DepEd Nabangka National High School

05/09/2026

“Kung saan may patanim, kami ang walang makain.”

Mula sa konseptong halos isang taong pinag-aralan at sinaliksik, inialay ng Nabangka National High School ang isang interpretasyon ng Guinayangan Massacre sa entablado ng Pinasayaw.

Sa pamamagitan ng bawat galaw at indak, muling binuhay ng mga mag-aaral ang alingawngaw ng mahigit 6,000 magsasaka at magniniyog na buong-tapang na nagmartsa laban sa napakababang presyo ng kopra, militarisasyon, at pagnanakaw sa Coco Levy Fund noong Batas Militar. Inialay ang pagtatanghal bilang pagpupugay sa alaala nina Juliana Hara at Eutiquio Encisio—mga bayaning nagbuwis ng buhay sa gitna ng marahas na pamamaril ng Philippine Constabulary.

Bukod sa pag-alala sa nakaraan, ito ay isang matapang na panawagan sa kasalukuyan. Ipinakita ng pagtatanghal na hanggang ngayon, ang mga magsasaka at mangongopra sa Quezon ay patuloy na nahaharap sa kahirapan. Isang sigaw ito sa gobyerno na bigyan ng tunay na pansin, katarungan, at suporta ang mga mamamayang nagpapakain sa bansa.

🏆ISANG MATAAS NA PAGPUPUGAY AT PAGBATI SA NABANGKA NATIONAL HIGH SCHOOL - LUMAYAG DANCE TROUPE! 🏆

Isang malaking karangalan ang saksihan ang sining na may layunin at paninindigan. Nasungkit ng Nabangka NHS ang 1st Runner-Up sa Pinasayaw sa ginanap na 4th Congressional District Festival of Talents (CFOT), dahilan upang maging opisyal na Division Qualifier!

Gayundin, ipinahahatid ng paaralan ang malaking pasasalamat para sa pamayanan ng Nabangka NHS at sa lahat ng indibidwal na naghandog ng suporta na naging sanhi upang maibigay ang lahat ng pangangailangan sa pagtatanghal at maisakatuparan ang hinahangad na tagumpay.

Higit sa lahat, pagsaludo sa labing-apat na Nabangkerong mananayaw na dumaan sa maigting na preparasyon at nagpamalas ng husay sa harap ng 4th Congressional District ng DepEd-Quezon.
✅ Allen Zyl Samarita
✅ Apple Cachuela
✅ Chris Jeric Mendoza
✅ Jillian Vertucio
✅ Xiell Zoe Celera
✅ Joseph Cueto
✅ John Paul Alegado
✅ John Paul Porillo
✅ Princess Cathaleah Doydora
✅ Lyka Samarita
✅ Hannah Louisse Evangelista
✅ Sophia Cuslie Cantos
✅ MJ Ursua

Coaches: Juana Pujanes, Eddziel Orbe, Justine Sarmiento, at Marycris Dimaano

Maligayang bati at ipagpatuloy ang pag-indak para sa katarungan tungo sa Division Level!

Nabangkero, patuloy na naglalayag, patuloy na namamayagpag! 🚣‍♀️🌊

26/08/2026

Pagbati kay Sheena Mae Emendo mula sa DepEd Nabangka National High School sa kanyang buong-pusong pagrerepresenta sa bayan ng Guinayangan, Quezon sa Pasiklaban - Vocal Solo para sa Quezon Linggo ng Kabataan 2026! Sa gabay ng kanyang tagapagsanay na si Ma’am Creza Florebel Corea, ang kanyang angking galing at dedikasyon sa pag-awit ay nagbibigay ng matinding karangalan at inspirasyon sa buong pamayanan ng Guinayangan at sa kanyang paaralan.

18/08/2026

TAGUMPAY SA NIYOGYUGAN! 🥥🌴
GUINAYANGAN’S G BARKADA - 1ST RUNNER UP - Likhang Niyogyugan 2026 Vlogging Contest 📹

Mula sa pinagbuklod-buklod na husay at suporta, nagkamit ang G Barkada ng 1st Runner Up sa taunang pagdiriwang ng Niyogyugan - Vlogging Contest. Pagpupugay kina:

Student Vloggers:
🥥Greshan Mia Amo
🥥Jurich Purio
🥥Jillian Vertucio
🥥Von Rhovie Villamin
🥥John Paul Porillo

Cameraman:
🥥Rommel Rosales

Coach & Director:
🥥Bibo Sarmiento

Principal:
🥥Carlo B. Dejan

Lubos po ang aming pasasalamat sa Guinayangan LGU sa mahusay na pamumuno ni Mayor Cesar Isaac III, sa lahat ng kawani ng Guinayangan Tourism na nagbuhos ng nag-uumapaw na suporta sa grupo, sa pamunuan ng Maulawin Spring Protected Landscape, Mangrove Boardwalk, at Niyogan sa Guinayangan. Gayundin, pasasalamat ang aming inihahandog sa IIRR at Engineering Office na naging daan sa masusing pananaliksik.

Higit sa lahat sa komunidad ng Nabangka NHS. Bitbit nila ang husay at galing ng Batang Nabangkero!

