Samahan ng mga Mag-aaral sa Filipino-JRMSU Dipolog Campus

23/09/2026

SETYEMBRE 21, 2026 💙

Opisyal nang nagsimula ang bagong yugto ng paglalakbay ng ating mga Filipino pre-service teachers mula sa Jose Rizal Memorial State University–Dipolog Campus, na naitalaga sa iba't ibang paaralan ng Kagawaran ng Edukasyon para sa kanilang Field Study journey! 🎓✨

📍 Zamboanga del Norte National High School–Estaka Campus
📍 Zamboanga del Norte National High School–Turno Campus

Sa bawat silid-aralan, may bagong kaalaman. Sa bawat pagmamasid, may mahalagang aral. At sa bawat karanasan, unti-unting nahuhubog ang mga g**o ng bukas. 🏫📖

Ang Field Study ay hindi lamang tungkol sa pagpasok sa paaralan, kundi tungkol sa pag-unawa sa tunay na kalagayan ng mga mag-aaral, pagmamasid sa makabuluhang pamamaraan ng pagtuturo, at paglinang ng puso at kakayahan ng isang responsableng g**o.

Bilang mga mag-aaral ng Bachelor of Secondary Education Major in Filipino, dala natin ang pagmamahal sa wika at panitikan, ang pagpapahalaga sa kulturang Pilipino, at ang hangaring maging g**o na nagbibigay-inspirasyon, kaalaman, at pag-asa sa bawat mag-aaral. 🇵🇭❤️

Sa mga hamon, matuto. Sa mga pagkakamali, lumago. Sa bawat araw ng pagsasanay, maging mas handa sa responsibilidad ng pagiging isang tunay na g**o.

Mula sa pagiging mag-aaral tungo sa pagiging g**o-bawat hakbang ay bahagi ng isang makabuluhang pangarap. ✨

Padayon, mga future Filipino teachers! Ipagmalaki ang ating wika, panitikan, at pagiging Pilipino. Ang inyong paglalakbay ay nagsisimula ngayon! 🚀📚💙

08/09/2026

TINIG MO, WIKA NATIN, PANITIKAN NATING BUHAY.

Sa bawat salitang binibigkas, may kulturang isinasabuhay.

Sa bawat akdang binabasa, may kuwentong kumikilala sa ating pagkatao.

Tinatangi ang Wikang Filipino. Ito ang paraluman sa bawat pahina ng ating paghuhumaling, diwa ng bawat mamamayang Pilipino.

Sa BSED Filipino, palalimin ang iyong pag-unawa sa wika at panitikan, linangin ang iyong tinig, at maging bahagi ng salinlahing magpapanatiling buhay sa sariling atin.

Huwag lamang maging tagapakinig ng kuwento. Maging bahagi ng paglikha at pagpapatuloy nito.

Sumali, makiisa, matuto, at tuklasin ang kapangyarihan ng wikang Filipino at panitikan.

Kung salita ang iyong sandata at panitikan ang iyong tinig, halina't sumabay sa aming kuwento.

Maging bahagi ng BSED Filipino.

Maging tagapangalaga ng wika.
Maging tagapagtaguyod ng panitikan.
Maging g**ong may malasakit sa sariling atin.

Filipino, dito nagsisimula ang tinig ng isang makabayang g**o.

06/09/2026

05/09/2026

PROGRAMA NG PAGKAKAKILANLAN NG SILID-ARALAN

Ang bawat sulok ng silid-aralan ay unti-unting nagkakaroon ng sariling kulay, karakter, at pagkakakilanlan, na sumasalamin sa diwa at samahan ng SAMAFIL (Samahan ng mga Mag-aaral sa Filipino). Sa bawat disenyo at detalyeng nabuo, hindi lamang pagkamalikhain ang namayani, kundi pati ang pagkakaisa, kultura, at pagmamahal sa wikang Filipino. Sa likod ng bawat gawa ay naroon ang sama-samang ideya, pagsisikap, at malasakit ng mga kasapi ng samahan.

Taos-pusong pasasalamat sa bawat kamay na tumulong, pusong nakibahagi, at isip na nagbahagi ng munting ideya. Sapagkat sa bawat ambag at pagtutulungan, ang isang payak na silid-aralan ay unti-unting naging isang makabuluhang espasyong may sariling kuwento, kulay, at karakter, isang espasyong sumasalamin sa pagkakaisa at pagkakakilanlan ng SAMAFIL.

20/08/2026

Malugod nating ipinapakilala ang mga bagong opisyal ng Samahan ng mga Mag-aaral sa Filipino (SAMAFIL) para sa Akademikong Taon 2026–2027! 🤎

Nawa’y maging makabuluhan ang inyong pamumuno at magsilbing inspirasyon sa bawat kasapi ng samahan. 🇵🇭✨

Mabuhay ang bagong pamunuan! Mabuhay ang SAMAFIL! 🤎

19/08/2026

Matagumpay na naisagawa ang pagpupulong ng SAMAFIL upang talakayin ang mga mahahalagang usapin, plano, at hakbang para sa ikabubuti at patuloy na pag-unlad ng organisasyon. Naging daan ito upang mapalakas ang pagkakaisa, pagtutulungan, at malasakit ng bawat kasapi.

Para sa mga bagong halal na opisyal ng SAMAFIL, nawa’y maging gabay sa pamumuno ang inyong dedikasyon, pananagutan, at malasakit sa organisasyon. Nawa’y maging inspirasyon kayo sa bawat miyembro at maging instrumento sa pagsasakatuparan ng mga layunin ng SAMAFIL.

17/08/2026

Masayang sinalubong ng mga mag-aaral ang unang araw ng akademikong taon at nakiisa sa SAMPA 2026 sa pamamagitan ng pakikilahok sa iba’t ibang laro, booth, at aktibidad sa campus. 🎉

Taos-pusong pasasalamat sa lahat ng naglaro, nakisaya, at dumaan sa booth ng Samahan ng mga Mag-aaral sa Filipino. 🤎 Maraming salamat sa inyong oras, suporta, at pakikiisa na naging bahagi ng masaya at makabuluhang pagsisimula ng panibagong taon!

16/08/2026

Tara na at makiisa sa SAMPA 2026🎉

12/08/2026

Mainit na tinanggap ng College of Teacher Education ang mga freshmen, shifters, transferees, at returnees sa isinagawang CTEd Orientation 2026.

Sa panibagong yugto ng kanilang paglalakbay, baon ng mga future educators ang tapang, tiyaga, pananampalataya, at pag-asa tungo sa tagumpay. 💙📚

12/08/2026

Nakiisa ang Samahan ng mga Mag-aaral sa Filipino sa isinagawang College of Teacher Education Orientation 2026 noong Agosto 11, 2026, sa JRMSU-Dipolog Campus Gymnasium.

Ang aktibong pakikilahok ng samahan ay nagpapakita ng pagkakaisa at suporta sa pagtanggap sa mga Freshmen, Shifters, Transferees, at Returnees bilang bahagi ng kanilang panibagong yugto sa larangan ng edukasyon.