09/06/2025
Bilang pagsisimula ng taunang Brigada Eskwela, matagumpay na isinagawa ng CFPJ National High School ang kick-off program, Hunyo 9, 2025. Sa temang โSama-sama Para sa Bayang Bumabasa,โ muling pinagtibay ng pamayanan ang kahalagahan ng pagkakaisa at boluntaryong pagtutulungan para sa kapakanan ng edukasyon.
Maagang nagsimula ang programa sa pamamagitan ng isang makulay na parada ng mga g**o, magulang, mag-aaral, at mga boluntaryo bandang alas-7 ng umaga. Sinundan ito ng rehistrasyon ng mga kalahok mula 7:00 hanggang 8:00 ng umaga.
Pormal na binuksan ang programa sa pamamagitan ng isang taimtim na panalangin na pinangunahan ni Sir Lloyd Alicay, kasunod ang pag-awit ng Pambansang Awit sa pangunguna ni SSLG Vice President Zharyne Barcena Quidpoan. Ipinahayag ni Sir Mark Anthony R. Ragudo ang kanyang mainit na pagtanggap sa lahat ng dumalo sa pamamagitan ng kanyang welcome remarks.
Nagbigay naman si Sir Ian Lymel Saguiguit ng maikling talakayan ukol sa layunin, tema, at mga aktibidad para sa buong linggo ng Brigada Eskwela. Sinundan ito ng mensahe mula kay Brgy. Captain Louie Savedra na nagbigay inspirasyon sa mga magulang, studyante at g**o na patuloy na makiisa sa mga gawain ng paaralan.
Ang pinakahihintay na pormal na pagbubukas ng Brigada Eskwela 2025 ay isinagawa ni Sir Liam Enriquez, Officer-in-Charge na nagbigay ng mensahe at opisyal na deklarasyon ng pagsisimula ng programa. Matapos nito, isinagawa ang Panunumpa ng Bayanihan kung saan sabay-sabay na nanumpa ang mga kalahok at lumagda sa Commitment Tarp bilang simbolo ng kanilang suporta.
Ang matagumpay na pagbubukas ng Brigada Eskwela 2025 ay patunay ng matibay na ugnayan ng paaralan at komunidad. Sa sama-samang pagkilos, tiyak na magiging handa ang paaralan para sa ligtas at makabuluhang pagbabalik ng mga mag-aaral.
