https://www.facebook.com/105124751947084/

KAMFIL WVSU - HCC, Brgy. Caradio-an, Himamaylan (2026)

27/01/2026

Ngayong ika-27 ng Enero 2026, ay pormal nang binuksan ang bagong yugto sa buhay ng mga mag-aaral sa ikaapat na taon na nagmamayorya sa Filipino. Bitbit ang pangarap, tapang, at dedikasyon sa pagtuturo, sila ay tuluyang isinabak sa kanilang Internship sa iba’t ibang paaralang pansekundarya: ang Himamaylan National High School, Talubangi National High School, Kabankalan National High School, at Binalbagan National High School. Sa bawat silid-aralan na kanilang tatahakin, tangan nila ang diwa ng wikang Filipino bilang daluyan ng kaalaman at pag-asa.

Kasama sa makabuluhang paglalakbay na ito, personal na nakatuwang at nakasama sa internship deployment ng bawat mag-aaral sina G. Geresola, Gng. Tamon, at Gng. Tibayde; mga gabay na hindi lamang nagtuturo, kundi naglalakbay kasama ang mga magiging g**o ng bayan.

Patuloy at magpapatuloy—sa bawat aral, sa bawat mag-aaral at para sa bayan.

Kapsyon at Pubmat ni: Kayrel Vallega

18/01/2026

Maligayang kaarawan sa aming mahal na Pangalawang Pangulo 🥳✨

Sa araw na ito, ang mahiwagang pluma ay sumasayaw habang hinihintay ang pagsisimula ng panibagong kabanata ng iyong buhay. Ang bawat pagod, sakripisyo, at serbisyong inalay mo sa ating organisasyon ay tila isang makasaysayan, makahulugan, at nakakaantig na akda na tumatak sa puso ng bawat kasapi ng ating samahan.

Sa bagong kabanatang ito, nawa’y ang iyong panulat ay mag-ukit ng kasiyahan, pag-asa, at tagumpay sa bawat pahina ng iyong buhay. Ikaw ang patunay na ang buhay ay tila isang masining na pagsusulat. Hindi hadlang ang uri ng panulat o papel na ating gagamitin sa paglikha ng makabuluhang pyesa bagkus, nasa kung paano natin paglalaruan, iaayos, at bibigyang-buhay ang mga salita.

Muli, maligayang kaarawan sa aming pinakamamahal na Pangalawang Pangulo. Nawa’y manatili ang liyab ng iyong pagnanasang maglingkud at ipagpatuloy ang pagbabahagi ng iyong tanglaw at kuwento.

05/01/2026

Maligayang kaarawan sa aming Tagapangalakal! ✨

Sa araw na ito, sumasayaw ang mga tala sa langit para ipagdiwang ang iyong dedikasyon at pusong naglilingkod. Sa bawat tahimik mong sakripisyo, nagbubukang-liwayway ang kaayusan at sigla ng ating samahan.

Nawa’y punuin ng kulay, ligaya, at biyaya ang bawat sandali ng iyong paglalakbay parang sining na unti-unting hinahabi sa bawat araw. Patuloy kang maging ilaw, inspirasyon, at haligi ng tibay sa lahat.

Maligayang kaarawan! 🎂✨
Nawa'y ang iyong araw, gaya ng iyong puso, ay maging makulay, maliwanag, at puno ng pagmamahal. 🌟

30/12/2025

𝓖𝓪𝓽 𝓙𝓸𝓼é 𝓡𝓲𝔃𝓪𝓵

Ang Kapisanan ng mga Mag-aaral sa Filipino (KAMFIL) ay nakikiisa sa buong bansa sa paggunita sa buhay ni Dr. José Rizal ngayong ika-30 ng Disyembre. Binibigyang-pugay natin ang kanyang buhay, kabayanihan, at pamana sa pamamagitan ng pag-alala sa kanyang mga sakripisyo at mga akdang nagpasiklab ng diwa ng nasyonalismong Pilipino sa panahon ng kolonyalismong Espanyol.

Inaanyayahan ang buong pamayanan na parangalan si G*t José Rizal sa pamamagitan ng patuloy na pagsasabuhay ng mga pagpapahalagang kanyang ipinaglaban at inialay ang kanyang buhay. Nawa’y magsilbing inspirasyon ang paggunita na ito upang lalo pang patatagin ang ating kolektibong adhikain sa paghahangad ng kaalaman, mga demokratikong simulain, at paglilingkod sa bayan na may kahusayan, pagkamalikhain, at inobasyon.

