23/09/2026
“Bakas ng Kabutihan, Alaala ng Paglilingkod”
Sa anim na buwang kayo’y nakasama,
Lumutan ay inyong tinuring na pamilya;
Sa bawat pagsubok, sa hirap at saya,
Kalinga’t paggabay, lagi naming nadama.
Hindi man mahaba ang panahong inilaan,
Bawat sandali’y aming pahahalagahan;
Mga payo’t aral na inyong iniwan,
Sa puso’t isipan ay aming iingatan.
Sa aming mga g**o, kayo’y naging gabay,
Sa bawat suliranin, kayo’y kaagapay;
Kapag may pangamba at pusong nanghihina,
Salita ninyong wagas ang aming pag-asa.
Sa mga magulang, kayo’y nakinig,
Sa bawat saloobin, kayo’y umunawa’t duminig;
Para sa kapakanan ng batang minamahal,
Inyong ipinakitang ang malasakit ay tunay.
At sa aming mga batang may munting pangarap,
Kayo’y nag-iwan ng aral na di kukupas;
Na ang edukasyon ay ilaw sa bukas,
At ang pangarap ay kayang abutin nang wagas.
Bilang District Supervisor, aming iginalang,
Bilang OIC, paaralan ay inyong inalagaan;
Sa bawat desisyon, kabutihan ang dahilan,
Sa bawat hakbang, bata ang inyong pinahalagahan.
Ngayon ay dumating ang araw ng pamamaalam,
May lungkot sa puso, may luhang nag-uunahan;
Sapagkat ang taong naging bahagi ng buhay,
Sa maikling panahon ay naging tunay na karamay.
Ma’am Maribel, salamat sa inyong puso,
Sa bawat pagtulong at bawat pagtuturo;
Ang inyong kabutihan, kailanma’y di maglalaho,
Sa puso ng Lumutan, mananatili ito.
Mula sa aming mga g**o, magulang, at mag-aaral,
Maraming salamat, Ma’am Maribel, sa inyong walang sawang paglingap.
Hindi lamang kayo naging pinuno ng aming paaralan,
Kayo’y naging bahagi ng aming puso at kasaysayan.
Paalam man ang sambit ng aming mga labi,
“Salamat po” ang mananatili sa aming sarili.
Saan man kayo dalhin ng inyong paglilingkod sa bayan,
Ang Lumutan Elementary School ay lagi kayong maaalala at mamahalin.
