MSU-Iligan Institute of Technology

𝐌𝐀𝐋𝐀𝐌𝐁𝐎𝐎𝐍𝐆 𝐏𝐀𝐍𝐀𝐆𝐓𝐀𝐆𝐁𝐎 ang gipahigayon kaganina ni Congressman Celso Gomera Regencia ug ni MSU - IIT Chancellor Prof. Atty. Alizedney M. Ditucalan, JD., LLM. adlaw’ng Oktubre 19, 2022, diha sa Congressional Office sa Hinaplanon, Iligan City.

Daghanang mga proyekto ug programa ang nakab-ot sa maong panagtigum sa pinaka-unang Congressional Dialogue on House Bill No. 2316 sa katukoran sa usa ka Artificial Intelligence Industrial Research Park nga diha mismo ipahimutang sa MSU-IIT nga planong gahinan kini sa kantidad og P2 Billion.

Gitambongan usab ni Atty. Jose Mari Fabrigar, former City Vice Mayor Monsi Vera Cruz , Col. Leony Roy G. Ga ug former City Councilor Petronilo Pardillo ang maong panagtagbo ug adunay lalom nga binayloay sa mga maayong hunahuna ug panglantaw para sa kaayohan sa dakbayan.
Unang mipresentar si Chancellor Alizedney Ditucalan sa kasamtangang kahimtang sa MSU-IIT nga sa dugay nga panahon nagkinahanglan og tinood nga tingog didto sa nasudnong Kongreso. Mapasalamaton kaayo si Chancellor Ditucalan sa balaodnon ug proyekto ni Congressman Regencia tungod kay ang Artificial Intelligence mao na ang bag-ong industrya nga gapanghitabo tibuok kalibutan nga makatabang diha sa pag-modernize sa Health Services, Agricultural Services, Environmental Protection, Human Security ug uban pang matang nga molambo ang kalidad sa kinabuhi sa mga tawo.

Misunod dayon og presentar si Engr. Maria Shiela K. Ramos, ang Dean sa College of Engineering ug si Rabby Q. Lavilles, DIT., ang Dean sa College of Computer Studies diin ilang gipakita kang Congressman Regencia ang daghanang research na nahimo sa mga scientists nga anaa sa MSU-IIT, ang ilang mga na-imbento nga mga kahimanan ilabina diha sa natad sa disaster risk reduction ug gitagsa-tagsa nila pagpaila ang mga world renowned scientists and researchers nga ania sa dakbayan sa Iligan. Malipayon sila sa lakang nga gihimo ni Congressman Regencia tungod kay ang MSU-IIT nagkinhanglan gayod og “𝘾𝙝𝙖𝙢𝙥𝙞𝙤𝙣 𝘾𝙤𝙣𝙜𝙧𝙚𝙨𝙨𝙢𝙖𝙣” nga mopalambo sa MSU-IIT para makahatag kini og igong edukasyon sa mga kabatan, trabaho para sa mga katawhan ug saktong mga kagamitan para sa kalambuan sa dakbayan pinaagi sa Artificial Intelligence.

Mibisita dayon si Congressman Regencia sa MSU-IIT pagkahapon kuyog ni Chancellor Ditucalan ug gisubay nila ang mga buildings and research centers sa MSU-IIT nga nag-promote sa Artificial Intelligence. Nasaksihan usab ni Congressman Regencia ang mga na-imbentong mga drone, instruments, chips ug uban pang mga kahimanan nga hinimo sa atong mga lokal nga mga scientists ug mga estudyante nga nagkinahanglan og dakong suporta gikan sa Congressman sa Dakbayan.

Kun adtong unang panahon tungod sa National Steel Corporation ug uban pang mga industriya nga gipangamahan sa mga nasudnong lideres sa Iligan kaniadto, nahimo ang dakbayan isip “the Pittsburgh of the South” or “the most industrialized city in the South”. Karon tungod sa mga pool of scientists and experts in Artificial Intelligence nga ania sa MSU-IIT ug wala sa ubang lugar sa nasud posibleng pila ka mga tuig gikan karon mamahimo ang Iligan as the “𝙎𝙞𝙡𝙞𝙘𝙤𝙣 𝙑𝙖𝙡𝙡𝙚𝙮 𝙤𝙛 𝙩𝙝𝙚 𝙋𝙝𝙞𝙡𝙞𝙥𝙥𝙞𝙣𝙚𝙨” tungod sa balaodnon nga gipasaka ni Congressman Regencia.

Panghinaot ni Congressman Regencia nga sa natad sa Edukasyon kanunay gayod kining suportahan kay naka-angkla niini ang kaugmaon sa mga kabatano-onan ug ang malahutayong kalambuan sa tibuok dakbayan. Tataw kaayo nga sa bisan unsang hinungdan, dili maayong talamdunon sa mga opisyal nga pasagdan ug kaha kuhaan ang mga kabatan-onan sa ilang sagradong katungod nga makakuha sa hustong edukasyon.

Prinsipyo ni Congressman Regencia nga “𝙖𝙣𝙜 𝙥𝙖𝙜𝙥𝙖𝙡𝙖𝙢𝙗𝙤 𝙨𝙖 𝙚𝙙𝙪𝙠𝙖𝙨𝙮𝙤𝙣 𝙢𝙖𝙠𝙖𝙝𝙖𝙩𝙖𝙜 𝙤𝙜 𝙢𝙖𝙖𝙮𝙤𝙣𝙜 𝙠𝙖𝙪𝙜𝙢𝙖𝙤𝙣 𝙨𝙖 𝙢𝙜𝙖 𝙪𝙢𝙖𝙖𝙗𝙤𝙩 𝙣𝙜𝙖 𝙝𝙚𝙣𝙚𝙧𝙖𝙨𝙮𝙤𝙣. 𝘼𝙥𝙖𝙣 𝙠𝙖𝙙𝙩𝙤𝙣𝙜 𝙨𝙞 𝙠𝙞𝙣𝙨𝙖 𝙢𝙖𝙣 𝙖𝙣𝙜 𝙙𝙞𝙡𝙞 𝙢𝙤𝙩𝙖𝙗𝙖𝙣𝙜 𝙨𝙖 𝙥𝙖𝙜𝙝𝙖𝙩𝙖𝙜 𝙤𝙜 𝙚𝙙𝙪𝙠𝙖𝙨𝙮𝙤𝙣 𝙨𝙖 𝙢𝙜𝙖 𝙠𝙖𝙗𝙖𝙩𝙖𝙣-𝙤𝙣𝙖𝙣 𝙢𝙞𝙥𝙪𝙠𝙖𝙣 𝙨𝙖 𝙠𝙖𝙡𝙖𝙢𝙗𝙪𝙖𝙣 𝙨𝙖 𝙖𝙩𝙤𝙣𝙜 𝙙𝙖𝙠𝙗𝙖𝙮𝙖𝙣.”


: Care. Go. Respond!

Gone were the days when having a Cum Laude ,Magna Cum Laude or even Summa Cum Laude being so hard to produce among MSU-IIT products, let's welcome the new era when for the first time it records so many numbers of them.

Congratulations to all of you!

On July 12, MSU-IIT turns 54!

Send us your MSU-IIT birthday greetings!

We will post them here and on the 54th Charter Day webpage. Email your video to [email protected] or [email protected] with the following information:

*Name
*Year graduated at MSU-IIT
*Degree program finished at MSU-IIT
*Where you work now (work position and complete company address)

A view this Sunday
Did you miss coming in and out from this gate?