WVSU COE- Kapisanang Diwa at Panitik

‎𝑺𝒊𝒚𝒂'𝒚 𝒅𝒂𝒍𝒖𝒃𝒉𝒂𝒔𝒂 𝒔𝒂 𝒕𝒊𝒕𝒊𝒌𝒂𝒏—𝒊𝒔𝒂𝒏𝒈 𝒂𝒍𝒂𝒈𝒂𝒅 𝒏𝒈 𝒑𝒂𝒏𝒖𝒍𝒂𝒂𝒏,
‎𝒂𝒍𝒂𝒚 𝒏𝒊𝒚𝒂𝒏𝒈 𝒌𝒂𝒉𝒖𝒔𝒂𝒚𝒂𝒏—𝒚𝒖𝒎𝒂𝒚𝒂𝒌𝒂𝒑 𝒔𝒂 𝑲𝑨𝑫𝑰𝑷𝑨𝑵!
‎
‎Maligayang kaarawan sa 𝘒𝘢𝘵𝘶𝘸𝘢𝘯𝘨 𝘯𝘢 𝘋𝘪𝘳𝘦𝘬𝘵𝘰𝘳 𝘯𝘨 𝘗𝘪𝘭𝘢𝘯𝘵𝘪𝘬, 𝗕𝗯. 𝗔𝗽𝗽𝗹𝗲 𝗚𝗿𝗮𝗰𝗲 𝗗𝗼𝗿𝗼𝘁𝗲𝗼! 🥳
‎
‎Ang kaniyang husay sa pagsusulat ay matagal nang kinikilala—isang talinong humuhubog ng mga akdang may lalim, saysay, at kakayahang kumintal sa isipan ng kaniyang mga mambabasa. Sa bawat panulat na kaniyang nililikha, higit na nahahayag ang kaniyang pagiging masinop sa wika at masining sa pagpapahayag.
‎
‎Higit pa rito, siya ay isang maaasahan at masigasig na kasapi ng kapisanan na laging handang maglingkod at makibahagi sa mga gawaing nagsusulong sa wika, panitikan, at pagmamahal sa bayan.
‎
‎Namnamin mo ang mga biyaya at kagalakan sa espesyal na araw mong ito, Apple! Minamahal, pinahahalagahan, at ipinagmamalaki ka ng buong KADIPAN. 🤎✨

🤎🤎🤎

‎𝑴𝒖𝒍𝒂 𝒔𝒂 𝒑𝒂𝒏𝒖𝒍𝒂𝒕, 𝒔𝒊𝒏𝒊𝒏𝒈, 𝒅𝒐𝒌𝒖𝒎𝒆𝒏𝒕𝒂𝒔𝒚𝒐𝒏, 𝒊𝒏𝒅𝒂𝒌, 𝒂𝒕 𝒌𝒐𝒓𝒐—𝒔𝒖𝒎𝒊𝒔𝒊𝒃𝒐𝒍 𝒂𝒏𝒈 𝒎𝒈𝒂 𝒃𝒂𝒈𝒐𝒏𝒈 𝒉𝒂𝒍𝒊𝒈𝒊 𝒏𝒈 𝒎𝒂𝒍𝒊𝒌𝒉𝒂𝒊𝒏𝒈 𝒑𝒂𝒈𝒍𝒊𝒍𝒊𝒏𝒈𝒌𝒐𝒅. ✨
‎
‎Ang bawat sangay ng kapisanan ay nagsisilbing haligi sa pagpapatuloy ng mga adhikain nito—mga tanglaw na nagpapasigla sa paglikha, pagpapahayag, at pagpapaunlad ng talino at talento ng bawat kasapi.
‎
‎Sa pamamagitan ng kanilang pamumuno, paggabay, at walang sawang paglilingkod, higit na mapagtitibay ang mga gawaing nagtataguyod sa wika, panitikan, sining, at kulturang patuloy na nagbibigay-buhay sa diwa ng KADIPAN.
‎
‎Kaya naman, buong pagmamalaki naming ipinakikilala ang mga 𝗗𝗶𝗿𝗲𝗸𝘁𝗼𝗿 𝗮𝘁 𝗞𝗮𝘁𝘂𝘄𝗮𝗻𝗴 𝗻𝗮 𝗗𝗶𝗿𝗲𝗸𝘁𝗼𝗿 ng mga pangunahing sangay ng 𝗞𝗮𝗽𝗶𝘀𝗮𝗻𝗮𝗻𝗴 𝗗𝗶𝘄𝗮 𝗮𝘁 𝗣𝗮𝗻𝗶𝘁𝗶𝗸 (𝗞𝗔𝗗𝗜𝗣𝗔𝗡) para sa Taong Panuruan 2026–2027:
‎
‎🖋️ 𝗣𝗜𝗟𝗔𝗡𝗧𝗜𝗞 — Sangay ng mga Manunulat
‎
‎🎨 𝗦𝗜𝗡𝗜𝗡𝗚 — Sangay ng mga Alagad ng Biswal na Sining
‎
‎📸 𝗗𝗢𝗞𝗨𝗠𝗘𝗡𝗧𝗔𝗦𝗬𝗢𝗡 — Sangay ng mga Tagapag-ingat ng Alaala at Kasaysayan
‎
‎💃 𝗜𝗡𝗗𝗔𝗞 — Sangay ng mga Mananayaw
‎
‎🎶 𝗞𝗢𝗥𝗢 — Sangay ng mga Mang-aawit
‎
‎Nawa'y maging huwaran sila ng malikhaing pamumuno at masigasig na paglilingkod habang pinangungunahan ang kani-kanilang larangan tungo sa higit pang makabuluhang mga tagumpay at ambag para sa kapisanan.
‎
‎Mabuhay ang mga pinunong tagapagtaguyod ng sining at panitikan! Mabuhay ang bawat sangay ng KADIPAN! 🤎

