WIKAPehan

07/12/2021

21/10/2021

"Gg pre, bawi nalang sa next life"
"Awit lods, bawi nalang sa next life"

Isa ka din ba sa mga indibidwal na nag-fail o nabigo sa iyong ninanais - sa eskwela man, trabaho, o maging sa pag-ibig? 'Wag kang mawawalan ng pag-asa, bawi nalang sa next life!

Ang katagang "bawi nalang sa next life" ay tampok sa mga netizens at kabataan ngayon. Patok na patok ito sa mga memes at kapsyon na pumapatungkol sa isang kabiguang nangyari sa kanilang buhay lalo na sa buhay ng isang teenager at estudyante.

Sa patuloy na pag-usbong ng makabagong teknolohiya kung saan moderno na rin ang pakikipagkomunikasyon, nauuso na rin ang pagbuo ng mga kataga o trending na mga salita sa iba't ibang sosyal midya na siyang ginagamit ng nakararami. Isa na rito ang trending na "bawi nalang sa next life".

"Bawi nalang sa next life" na ang ibig sabihin ay babawiin nalang sa "next life" o sa kabilang buhay ang mga kapalkapan na nangyari sa kasalukuyan. Maraming kabataan ang gumagamit nito bilang kanilang tugon sa bagsak na grado, malas na buhay pag-ibig o alinmang yugto ng kanilang buhay na naging bigo sila.

Kung iisipin, ang katagang ito ay nagiging isang negatibong tugon sa sitwasyong may di inaasahang kabiguan. Sinasabing wala na ibang panahon upang bumawi kung hindi ay sa kanilang buhay na lamang. Tila sinasabi ng kataga na ang kamaliang ito ay hindi na maaaring maitatama sa kasalukuyan at hinikayat na 'wag nang sumubok pa.

Sa lawak ng abot ng Sosyal Midya, ang bawat posts ay maaaring magdala ng maganda o 'di kaya'y masamang epekto sa nakababasa nito. Kinakailangan na tayo ay maging responsable dahil akala nating nakakatuwang posts ay maaring makapag''trigger" sa iilan.

Laging tatandaan na ang bawat kabiguan sa buhay ay may dahilan. Maaaring makapagbibigay ito ng reyalisasyon sa atin upang mas pagbutihin pa sa susunod na pagkakataon. Ayon kay Diether Urchdorf, “ang ating tadhana ay hindi nasusukat sa dami ng pagkadapa natin kundi sa dami ng ating pagbangon, pagpagpag ng dumi sa ating sarili, at pagpapatuloy.” Kinakailangan lamang nating maniwala sa ating sariling kakayahan. Dagdag pa ni Dale Renlund, "kahit sinadya pa nating magkasala o paulit-ulit tayong makaranas ng kabiguan at kalungkutan,... ipasiya nating magsikap na muli."

Kaya, ano na? Babawiin pa din ba sa next life? 'Wag! Bawiin mo ito ngayon nang mas bumuti ang iyong life!

DISCLAIMER: Ang mga impormasyong nakatala sa itaas ay pansariling opinyon lamang. Ito ay isang pangangailangan para sa kursong Fil 168 Wika ng Sosyal Midya.

Mary Jane B. Artates





Mga Sanggunian:
Ang kabiguan ay bahagi ng Plano. https://www.churchofjesuschrist.org/study/liahona/2018/07/failure-is-part-of-the-plan?lang=tgl

Saded Post https://m.facebook.com/groups/912180629207266/permalink/1262976540794338/

STI PH Student Group
https://m.facebook.com/groups/STI.PHGroup/permalink/3081859542138620/

Credits to the real owners of the posted pictures.

20/10/2021

Narinig mo naba ang mga salitang:

"Sana all","Sana ol", o di naman kaya'y "sana oil"??

