Paragon: Official Student Publication of GFI

| 𝗡𝗘𝗩𝗘𝗥 𝗚𝗜𝗩𝗘 𝗨𝗣 𝗗𝗔𝗬

Ngayong ika-18 ng Agosto, ipinagdiriwang ang World Never Give Up Day, isang araw na nagbibigay-pugay sa katatagan, kakayahan, at determinasyon ng mga taong patuloy na humaharap sa mga pagsubok sa buhay. Paalala rin ito na sa kabila ng mga hamon, may pag-asa pa ring naghihintay sa dulo ng bawat pagsubok.

Kaya naman, ating tandaan na anuman ang bigat ng ating pinagdaraanan, palaging may panibagong bukas na magsisilbing liwanag upang tayo ay bumangon at magpatuloy.

Nawa’y magsilbing paalala ang araw na ito na manatili tayong matatag at patuloy na magsikap para sa ating kinabukasan.

ɪꜱɪɴᴜʟᴀᴛ ɴɪ: Chezka Bedrijo
ɪɴᴀʏᴏꜱ ɴɪ: Aizley Loquias

— 𝘚𝘦𝘮𝘱𝘦𝘳 𝘝𝘦𝘳𝘪𝘵𝘢𝘴 𝘦𝘵 𝘈𝘦𝘲𝘶𝘪𝘵𝘢𝘴 —

𝙉𝙀𝙒𝙎 𝙐𝙋𝘿𝘼𝙏𝙀 | 𝗚𝗙𝗜 𝗯𝗹𝗲𝘀𝘀𝗲𝘀 𝗻𝗲𝘄 𝗔𝗥𝗜𝗔 𝗕𝘂𝗶𝗹𝗱𝗶𝗻𝗴 𝗮𝗵𝗲𝗮𝗱 𝗼𝗳 𝗯𝗹𝗲𝗻𝗱𝗲𝗱 𝗹𝗲𝗮𝗿𝗻𝗶𝗻𝗴

Gensantos Foundation College (GFI) formally welcomed the newly built ARIA Building as an additional campus facility through a blessing ceremony held today, August 17, as the institution prepares for the implementation of its Blended Learning Program.

The blessing was officiated by Our Lady of Peace and Good Voyage (OLPGV) Parish, with GFI School President Amor Irish D. Lozano, CPA, MBA, faculty members, and staff in attendance.

The newly built facility houses classrooms and carries the name ARIA, inspired by the second names of the founders’ children—Allan, Rayah, Irish, and Ador. The name follows the tradition of the ZEAL Building, also named after the founders’ children.

Meanwhile, the occasion also marked the blessing of the newly repaired ZEAL Building, adding to the institution’s preparations for the upcoming academic setup.

Moreover, the ceremony also coincided with the 79th birthday of GFI founder Dr. Dominador S. Dizon, CPA, “The Dreamer,” adding significance to the occasion.

With the addition of ARIA, GFI expands its campus facilities as it moves toward the implementation of its blended learning program.

#𝗨𝘀𝘄𝗮𝗴𝗚𝗙𝗜
#𝗧𝗵𝗲𝗛𝗲𝗮𝗿𝘁𝗢𝗳𝗧𝗵𝗲𝗛𝘂𝗺𝗯𝗹𝗲𝗗𝗿𝗲𝗮𝗺𝗲𝗿𝘀

ɪꜱɪɴᴜʟᴀᴛ ɴɪ: Rhean Aubrey Ayano
ɴᴀɢᴍᴜʟᴀ ꜱᴀ: GFI Official page
ɪɴɪᴀʏᴏꜱ ɴɪ: Julianne Aves

— 𝘚𝘦𝘮𝘱𝘦𝘳 𝘝𝘦𝘳𝘪𝘵𝘢𝘴 𝘦𝘵 𝘈𝘦𝘲𝘶𝘪𝘵𝘢𝘴 —

𝐈𝐌𝐏𝐎𝐑𝐓𝐀𝐍𝐓 𝐀𝐃𝐕𝐈𝐒𝐎𝐑𝐘 | 𝐓𝐄𝐌𝐏𝐎𝐑𝐀𝐑𝐘 𝐁𝐋𝐄𝐍𝐃𝐄𝐃 𝐋𝐄𝐀𝐑𝐍𝐈𝐍𝐆 𝐏𝐑𝐎𝐆𝐑𝐀𝐌

Please be informed that Gensantos Foundation College, Inc. will implement a 𝗧𝗘𝗠𝗣𝗢𝗥𝗔𝗥𝗬 𝗕𝗟𝗘𝗡𝗗𝗘𝗗 𝗟𝗘𝗔𝗥𝗡𝗜𝗡𝗚 𝗣𝗥𝗢𝗚𝗥𝗔𝗠 effective 𝗦𝗘𝗣𝗧𝗘𝗠𝗕𝗘𝗥 𝟳, 𝟮𝟬𝟮𝟲, due to ongoing repairs in school facilities.

