Dingalan Community College

21/08/2026

𝐍𝐈𝐍𝐎𝐘 𝐀𝐐𝐔𝐈𝐍𝐎 𝐃𝐀𝐘 | 𝐀𝐆𝐎𝐒𝐓𝐎 𝟐𝟏, 𝟐𝟎𝟐𝟔
Ngayong Agosto 21, ating ginugunita ang Ninoy Aquino Day, isang araw ng pag-alala sa buhay, sakripisyo, at kabayanihan ni Benigno “Ninoy” S. Aquino Jr., isa sa mga pangunahing personalidad sa kasaysayan ng pakikibaka para sa demokrasya sa Pilipinas.

𝐌𝐚𝐢𝐤𝐥𝐢𝐧𝐠 𝐊𝐚𝐬𝐚𝐲𝐬𝐚𝐲𝐚𝐧

Si Ninoy Aquino ay isang mamamahayag, senador, at kilalang kritiko ng pamahalaan noong panahon ng Batas Militar. Noong Setyembre 21, 1972, idineklara ang Batas Militar, at kabilang si Ninoy sa mga personalidad na ikinulong dahil sa kanyang pagtutol sa pamahalaan.

Matapos ang ilang taong pagkakakulong, nagpunta siya sa Estados Unidos upang magpagamot at manirahan. Sa kabila ng panganib, nagpasya siyang bumalik sa Pilipinas upang makiisa sa laban para sa pagbabalik ng demokrasya.

Noong Agosto 21, 1983, sa kanyang pagbabalik sa bansa, siya ay pinatay sa Manila International Airport na ngayon ay kilala bilang Ninoy Aquino International Airport (NAIA).

Ang kanyang pagkamatay ay nagdulot ng malawakang pagkilos ng mga Pilipino at naging mahalagang bahagi ng mga pangyayaring humantong sa People Power Revolution noong 1986.

Noong 2004, idineklara ang Agosto 21 bilang Ninoy Aquino Day sa pamamagitan ng Republic Act No. 9256, bilang paggunita sa kanyang buhay at ambag sa kasaysayan ng bansa.

Sa araw na ito, ating alalahanin hindi lamang ang isang tao, kundi ang tapang, paninindigan, at pagmamahal sa bayan na naging bahagi ng kasaysayan ng ating demokrasya.

🇵🇭 Alalahanin ang kasaysayan. Pahalagahan ang kalayaan. Ipagpatuloy ang pagmamahal sa bayan.

20/08/2026

𝐀𝐑𝐀𝐖 𝐍𝐆 𝐖𝐈𝐊𝐀 𝟐𝟎𝟐𝟔 | 𝐃𝐈𝐍𝐆𝐀𝐋𝐀𝐍 𝐂𝐎𝐌𝐌𝐔𝐍𝐈𝐓𝐘 𝐂𝐎𝐋𝐋𝐄𝐆𝐄
Wika at Talento: Makulay na Pagdiriwang ng Araw ng Wika sa DCC

Sa pagdiriwang ng Buwan ng Wikang Pambansa 2026, nakibahagi ang Dingalan Community College (DCC) sa paggunita sa kahalagahan ng wikang Filipino bilang salamin ng ating kultura, pagkakakilanlan, at pagkakaisa.

Bilang bahagi ng pagdiriwang, isinagawa ang iba’t ibang paligsahan na nagbigay-daan sa pagpapamalas ng talento, pagkamalikhain, at husay ng mga DCCians—kabilang ang Pagsulat ng Sanaysay, Dalawahang Pag-awit, at Malikhaing Pag-awit.

Sa pamamagitan ng mga gawaing ito, muling ipinamalas ng bawat kalahok na ang wika ay hindi lamang instrumento ng komunikasyon, kundi buhay na bahagi ng ating pagkatao at kultura.

Mabuhay ang Wikang Filipino! Mabuhay ang kulturang Pilipino! 🇵🇭

18/08/2026

𝐌𝐚𝐥𝐢𝐠𝐚𝐲𝐚𝐧𝐠 𝐊𝐚𝐚𝐫𝐚𝐰𝐚𝐧, 𝐇𝐨𝐧. 𝐀𝐮𝐫𝐨𝐫𝐚 𝐆𝐮𝐳𝐦𝐚𝐧 𝐓𝐚𝐚𝐲!

Taos-puso po naming binabati ng isang Maligayang Kaarawan ang ating minamahal na Municipal Mayor ng Dingalan at Chairperson ng Board of Trustees ng Dingalan Community College, Hon. Aurora Guzman Taay!