18/12/2025

Isang maringal na pugay at mainit na pagbati sa mga supling ni Balagtas na tagapagdala ng wika at diwa ng bayan—kayong mga Filipino Major ng WVSU Himamaylan City Campus na buong tapang na humarap sa hamon ng Licensure Examination for Teachers noong Setyembre 2025, at nagbalik na may bitbit na tagumpay.
Sa inyong sipag at tiyaga, nasilayan ang bungang hinog ng pag-ibig sa wikang Filipino. Ang panulat na minsang inalay sa bayan ay ngayo’y inyong pinanday at pinalakas, upang magsilbing ilaw sa landas ng karunungan.
Mga anak ng diwa at titik, kayo ngayon ay ganap na g**o ng bayan—mga punlang tutubo sa silid-aralan, mga tinig na gigising sa isip, at mga pusong huhubog sa kinabukasan.
Padayon kayo sa paglakad sa daang tinahak ng wika at dangal.
Ipagpatuloy ninyo ang paghahabi ng isip at puso ng susunod na salinlahi.
Mabuhay ang g**o, mabuhay ang wikang Filipino, at mabuhay kayo!

01/12/2025

Noong Nobyembre 27, muling nagliwanag ang Himamaylan National High School bilang tahanan ng kaalaman at inspirasyon habang ginanap ang makabuluhang Field Study 1 & 2 Culmination ng BSED Filipino 4.

Hindi lamang ito simpleng pagtatapos ng obserbasyon, ito ay pagpupugay sa mga g**ong naging gabay, ilaw, at sandalan namin sa loob ng maraming linggo. Sa kanilang mga silid-aralan, natutunan naming makita ang pagtuturo hindi lang bilang trabaho, kundi bilang misyon na bumubuo ng kinabukasan.

Sa bawat aral na itinuro nila, bawat tanong na sinagot nila nang may ngiti, at bawat pagkakataong hinayaan nila kaming matuto mula sa tunay na buhay-g**o, mas lalo naming nakita ang tunay na mukha ng propesyon, puno ng sakripisyo, pag-uunawa, at pusong handang umalalay.

Mula sa BSED Filipino 4, lubos ang pasasalamat sa aming mga RESOURCE TEACHERS:

JUNIOR HIGH SCHOOL (JHS)
Daniel P. Tiaga – Department Head JHS
Rona C. Celis
Jariel C. Solanoy
Elvie F. Limsiaco
Adora D. Balalitan
April Rhose A. Flores
Joesery P. Tuma-ob
Geraldine V. Vasquez
Arlene D. Pabrona
Andrea I. Largado
Ma. Doris A. Libo-on
Febie B. Torillo

SENIOR HIGH SCHOOL (SHS)
Mary Jane V. Suello – Department Head SHS
Ronelyn P. Nomos
Evelyn A. Libo-on
Janarie P. Parreño
Laarni P. Sapio

Sa inyo pong lahat—
salamat sa pag-anyaya sa amin sa inyong mundo,
sa pagpaparamdam na kami’y may lugar sa propesyong ito,
at sa pagtulong na ipundar ang pangarap naming maging g**o.

Dala namin ang inyong mga aral, kwento, at halimbawa.
At sa aming pagsulong bilang susunod na mga g**o,
hindi namin kakalimutan na kayo ang unang humubog sa aming pangarap.

Mula sa puso ng BSED Filipino 4, maraming salamat, mga mahal naming g**o.

Pubmat at Kapsyon ni: Kayrel Vallega

27/11/2025

Isang araw ng masinsinang talakayan at pagpapalalim sa wika ang matagumpay na dinaluhan nina Jeza Mae Paragile, Janice Castillo, at CJ Lazo, kaguruan ng WVSU Himamaylan City, sa Echo-Seminar sa Pagsasanay, Palihan, at Pagpaplano kasama ang Komisyon sa Wikang Filipino (KWF), Sentro ng Wika at Kultura–WVSU, at FLTD na ginanap sa bulwagan ng Sentro ng Wika at Kultura ng West Visayas State University, La Paz, Iloilo City.
Mula sa mensahe ng mga opisyal, serye ng lektura sa korespondensiya opisyal at ortograpiyang Hiligaynon, hanggang sa pagbalangkas ng mga gawain ng SWK–WVSU para sa taong 2026–2027, bawat bahagi ng programa ay naghatid ng mahahalagang kaalaman at bagong pananaw.
Binibigyang-diin ng echo-seminar ang kahalagahan ng wika sa akademya, ang pagpapayabong ng lokal na identidad, at ang pagpapahusay ng komunikasyon sa loob ng institusyon.
Patuloy ang panawagan para sa mas makabuluhang paggamit ng Filipino at Hiligaynon sa edukasyon at naroon ang mga delegado upang maging aktibong katuwang sa pagtataguyod nito.

