 sa Casiguran Central School.

Narito ang mga bumuo ng delegasyon:

SALIMBAY-FILIPINO

Pagsulat ng Lathalain
Shane Sharmaine Grueso

Pagwawasto ng Sipi at Pag-uulo ng Balita
Kirk Adrian Griño

Pagsulat ng Editoryal
Jennifer Ann G. Gruta

Pagsulat ng Kolum
Ashly E. Berchez

Pagguhit ng Kartung Editoryal
Ivan A. Diamante

Tagasanay: Ricky M. Hita Jr.

VANGUARD-ENGLISH

Photojournalism
Samantha Nicole G. Banico

Copyreading and Headline Writing
Sandra G. Gruta

Editorial Cartooning
Rushy Rose B. Diamante

Science and Technology Writing
Crizhel G. Ignacio

Coach: Joyce Ann G. Balderama

Punongguro: Joland L. Dellomas
Tagamasid Pampurok: Venus G. Matuba

13/12/2025

𝐒𝐚𝐧𝐝𝐫𝐚 𝐆𝐫𝐮𝐭𝐚, 𝐧𝐚𝐤𝐚𝐦𝐢𝐭 𝐚𝐧𝐠 𝐢𝐤𝐚𝐚𝐩𝐚𝐭
𝐧𝐚 𝐩𝐮𝐰𝐞𝐬𝐭𝐨 𝐬𝐚 𝐃𝐒𝐏𝐂 𝟐𝟎𝟐𝟓

Nagpakilala agad si Sandra Gruta sa larangan ng pamamahayag nang makamit ang ikaapat na puwesto para sa Copyreading and Headline Writing-English sa katatapos na Division Schools Press Conference nitong Disyembre 10-12, 2025 sa Casiguran Central School.

Si Sandra ay nasa baitang 7 pa lamang ng Mataas na Paaralan ng Sablayan, aniya na siya ay kinabahan dahil sa masyadong mahaba raw ang kanilang fact sheet na ginamit sa kompetisyon at maraming mas nakatatandang mga mag-aaral ang kaniyang kalaban.

Ipinamalas naman ni Bb. Joyce Ann G. Balderama, tagasanay, ang kaniyang paghanga kay Sandra sa determinasyon nito sa kompetisyon.

Samantala, muling sasali ulit si Sandra at Bb. Joyce Ann sa susunod na taon sa nabanggit na kompetisyon na may malaking pag-asa na masungkit ang podium finish at maging kabahagi ng RSPC delegation ng SDO-Sorsogon Province.