USAD

15/08/2026

10/08/2026

WIKA AT AI, PINAG-UGNAY SA BINUGAO NHS
Buwan ng Wika 2026, opisyal na binuksan sa temang “Wikang Filipino at AI: Kasangkapan sa Pananaliksik at Tulay sa Yaman ng Impormasyon”

BINUGAO, DAVAO CITY — Pormal nang binuksan ng Binugao National High School ang pagdiriwang ng Buwan ng Wika 2026 noong Agosto 10, 2026, sa pamamagitan ng isang pambungad na programa na nagbigay-diin sa ugnayan ng wikang Filipino at makabagong teknolohiya.

Pinangunahan ng tagapag-ugnay sa Filipino na si Gng. Arcil F. Trimocha at ng tagapagdaloy ng programa na si Binibining Edel Arnaiz ang aktibidad na nilahukan ng mga mag-aaral na nagsuot ng iba’t ibang kasuotang Pinoy, bilang pagpapakita ng pagpapahalaga sa kultura at sariling wika.

Tampok din sa programa ang pagpapaliwanag sa tema, mensahe ng punong-g**o na si G. Anselmo S. Saniel at pagtatanghal ni Binibining Princess Ingco. Isang palaro din ang sumubok sa kaalaman ng mga mag-aaral tungkol sa wikang Filipino at Artificial Intelligence (AI).

Sa patimpalak sa kasuotang Pinoy nagkamit ng unang gantimpala ang Baitang 9, habang ikalawang gantimpala ang Baitang 11 at Baitang 8. Nakamit naman ng Baitang 12 at Baitang 7 ang ikatlong gantimpala.

Binigyang-diin sa programa na nananatiling mahalaga ang wikang Filipino sa panahon ng mabilis na pag-unlad ng teknolohiya. Sa pamamagitan ng responsable at mapanuring paggamit ng AI, maaaring maging higit na makabuluhan ang wika bilang kasangkapan sa pananaliksik at pagkatuto.

Wika at teknolohiya, magkaagapay tungo sa makabuluhang pagkatuto.
Photo credits sa iba pang ine - upload na larawan: Arnie C. Igcalinos at Pearlyn Jade V. Boc
🖊️ Fahima Mabang
📸: Justine Paredes, Katelyn Dumagan & Shine Castillo

10/08/2026

BINUGAO NHS, MAY BAGONG LIDERATO
Turn-over ceremony, naghatid ng pamamaalam, pasasalamat, at panibagong pag-asa sa paaralan

BINUGAO, DAVAO CITY — Pormal nang nagpalit ng pamunuan ang Binugao National High School matapos idaos ang Turn-over Ceremony noong Agosto 7, 2026, na nagsilbing simbolo nang pagtatapos sa dating administrasyon at simula ng panibagong yugto nang pamumuno.
Dumalo sa seremonya ang mga punong-g**o ng Cluster V, mga g**o, Public Schools District Supervisor (PSDS), mga opisyal ng Barangay Binugao, at mga opisyal ng School Parents-Teachers Association (SPTA).

Nagbigay ng mensahe ang dating punong-g**o na si Sir William D. Enriquez, na nagpahayag ng pasasalamat sa mga g**o, mag-aaral, magulang, at iba pang katuwang ng paaralan sa kaniyang panahon ng paglilingkod.

Binigyang-diin naman ni Cluster V PSDS Ma’am Isidora C. Cermino ang kahalagahan ng pagkakaisa at kooperasyon sa mahusay na pamamahala. Kinikilala rin ang naging ambag sa pamumuno nina Sir William D. Enriquez, Ma’am Theresa O. Paraiso, at Sir Ian C. Abella.

Samantala, pormal na tinanggap ni Sir Anselmo S. Saniel ang pamumuno bilang bagong punong-g**o ng Binugao NHS. Sa kaniyang mensahe, ipinahayag niya ang kaniyang hangaring maglingkod nang tapat at makipagtulungan sa buong komunidad ng paaralan.

“Ang paaralan ay hindi lamang itinataguyod ng isang lider. Ito ay pinatatatag ng pagkakaisa at pagtutulungan ng buong komunidad.”
Nagpaabot din ng pagbati at suporta ang Barangay Binugao sa bagong administrasyon, na binigyang-diin ang kahalagahan ng patuloy na pagtutulungan ng paaralan at komunidad.
Sa pagtatapos ng seremonya, iniwan ang mensaheng ang pagbabago sa pamunuan ay hindi lamang pamamaalam, kundi panibagong pagkakataon para sa pag-unlad, pagkakaisa, at mas mahusay na paglilingkod sa mga mag-aaral ng Binugao NHS.
Bagong liderato. Bagong yugto. Iisang layunin—ang patuloy na pag-unlad ng Binugao National High School.