Nawa’y patuloy kayong pagkalooban ng mabuting kalusugan, karunungan, lakas, at pagpapala upang higit pa ninyong mapaglingkuran at mapangunahan ang ating mahal na bayan at ang Dingalan Community College.

Maraming salamat po sa inyong tapat na pamumuno, malasakit, at walang sawang suporta sa edukasyon at sa kabataan ng Dingalan.

Mula sa buong pamilya ng Dingalan Community College, hangad namin ang inyong masaya at makabuluhang pagdiriwang!

Happy Birthday, Mayor Aurora Guzman Taay!

Mabuhay po kayo at pagpalain pa kayo nang higit! ❤️

18/08/2026

𝐀𝐍𝐔𝐍𝐒𝐘𝐎| 𝐀𝐑𝐀𝐖 𝐍𝐈 𝐐𝐔𝐄𝐙𝐎𝐍
Tuwing araw ng Agosto 19, ating ginugunita ang kapanganakan ng dating Pangulong Manuel L. Quezon, Ama ng Wikang Pambansa at isa sa mga dakilang lider ng ating bansa.

Alinsunod sa Republic Act No. 6741, na nilagdaan noong Agosto 4, 1989, ang Agosto 19 ay idineklarang special working holiday sa buong Pilipinas, maliban sa mga lalawigan ng Quezon at Aurora at Quezon City, kung saan ito ay isang special non-working public holiday bilang paggunita sa kaarawan ni dating Pangulong Manuel L. Quezon.

Sa araw na ito, ating alalahanin at pahalagahan ang kanyang mga ambag sa bayan, lalo na ang kanyang mahalagang papel sa pagsusulong ng isang wikang magbubuklod sa sambayanang Pilipino.

Kaugnay ng paggunita sa Araw ni Quezon sa Miyerkules, Agosto 19, 2026, suspendido ang regular na klase at operasyon ng mga tanggapan.

Magbabalik ang regular na klase at operasyon ng mga tanggapan sa Huwebes, Agosto 20, 2026.

Mabuhay ang alaala ni Pangulong Manuel L. Quezon! 🇵🇭
Mabuhay ang Wikang Filipino!

11/08/2026

𝐈𝐏𝐀𝐆𝐃𝐈𝐖𝐀𝐍𝐆 𝐀𝐍𝐆 𝐖𝐈𝐊𝐀, 𝐈𝐏𝐀𝐌𝐀𝐋𝐀𝐒 𝐀𝐍𝐆 𝐓𝐀𝐋𝐄𝐍𝐓𝐎, 𝐈𝐏𝐀𝐆𝐌𝐀𝐋𝐀𝐊𝐈 𝐀𝐍𝐆 𝐏𝐀𝐆𝐊𝐀𝐊𝐀𝐊𝐈𝐋𝐀𝐍𝐋𝐀𝐍!

Bilang bahagi ng pagdiriwang ng Buwan ng Wika 2026, inaanyayahan ang buong pamayanan ng Dingalan Community College na makiisa sa isang makabuluhang pagdiriwang ng ating wika, kultura, at pagkakakilanlan bilang Pilipino. 🇵🇭

📖 TEMA NG BUWAN NG WIKA 2026:

“𝙒𝙞𝙠𝙖𝙣𝙜 𝙁𝙞𝙡𝙞𝙥𝙞𝙣𝙤 𝙖𝙩 𝘼𝙄: 𝙆𝙖𝙨𝙖𝙣𝙜𝙠𝙖𝙥𝙖𝙣 𝙨𝙖 𝙋𝙖𝙣𝙖𝙣𝙖𝙡𝙞𝙠𝙨𝙞𝙠 𝙖𝙩 𝙏𝙪𝙡𝙖𝙮 𝙨𝙖 𝙔𝙖𝙢𝙖𝙣 𝙣𝙜 𝙄𝙢𝙥𝙤𝙧𝙢𝙖𝙨𝙮𝙤𝙣.”

Sa Agosto 18, 2026, gaganapin ang mga kompetisyong magbibigay pagkakataon sa ating mga mag-aaral na maipamalas ang kanilang talento, pagkamalikhain, husay, at pagpapahalaga sa wikang Filipino.