This arrangement aims to ensure the continuity of learning while prioritizing the safety, welfare, and convenience of our students and faculty.

Kindly check the 𝗪𝗘𝗘𝗞𝗟𝗬 𝗖𝗟𝗔𝗦𝗦 𝗠𝗢𝗗𝗔𝗟𝗜𝗧𝗜𝗘𝗦 in the advisory below and take note of the schedule applicable to your respective course.

𝐖𝐄𝐄𝐊𝐋𝐘 𝐂𝐋𝐀𝐒𝐒 𝐌𝐎𝐃𝐀𝐋𝐈𝐓𝐈𝐄𝐒 𝐒𝐂𝐇𝐄𝐃𝐔𝐋𝐄

𝗡𝗢𝗡-𝗕𝗢𝗔𝗥𝗗 𝗖𝗢𝗨𝗥𝗦𝗘𝗦 (𝗪𝗘𝗘𝗞𝗗𝗔𝗬𝗦):

• Monday & Tuesday: On-Site
• Wednesday, Thursday, & Friday: Online

𝗕𝗢𝗔𝗥𝗗 𝗖𝗢𝗨𝗥𝗦𝗘𝗦 (𝗪𝗘𝗘𝗞𝗗𝗔𝗬𝗦):

• Monday & Tuesday: Online
• Wednesday, Thursday, & Friday: On-Site

𝗦𝗣𝗘𝗖𝗜𝗔𝗟 𝗖𝗟𝗔𝗦𝗦 (𝗪𝗘𝗘𝗞𝗘𝗡𝗗𝗦)

• Saturday: On-Site
• Sunday: Online

𝗙𝗢𝗥 𝗥𝗘𝗙𝗘𝗥𝗘𝗡𝗖𝗘:
🖇️ https://ap.wps.com/cms/docs/d/cbRaqruYxSAUehBB?sa=S3&st=0

Please be guided accordingly and stay updated through the 𝗢𝗙𝗙𝗜𝗖𝗜𝗔𝗟 𝗚𝗙𝗜 𝗦𝗧𝗨𝗗𝗘𝗡𝗧 𝗔𝗙𝗙𝗔𝗜𝗥𝗦 𝗣𝗔𝗚𝗘 for further announcements.

𝗠𝗔𝗟𝗜𝗚𝗔𝗬𝗔𝗡𝗚 𝗞𝗔𝗔𝗥𝗔𝗪𝗔𝗡, 𝗦𝗜𝗥 𝗗𝗢𝗠!

Sa likod ng bawat gusali, bawat silid-aralan, at bawat ngiti ng mga mag-aaral, naroon ang isang taong minsang nangarap at nagkaroon ng matibay na pananaw para sa kinabukasan ng kabataan.

Ngayong araw, ipinagdiriwang natin ang ika-79 na kaarawan ng taong nasa likod ng isang institusyong naging tahanan ng maraming mapagpakumbabang nangangarap, ang nagtatag ng Gensantos Foundation College (GFI), Dr. Dominador Dizon, CPA.

Mula sa kaniyang pangarap na makapaghandog ng abot-kaya at de-kalidad na edukasyon, nabuo ang isang institusyong patuloy na nagbibigay ng pagkakataon sa mga kabataang nagnanais maabot ang kanilang mga pangarap.

Maligayang kaarawan, Dr. Dominador Dizon, CPA! Nawa’y patuloy kayong pagpalain ng kalusugan, karunungan, at lakas upang mas marami pang pangarap ang inyong matulungan na maisakatuparan.

ɪꜱɪɴᴜʟᴀᴛ ɴɪ: Angel Kris Murang
ɪɴᴀʏᴏꜱ ɴɪ: Quiezia Marie Vergara

— 𝘚𝘦𝘮𝘱𝘦𝘳 𝘝𝘦𝘳𝘪𝘵𝘢𝘴 𝘦𝘵 𝘈𝘦𝘲𝘶𝘪𝘵𝘢𝘴 —

𝙋𝘼𝙈𝙋𝘼𝙉𝙄𝙏𝙄𝙆𝘼𝙉 | 𝗣𝗮𝗵𝗶𝗻𝗮𝗵𝗮𝗻 𝗺𝗼 𝗮𝗸𝗼

Dati, ako ang unang hinahanap.

Kapag may salitang hindi maunawaan, binubuklat ang aking makakapal na pahina. Kapag may bagong salita sa isang aklat, sinusundan ang mga titik hanggang matagpuan ang kahulugan. Sa bahay, sa silid-aralan, at maging sa maliit na sulok ng silid-aklatan, lagi akong may silbi. Hindi man ako kasya sa bulsa, kaya kong magdala ng libo-libong salita.