Yung tipong:

"Yung katabi mo si crush sa flag ceremony "

"SANA ALL may jowa"

"SANA OL may kwarta" o di kaya'y

"SANA ALL clearskin"

Sa panahon makabagong panahon natin ngayon na isang-click nalang lahat, nakikita natin halos lahat ng achievements sa buhay ng isang tao sa iba't ibang social media platforms tulad ng facebook, tweeter, youtube, at iba pa mapapa ka nalang talaga. ⁷Ilan lamang ang mga ito sa mga namayaning sa mga diskurso. madalas nating natin itong gamitin sa pang-araw-araw na pakikipag usap lalo na sa tuwing may nakikita tayong bagay na gusto rin nating mangyari sa atin.

Ang pangungusap na "Sana nawa lahat ay may katulad ng ganyan" ang nakasanayang ginagamit ng mga tao noon. Mas pormal basahin diba?

Sa paglipas ng panahon at dahil narin sa pagiging malikhain ng mga Pilipino maging sa mga salita, at dahil sa katangian ng wika na pagiging diversified o dahil sa pagbabago ng wika depende sa kung sino ang gumagamit nito. ang dating nakasanayan ay nabago maaari nang tanggalin o i-implied ang ilan sa mga salita rito ngunit ganoon parin ang pagpapakahulugan gaya nalamang ng mga salitang:nawa, ay, katulad, at ng, at ang matitira na lamang ang mga salitang " sana lahat may ganyan". Pwede mo itong sabihin kung gusto mo yung career o talent ng isang tao, dinagdagan mo lang ng "lahat" para di halata at mas cute pakinggan, o pwede mo din sabihing "sana lahat maging ganyan". Sa pangungusap namang ito, maaari mo naring tanggalin ang salitang 'ganyan' kaya magiging "sana lahat ganyan" na lamang gets mo parin ang meaning Diba? Pero meron paring salita na maari mong tanggalin at mas pa iksiin pa ito ngunit ganoon parin ang pagpapakahulugan gaya ng pagtanggal ng salitang 'ganyan' na magiging "sana lahat" na lang.

Sa pangungusap namang ito, wala ka nang maaring tanggalin kasi kung magtatanggal kapa:
Sana ___? Sana ano?
___ lahat? Lahat ano?
Magtutunog kulang-kulang ka na.

"SANA LAHAT" see? Mas madaling maintindihan. Mas maikli, mas convinient gamitin. At dahil sa dati tayong napasailalim sa kolonisasyon ng mga amerikarano, maiintindihan parin natin ang salitang "SANA ALL"

Ang katagang ito ang pinaka sikat na step sa ebulusyong ito. At dahil nga maimbento o malikahain ang utak ng mga pinoy ang dating SANA ALL, ay naging "sana OL" ang all ay pinalitan ng O at L. At hindi pa dito nagtatapos ang ebulosyon ng pangungup na ito dahil ang 'sana ol' ngayon ay naging "sana OIL" oh diba? Pinoy nga naman. Ganyan ka flexible ang wika, nakikibagat ito depende sa gumagamit nito.

Rose C. Tenorio





Disclaimer:ito po ay personal na opinyon lamang. Bilang isa sa mga pangangailangan ng asignaturang FIL168 wika ng sosyal midya

Sanggunian:
https://www.scribd.com/document/445507491/SANA-ALL

https://sakaysakasaysayan.tumblr.com/post/190796748517/sana-all-ang-mga-salitang-iyan-ang-madalas

20/10/2021

"Puhon"

"Puhon, maayong lawas"
"Magkita ra ta balik puhon"
"Maka-graduate ra ko puhon"
"Madato ra ko puhon."

Isa ka rin ba sa naki "Puhon"?

Ang "Puhon" ay isang pananalitang Bisaya o Cebuano ang puhon at kapag magsaliksik tayo ng kahulugan nito sa Google, “soon”, "someday” o “in time” ang karaniwang lalabas na salin ng salita sa Ingles. Gayunpaman, para sa akin, hindi lang ito ang natatanging kahulugan ng salitang puhon.

Sa paggamit ng salita, may halo rin itong pag-aasa, o “hoping”, at minsan nagpapahiwatig din ito ng harinawa; “kung puwede”, “kung kaya”, “sana’y itulot ng Maykapal”, “nawa’y” o sa Ingles “hopefully” o “if its God's will". Sa ganitong paraan, masasabi rin nating positibo ang pinapahayag ng puhon, at hindi ginagamit sa masasamang paraan. “Papatayin kita puhon”? Hindi puwede, bes!