𝐌𝐆𝐀 𝐊𝐎𝐌𝐏𝐄𝐓𝐈𝐒𝐘𝐎𝐍

𝐌𝐀𝐋𝐈𝐊𝐇𝐀𝐈𝐍𝐆 𝐏𝐀𝐆-𝐀𝐖𝐈𝐓
Ipakita ang husay sa pag-awit at pagkamalikhain sa pagbibigay-buhay sa mga awiting Filipino. Tampok dito ang malikhaing interpretasyon, masining na pagtatanghal, at makabuluhang pagpapahayag.

𝐃𝐀𝐋𝐀𝐖𝐀𝐇𝐀𝐍𝐆 𝐏𝐀𝐆-𝐀𝐖𝐈𝐓
Dalawang tinig, isang himig! Ipakita ang pagkakaisa, magandang pagsasanib ng mga tinig, at husay sa pag-awit sa pamamagitan ng mga awiting sumasalamin sa kulturang Pilipino.

𝐏𝐀𝐆𝐒𝐔𝐋𝐀𝐓 𝐍𝐆 𝐒𝐀𝐍𝐀𝐘𝐒𝐀𝐘
Gamitin ang kapangyarihan ng panulat upang maipahayag ang inyong mga ideya, pananaw, at saloobin tungkol sa wika, teknolohiya, pananaliksik, at kahalagahan ng impormasyon sa makabagong panahon.

Sa temang “𝙒𝙞𝙠𝙖𝙣𝙜 𝙁𝙞𝙡𝙞𝙥𝙞𝙣𝙤 𝙖𝙩 𝘼𝙄: 𝙆𝙖𝙨𝙖𝙣𝙜𝙠𝙖𝙥𝙖𝙣 𝙨𝙖 𝙋𝙖𝙣𝙖𝙣𝙖𝙡𝙞𝙠𝙨𝙞𝙠 𝙖𝙩 𝙏𝙪𝙡𝙖𝙮 𝙨𝙖 𝙔𝙖𝙢𝙖𝙣 𝙣𝙜 𝙄𝙢𝙥𝙤𝙧𝙢𝙖𝙨𝙮𝙤𝙣.” ating binibigyang-diin ang patuloy na pag-unlad ng wikang Filipino bilang mahalagang kasangkapan sa pagkatuto, pananaliksik, komunikasyon, at pag-access sa malawak na yaman ng impormasyon.

Ang wika ay buhay at patuloy na umuunlad kasabay ng panahon. Sa makabagong teknolohiya at artificial intelligence, mas nagiging mahalaga ang ating kakayahang gamitin ang Filipino nang mapanuri, responsable, malikhain, at makabuluhan.

Kaya naman, DCCians, ihanda ang inyong tinig, panulat, talento, at pagkamalikhain!

📅 AGOSTO 18, 2026
🇵🇭 Makilahok at ipakita ang husay ng kabataang DCC!

Makilahok. Makalikha. Makapagpahayag.
At higit sa lahat, ipagmalaki ang sariling atin!

Mabuhay ang Wikang Filipino!
Mabuhay ang Kulturang Pilipino!
Mabuhay ang DCCians! 🇵🇭

06/08/2026

𝐎𝐅𝐅𝐈𝐂𝐈𝐀𝐋 𝐀𝐍𝐍𝐎𝐔𝐍𝐂𝐄𝐌𝐄𝐍𝐓 | 𝐒𝐓𝐔𝐃𝐄𝐍𝐓 𝐂𝐎𝐔𝐍𝐂𝐈𝐋 𝐄𝐋𝐄𝐂𝐓𝐈𝐎𝐍 𝐑𝐄𝐒𝐔𝐋𝐓𝐒 𝐀𝐜𝐚𝐝𝐞𝐦𝐢𝐜 𝐘𝐞𝐚𝐫 𝟐𝟎𝟐𝟔–𝟐𝟎𝟐𝟕

The votes have been officially counted, and the results are in!

The Office of Student Affairs and Services (OSAS) proudly announces the officially elected Student Council Officers for the Academic Year 2026–2027. Congratulations to all the successful candidates who have earned the trust and confidence of the DCC student body.

Your willingness to lead is a commitment to serve with integrity, accountability, and dedication. May your term be guided by excellence, collaboration, and genuine service to every DCCian.

We also extend our sincere appreciation to all students who participated in this year's digital voting process. Your active participation reflects the strength of our democratic values and your commitment to responsible student leadership.

To all candidates, thank you for your courage to lead and for conducting a respectful and meaningful election campaign.

Together, let us support our newly elected Student Council as they begin their journey of serving the student community.

Congratulations to our Student Council Officers for A.Y. 2026–2027! 🎊

04/08/2026