Filipino & Foreign Lang. Dept-NORSU Mc -DgteCity

19/08/2026

Buwan ng Wikang Pambansa 2026 ✨🇵🇭

Bilang pakikiisa sa pagdiriwang ng Buwan ng Wikang Pambansa 2026, malugod kayong inaanyayahan ng Negros Oriental State University – Kolehiyo ng Sining at Agham, Departamento ng Filipino at mga Banyagang Wika sa isang makabuluhang talakayan na may temang:

“Wikang Filipino at AI: Kasangkapan sa Pananaliksik at Tulay sa Yaman ng Impormasyon”

Makakasama natin ang mga kapita-pitagang mga tagapagsalita mula sa Cebu Normal University:

🎙️ Dr. Lita A. Bacalla
“Wikang Filipino at AI: Pagpapayaman ng Lokal na Kaalaman, Panitikan, at Kultura sa Makabagong Pananaliksik”

🎙️ Dr. Helen B. Boholano
“AI at Wikang Filipino: Bagong Yugto ng Pananaliksik sa Digital na Panahon”

Sa patuloy na pag-unlad ng teknolohiya at Artificial Intelligence, mahalagang pag-usapan kung paano mananatiling buhay, makabuluhan, at makapangyarihan ang Wikang Filipino bilang wika ng kaalaman, pananaliksik, kultura, at makabagong komunikasyon.

📅 24 Agosto 2026
🕐 1:00–5:00 n.h.
💻 Zoom

Sama-sama nating tuklasin ang mga bagong posibilidad ng Wikang Filipino sa panahon ng AI. Sapagkat sa gitna ng mabilis na pagbabago ng teknolohiya, ang sariling wika ay patuloy na tulay sa kaalaman, kultura, at pagkakakilanlang Pilipino. 🇵🇭💡

Kitakits sa Agosto 24!

01/08/2026

🤖 WIKANG FILIPINO AT AI: KASANGKAPAN SA PANANALIKSIK AT TULAY SA YAMANG NG IMPORMASYON 📜🪶

Ang Komisyon sa Wikang Filipino ay nagtatakda ng temang ito para sa pagdiriwang ng Buwan ng Wikang Pambansa 2026.

Sa pagpasok ng makabagong teknolohiya, nananatiling matatag ang paninindigan natin: hindi tayo nagpapahuli sa sariling wika. Ngayong Agosto 2026, sabay-sabay na ipagdiriwang ng buong bansa ang kahalagahan ng Wikang Filipino hindi lamang bilang bahagi ng ating kultura, kundi bilang mabisang kasangkapan sa edukasyon, pananaliksik, at inobasyon.

Sa temang ito, pinagsasama ang pagkamalikhain ng kultura at talino ng siyensya. Kapag ang Wikang Filipino ay naging katuwang ng Artificial Intelligence, nagiging mas malawak at mas madali ang pag-access sa kaalaman. Nagiging mas epektibo ito sa malalim na pananaliksik, at nagsisilbing matibay na tulay upang maabot ng bawat Pilipino ang napakalawak na yamang impormasyon mula sa buong mundo.

Ang pagdiriwang na ito ay paalala na ang wika ay buhay. Ito ay umuusbong, umuunlad, at nakikisabay sa panahon. Kaya naman tungkulin nating lahat na pagyamanin, gamitin, at ipagmalaki ang Filipino kahit sa digital na panahon. Dito nag-uugat ang ating pagkakilanlan, at dito rin nagsisimula ang tunay na pag-unlad ng isang bansa.

Nakikiisa ang Negros Oriental State University sa pagdiriwang na ito. Bilang isang institusyong pang-akademiko, patuloy nating isusulong ang paggamit ng Wikang Filipino sa pananaliksik, pagtuturo, at paglilingkod sa komunidad. Nawa’y maging inspirasyon ang temang ito upang lalo pa nating patibayin ang ating pagmamahal sa wika, kultura, at bayan.

