22/06/2022
๐๐๐ฆ๐๐๐๐ก | ๐๐ฟ๐ถ๐ผ๐ป๐ฒ๐, ๐ฝ๐ถ๐ป๐ฎ๐ฎ๐น๐ฎ๐น๐ฎ๐ต๐ฎ๐ป๐ฎ๐ป ๐ฎ๐ป๐ด ๐บ๐ด๐ฎ ๐ผ๐ฝ๐ถ๐๐๐ฎ๐น ๐๐ฎ ๐ณ๐ถ๐ฒ๐น๐ฑ ๐ป๐ฎ ๐ฑ๐ฎ๐น๐ต๐ถ๐ป ๐ฎ๐ป๐ด ๐ฒ๐ฑ๐๐ธ๐ฎ๐๐๐ผ๐ป ๐๐ฎ ๐บ๐ด๐ฎ ๐บ๐ฎ๐ฟ๐ด๐ถ๐ป๐ฎ๐น๐ถ๐๐ฒ๐ฑ ๐๐ฒ๐ฐ๐๐ผ๐ฟ
LUNGSOD NG BAGUIO, Hunyo 22, 2022 โ Pinaalalahanan ni Kalihim ng Edukasyon Leonor Magtolis Briones ang mga opisyal sa field sa ipagpatuloy ang kanilang pangako sa kanilang paglilingkod sa mahihirap sa pamamagitan ng pagpapatuloy ng misyon ng Kagawaran sa Philippine Association of Schools Superintendents (PASS), Inc. Annual Convention sa Baguio Teachers' Camp nitong Hunyo 1.
โWe have to do justice, especially to those left behind. We have to ensure that the existing and effective DepEd programs are being implemented effectively to provide quality basic education,โ ayon kay Kalihim Briones.
โIto ay kabilin-bilinan sa atin ng konstitusyon,โ dagdag niya.
Binigyang-diin din ni Kal. Briones ang kahalagahan ng kinabukasan ng edukasyon upang matukoy ng pamahalaan ang mga pangangailangan ng sektor ng edukasyon sa mga susunod na taon at dekada.
โGusto ko lang ipagbilin sa inyo itong ating pinakamamahal na Kagawaran ng Edukasyon (DepEd) na siyang pinakamalaki, pinakamahalaga, pinaka-importante, at pinakamayamang institusyon sa ating pamahalaan,โ aniya.
Pinunto rin ng Puno ng Edukasyon na kinakailangan ng Kagawaran na magkaroon ng inisiyatiba para protektahan ang mental health ng mga mag-aaral at g**o sa gitna ng mga pagsubok ng kinakaharap ng sektor ng edukasyon.
โPaghandaan natin โyong mga pangangailangan ng ating mga kabataan. We have to prepare them for the future world that they are about to face,โ ayon ni Briones.
Samantala, iniulat ni Pangalawang Kalihim para sa Field Operations Atty. Revsee Escobedo ang mga tagumpay ng kaniyang strand, kasama ang Palarong Pambansa Secretariat, DepEd Employees Associations Coordinating Office, Child Protection Unit, at National Academy of Sports.
Hinikayat naman ni Pangalawang Kalihim para sa Pangangasiwa Alain Del B. Pascua ang susunod na administrasyon na paigtingin ang tulong ng Kagawaran sa mga tanggapan sa field at paaralan, lalo na sa dagdag tulong sa sasakyan, laptops para sa mag-aaral at g**o, at internet accessibility.
Dagdag pa riyan, binanggit ni Pangalawang Kalihim para sa Pananalapi Annalyn Sevilla na nagawa ng Kagawaran na pataasin ang paggamit ng pondo at paunlarin ang pagpoproseso ng mga suweldo at benepisyo.
Sa pangunguna ni PASS President Rita Riddle, nagbigay pugay ang 400 na miyembro ng organisasyon sa Kalihim ng Edukasyon sa kaniyang anim na taong serbisyo sa Kagawaran sa pagtatapos ng programa.