Naging nominee rin ang G Barkada sa mga sumusunod:
🌴Best Storytelling
🌴Most Creative Vlog
🌴Best Thumbnail and Title
🌴Best Editing

GANDA! GALING!
PASASALAMAT! SA ATIN ANG TAGUMPAY!
Nabangkero tayo. Patuloy na naglalayag, patuloy na namamayagpag. 🚣‍♂️⚓️

16/08/2026

GINTONG ARAL NG LINGGO: KAHUSAYAN 🥇🏆✨
Agosto 2026, Week 2

Ani Ma’am Angelica Andaya:
Taas ang kamay ng mga gustong maging successful balang araw? Alam niyo ba ang isa sa mga sikreto para maabot iyon? Iyan ang ating pagpapahalaga ngayong linggo: Ang 'Excellence' o 'Kahusayan'.

Ano nga ba ang ibig sabihin ng Excellence? Kadalasan, iniisip natin na ang pagiging mahusay ay ang pagiging perpekto, o ang pagiging laging una sa klase. Ngunit ang tunay na kahusayan ay hindi tungkol sa pakikipagkumpitensya sa iba. Ang excellence ay ang pagbibigay ng iyong 'best' o pinakamagandang bersyon ng iyong sarili sa lahat ng iyong ginagawa, maliit man ito o malaki.

Mahalaga ito dahil ito ang nagtutulak sa atin na lampasan ang ating mga sariling limitasyon. Kapag pinili natin ang kahusayan, pinipili nating maging mas mabuti kaysa kahapon.
Pag sinabing excellence, hindi ibig sabihin kailangan mong maging 'perfect' palagi.

Sino dito ang madalas magsabi ng, 'Pwede na 'yan' kapag may ginagawa? Simula ngayon, papalitan natin ang linyang iyan. Gusto ko, tuwing sasabihin kong 'Nabangkero', ang isasagot ninyo nang malakas ay: 'Laging the best!' Practice nga tayo. Nabangkero!"

Magaling! Paano natin gagawin ang pagiging 'laging the best'? Sa paggawa ng assignment, minamadali ba para makapag-cellphone o makapag-laro na agad? Hindi! Binibigay natin ang ating the best. Sa pagpasok, nale-late ba? Hindi!

Para naman sa aming mga g**o at mga kawani ng paaralan, ang excellence ay ang pagpasok namin araw-araw nang may layuning magturo at maglingkod nang buong puso para sa inyong kinabukasan.

Sa inyong mga tahanan naman, kapag inutusan kayo ni nanay o tatay, nagdadabog ba? Siyempre hindi! Ginagawa ninyo nang may kusa at maayos, gaya ng pagliligpit ng higaan o pagtulong sa gawaing bahay.

Tandaan ninyo, ang pagiging mahusay ay hindi magic na nangyayari sa isang iglap. Tulad ng isinulat ng tanyag na manunulat na si Will Durant, sa kanyang librong The Story of Philosophy (1926), kung saan ibinuod niya ang mga turo ng pilosopong si Aristotle:

'We are what we repeatedly do. Excellence, then, is not an act, but a habit.'
(Tayo ang resulta ng ating mga paulit-ulit na ginagawa. Kung kaya't ang kahusayan ay hindi isang gawa, kundi isang nakasanayan o ugali.)

Gawin nating habit ang pagiging mahusay simula ngayong araw. Bago tayo maghiwa-hiwalay, isa pa nga para siguradong hindi ninyo makakalimutan. Nabangkero!

10/08/2026

Isang mainit na pagbati sa Grade 8 Patience sa pamumuno ng kanilang masipag na adviser na si Ma'am Jaquelyn Macatangay! Kayo ang nagwagi bilang "Cleanest Classroom Awardee" para sa ikalawang linggo ng Agosto 2026 sa ilalim ng ating programang "Gawad Nabangka" sa Nabangka NHS. Patunay ang inyong tagumpay sa magandang pagtutulungan at disiplina sa pagpapanatili ng kalinisan sa inyong silid-aralan na tunay na kahanga-hanga. Ipagpatuloy ninyo ang magandang halimbawang ito, Team Patience!

10/08/2026

Pagbati sa Grade 9-Empathy sa pangunguna ng kanilang masigasig na adviser na si Sir Redel Cuenca. Kayo ang hinirang na "Cleanest Classroom Awardee" para sa unang linggo ng Agosto 2026 bilang bahagi ng ating "Gawad Nabangka" sa Nabangka NHS. Tunay na kahanga-hanga ang inyong dedikasyon sa pagpapanatili ng kalinisan at kaayusan ng inyong silid-aralan, na nagsisilbing inspirasyon sa ibang mga mag-aaral. Keep up the excellent work, Team Empathy! 🧹✨

08/08/2026

❤️ reaction, Nabangkero!

G ADVENTURE SA GUINAYANGAN: 1 ARAW, 3 PARAISOLIKHANG NIYOGYUGAN 20...

08/08/2026

Nabangkero, react and share sa mismong Youtube video. 🫶🏿🥰

G ADVENTURE SA GUINAYANGAN: 1 ARAW, 3 PARAISOLIKHANG NIYOGYUGAN 20...