May mga halimbawa sa Paggamit ng Salitang Puhon:

1. Sa Bisaya: “Puhon ug mahimo na kang Teacher…“

Sa Tagalog: "Balang araw, kapag magiging Teacher ka na..”

Sa Ingles: “Someday (if God wills it), and you become a Teacher…”

2. Bisaya: “Magkita ra ta balik puhon”

Tagalog: “Nawa’y balang araw magkikita rin tayo muli ”

English: “Hopefully, we’ll see each other again soon”

3. B: “Puhon maayong lawas..” (Isang expresyon ito at mayroong literal na salin na “katawang malusog” ang “maayong lawas”)

T: “Sa madaling panahon, kapag maayos na ang lahat”

I: “In time when everything is alright” o “Hopefully, when all is well”

Naging laganap sa mga tao lalo na sa mga kabataan ang paggamit ng katagang "puhon". Makikita sa sosyal midya platforms gaya na lamang nag Facebook, Twitter at Instagram ang mga myday at shareposts na may kaugnayan sa kanilang buhay.

Kumakailan lang, si Miguel Benjamin Guico, isa sa mga miyembro ng sikat na banda na Ben & Ben, ay nagbahagi ng kwento tungkol sa kung bakit ang salitang Cebuano na "Puhon" ay bahagi ng kanilang awit na "Fall."

Ang kanyang paliwanag ay nai-post sa opisyal na pahina ng Instagram ng banda noong gabi ng Hunyo 28, Biyernes.

Naalala ni Guico na sa taong 2018 nang sila ay nagkaroon ng kanilang unang palabas sa Cebu. Dalawang batang tagahanga ang nahanap ang kanilang paraan upang lumapit sa sikat na banda sa backstage pagkatapos ng kanilang set.

"Nang dahan-dahan silang lumapit sa amin, narinig namin ang kanilang nasasabik na bulong sa bawat isa," naalaala niya. Pinagpatuloy niya ang paggunita sa nangyari matapos marinig ang salitang "puhon" mula sa kanilang mga tagahanga na Cebuano. Kinumusta nila ang kanilang mga tagahanga at nagkaroon ng pagkakataong tanungin sila kung bakit paulit-ulit nilang binigkas ang salitang, "puhon."

Tinanong din nila ang kahulugan ng salitang Cebuano. "Sinabi nila na ito ay isang bagay na madalas nilang sinasabi sa bawat isa kapag pinag-uusapan nila ang tungkol sa kanilang mga pangarap; lahat ng mga bagay na inaasahan nilang mangyari sa kanilang buhay, "aniya.

Ipinagpatuloy ni Guico ang kanyang post at sinabi na ang "puhon" ay nangangahulugang sana, balang araw, at oras ng Diyos.

"At ganoon din sa pag-ibig. Inaasahan lamang nating maramdaman ang kaligayahan kapag ito ay dumating, ngunit magkakaroon lamang ng kahulugan kapag ito ay ang tamang oras - sa oras ng Diyos, "aniya.

Tinapos din ni Guico, ang songwriter ng "Fall" ang kanyang post na nag-in love sila sa salitang, kasama ang Cebu at ang mga tao. "Napagpasyahan namin na gamitin ang" Puhon "sa aming kantang" Fall, "aniya.

Kaya naman, para sa akin, ang salitang "puhon" ay nagbibigay ito sa atin ng pag-asa tungkol sa isang bagay. Ang pananalitang ito ay sinabi kapag inaasahan mong may mangyayari sa hinaharap na kahit papaano ay isinalin sa "balang araw", o "in God's time".

Ecclesiastes 3:1 & 11
1 To everything there is a season, a time for every purpose under heaven.
11 He has made everything in it's time.

PUHON, isang simpleng limang titik na salita ngunit mayroon itong mahiwagang kahulugan.

