Ang Balintataw- Passi NHS SHS Program

𝐈𝐬𝐚𝐧𝐠 𝐚𝐫𝐚𝐰 𝐧𝐠 𝐩𝐚𝐠𝐛𝐚𝐛𝐚𝐡𝐚𝐠𝐢 𝐚𝐭 𝐬𝐚𝐲𝐚!

Noong Enero 10, napuno ng ngiti at pag-asa ang Outreach Program ng Ang Balintataw sa Baranggay Sto. Tomas. Mula sa pamamahagi ng pagkain, gamit, at pagtuturo sa mga bata ay nagpapatunay na sa maliit na aksyon, nagmumula ang malaking epekto. 📚🍴

Sa bawat kwento at pagkain na naibahagi, bawat bata ay nakaramdam ng pag-asa at pagmamahal mula sa komunidad. 💖📚

Natapos ang araw, ngunit ang mga kwento at ngiti ay mananatili. Ang bawat linya ng libro at bawat sandali ng kasiyahan ay nag-iwan ang bakas ng pag-asa sa puso ng bawat bata. ✨🌱

Sa diwa ng bayanihan at malasakit, naging posible ang isang makabuluhang araw ng pagbabahagi sa aming Outreach Program noong ika-10 ng Enero. 💙✨

Lubos po kaming nagpapasalamat sa aming mga donors na walang pag-aatubiling nagbigay ng suporta, oras, at tiwala. 🤝🙏

Dahil sa inyo, ang tulong ay naging pag-asa at ang simpleng pagkilos ay naging tunay na pagbabago para sa mga aming napagsilbihan. 🌱💫

Mula sa Ang Balintataw, maraming salamat po!

Sa bawat sindi ng ilaw ng Pasko, muling binubuhay ang pag-asa at kabutihan. Sa kabila ng mga pagsubok ng taon, nananatiling matatag ang mga pusong marunong magmahal 🔔✨ Ang tunay na diwa ng Pasko ay hindi nasusukat sa handa, kundi sa malasakit. 🎁🎄 Maligayang Pasko—nawa’y maging payapa, makabuluhan, at puno ng liwanag ang bawat tahanan. ❤️‍🩹🫂

Maligayang kaarawan, Michaella! Sa bagong yugto ng iyong buhay, nawa'y maging masigla at masagana ka sa araw araw. Patuloy kang maging inspirasyon sa iyong talento at kabaitan! 🌟🎭

Maligayang Araw ng mga G**o! 💐👩‍🏫👨‍🏫 Sa bawat aral na inyong itinuro, sa bawat sakripisyong inyong ibinahagi, at sa bawat pusong inyong inakay tungo sa pangarap—taos-pusong pasasalamat ang aming handog. Kayo ang gabay na ilaw sa dilim at haligi ng kaalaman. Saludo kami sa inyo, aming mga bayani ng paaralan! 🫂❤️‍🩹

Isang taos-pusong pasasalamat kina Gng. Julienne Davila at Gng. Sally Pama —
ang aming pinakamahuhusay na tagapayo sa Ang Balintataw. 🎭✨ Sa inyong paggabay, natutunan naming hindi lang gumanap sa entablado kundi gumanap din nang may tapang at puso sa tunay na buhay. Salamat po sa inyong walang sawang suporta, inspirasyon, at malasakit. Kayo ang aming haligi at ilaw sa bawat pagtatanghal. ❤️🙌

𝗔𝗻𝗴 𝗕𝗮𝗹𝗶𝗻𝘁𝗮𝘁𝗮𝘄 ay aktibong dumalo sa isang makabuluhang symposium hinggil sa su***de prevention na naglalayong palalimin ang pag-unawa sa kahalagahan ng kalusugang pangkaisipan. Nagsusulong ng kamalayan at pagbibigay-halaga sa buhay ng bawat isa.

𝐁𝐔𝐖𝐀𝐍 𝐍𝐆 𝐖𝐈𝐊𝐀𝐍𝐆 𝐏𝐀𝐌𝐁𝐀𝐍𝐒𝐀 𝟐𝟎𝟐𝟓 | “𝐏𝐚𝐠𝐥𝐢𝐧𝐚𝐧𝐠 𝐬𝐚 𝐅𝐢𝐥𝐢𝐩𝐢𝐧𝐨 𝐚𝐭 𝐊𝐚𝐭𝐮𝐭𝐮𝐛𝐨𝐧𝐠 𝐖𝐢𝐤𝐚: 𝐌𝐚𝐤𝐚𝐬𝐚𝐲𝐬𝐚𝐲𝐚𝐧 𝐬𝐚 𝐏𝐚𝐠𝐤𝐚𝐤𝐚𝐢𝐬𝐚 𝐧𝐠 𝐁𝐚𝐧𝐬𝐚”

Isang mainit na pagbati sa lahat ng nagwagi sa Sanaysay Writing, Poster Making, at Pista ng Nayon na bahagi ng selebrasyon ng Buwan ng Wika 2025 nitong Agosto 29! 🎊 Patunay kayo na buhay ang ating wika, sining, at tradisyon. 🇵🇭✨

🙏💖 Isang taos-pusong pasasalamat sa lahat ng ating donors na nagbahagi ng kanilang suporta at kabutihang-loob. Dahil sa inyo, naging mas matagumpay at makabuluhan ang ating adhikain.🌟