Makiisa, makilahok, at ipagmalaki ang Wikang Filipino!

𝐁𝐮𝐰𝐚𝐧 𝐧𝐠 𝐖𝐢𝐤𝐚𝐧𝐠 𝐏𝐚𝐦𝐛𝐚𝐧𝐬𝐚 𝟐𝟎𝟐𝟔: 𝐏𝐨𝐬𝐭𝐞𝐫 𝐑𝐞𝐯𝐞𝐚𝐥!

Maaari mo nang ma-download o makakuha ng kopya ng poster ng Buwan ng Wikang Pambansa 2026 na may temang "Wikang Filipino at AI: Kasangkapan sa Pananaliksik at Tulay sa Yaman ng Impormasyon.”

Mada-download ang digital na poster at iba pang kolaterals sa: https://hostyurl.com/HB40c1

𝐇𝐢𝐧𝐠𝐠𝐢𝐥 𝐬𝐚 𝐭𝐞𝐦𝐚

Kinikilala ng tema ng Buwan ng Wika 2026 ang magkaugnay na papel ng wikang Filipino at artificial intelligence (AI) para sa makabansang gawain ng pananaliksik. Panawagan ito para sa responsableng paggamit ng AI habang tinitiyak na may makabuluhang espasyo ang Wikang Pambansa sa mga usaping may kinalaman sa mga umuusbong na teknolohiya at kaugnay na usaping pang-etika rito.

Itinuturing ang AI bilang kasangkapan para maiangat pa lalo ang kalidad ng saliksik na inihahandog ng mga Pilipino, unang-una, para sa mga kapuwa Pilipino. Habang kinakasangkapan ang AI, patuloy pa ring tinatahak ng wikang Filipino ang landas ng intelektuwalisasyon na magbubunga ng panloob at panlabas na pagbabago sa bansa. Sa ganitong paraan, kapuwa ang AI at wikang Filipino ay nagiging tulay na gagamitin ng mga Pilipino para sa kanilang pinapangarap na magandang búkas.

Ating ipagdiwang ang ating Wikang Pambansa sa Agosto 2026!

15/07/2026

📢 PABATID PARA SA MGA NORSUnian! 🎓

✨ Handa na ba kayong simulan ang panibagong yugto ng inyong paglalakbay sa NORSU?

Bilang paghahanda sa Taong Akademiko 2026–2027, pakitingnan ang mga larawan sa ibaba para sa mahahalagang impormasyon tungkol sa inyong mga kurso, iskedyul, at mga nakatalagang propesor. 📚

Antabayanan din ang paglalathala ng LINK para sa inyong kurso at tiyaking regular na tingnan ang mga opisyal na anunsiyo.

PAALALA!
Sa mga seksiyon ng GE 6 na hindi makikita sa page na ito, maaaring tingnan ang page ng NORSU Social Science Department sa link na ito: https://www.facebook.com/search/top?q=norsu%20social%20science%20department

Sama-sama nating harapin ang panibagong taon na puno ng pagkatuto, makabuluhang karanasan, at mga pagkakataong magtagumpay.

Maligayang pagbabalik, mga NORSUnian! 💛

11/07/2026

BUKLOD | Taong Panuruan 2026–2027 🪶🇵🇭

Sa pagsisimula ng panibagong taong panuruan, matagumpay na idinaos ang BUKLOD, ang kauna-unahang pagtitipon ng mga kasapi ng Samahan ng mga Tagapagpalaganap ng Wikang Filipino (STWF).

Hindi lamang ito naging pagkakataon upang pormal na salubungin at batiin ang ating mga bagong kasapi mula sa unang taon, kundi naging daan din upang higit na makilala ang isa't isa, mapagtibay ang pagkakaisa, at makabuo ng mga alaalang magsisilbing matibay na pundasyon ng ating samahan.