‎𝑫𝒖𝒎𝒂𝒕𝒊𝒏𝒈 𝒏𝒂 𝒂𝒏𝒈 𝒎𝒈𝒂 𝒃𝒂𝒈𝒐𝒏𝒈 𝒔𝒖𝒈𝒐 𝒏𝒈 𝒘𝒊𝒌𝒂, 𝒑𝒂𝒏𝒊𝒕𝒊𝒌𝒂𝒏 𝒂𝒕 𝒌𝒖𝒍𝒕𝒖𝒓𝒂—𝒉𝒂𝒏𝒅𝒂𝒏𝒈-𝒉𝒂𝒏𝒅𝒂 𝒏𝒂 𝒑𝒂𝒓𝒂 𝒔𝒂 𝑲𝑨𝑫𝑰𝑷𝑨𝑵𝒈 𝒎𝒂𝒔 𝒎𝒂𝒔𝒂𝒈𝒂𝒏𝒂! 🤎🤞
‎
‎Sa bawat bagong yugto ay may mga pinipiling mamuno, maglingkod, at magpatuloy ng mga adhikaing nagbubuklod sa kapisanan.
‎
‎Kaya't bilang tugon sa hamon para sa pagpapaigting ng mga layuning pampanitikan at wika, narito ang mga bagong pinunong magsisilbing tinig at lakas ng 𝐖𝐞𝐬𝐭 𝐕𝐢𝐬𝐚𝐲𝐚𝐬 𝐒𝐭𝐚𝐭𝐞 𝐔𝐧𝐢𝐯𝐞𝐫𝐬𝐢𝐭𝐲 𝐂𝐨𝐥𝐥𝐞𝐠𝐞 𝐨𝐟 𝐄𝐝𝐮𝐜𝐚𝐭𝐢𝐨𝐧-𝐊𝐚𝐩𝐢𝐬𝐚𝐧𝐚𝐧𝐠 𝐃𝐢𝐰𝐚 𝐚𝐭 𝐏𝐚𝐧𝐢𝐭𝐢𝐤 (𝐖𝐕𝐒𝐔 𝐂𝐎𝐄-𝐊𝐀𝐃𝐈𝐏𝐀𝐍), sa loob at labas ng Inang Pamantasan.
‎
‎Buong galak naming ipinakikilala ang 𝗺𝗴𝗮 𝗯𝗮𝗴𝗼𝗻𝗴 𝗵𝗮𝗹𝗮𝗹 𝗻𝗮 𝗼𝗽𝗶𝘀𝘆𝗮𝗹𝗲𝘀 𝗻𝗴 𝗞𝗔𝗗𝗜𝗣𝗔𝗡 para sa 𝗧𝗮𝗼𝗻𝗴 𝗣𝗮𝗻𝘂𝗿𝘂𝗮𝗻 𝟮𝟬𝟮𝟲–𝟮𝟬𝟮𝟳.
‎
‎Mabuhay ang mga bagong magdadala ng bandera ng bawat supling ni Balagtas! Mabuhay ang KADIPAN! 👏