So, what's your PUHON? 💖

Disclaimer: Ito ay para sa pangangailangan ng kursong FIL168 Wika ng Sosyal Midya. Ang mga nakapaloob na mga impormasyon ay pawang sariling opinyon lamang.

Kryzelle Althea D. Iligan





Mga Sanggunian:

http://www.peanutbrowas.com/blog/10-common-cebuano-expressions

https://www.tagaloglang.com/harinawa/

http://cebudailynews.inquirer.net/241890/why-puhon-is-part-of-benbens-song-fall

20/10/2021

Sulong P-Pop! Angat P-Pop!

Narinig mo na ba ang salitang K-Pop? yung salitang P-Pop kaya?

Hindi maipagkakaila ang kasikatan sa ngayon ng K-pop o South Korean Pop hindi lang sa bansa kundi maging sa iba't-ibang panig pa ng mundo. Ngunit alam mo ba na mayroong genre ng musikang Pilipino na katulad nito ang matunog rin sa kasalukuyan? Ito ay tinatawag na P-Pop.

Ang P-Pop o Pinoy Pop ay isang genre ng musika na sumibol galing sa OPM o Original Pilipino Music. Ang OPM ay terminong ginagamit noon sa musikang Pop simula dekada 60 at 70. Ayon sa Pilipinong direktor na si Jason Paul Laxamana, ang OPM ay nauugnay sa ballad at alternatibong musika at wala itong gaanong sayaw at kanta. Sa pagsibol ng P-Pop, ito rin ay naimpluwensyahan ng ibang pop genre galing sa ibang bansa katulad ng K-pop at J-Pop. Ang mga grupo sa bansang ito ay hasa sa larangan ng pagsayaw at pagkanta.
Hindi na bago ang mga grupo sa bansa, sa katunayan ay mayroon na dating XLR8, 1:43, Pop girls at iba pa. Ngunit hindi pa lubos na kilala ang paggamit ng salitang P-Pop sa mga panahong ito.

Mas naging maingay ang salitang P-Pop noong 2019 nang mag viral ang grupong SB19, ang limang simpleng kabataang nangarap at sinanay ng Korean Entertainment Company ng tatlong taon upang maging idol group. Sa kanilang galing sa pagkanta at pagsayaw ay talaga namang naging popular ang P-Pop hindi lang sa Pilipinas kundi sa ibang bansa kung saan abot ang maraming Pilipino. Sila rin ang kaunaunahang Pilipino at grupo sa South East Asia na nomina sa prestihiyosong Billboards Music Awards at sa kasalukuyang buwan sila ay nanomina sa MTV Europe Music Awards bilang Best South East Asia Act. Ito ay nagpapakita lamang na ang isang P-pop group ay gumagawa ng pangalan hindi lang sa bansa kundi sa buong mundo.

Sa kasalukuyan maraming nang grupo ng P-Pop ang nag debut na gumagawa rin ng magandang pangalan sa genre na ito. Narito ang ALAMAT, BGYO, MNL48, 1ST. One, Press Hit Play at iba pa. Gamit nila ang wikang Filipino at maging ang kanilang Unang wika sa paggawa ng kanta.
Marapat nating suportahan ang mga grupong ng P-Pop sapagkat kung kaya ng ibang bansang umangat gamit ang katulad na genre malamang ay kaya rin natin.

ANISA J. MUSA






Disclaimer: Ito ay personal na opinyon lamang. Bilang isa sa pangangailangan ng asignaturang FIL168 Wika sa Sosyal Midya
Sanggunian:
https://www.google.com/amp/s/i-d.vice.com/amp/en_uk/article/m7ek4n/guide-to-p-pop-pinoy-pop
https://enc.ph/ang-pag-angat-ng-p-pop/
https://www.mtvema.com/en-asia-pacific/vote/bestsoutheastasiaact/