May mga batang ilang minuto ang ginugugol sa paghahanap ng isang salita sa aking pahina. Minsan, nadadagdagan pa iyon dahil sa salitang nakita nila habang hinahanap ang una. Isang kahulugan, naging dalawa. Dalawa, naging tatlo. At hindi nila namamalayang may natututuhan sila habang naghahanap.

Noon, ang pagkakaroon ng gaya ko ay parang pagkakaroon ng maliit na gabay na maaaring lapitan anumang oras. Hindi lamang ako nagbibigay ng kahulugan; tinuturuan ko silang magbasa nang mabuti, maghanap nang matiisin, at huwag agad sumuko kapag hindi nakita ang sagot sa unang tingin.

Ngayon, nasa isang pindot na lamang ang lahat.

“Ano ang ibig sabihin nito?” I-type.

“Ano ang tamang gamit ng salitang ito?” I-click.

Mabilis. Madali. Walang kailangang magbasa ng bawat pahina.

At ako? Nakatayo pa rin sa isang estante.

Makapal ang katawan. Mapurol ang mga pahina. May alikabok sa ibabaw. Hindi na ako madalas binubuklat.

Minsan, ginagamit pa rin bilang patungan. Minsan, dekorasyon. Minsan, bahagi na lamang ng isang “study corner” na hindi naman talaga pinag-aaralan. Sa bilis ng teknolohiya, may isang bagay na unti-unting nawawala: ang saya ng paghahanap.

Ang pagdaan sa bawat pahina.

Ang pagkakita sa salitang hindi naman talaga hinahanap.

Ang paghinto dahil may bagong salitang nakatawag ng pansin.

Ang simpleng pagtataka na nauuwi sa panibagong kaalaman.

Dahil ang pagbabasa ay hindi lamang tungkol sa pagkakaroon ng sagot.

Minsan, nasa proseso ng paghahanap ang pinakamahalagang natututuhan. At marahil, hindi ko hinihiling na bumalik ang panahong ako lamang ang maaaring pagkunan ng sagot. Hindi dahil wala nang ibang paraan upang malaman ang kahulugan ng isang salita.

Kundi dahil baka, sa paghahanap ninyo ng isang salita, may isa pa kayong salitang matuklasan tungkol sa inyong sarili.

ɪꜱɪɴᴜʟᴀᴛ ɴɪ: Girlei Barrina, Jellce Kaye Quindala
ᴘᴀɢʟᴀʟᴀʀᴀᴡᴀɴ ɴɪ: Aizley Gem Loquias
ɪɴɪᴀʏᴏꜱ ɴɪ: Julianne Aves

— 𝘚𝘦𝘮𝘱𝘦𝘳 𝘝𝘦𝘳𝘪𝘵𝘢𝘴 𝘦𝘵 𝘈𝘦𝘲𝘶𝘪𝘵𝘢𝘴 —

𝙋𝘼𝙈𝙋𝘼𝙉𝙄𝙏𝙄𝙆𝘼𝙉 | 𝗜𝗻𝗮𝗻𝗴 𝗕𝗮𝘆𝗮𝗻, 𝘂𝗺𝗮𝗹𝗶𝘀 𝗻𝗮 𝘀𝗮 𝘂𝘀𝗮𝗽𝗮𝗻

Inang Bayan,
may p**t bang namumukadkad sa iyong mga labi
sa tuwing hindi namin mabigkas
ang mga salitang minsang naging atin?

Hindi namin kabisado ang wikang
ipinasa ng mga ninuno sa pamamagitan ng tinig,
ngunit sa pagdating ng mga banyagang dila,
tila kami pa ang natutong mahiya sa sariling salita.

Kapag hindi namin nauunawaan,
“I-English mo na lang.”
Ganoon kadaling itikom ang isang wikang
ilang salinlahi ang nag-ingat.

At ang Baybayin?
Mga guhit na dati'y may tinig,
ngayon ay tila mga bakas sa buhangin
na ilang ulit nang nilamon ng alon.
Hindi namin alam kung paano ka muling isulat,
sapagkat matagal na naming hinayaang
mabura ang iyong mga titik sa aming mga palad.

Patawad, Inang Bayan,
kung minsan, sa sarili mong lupa,
kami ang nagiging dayuhan.
Nauunawaan namin ang wikang hindi atin
bago namin maalala ang wikang nagmula sa atin.

Ngunit huwag mo sanang isipin
na tuluyan ka naming nakalimutan.

Dahan-dahan naming bubuuin muli
ang mga salitang naputol,
hahanapin ang mga titik na nawala,
at aaralin ang wikang matagal naming tinalikuran.

Hindi man namin kabisado ngayon,
hindi ibig sabihin ay hindi na namin matututunan.