‎:𝑼𝒚𝒚𝒚𝒚! 𝑩𝒊𝒓𝒕𝒉𝒅𝒂𝒚 𝒏𝒂 𝒏𝒊 𝑪𝒉𝒂𝒊𝒓! 🥳
‎
‎:𝑯𝒂? 𝑷𝒂𝒓𝒂𝒏𝒈 𝒕𝒂𝒑𝒐𝒔 𝒏𝒂 𝒏𝒂𝒎𝒂𝒏? 🤔
‎
‎:𝑯𝒊𝒏𝒅𝒊. '𝒀𝒖𝒏𝒈 𝒃𝒂𝒈𝒐! '𝒀𝒖𝒏𝒈 '𝒄𝒖𝒕𝒆𝒔𝒚' ☺ ---
‎
‎: 𝑨𝒉𝒉𝒉! 𝑺𝒊 𝑪𝒉𝒂𝒊𝒓 𝑪𝒉𝒂𝒓𝒊𝒆! 🤩🤩🤩
‎
‎Maligayang kaarawan sa bagong 𝘗𝘢𝘯𝘨𝘶𝘭𝘰 𝘯𝘨 𝘒𝘈𝘋𝘐𝘗𝘈𝘕, 𝗕𝗯. 𝗖𝗵𝗮𝗿𝗶𝗲 𝗥𝗼𝘀𝗲 𝗩𝗶𝗹𝗹𝗮𝗿𝘂𝘇! 💝
‎
‎Bilang kabahagi ng KADIPAN sa nakalipas na mga taon, pinatunayan niyang kayang maging isang sigaw ng pagbabago ang isang minsa'y maliit na tinig. Pinatunayan niya ang kaniyang tunay na pagmamahal sa buong kapisanan sa pamamagitan ng pag-aalay ng kaniyang taos-pusong serbisyo para sa lahat ng mga 'supling ni Balagtas'.
‎
‎Ngayong siya na ang mamumuno sa buong organisasyong nagtataas ng antas ng pagkilala at pangangalaga sa sariling wika, panitikan at kultura, hangad naming lahat ang kaniyang pagsibol bilang isang mahusay na lider para sa mga layunin ng KADIPAN.
‎
‎Nawa'y mapuno ng pagmamahal at pagpapala ang araw mong ito, Chair Charie! Minamahal ka at tunay na pinahahalagahan ng buong KADIPAN na nasasabik nang matikman ang iyong pamumuno. 🤎

‎𝗦𝗮 𝗯𝗮𝘄𝗮𝘁 𝘆𝗮𝗽𝗮𝗸...
‎
‎Nawa'y dalhin ninyo ang alab ng tunay na pagmamahal—
‎sa bayang sinilangan,
‎sa wikang kinamulatan,
‎at sa kulturang nagtataas ng pagkakakilanlan.
‎
‎Apat na taong sinubok ang inyong katatagan—
‎mga hamon sa pagpapakadalubhasa sa wika...
‎inyong lahat nang nalampasan,
‎bawat patak ng luha sa mga panahong nakapapagod,
‎katumbas ay ang pagbusilak ng binhing inyong isinabod...
‎
‎isinabod sa pamantasang ito.
‎
‎Ito na ang araw na inyong pinakahihintay,
‎pinakahihintay na pagkakataong tuluyang nagkakulay.
‎Nagkakulay ang mga mapusyaw na karanasan...
‎karanasang humubog sa tunay na kagalakan.
‎
‎Sa inyong pag-alis, baunin ninyo ang aming bawat hiling—
‎Ipagpatuloy lang ang pagsungkit ng mga bituin,
‎Iwagayway sa buong kalangitan ang
‎inyong natatanging gilas...
‎tapang at determinasyon ng isang
‎𝑺𝑼𝑷𝑳𝑰𝑵𝑮 𝑵𝑰 𝑩𝑨𝑳𝑨𝑮𝑻𝑨𝑺!
‎
‎Pagbati sa "Batch Sidhaya" 2026! 🎓
‎Padayon, mga tagapagtaguyod ng wika at panitikan! 🤎