🖊️Fahima Mabang
📷 Justine Paredes at Kate Dumagan

08/08/2026

𝑴𝒂𝒌𝒊𝒍𝒂𝒉𝒐𝒌 𝒔𝒂 𝑫𝑷 𝑩𝑳𝑨𝑺𝑻 | 𝑩𝑼𝑾𝑨𝑵 𝑵𝑮 𝑾𝑰𝑲𝑨 𝟐𝟎𝟐𝟔 🇵🇭

Ako si [𝙋𝙖𝙣𝙜𝙖𝙡𝙖𝙣], [𝘽𝙖𝙞𝙩𝙖𝙣𝙜 𝙖𝙩 𝙎𝙚𝙠𝙨𝙮𝙤𝙣] ng Binugao National High School buong pusong nakikilahok at nakikiisa sa pagdiriwang ng Buwan ng Wika 2026 na may temang:

“𝗪𝗶𝗸𝗮𝗻𝗴 𝗙𝗶𝗹𝗶𝗽𝗶𝗻𝗼 𝗮𝘁 𝗔𝗜: 𝗞𝗮𝘀𝗮𝗻𝗴𝗸𝗮𝗽𝗮𝗻 𝘀𝗮 𝗣𝗮𝗻𝗮𝗻𝗮𝗹𝗶𝗸𝘀𝗶𝗸 𝗮𝘁 𝘁𝘂𝗹𝗮𝘆 𝘀𝗮 𝗬𝗮𝗺𝗮𝗻 𝗻𝗴 𝗜𝗺𝗽𝗼𝗿𝗺𝗮𝘀𝘆𝗼𝗻.”

Sa patuloy na pag-unlad ng mundo, kasabay ding umuusbong ang makabagong teknolohiya tulad ng AI. Maaari natin itong gamitin bilang katuwang sa pag-aaral, pananaliksik, at pagkuha ng kaalaman, ngunit hindi natin dapat hayaang mapabayaan nito ang ating sariling wika at kultura.

Sa halip, gamitin natin ang teknolohiya upang mapalawak ang kaalaman habang patuloy na pinayayaman at pinahahalagahan ang Wikang Filipino. Dahil ang pag-unlad ay mas makabuluhan kung kasama natin ang ating wika at kultura sa pagharap sa kinabukasan.

Kaya halina’t makiisa! Sama-sama nating ipakita na ang Wikang Filipino ay kayang sumabay sa makabagong teknolohiya at patuloy na maging tulay sa kaalaman at pag-unlad. 🇵🇭🤖






🖼️ Sheena Gyle Leyson
✍🏻 Precious Mecah Gustilo

Frame Link:
https://twb.nz/buwanngwika2026bnhs

08/08/2026

Ngayong Agosto 2026, buong siglang nakikiisa ang Binugao National High School sa pagdiriwang ng Buwan ng Wika 2026 na may temang:

“Wikang Filipino at AI: Kasangkapan sa Pananaliksik at Tulay sa Yaman ng Impormasyon.”

Sa panahong mabilis na nagbabago ang mundo ng teknolohiya, hindi lamang ginagamit ang Wikang Filipino upang makipagtalastasan—ginagamit din ito upang magsaliksik, magsuri, lumikha, at matuto. 🤔💡

Samantala, ang Artificial Intelligence (AI) ay maaaring maging katuwang sa pagbuo ng mga ideya, pagsusuri ng impormasyon, at paglikha ng mga kagamitang makatutulong sa pagkatuto—ngunit nananatiling mahalaga ang mapanuring pag-iisip, wastong paggamit ng impormasyon, at responsableng paggamit ng teknolohiya.

🌐 WIKA ang ating pagkakakilanlan.
🤖 AI ang makabagong kasangkapan.
📚 Kaalaman ang ating layunin.
🚀 Makabuluhang pagkatuto ang ating patutunguhan!
💬 IKAW, PAANO MO GAGAMITIN ANG WIKA AT AI SA PAGKATUTO?
Makilahok, magbahagi ng ideya, magsaliksik, lumikha, at maging mapanuring digital learner! 💻✨
Halina’t sama-sama nating gawing mas makabuluhan, makabago, at makulay ang pagdiriwang ng Buwan ng Wika! 🇵🇭❤️

Poster Credits to: Teach Pinas DepED Community

📍 Binugao National High School
📅 Buwan ng Wika 2026

06/08/2026

Noong Hulyo 13, nagsagawa ng Farewell Program sa Binugao National High School para kina Principal III William D. Enriquez, Sir Ian Robert C. Abilla, at Ma’am Theresa Anne Obiedo bilang pasasalamat sa kanilang serbisyo. Dumalo ang mga g**o, kawani, mag-aaral, at SPTA officers upang magbigay ng mensahe, parangal, at mga pagtatanghal bilang pagpapakita ng pasasalamat at suporta.