21/11/2025

𝐋𝐢𝐯𝐢𝐧𝐠 𝐇𝐞𝐫𝐢𝐭𝐚𝐠𝐞 𝐓𝐫𝐚𝐢𝐧𝐢𝐧𝐠

Sa huling araw ng training-workshop na dinaluhan nina Jeza Mae Paragile at CJ Lazo, matagumpay na naisagawa ang isang araw na pagsasanay na nakatuon sa pagbibigay-kakayahan sa mga g**o na lumikha ng mga araling nakaugat sa living heritage ng bansa.

Sa aktibidad, nagsagawa ang mga kalahok ng pag-iistruktura at pagdidisenyo ng lesson plan, kabilang ang pagtukoy sa mahahalagang bahagi, pagbuo ng outline, at paglalapat ng angkop na estratehiya para sa pagtuturo ng paksang pangkultura.

Nagkaroon din ng pagbabahaginan ng karanasan mula sa mga paaralang nagpapatupad na ng Living Heritage-based lessons, kung saan tinalakay nila ang mga hamon, tagumpay, at praktikal na paraan upang gawing higit na makabuluhan ang mga aralin sa loob ng silid-aralan.

Katuwang ang mga tagapagsanay mula sa UNESCO at NCCA, nakapagsagawa rin ang bawat paaralan ng sariling work plan bilang paghahanda sa pilot implementation ng kanilang Living Heritage Lesson Plan.

Nagtapos ang programa sa plenary presentation, pagpapalawig ng susunod na hakbang para sa mga kalahok, at ang pormal na pagkakaloob ng certificate sa lahat ng dumalo.

Isang mahalagang hakbang ito patungo sa mas makakultura, mas makabansa, at mas makabuluhang pagtuturo para sa mga susunod na henerasyon.

19/11/2025

𝙵𝚛𝚘𝚖 𝙷𝚎𝚛𝚒𝚝𝚊𝚐𝚎 𝚝𝚘 𝚝𝚑𝚎 𝙲𝚕𝚊𝚜𝚜𝚛𝚘𝚘𝚖: 𝙿𝚊𝚐𝚝𝚞𝚝𝚞𝚛𝚘 𝚗𝚐 𝚖𝚐𝚊 𝙳𝚞𝚗𝚊𝚗𝚐 𝙼𝚊𝚗𝚐𝚐𝚊𝚍

Sa pagpapatuloy ng training-workshop na dinaluhan nina G. Jeza Mae Paragile at G. CJ Lazo ngayong ikalawang araw ay naging masinsinan ang pagsasanay hinggil sa Intangible Cultural Heritage (ICH) na pinangungunahan ng UNESCO at National Commission for Culture and the Arts (NCCA).

Mula 8:00 n.u hanggang 5:00 n.h sunod-sunod na sesyon ang naglatag ng mas malalim na pag-unawa sa konsepto ng living heritage, mga metodolohiyang pedagogical, at makabagong inisyatiba para sa Education for Sustainable Development (ESD) at Global Citizenship Education.

Kabilang sa mga pangunahing tagapagsalita sina:
• Moe Chiba, Programme Specialist, UNESCO Jakarta
• Dr. Lilian J. Sison, Director, UST Office of Internationalization
• Ms. Montakarn Suvanatap Kittipaisalsilp, UNESCO Bangkok
• Ms. Renee Talavera, NCCA PMD Chief
• Linina Phuttitarn & Maricel Fernandez-Carag, UNESCO facilitators

Tampok din ang mga interactive activities tulad ng Mapping Our Living Cultures, at World Café Discussions, na nagbigay-daan sa masiglang palitan ng pananaw sa paggamit ng ICH sa loob ng klasrum.

Nagbahagi rin ng case studies ang ilang award-winning schools sa kanilang matagumpay na implementasyon ng Living Heritage-based lesson plans, bago tuluyang ipinakilala ang Field Study Assignment at paalala hinggil sa ethics in working with community cultures na gaganapin sa susunod na mga araw.

