Ang Kinaadman - RANHS

𝐏𝐚𝐠𝐛𝐚𝐭𝐢 𝐬𝐚 𝐦𝐠𝐚 𝐇𝐚𝐥𝐢𝐠𝐢 𝐧𝐠 𝐓𝐚𝐡𝐚𝐧𝐚𝐧! ✨

Sa bawat pangarap at tagumpay na ating nararating, laging nariyan ang isang taong nagsisilbi bilang ating matibay na haligi—ang ating mga ama. Hindi man sila madalas magsabi ng matatamis na salita o magpakita ng labis na damdamin, sa bawat patak ng pawis at pagod na kanilang itinitiis naman nila ipinapakita ang tunay na kahulugan ng pagmamahal at ang pagiging laging handa para sa atin.
‎
‎Higit pa sa pagtugon ng ating mga pangangailangan ang ginagampanan ng ating mga ama. Sila ang ating gabay sa bawat hakbang, panangga sa anumang panganib, at matibay na sandigan ng ating tahanan. Kahit mabigat ang kanilang dinadala at dama ang pagod, hindi sila tumitigil sa pagsisikap upang magkaroon tayo ng magandang kinabukasan. Tunay ngang tila alam nila kung paano tayo palakasin kapag tayo ay nanghihina, at kung paano ituwid ang ating landas kapag tayo ay naliligaw.
‎
‎Tuwing Araw ng mga Ama, binibigyang‑halaga natin ang kanilang naiambag at ipinapahayag ang taos‑pusong pasasalamat sa lahat ng kanilang sakripisyo. Hindi man sapat ang lahat upang suklian ang kanilang ginawa, ang ating paggalang, pagsunod, at simpleng pagsabi ng “Mahal kita, Tay,” ay malaking ginhawa na sa kanilang puso.
‎
‎Sa bawat pagkakataong ipinararamdam natin ang ating pagmamahal, ipinapaalala natin sa kanila na sila ay mahalaga—hindi lamang ngayong araw, kundi sa bawat sandali ng ating buhay.

Maligayang Araw ng mga Ama!

Isinulat nina John Patrick Javier at Audrey Faye Villaruz
Disenyo ni Johnrenz Brylle Ronquillo

𝐌𝐚𝐥𝐢𝐠𝐚𝐲𝐚𝐧𝐠 𝐊𝐚𝐚𝐫𝐚𝐰𝐚𝐧, 𝐏𝐞𝐩𝐞! 🇵🇭

Tuwing ika-19 ng Hunyo, ginugunita ng mga Pilipino ang kaarawan ni Dr. Jose Protacio Rizal Mercado y Alonso Realonda, ang ating pambansang bayani na ipinanganak noong Hunyo 19, 1861 sa Calamba, Laguna.

Sa pamamagitan ng kanyang mga akda tulad ng Noli Me Tangere at El Filibusterismo, namulat ang mga Pilipino sa mga suliraning panlipunan noong panahon ng Kastila. Ipinakita niya na ang edukasyon, katotohanan, at pagmamahal sa bayan ay isang makapangyarihang sandata para sa pagbabago.

Sa pagdiriwang ng kanyang kaarawan, alalahanin natin ang kanyang sakripisyo at mga aral na patuloy na nagbibigay-inspirasyon sa bawat Pilipino.

Isang siyang patunay na ang isang taong may malasakit sa bayan ay maaaring maging ilaw ng pag-asa sa susunod pa na mga henerasyon.

Isinulat ni Ralph Gabriel Zulueta
Disenyo ni Victor Romie Sariego

𝐁𝐀𝐋𝐈𝐓𝐀 | RANHS, lumahok sa NSED 2026

‎Sa layong mapalawak ang kaalaman ukol sa kaligtasan, nakiisa ang mga estudyante at g**o ng Mataas na Paaralang Nasyonal ng Ramon Avanceña (RANHS) sa isinagawang National Simultaneous Earthquake Drill (NSED) na ginanap alas 9 ng umaga noong ika-18 ng Hunyo 2026 sa RANHS Gymnasium at sa harap ng SHS Building.

‎Bilang bahagi ng programa, isinagawa ng mga estudyante ang wastong pamamaraan ng paglikas at ang pagsasagawa ng Duck, Cover, and Hold na pinangunahan ng RANHS Alerto Club upang matiyak ang kanilang kaligtasan kung sakaling magkakaroon ng aktuwal na lindol.

