07/06/2025
Pagpahibalo
BRIGADA ESKWELA 2025
Unsa nang Brigada Eskwela?
Ang Brigada Eskwela usa ka tinuig nga programa sa Department of Education diin gipangandaman ang atong mga pampublikong eskwelahan alang sa umaabot nga school year. Gipalihok niini ang mga boluntaryo gikan sa lain-laing dapit. Kini nagpakita sa atong pagka-Filipino nga espiritu sa bayanihan, diin nagkahiusa ang mga magtutudlo, ginikanan, estudyante, alumni, ug ubang miyembro sa komunidad aron limpyohan, ayuhon, ug tarongon ang atong mga pasilidad sa eskwelahan.
Unsa imong Pwede nga matabang?
Makasuporta ka sa Brigada Eskwela pinaagi sa paghatag sa imong oras ug pagka aktibo sa mga kalihokan sama sa paglimpyo sa mga rooms, palibot sa eskwelahan, pagpintal og balik sa mga bungbong, pag-ayo sa mga muwebles, ug pagpanindot sa nataran sa eskwelahan. Ang imong pag-apil makatabang sa pagmugna og luwas ug nindot nga lugar sa pagkat-on alang sa atong mga estudyante, isip pagpakita sa atong bayanihan nga diwa.
๐
Importante nga mga Petsa nga Hinumduman โผ๏ธ
Brigada Eskwela - Hunyo 9โ13, 2025
Panahon sa Pagpalista (Enrollment Period) - Hunyo 9-13, 2025
Oplan Balik Eskwela - Hunyo 9-20, 2025
Pagsugod sa Klase - Hunyo 16, 2025
Para sa dugang detalye ug sa lain pang impormasyon na gusto kang moapil sa kalihokan, palihog kontaka ang atong BE school coordinator sa 09509757016 o i-mensahe lang kini nga page.
Dako kaayo og kalambuan ang imong suporta. Magtinabangay kita aron makatukod og mas lig-on nga pundasyon para sa edukasyon sa atong mga kabataan. ๐ช๐
Ali na, ubani mi. MAG BRIGADA NA KITA.
