08/06/2025
OPLAN BALIK ESKWELA 2025
In line with DepEd Order No. 012, s. 2025, the enrollment period for all public schools is scheduled from June 9 to 13, 2025.
Ang Canhaway Elementary School nagpahibalo ug nagpahinumdom kanatong tanan nga magsugod na ang Brigada Eskwela sa School Year 2025-2026 karong June 9 hangtod June 13, 2025. Giawhag ang tanang mga ginikanan, Canhaway Brgy. Council, BHW, mga Tanod, 4p’s, religious sectors, PNP, BFP ug uban pang mga sectors nga moattend ug moapil niini. Kini nga programa gitigayon aron sa pagpangandam sa atong eskwelahan sa pagsugod sa School Year 2025-2026!
Kini ang atong schedule:
June 9 (Lunes) – Kining adlawa maoy Kick-off sa atong Brigada Eskwela 2025 maong giawhag ang tanan ilabina sa mga ginikanan sa Kindergarten, Grade 1 ug Grade 2 sa pag attend niini. Sa 7:00 sa buntag adunay pagahimoon nga Motorcade. Ang rota mao kini : Canhaway ES – Mercado – San Antonio – Cambarong – Pandayan – Cambanog – Sta Lucia – balik sa Canhaway ES. Inag kahuman, adunay short Opening Program unya diretso na sa pagpanghinlo.
June 10 (Martes) – mga ginikanan sa Grade 3 & 4
June 11 ( Miyerkules) – mga ginikanan sa Grade 5 & 6
June 12 (Huwebes) – Independence Day (Holiday)
June 13 (Biyernes) – tanang mga ginikanan nga wala pa nakabrigada (left-outs)
Ayaw kalimti ang pagdala og ballpen ug working tools sama sa sundang, silhig, sako ug uban pa nga magamit sa pagpanghinlo, repair o maintenance sa atong eskwelahan
Inag human og pagpanglimpyo, adunay pakulo nga giandam ang matag Class advisers. Adunay mga “used but not abused” ukay collected items gikan sa mga teachers. Pwede mo nga makapili sa inyong giangayan nga sanina, sandal, bag o uban pa.
Atol sa Brigada Eskwela ang pagpa-enrol na sa mga bata.
Sa Kindergarten – madawat na ang bata nga adunay pangedaron nga 5 years old taman sa October 31 naka- day care man o wala. Magdala lang og 1 photocopied birth certificate /PSA, ug fill-inan ang enorlment form; madawat pod ang bata nga mo 5 years old pa sa November 1 hangtod December 31 kon adunay mapakita nga Completion Certificate gikan sa Day Care, ECCD Checklist, ug kon makapasar sa ECD Assessment nga pagahimoon inag paenrol or 1st week sa pagsugod sa klase. Magpatigayon og Parents’ Orientation ang Kindergarten sa 1:30 sa palis sa June 9 (Lunes) para sa dugang nga mga detalye.
Grade 1-6 – magdala sa card ug uban pang dokumento nga nagpamatuod nga eligible ang bata ana nga grado.
Ang opening of classes for School Year 2025-2026, karong umaabot nga June 16, 2025 (Lunes).
Magkita-kita kitang tanan para sa kalambuan sa atong eskwelahan!
Daghang salamat!