Patuloy na itinataguyod ng programa ang mas malawak na pag-unawa sa kultura, identidad, at responsableng pagtuturo ng pamana ng ating mga komunidad.

18/11/2025

𝓟𝓪𝓶𝓪𝓷𝓪: 𝓕𝓻𝓸𝓶 𝓐𝓷𝓬𝓮𝓼𝓽𝓸𝓻𝓼 𝓽𝓸 𝓓𝓮𝓼𝓬𝓮𝓷𝓭𝓪𝓷𝓽𝓼

Sa gitna ng mabilis na pag-unlad ng teknolohiya at pagbabago ng kultura, nananatiling hamon ang pagpapanatili ng mga tradisyong Pilipino na nagtatakda ng ating pagkakakilanlan bilang isang bansa. Ito ang naging sentro ng training workshop na “Safeguarding Intangible Cultural Heritage as Common Interest” na dinaluhan nina Jeza Mae Paragile at CJ Lazo mula Nobyembre 18–22, 2025 sa Luxent Hotel, Quezon City.

Pinangunahan ng National Commission for Culture and the Arts (NCCA) at suportado ng UNESCO, nilalayon ng limang-araw na pagsasanay na palalimin ang pang-unawa ng mga kalahok sa intangible cultural heritage (ICH) — tulad ng oral traditions, folk practices, rituals, indigenous knowledge systems, performing arts, traditional craftsmanship, at iba pang pamanang hindi nakasulat ngunit isinasabuhay sa loob ng komunidad.

Sa pamamagitan ng plenary sessions, roundtable discussions, at workshop activities, tatalakayin ang mga estratehiya sa documentation, community partnership, education-based transmission, at cultural policy alignment. Iginiit ng mga tagapagsanay na ang kultura ay hindi maaaring iwan sa museo o aklat lamang — ito ay dapat manatiling aktibo, buhay, at nakaugnay sa susunod na henerasyon.

Para sa kanila hindi rito nagtatapos ang kanilang partisipasyon. Baon nila ang panibagong responsibilidad bilang mga “culture bearers” at education advocates na magpapalakas ng kamalayang pangkultura sa loob at labas ng institusyon.

Nakatakdang ipatupad ng mga delegado ang iba’t ibang proyekto gaya ng heritage literacy activities, student storytelling programs, community-based documentation, at research integration upang mas mailapit sa kabataan ang pang-unawa sa kultura, hindi bilang requirement, kundi bilang bahagi ng kanilang identidad at pagkamamamayan.

Sapagkat ang kultura, tulad ng ilaw, ay hindi dapat manatiling nakapaloob sa iisang kamay, ito ay dapat ipasa sa bawat susunod na henerasyon.

16/11/2025

Maligayang kaarawan sa aming butihing tagapamalita, Janesse! 🎉❤️✨

Sa espesyal mong araw, nawa’y maging kasing ningning ng paborito mong kulay ang iyong pagdiriwang. Pulang sumisimbolo ng tapang mo sa pag-uulat, sigla mo sa paglilingkod, at alab ng puso mo sa bawat gawaing iyong tinatahak.

Pulang nagbibigay-buhay sa bawat balita, pulang nagpapaalala na ikaw ay matatag, masigla, at puno ng pagmahahal sa iyong ginagawa. Hiling namin na punan ng pagmamahal, tagumpay, at walang humpay na saya ang iyong buhay.

Isang Maligayang Kaarawan Janesse! Patuloy kang maging apoy na nagbibigay liwanag at inspirasyon sa amin. 🎈

06/10/2025

Paggunita sa Araw ng mga G**o

Ngayong pagdiriwang ng Araw ng mga G**o, ating pinaparangalan ang mga tagapagturo na walang sawang gumagabay sa bawat aralin ng buhay. Sa kanilang likod, may pusong dakilang handang magturo, magtiis, at magmahal. ❤️

Bilang handog, itinampok ang tulang isinulat ni Bea Padohilaga na pinamagatang “Sa Likod ng Pisara, May Pusong Dakila,” isang paalala ng walang kapantay na sakripisyo at pagmamahal ng ating mga g**o sa bawat mag-aaral.

KAMFIL WVSU - HCC

27/01/2026

18/01/2026

05/01/2026

30/12/2025

18/12/2025

01/12/2025

27/11/2025

21/11/2025

19/11/2025

18/11/2025

16/11/2025

06/10/2025

Address

Website

Alerts

Shortcuts

Share

Category

Listing takedown request