20/10/2021

Marites: Guys! Chat niyo ako pag may klase na ha?
Clara: Ano ka gold?!
Sa pagkakaalam ng lahat ang salitang “gold o ginto” ay isang kemikal na elementong may simbolong Au at may bilang na atomiko na 79. Ngunit ngayon ito ay ginagamit na sa paghahahambing sa tao. Ito rin ay nauso ngayon sa sosyal midya at patok sa mga memes.
Maraming pwedeng pakahullugan sa katagang “Ano ka gold?” depende sa uri ng pag-uusap. Pero ang pinakamalapit na pakahulugan rito ay pinaghahambing ito sa ginto. Dahil ang ginto ay may malaking halaga. Kaya kung sa pag uusap tulad ng:
John: Minda ba’t di ka sumasagot sa mga tawag ko?
Minda: Bakit ko naman sasagutin? Gold ka ba?
Pinaparating ni Minda dito sa kanilang pag-uusap na di naman mahalagang sagutin ang mga tawag ni Johnn dahil di siya “gold” o sa madaling salita hindi siya “mahalaga”.
Disclaimer: Ito ay personal na opinyon lamang. Bilang isa sa pangangailangan ng asignaturang FIL168 Wika sa Sosyal Midya

ASHLEY KATE L. PULMONES




Sanggunian:
https://web.facebook.com/search/top?q=gold%20ka%20ba
Photo not mine. Photo credits to the rightful owner.

20/10/2021

✨ MARUPOK ✨

Ang salitang marupok ay nangangahulugang mahina o hindi matibay. Kadalasang tumutukoy ito sa mga bagay na hindi matatag o madali lang na masira. Maaari rin itong gamitin sa matalinghagang paglalarawan sa mga taong madaling ma-fall, mabilis matukso, tanga sa pag-ibig at iba pa.

Gaano kaba kabilis ma inlove?
Ayon sa pag-aaral ng isang neurologist sa Syracuse University na si Stephanie Ortigie (2013) "it takes only one-fifth of a second for the neurochemical reaction associated with feelings of love to fire off". Mataas na daw ang tatlong (3) segundo upang malaman na mahal mo ang isang tao, ngunit sapat ba itong batayan na masasabi mong ito ay totoo?

Palagi ka bang puntirya ni Mr. Kupido kaya ang bilis mong magmahal? Kaya siguro ang rupok mo!

Ganito kasi yan beh!
Level 1. May makikilala kang "someone" na magbibigay sayo ng butterflies.

Level 2. Syempre mayroon tayong tinatawag na "getting to know each other stage".
Mag-aalmusal ka ng "Good morning", manananghalian ng "kumain kana ba?" at maghahapunan ng "goodnight and sleep well" sweet no? Haba ng hair mo beh!

Level 3. Umpisa na ng karupokan! Magbibigay sya ng mga pahiwatig na gusto ka rin nya. Manliligaw sya! 😱❤️
Kakantahan ka, bibigyang ng chocolates and flowers, hatid-sundo sa work o skwelahan, ipapakilala sa buong angkan. Sa loob ng maiksing panahon gagawin nya ang mga bagay na ito para makuha ang loob mo.

Level 4. Sinagot mo, na fall ka ng sobra e!
Todo effort ka sa kanya. Feeling mo sya na talaga ang taong ibinigay ng Diyos sayo. Makikita mo ang iyong forever sa kanya
Sana all may jowaaa, sana all mahal!
Mapapakanta ka nalang talaga ng "Your love is like the sun, that lights up my whole world"

Level 5. Mainit naman sa Pilipinas bakit ang lamig ng relasyon nyo?
Palagi nalang kayong nag-aaway, kahit sa maliliit na bagay nagsisisihan kayo.
Wala ng Goodmorning at goodnight text.
Palagi ka nalang nanglilimos ng kunting oras makausap lang sya.
Sa sobrang pagod mo sa pagiyak ay makakatulog ka nalang at gigising na maga ang mga mata. 💔

Level 6. Nagkaroon kayo ng malaking away at naghiwalay. Sa kadahilanang nagtanong ka lang naman kung sino si "Michelle".
"Kailangan ko lang ng comfort noong nag away tayo, kaya sya ang nilapitan ko"
Alam mo na ang sagot ngunit gusto mong galing sa kanya ang katotohanan. Nasaktan ka dahil nagsinungaling sya.