Bahagi rin ng pagtitipon ang paghalal ng mga bagong opisyal ng STWF para sa Taong Panuruan 2026–2027, na magsisilbing mga lingkod at katuwang sa pangunguna sa mga programang magpapayabong sa samahan at patuloy na magtataguyod ng pagmamahal at pagpapahalaga sa ating wikang pambansa.
Sa bawat ngiti, kuwentuhan, pagbabahagian ng mga ideya, at sama-samang gawain, higit pang pinagtibay ang diwa ng pagkakapatiran, paglilingkod, at pagmamahal sa wikang Filipino.

Mula sa pagkakakilala tungo sa pagkakaisa dito nagsisimula ang ating BUKLOD. 💙

🖼 Prince Ferraren
✍️ Marjun Bartoces

-2027

11/07/2026

FRESHALUBONG 2026 | Maligayang Pagbati mga ka-Freshies!

Isang panibagong yugto ang inyong sisimulan sa College of Teacher Education, isang paglalakbay na puno ng pagkatuto, hamon, at mga karanasang huhubog sa inyo bilang mga magiging g**o ng bayan.

Maligayang pagdating, mga freshies! Nawa'y maging makabuluhan ang bawat hakbang ninyo sa kolehiyo. Huwag matakot sumubok, magkamali, at matuto, sapagkat ang bawat karanasan ay bahagi ng inyong paghubog bilang mahusay at makataong edukador.

Nakiisa sa pagsalubong ang STWF (Samahan ng mga Tagapagpalaganap ng Wikang Filipino) sa mga freshmen. Nakipagtawanan, nakipagkuwentuhan, at malugod na binati ang bawat bagong mag-aaral bilang pagpapakita ng mainit na pagtanggap at pagkakaisa ng ating samahan.

Muli, maligayang pagdating sa College of Teacher Education! Nawa'y maging puno ng inspirasyon, pagkakaibigan, at tagumpay ang inyong pananatili sa NORSU.

🖼 Khrissel Jhane
✍️Marjun Bartoces

08/07/2026

📢 Attention, NORSUnians!
Basahin👇

📢 Attention, NORSUnians! Please read the following memo.

05/07/2026

Maligayang balik-eskwela, mga NORSUnian!
Maligayang pagdating sa Taong Akademiko 2026–2027!

𝐖𝐄𝐋𝐂𝐎𝐌𝐄 𝐓𝐎 𝐀𝐘 𝟐𝟎𝟐𝟔–𝟐𝟎𝟐𝟕, 𝐍𝐎𝐑𝐒𝐔𝐍𝐈𝐀𝐍𝐒! 🏫👩🏻‍🏫

A new academic year marks the beginning of another exciting journey filled with opportunities to learn, grow, and achieve your dreams. May your time at Negros Oriental State University be meaningful and memorable, inspiring you to reach new heights and embrace endless possibilities.

Here's to a productive, fulfilling, and successful Academic Year 2026–2027. Best of luck, NORSUnians! 🥰✨

27/06/2026

Nakikiisa ang mga g**o sa Departamento ng Filipino at mga Banyagang Wika, bilang delegasyon ng Negros Oriental State University, sa gawaing pangkomunidad na “Pick a Trash” Walk for a Cause ngayong Hunyo 27, 2026.

Ang gawaing ito ay bahagi ng pagdiriwang ng Environment Month, na inorganisa ng City Government ng Dumaguete sa pakikipagkoordinasyon sa Department of Environment and Natural Resources (DENR).

Nakasentro ang selebrasyon sa temang: “From Ridges to the Reef: Save our Mountains! Save our Seas!”

11/06/2026

📢Atensiyon, 𝐍𝐎𝐑𝐒𝐔𝐧𝐢𝐚𝐧𝐬!
Narito na ang opisyal na university calendar para sa Taong Panuruan 𝟮𝟬𝟮𝟲–𝟮𝟬𝟮𝟳.