DepEd Sta. Monica Elementary School

💙 Malugod na pagbati kay Dr. Cecilia E. Valderama, CESO VI sa pagdiriwang ng kanyang Unang Anibersaryo bilang Schools Division Superintendent ng SDO Bulacan.

Maraming salamat po sa inyong patuloy na paggabay, suporta, at dedikasyon sa pagpapaunlad ng edukasyon para sa bawat mag-aaral at g**o.

Mula sa buong pamilya ng Sta. Monica Elementary School, maligayang anibersaryo po at mabuhay kayo!

𝗛𝗔𝗚𝗢𝗡𝗢𝗬 𝗪𝗘𝗦𝗧 𝗗𝗜𝗦𝗧𝗥𝗜𝗖𝗧 | 𝗦𝗔𝗙𝗘 𝗦𝗖𝗛𝗢𝗢𝗟𝗦 𝗦𝗧𝗔𝗥𝗧 𝗪𝗜𝗧𝗛 𝗥𝗘𝗦𝗣𝗢𝗡𝗦𝗜𝗕𝗟𝗘 𝗖𝗛𝗢𝗜𝗖𝗘𝗦

Ang paaralan ay isang lugar ng pagkatuto, paggalang, at kaligtasan. Kaya’t mahigpit nating ipinapaalala sa lahat ng ating mga mag-aaral, magulang, at stakeholders na hindi biro ang bomba, baril, at anumang uri ng pagbabanta.

Ang mga ganitong pahayag—kahit sabihin pang biro lamang—ay maaaring magdulot ng takot, pagkaantala ng klase, at maaari ring humantong sa kaukulang aksyon alinsunod sa umiiral na batas at mga patakaran ng paaralan.

Hinihikayat natin ang bawat isa na maging responsable sa ating mga salita at kilos. Mag-isip bago magsalita o magbahagi ng impormasyon. Sama-sama nating pangalagaan ang isang ligtas, mapayapa, at positibong kapaligiran para sa lahat.

Choose kindness. Choose responsibility. Choose safety.

📢 PABATID

Alinsunod sa DepEd Media Management Guidelines (DepEd Order No. 007, s. 2026), ang opisyal na page ng ating paaralan na DEPED TAYO - STA. MONICA ELEMENTARY SCHOOL 104858 ay papalitan ng pangalang DepEd Sta. Monica Elementary School upang umayon sa pamantayan ng DepEd.

Ang pahinang ito ang opisyal na daluyan ng mga anunsyo, programa, at mahahalagang impormasyon ng paaralan.

Inaanyayahan ang lahat na:
✅ I-follow at i-like ang ating opisyal na page.
✅ I-share ang mga opisyal na anunsyo at programa.
✅ Makilahok sa mga aktibidad at updates ng paaralan.
✅ Tanging sa opisyal na pahina kumuha ng impormasyon tungkol sa Sta. Monica Elementary School.

Manatiling konektado at napapanahon sa mga balita at tagumpay ng ating paaralan sa pamamagitan ng ating opisyal na page.

Maraming salamat po sa inyong suporta at pakikiisa!

📢 PABATID | HULYO 13–17, 2026 📢

Alinsunod sa mga abisong ipinalabas ng kinauukulang mga ahensya at bilang pag-iingat sa kaligtasan ng ating mga mag-aaral, ang Sta. Monica Elementary School ay magsasagawa ng Alternative Delivery Mode of Learning (ADML) mula Hulyo 13 hanggang 17, 2026.

📚 Paraan ng Pagkatuto:
✅ Modular Learning
✅ Online Learning

📌 Ang mga learning materials, modules, at mga gawain ay ipapadala ng mga g**o sa pamamagitan ng mga opisyal na communication channels ng bawat klase. Hinihikayat ang mga magulang at mag-aaral na makipag-ugnayan sa kanilang adviser para sa mga karagdagang impormasyon at gabay.

💙 Patuloy nating unahin ang kaligtasan habang sinisig**o ang tuloy-tuloy na pagkatuto ng bawat batang Monican.

Maraming salamat sa inyong kooperasyon at pag-unawa.