Magpapalit ka ng status sa facebook na "single".
Mag she-share ng mga broken quotes.
Maglalasing, iiyak at magku-kwento sa kaibigan na hinding-hindi kana babalik.

Level 7. Paglipas ng tatlong buwan (3) ay hindi na masyadong masakit, ginawa mo lahat ng makakaya mo para lang makapag-move.on. Mahal mo pa ngunit alam mong mas makabubuti na magkalayo kayo para mahanap mo ang sarili mo.

Sa mga panahong ito ay natuklasan mo ang iyong halaga. "Self love nalang muna".
..…....
Isang araw
"HI!" Nag chat ang ex mo
"Let's meet, kain tayo sa labas. Gusto kung makabawi, dating gawi?"

DAHIL MARUPOK KA, BINALIKAN MO!
Isang text lang pala katapat mo, hala magpakarupok ka forever!

Pinaglaruan siguro ni Mr. Kupido ang pana ng karupokan at tumama sayo.

Isa kaba sa mga marurupok?





DISCLAIMER: Para po ito sa pangangailangan ng asignaturang FIL168 (Wika ng Sosyal Midya). Ang mga nakapaloob po dito ay pawang sariling opinyon at saloobin.

Nyvie Grace P. Buhay

Sanggunian
https://rmn.ph/signs-na-marupok-ka-pagdating-sa-pag-ibig/
http://salumpwet.blogspot.com/2012/10/marupok-lang-ako.html?m=1
https://www.inc.com/melanie-curtin/science-says-you-do-this-surprising-thing-in-just-3-seconds-hint-it-has-to-do-with-attraction.html

20/10/2021

LAMOK DANCE CHALLENGE

Naiirita ka rin ba sa tuwing lumilipad malapit sa iyong tenga ang mga lamok? Ang nakakairitang tinig nito na tila gigising sayo at magpapainit ng ulo mo. Pwes ngayon, ang dating nakakairitang tinig ng lamok ay iba na. Bukod sa nakakatuwa itong pakinggan ay seguradong mapapasayaw ka pa. Ito ang  o .

Pagdating sa kalokohan hinding hindi magpapahuli, ang mga Pinoy. Lalong lalo na kung ito'y galing sa sosyal midya na kung saan karamihan sa atin ay babad na babad buong araw. Ang simpleng pagpost ng kahit anong content ay maaaring makakuha ng maraming atensiyon sa kahit sino na nasa sosyal midya, maging ito man ay simpleng larawan, video, o post patungkol sa iyong nararamdaman.

Isa na rito ang "lamok challenge" na nagsimula kay Kim Whamos Cruz, isang sikat na youtube vlogger. Nakilala si Whamos sa kaniyang pag-audition sa Idol Philippines, taong 2019, na kung saan nakilala siya sa kaniyang angking pagpapatawa. Kamakailan lang, siya ay umani ng sari't saring komento matapos ang mga kontrobersiya patungkol sa kaniya. Dahil dito, gumawa ng video si Whamos upang malinawan ang lahat patungkol sa kumakalat na isyu. Dahil na rin dito, umani ito ng maraming views at may nag-edit pa nito, na kung saan ito'y nagviral.

Ang tiktoker na si Sean Al ang nag-edit ng mismong video at ginawan ito ng kanta gamit ang kanyang sariling version. Humakot ito ng milyong-milyong views sa tiktok at libo-libong shares. Nakita naman ito ni Whamos at ginawan ng sariling dance steps at ginawan ng hashtag na, . Umani ito ng maraming atensiyon sa sosyal midya at marami rin ang nakikisayaw dito, mapabata man o matanda, aliw na aliw sa pagsayaw sa kantang "Lamok".

Ang mga sumusulpot na sari-saring "challenge" sa sosyal midya araw-araw, ay indikasyon kung gaano kabilis ang takbo ng sosyal midya. Kaya dapat lamang na tayo ay magingat sa ating mga pinopost at isiping mabuti ang maaaring maidulot nito sayo. Dahil baka isang araw ay isa ka na sa tinatawag nilang "viral".

Pero ikaw? Anong "challenge" ang gusto mong gawin?