03/08/2026

Pagpupugay at Pasasalamat
Noong Hulyo 13, idinaos sa Binugao National High School ang isang makabuluhang Farewell Program bilang pagpupugay at pasasalamat sa natatanging paglilingkod nina Principal III William D. Enriquez, Assistant to the Principal Sir Ian Robert C. Abilla, at Master Teacher I Theresa Anne Obiedo.
Dinaluhan ng mga g**o, kawani, mag-aaral, SPTA officers ang programa upang kilalanin ang kanilang hindi matatawarang dedikasyon, mahusay na pamumuno, at makabuluhang ambag sa patuloy na pag-unlad ng paaralan. Sa pamamagitan ng mga mensahe, parangal, at mga pagtatanghal, ipinahayag ng buong komunidad ng BNHS ang taos-pusong pasasalamat sa kanilang tapat at inspirasyonal na paglilingkod.
Ang kanilang mga naiwang mga aral, pagpapahalaga, at huwarang pamumuno ay magsisilbing gabay at inspirasyon sa bawat kasapi ng paaralan. Habang tinatahak nila ang panibagong yugto ng kanilang propesyonal na paglalakbay, baon nila ang pagmamahal, paggalang, at suporta ng buong pamilya ng Binugao National High School.
Tunay na ang kanilang naging paglilingkod ay nag-iwan ng pangmatagalang bakas sa puso ng bawat Binugaoan—isang pamana ng kahusayan, integridad, at malasakit na patuloy na magsisilbing ilaw sa landas ng susunod na mga henerasyon.

Part 2
📷 Justine Paredes and Kate Dumagan
Caption and Edits: Shine Castillo See less

03/08/2026

Pagpupugay at Pasasalamat

Noong Hulyo 13, idinaos sa Binugao National High School ang isang makabuluhang Farewell Program bilang pagpupugay at pasasalamat sa natatanging paglilingkod nina Principal III William D. Enriquez, Assistant to the Principal Sir Ian Robert C. Abilla, at Master Teacher I Theresa Anne Obiedo.

Dinaluhan ng mga g**o, kawani, mag-aaral, SPTA officers ang programa upang kilalanin ang kanilang hindi matatawarang dedikasyon, mahusay na pamumuno, at makabuluhang ambag sa patuloy na pag-unlad ng paaralan. Sa pamamagitan ng mga mensahe, parangal, at mga pagtatanghal, ipinahayag ng buong komunidad ng BNHS ang taos-pusong pasasalamat sa kanilang tapat at inspirasyonal na paglilingkod.

Ang kanilang mga naiwang mga aral, pagpapahalaga, at huwarang pamumuno ay magsisilbing gabay at inspirasyon sa bawat kasapi ng paaralan. Habang tinatahak nila ang panibagong yugto ng kanilang propesyonal na paglalakbay, baon nila ang pagmamahal, paggalang, at suporta ng buong pamilya ng Binugao National High School.

Tunay na ang kanilang naging paglilingkod ay nag-iwan ng pangmatagalang bakas sa puso ng bawat Binugaoan—isang pamana ng kahusayan, integridad, at malasakit na patuloy na magsisilbing ilaw sa landas ng susunod na mga henerasyon.

📷 Justine Paredes and Kate Dumagan
Caption and Edits: Shine Castillo

29/07/2026

Klaster V Meet, 2026 Pormal na Binuksan sa Binugao NHS
Siyam na paaralan, nagkaisa sa diwa ng palakasan sa temang "United in Sports, Stronger Together"

BINUGAO, Davao City — Pormal nang sinimulan ang Klaster V Meet 2026,araw ng sabado ika - 25 ng Hulyo sa Binugao National High School kung saan nagsama-sama ang siyam na pampublikong sekundaryang paaralan ng Klaster V upang ipamalas ang pagkakaisa, disiplina, at kahusayan sa ilalim ng temang "United in Sports, Stronger Together."

🖊️ Fahima Mabang
💻 Xydelle Yuri Flores

29/07/2026

Maputik na Daan, Binigyang-Solusyon:
Pathway sa BNHS Inaksyunan ng Barangay Binugao

[Balik Tanaw]BINUGAO, TORIL, DAVAO CITY — Upang mabigyan ng mas ligtas at maayos na daanan ang mga mag-aaral ng Binugao National High School (BNHS), sinimulan ni Kagawad Rogelio Mayda at ng kanyang mga kasama ang pagpapagawa ng concrete pathway sa loob ng paaralan, Hulyo 21, 2026 araw ng Martes. Di pa matiyak kung kailan matatapos ang proyekto dahil sa kakulangan ng badyet, ganunpaman sisikapin nila itong matapos upang mapakinabangan ng komunidad.

Dagdag pa niya, isinagawa ang proyekto upang maging mas ligtas at komportable ang pagpasok at paglabas ng mga mag-aaral at iba pang miyembro ng paaralan.

Sa kabila ng mga hamon, nananatiling tuloy ang pagpapagawa ng concrete pathway bilang bahagi ng pagsisikap na mapabuti ang kalagayan ng imprastraktura sa Binugao National High School at matiyak ang kaligtasan at kaginhawaan ng mga mag-aaral.

🖊️Ashlen T. Colis
💻 Xydelle Yuri Flores