‎𝗠𝗚𝗔 𝗦𝗨𝗣𝗟𝗜𝗡𝗚 𝗡𝗜 𝗕𝗔𝗟𝗔𝗚𝗧𝗔𝗦, 𝗣𝗔𝗥𝗔 𝗦𝗔 𝗣𝗔𝗡𝗜𝗕𝗔𝗚𝗢𝗡𝗚 𝗕𝗨𝗞𝗔𝗦! ✊
‎
‎Kilalanin ang mga naghahangad maging tagapagtaguyod ng wika, panitikan, at bayan para sa Kapisanang Diwa at Panitik (KADIPAN) sa taong panuruan 2026–2027.
‎
‎Taglay ang kani-kanilang paninindigan, kakayahan, at diwang makabayan, handa silang magsilbing tinig ng mga mag-aaral at maging katuwang sa patuloy na pagtatanghal at pagpapataas ng antas ng kulturang Pilipino, panitikan, at wikang mapagpalaya.
‎
‎Ang opisyal na botohan ay gaganapin sa Lunes, Hunyo 1, 2026. 🗳️
‎
‎Pumili ng mga lider na may prinsipyo, malasakit, at tunay na paglilingkod para sa organisasyon at sambayanan. Sa likod ng lahat ng ito, patuloy pa rin ang ating dedikasyon... 𝒑𝒂𝒓𝒂 𝒔𝒂 𝒘𝒊𝒌𝒂, 𝒑𝒂𝒏𝒊𝒕𝒊𝒌𝒂𝒏, 𝒂𝒕 𝒃𝒂𝒚𝒂𝒏, 𝒍𝒂𝒈𝒊'𝒕 𝒍𝒂𝒈𝒊 𝒑𝒂𝒓𝒂 𝒔𝒂 𝑲𝑨𝑫𝑰𝑷𝑨𝑵! 🤎

‎𝑺𝒊𝒚𝒂 𝒂𝒚 𝒓𝒆𝒑𝒍𝒆𝒌𝒔𝒚𝒐𝒏 𝒏𝒈 𝒎𝒂𝒚𝒖𝒎𝒊𝒏𝒈 𝒅𝒊𝒍𝒂𝒈,
‎𝑲𝒂𝒈𝒂𝒏𝒅𝒂𝒉𝒂𝒏𝒈 𝒕𝒊𝒏𝒂𝒕𝒂𝒏𝒈𝒊—𝒕𝒖𝒏𝒂𝒚 𝒏𝒂 𝒎𝒂𝒓𝒊𝒍𝒂𝒈.
‎
‎Maligayang kaarawan sa aming 𝘓𝘢𝘬𝘢𝘮𝘣𝘪𝘯𝘪, 𝗕𝗯. 𝗚𝗿𝗮𝗰𝗲𝗹𝘆𝗻 𝗘𝘀𝗰𝗼𝗹𝗮𝗻𝗼! 🥳
‎
‎Higit pa sa kaniyang pagiging lakambini ng kapisanan, siya ay nananatiling masigla at maaasahang katuwang ng KADIPAN sa bawat oras ng pangangailangan. Ang serbisyong kaniyang iniaalay ay hindi lamang nasisinag sa kaniyang kariktan, kundi sa tapat at magiliw na pagtataguyod sa wika at panitikan.
‎
‎Nawa’y maging kasimbanaag mo ang araw na ito, Gracelyn! Hiling namin ang pag-apaw ng pagpapala, pagmamahal, at kagalakan para sa iyo. Lubos kang pinahahalagahan ng buong KADIPAN! 🤎

𝑺𝒊𝒚𝒂'𝒚 𝒕𝒖𝒏𝒂𝒚 𝒏𝒂 𝒎𝒂𝒔𝒊𝒏𝒐𝒑 𝒔𝒂 𝒃𝒂𝒘𝒂𝒕 𝒅𝒆𝒕𝒂𝒍𝒚𝒆 𝒂𝒕 𝒕𝒂𝒍𝒂—
𝑰𝒔𝒂𝒏𝒈 𝒌𝒂𝒍𝒊𝒉𝒊𝒎 𝒏𝒂 𝒔𝒂 𝒑𝒂𝒈𝒔𝒆𝒓𝒃𝒊𝒔𝒚𝒐'𝒚 𝒍𝒂𝒈𝒊𝒏𝒈 𝒉𝒂𝒏𝒅𝒂 𝒂𝒕 𝒌𝒂𝒑𝒂𝒏𝒊-𝒑𝒂𝒏𝒊𝒘𝒂𝒍𝒂.