‎"Sa isinagawang earthquake drill, maraming estudyante ang nakiisa at nakipagtulungan sa kanilang mga tagapayo upang maging maayos ang daloy ng aktibidad at sa tulong din ng iba't ibang organisasyon ng paaralan, naging matagumpay ang buong programa; mahalaga ang mga paghahandang tulad nito dahil nakatutulong ito upang mabawasan ang panganib ng pagkasugat at ang pagkawala ng buhay kapag may lindol," ani ni Lirah Barrientos, isang mag-aaral mula sa ika-12 na baitang.

‎‎‎Dagdag pa, sa pamamagitan ng maayos na koordinasyon at pagsunod sa mga patakarang pangkaligtasan, naipakita ng paaralan ang kanilang kahandaan sa pag-iwas ng mga panganib na maaaring idulot ng lindol.

“Kinakailangang sanayin sila sa mga evacuation route at evacuation area upang mabawasan ang panganib ng mga sakuna, lalo na't ang lindol ay maaaring mangyari anumang oras at walang babala. Kaya naman, mahalagang makiisa ang bawat mag-aaral upang malaman nila ang tamang gagawin sa oras ng emerhensiya," pahayag ni Gng. Wendy Gabayeron, tagapayo ng RANHS Alerto Club.

Isinulat nina Reyniel Ayupan at Francis Gene Achilles Parchaso
Larawang kuha ni Jullaine Gayas

PAGSASANAY PARA SA KALIGTASAN. Nakibahagi ang Mataas na Paaralang Nasyonal ng Ramon Avanceña sa National Simultaneous Earthquake Drill ngayong umaga, Hunyo 18, 2026.

Caption ni Lorraine Panique
Mga larawang kuha nina Jullaine Gayas at Aiesha Khiel Lusabia

✨ Narito ang iyong mabilis na gabay para sa maayos at walang abalang enrollment ngayong SY 2026–2027! ✨
✔️ Ihanda ang mga requirements
✔️ Sundin ang enrollment flow
✔️ Ipasa ang mga dokumento

Simpleng hakbang. Maayos na proseso.
Maging isang Avanceñan at manguna!

Here’s your quick guide for a smooth and hassle-free enrollment this SY 2026–2027! ✨

✔️ Prepare your requirements
✔️ Follow the enrollment flow
✔️ Submit your documents

Simple steps. Smooth process.
Be an Avanceñan and take the Lead!

𝐌𝐚𝐥𝐢𝐠𝐚𝐲𝐚𝐧𝐠 𝐀𝐫𝐚𝐰 𝐧𝐠 𝐦𝐠𝐚 𝐈𝐧𝐚! ✨

Sa bawat tagumpay at pagsubok ng isang anak, laging may isang taong handang umalalay at magsakripisyo—ang ating ina. Hindi man sila perpekto, ginagawa nila ang lahat upang maparamdam ang pagmamahal at pag-aaruga sa kanilang pamilya.

Ang ating mga nanay ay hindi lamang taga-alaga kundi nagsisilbi ring g**o, nars, kaibigan, at superhero ng tahanan. Kahit pagod at maraming problema, patuloy silang nagsisikap upang mapabuti ang buhay ng kanilang pamilya. Tunay ngang tila alam ng mga nanay ang lahat—mula sa ating nararamdaman hanggang sa mga bagay na nagpapasaya sa atin.

Tuwing Araw ng mga Nanay, ipinapakita natin ang ating pasasalamat sa mga ina dahil sa kanilang pagmamahal at sakripisyo. Hindi man natin kayang suklian lahat ng kanilang ginawa, ang simpleng paggalang, pagtulong, at pagsasabi ng “Mahal kita, Nay” ay malaking bagay na para sa kanila.

Sa simpleng “salamat” at pagpapakita ng pagmamahal, maipaparamdam natin sa ating mga ina na sila ay espesyal hindi lamang tuwing Mother’s Day kundi araw-araw. Maligayang Araw ng mga Ina!

Isinulat nina Ralph Gabriel Zulueta at Arabella Abangan
Lay-out ni Aiesha Khiel Lusabia

New School Year. New memories. New victories. 🏆📚

Be an Avanceñan and take the lead!
See you this SY 2026–2027!