Dahil ang wikang minsang nawala sa aming dila
ay maaari pa ring bumalik sa aming tinig.

ɪꜱɪɴᴜʟᴀᴛ ɴɪ: Ma. Feby Sofia Griengo
ᴘᴀɢʟᴀʟᴀʀᴀᴡᴀɴ ɴɪ: Denise Dorothy Santos
ɪɴɪᴀʏᴏꜱ ɴɪ: Julianne Aves

— 𝘚𝘦𝘮𝘱𝘦𝘳 𝘝𝘦𝘳𝘪𝘵𝘢𝘴 𝘦𝘵 𝘈𝘦𝘲𝘶𝘪𝘵𝘢𝘴 —

𝙋𝘼𝙈𝙋𝘼𝙉𝙄𝙏𝙄𝙆𝘼𝙉 | 𝗔𝗚𝗢𝗦𝗧𝗢

𝘚𝘢 𝘸𝘪𝘬𝘢𝘯𝘨 𝘢𝘵𝘪𝘯, 𝘬𝘶𝘸𝘦𝘯𝘵𝘰 𝘯𝘢𝘵𝘪𝘯.

Sa bawat salitang binibigkas, may kulturang naiiwan. Sa bawat taludtod, may damdaming nais iparating. At sa bawat kuwentong isinusulat, may mundong muling nabubuhay.

Ngayong Buwan ng Wika, muling bibigyang-tinig ang Wikang Filipino. Ang wikang nag-uugnay sa ating mga kuwento, kultura, at pagkakakilanlan. Sa bawat salita, may kasaysayang nabubuhay; at sa bawat akda, may wikang patuloy na umuusbong.

Sapagkat ang wika ay hindi lamang ginagamit upang magsalita; ito rin ang tahanan ng ating mga kuwento.

Ngayong Agosto, tunghayan ang mga piling akdang pampanitikan mula sa Paragon, ang opisyal na publikasyon ng Gensantos Foundation College (GFI).

𝘈𝘣𝘢𝘯𝘨𝘢𝘯 𝘢𝘯𝘨 𝘮𝘨𝘢 𝘱𝘪𝘭𝘪𝘯𝘨 𝘢𝘬𝘥𝘢𝘯𝘨 𝘱𝘢𝘮𝘱𝘢𝘯𝘪𝘵𝘪𝘬𝘢𝘯 𝘵𝘶𝘸𝘪𝘯𝘨 𝘉𝘪𝘺𝘦𝘳𝘯𝘦𝘴 𝘴𝘢 𝘩𝘢𝘱𝘰𝘯.

ʟᴀʀᴀᴡᴀɴɢ ᴋᴜʜᴀ ɴɪ: Isela Kate Macarine
ɪɴɪᴀʏᴏꜱ ɴɪ: Jellce Kaye Quindala

— 𝘚𝘦𝘮𝘱𝘦𝘳 𝘝𝘦𝘳𝘪𝘵𝘢𝘴 𝘦𝘵 𝘈𝘦𝘲𝘶𝘪𝘵𝘢𝘴 —

| 𝗜𝗡𝗧𝗘𝗥𝗡𝗔𝗧𝗜𝗢𝗡𝗔𝗟 𝗬𝗢𝗨𝗧𝗛 𝗗𝗔𝗬

“𝙆𝙖𝙗𝙖𝙩𝙖𝙖𝙣 𝙖𝙣𝙜 𝙥𝙖𝙜-𝙖𝙨𝙖 𝙣𝙜 𝙗𝙖𝙮𝙖𝙣.”

Ngayong ika-12 ng Agosto, ipinagdiriwang ang International Youth Day, isang pagdiriwang na nagbibigay-pansin sa mga isyu at hamong kinakaharap ng mga kabataan, gayundin sa kanilang mahalagang ambag sa pagbabago at pag-unlad ng lipunan.

Itinatag ito ng United Nations upang kilalanin ang mahalagang papel ng kabataan sa paghubog ng kinabukasan ng mundo.

Layunin din ng pagdiriwang na ipakita na bagama’t magkakaiba ang kulturang kinalakhan at mga realidad na kinakaharap ng mga kabataan sa iba’t ibang panig ng mundo, hindi nagkakalayo ang kanilang mga mithiin, ang magkaroon ng pantay na karapatan sa edukasyon, oportunidad, dignidad, at isang magandang kinabukasan.

ɪꜱɪɴᴜʟᴀᴛ ɴɪ: Beatriz Jimenez
ɪɴᴀʏᴏꜱ ɴɪ: Kyra Sunga

— 𝘚𝘦𝘮𝘱𝘦𝘳 𝘝𝘦𝘳𝘪𝘵𝘢𝘴 𝘦𝘵 𝘈𝘦𝘲𝘶𝘪𝘵𝘢𝘴 —