Maligayang kaarawan sa aming 𝘗𝘢𝘯𝘨𝘢𝘭𝘢𝘸𝘢𝘯𝘨 𝘒𝘢𝘭𝘪𝘩𝘪𝘮, 𝗕𝗯. 𝗥𝗵𝘆𝘇𝗮 𝗠𝗮𝗿𝗶𝗲 𝗛𝗲𝗿𝘃𝗮𝘀! 🥳

Higit pa sa kaniyang tungkulin bilang kalihim ng kapisanan, siya ay isang masigasig at dedikadong supling ni Balagtas na may tunay na malasakit sa organisasyon. Taglay niya ang sipag, tiyaga, at kahusayan sa pamamahala ng mga tala, dokumento, at gawaing nangangailangan ng mataas na antas ng organisasyon. Sa bawat aktibidad, siya’y maaasahan, sistematiko, at laging handang maglingkod. Tunay na isang huwaran ng responsableng pamumuno at tapat na serbisyo.

‎Nawa’y mapuno ng galak, tagumpay, at pagpapala ang iyong kaarawan, Rhyza! Minamahal at lubos kang pinahahalagahan ng buong KADIPAN. 🤎

𝐌𝐔𝐋𝐈𝐍𝐆 𝐍𝐀𝐆𝐍𝐈𝐍𝐆𝐀𝐒 𝐀𝐍𝐆 𝐇𝐔𝐒𝐀𝐘 𝐀𝐓 𝐊𝐀𝐑𝐔𝐍𝐔𝐍𝐆𝐀𝐍 𝐍𝐆 𝐌𝐆𝐀 𝐒𝐔𝐏𝐋𝐈𝐍𝐆 𝐍𝐈 𝐁𝐀𝐋𝐀𝐆𝐓𝐀𝐒! 🤎

Muling pinatunayan ng mga nagmemedyor sa Filipino na ang dedikasyon, tiyaga, at pagmamahal sa edukasyon ay nagbubunga ng tagumpay at karangalan. Sa bawat hamon na inyong hinarap, bitbit ninyo ang pangarap na makapaglingkod at makapagbahagi ng karunungan sa susunod na henerasyon ng mga Pilipino.

Buong galak at taos-pusong pagpupugay ang inihahandog ng Filipino Language Teaching Division (FLTD) at Kapisanang Diwa at Panitik (KADIPAN) sa lahat ng matagumpay na nakapasa sa 𝗠𝗮𝗿𝗰𝗵 𝟮𝟬𝟮𝟲 𝗟𝗶𝗰𝗲𝗻𝘀𝘂𝗿𝗲 𝗘𝘅𝗮𝗺𝗶𝗻𝗮𝘁𝗶𝗼𝗻 𝗳𝗼𝗿 𝗧𝗲𝗮𝗰𝗵𝗲𝗿𝘀 (𝗟𝗘𝗧).

Sa muling pagtatala ng 𝟭𝟬𝟬% 𝗽𝗮𝘀𝘀𝗶𝗻𝗴 𝗿𝗮𝘁𝗲 ng mga nagmemedyor sa Filipino mula sa pamantasang ito, ipinamalas ninyo ang husay, talino, at tibay ng loob na tunay na maipagmamalaki ng ating institusyon.

Nawa’y magsilbi kayong ilaw at inspirasyon sa bawat mag-aaral na inyong mahuhubog—mga gurong may puso sa paglilingkod, dangal sa propesyon, at malasakit sa wikang Filipino at kulturang Pilipino.

𝗠𝗮𝗯𝘂𝗵𝗮𝘆 𝗸𝗮𝘆𝗼, 𝗺𝗴𝗮 𝗯𝗮𝗴𝗼𝗻𝗴 𝗟𝗣𝗧! 👏

Buong pagmamalaki kayong ipinagdiriwang ng KADIPAN!

Mga salita ni G. JC Rey Padilla
Disenyo ni G. Warren Deocades, LPT