Disclaimer: Ito ay personal na opinyon ko lamang. Bilang isa sa pangangailangan ng asignaturang Fil168 Wika ng Sosyal Midya.

Karylle S. Zabala






Sanggunian:
https://fb.watch/8LLe7-Wlfy/
https://fb.watch/8LLfXW_GSz/

20/10/2021

“Arat na”

“malagaw ta sa Gensan pre!” – “arat na”
“laro tayo lods” – “arat na”

Isa ka rin ba sa naki-arat na?

Sa kasalukuyang panahon uso ang mga salitang binabaliktad gaya lamang ng mga salitang lodi, petmalu, omsim, etneb, olats at elibap. At isa na sa mga salitang ito ay ang salitang “Arat na” na ang ibig sabihin ay “Tara na” o “Let’s go” sa ingles. Palagi natin itong makikita sa mga caption ng mga teenager o mga kabataan ngayon at kadalasan ding naririnig natin na ginagamit nila ang terminong ito.
Nagsimula o mas nakilala ang terminong “Arat na” dahil sa isang vlogger/youtuber na si Zeinab Harake na mayroong 11, 200, 000 na mga subscribers. Kung kaya’t ang dami niyang mga naiimpluwensyahang mga tao bata, kabataan at pati na rin ang mga matatanda man ay maririnig mong gumagamit ng terminong ito. Naging isang trade mark niya na ito sa kaniyang pag v-vlog.
Ginagamit ang terminong ito upang manghikayat o hikayatin ang ibang tao. Narito ang ilang halimbawa upang mas maintindihan kung paano gamitin ang terminong ito:

A.
: Gusto mong kumain sa McDo?
: Arat na!

B.
: Punta tayo sa Batangas masarap lomi nila don.
: Arat na!

C.
: May nakita kang magandang pasyalan na lugar sa facebook at gusto mong puntahan niyo ng mga kaibigan mo.
: Arat na!
Hindi natin maitatangi na halos lahat ng tao ngayon sa mundo ay gumagamit na ng makabagong teknolohiya at patuloy itong nakakaimpluwensiya sa atin sa ating iba’t ibang aspekto ng ating mga buhay. Lahat ng mga nauusong salita ngayon sa kasalukuyan ay kadalasang nangaling o nagsimulang umusbong dahil sa sosyal midya. Hindi natin maitatanggi na malaki talaga ang dala ng pagbabago ng panahon sa ating paligid, sa ating kultura at lalong lalo na sa ating wika.
Kung kaya’t maging maalam tayo sa mga bagong terminong nakikita o maririnig natin sa sosyal midya. Alamin at tuklasin kung ano ba ang kahulugan ng mga bagong salitang ito.

DISCLAIMER: Ito ay para sa pangangailangan ng asignaturang FIL 168 Wika ng Sosyal Midya. Ang mga nakapaloob na mga impormasyon dito ay pawing sariling opinion at saloobin lamang.

Zanoria, Precious Beryl J.

!



Sanggunian:

SOCIAL BLADE
https://socialblade.com/youtube/c/zeinabharakevlogs/realtime

Kate Pulmones
https://www.facebook.com/permalink.php?story_fbid=1507160839477600&id=100005510959399

Omar
https://www.facebook.com/permalink.php?story_fbid=205368953841964&id=100031065814989

Zeinab Harake
https://www.facebook.com/zeiharake11/posts/2671361092931594

Zeinab Harake Unofficial
https://www.facebook.com/ZeinabharakeOffcl/photos/arat-na/2894957687185863/

20/10/2021

“CONTROL EVERYTHING IS UNDER”

Sa paglipas ng panahon hindi lamang ang mga gusali o establisimiyento ang nagbabago at umuunlad kundi pati na rin ang ating wika. May mga bagong wika na umuusbong sa panahon ngayon at patuloy na umuunlad.

Sa panahon ngayon madali na ang pagbibigay at pagpapakalat ng impormasyon. Isang click mo lang o isang post mo lang ay maaari na itong mabasa ng gumagamit ng social media.

Nagtrend ang salitang ito dahil nagkamali ang isang lalaki sa pagsabi ng “Control Everything is Under” sa halip na “Everything is under control”. Nasabi niya ito dahil naaksidente ang kanyang kaibigan at magulo na ang kanyang isipan kaya hindi na niya alam ang kaniyang gagawin.

Marami ang gumagamit ng salitang iyon bilang meme na nagbibigay aliw sa mga mambabasa o mga gumagamit ng social media dahil kailangan din natin ng libangan lalong-lalo na ngayon sa panahon ng pandemya.

Desclaimer: Ito ay personal na opinyon lamang. Bilang isa sa pangangailangan ng asignaturang FIL168 Wika sa Sosyal Midya

EARL MAURICE C. ABANES





Photo not mine. Photo credits to the owner.

20/10/2021

"Asa Ang Chicken Cordon"

Nawa ang Chicken Cordon!
1, 2, 3, 4, 8

Kamakailan lang ay naging viral sa social media ang tungkol sa isang food supplier at kanyang customer na kulang umano ang ibinayad sa food package.

Matatandaan na umani ng halos milyon milyong views ang viral video na inupload ni Marjorie Abastas na food supplier na kung saan sinulong nito ang kanyang customer dahil hindi pa umano nito nababayaran ng buo ang inorder na food package.

Umabot din kay Idol Raffy Tulfo ang naturang viral video dahil humingi ito ng tulong sa kilalang tv host upang ireklamo ang customer na hindi nagbayad ng buong amount.

Para sa akin dapat kailangan nating maging patas sa kapwa natin. Dapat Yung respeto sa bawat isa ay Hindi dapat mawawala. Katulad ng nangyari sa isang seller na Ito ay dapat talagang igalang dahil Tama Naman Yung kanyang serbisyo dahil Ang pagod ay Hindi natin mababayaran. Maging responsable po Tayo.


DISCLAIMER : Ang mga pahayag sa itaas ay batay lamang sa opinyon ng may akda at hindi nitong gustong manira ng kapwa tao. Ito rin ay isang pangangailangan sa FIL 168 Wika ng Sosyal Midya.

Meschell B. Ulaw

20/10/2021

"Spill the tea"

Besh, I have chika!

Siszt! Alam mo na ba?

Ang "tea" ay isang slang na salita na nangangahulugang tsismis. Ayon sa Merriam Webster's Dictionary, ang katagang "Spill the tea" ay nagmula sa "Drag culture". Unang ginamit ang ang kataga sa nobela ni John Berendt na pinamagatang "Midnight in the Garden of Good and Evil” noong1994. Sa nobela ginamit ng isang drag queen na nagsabing “My T. My thing, my business, what’s goin’ on in my life.” Simulan noon ay lumaganap na ang paggamit ng kataga hanggang sa paglago nito sa internet at sosyal midya.

Ang katagang "Spill the tea" ay nangangahulugang sabihin ang tsismis o ibigay ang mga kinakailangang kasagutan o impormasyon. Ang "Tea" ay maari ring maging "T" na nagangahulugang "Truth", samakatuwid ito rin ay maaring mangahulugang ilahad ang katotohanan.

Naging laganap na ang paggamit ng mga tao lalo na ang mga kabataan ng katagang Spill the tea. Mapapansin na sa bawat shared post ng mga kabataan na may kaugnayan sa tsismis, mga isyu lokal man o internasyunal, lalo na sa isyu pampolitika at pangmudya. Parati rin itong mapapansin sa paghahalungkat o pagkilatis ng mga kabataan sa mga isyung may kaugnayan sa mga kilalang personalidad.

Siszt! I have chika!

What's the Tea?

Desclaimer: Ito ay personal na opinyon lamang. Bilang isa sa pangangailangan ng asignaturang FIL168 Wika sa Sosyal Midya

RUEL L. PUGOY







Sanggunian
Spill the Tea. Retrived from: https://idioms.thefreedictionary.com/spill+the+tea

Spill the tea. Twitter. https://twitter.com/newjoetta/status/1448767252262686724?t=ODkDWPgw1c2OfthhvjXFQQ&s=09

Photo not mine. Photo credits to the owner.