15/08/2026
๐ฃ๐๐ก๐๐ง๐๐๐๐ก | ๐ ๐ถ๐ป๐๐ฎ๐ป ๐ง๐ฎ๐ผ, ๐ ๐ถ๐ป๐๐ฎ๐ป ๐ง๐ฎ๐ต๐ฎ๐ป๐ฎ๐ป
Gaano ka katagal maghihintay sa pagbabalik ng isang taong lubos mong minahal?
Isang araw? Isang taon? Sampung taon?
Habang si Odysseus ay nakikipagbuno sa dagat, mga halimaw, diyos, at tukso upang makauwi, si Penelope naman ay nanatili sa Ithaca, humaharap sa sariling unos ng pangungulila, pagdududa, at mga manliligaw na nais pumalit sa kaniyang asawa.
Dalawa ang kanilang paglalakbay. Ang isa ay nasa dagat, ang isa ay nasa paghihintay.
Hindi tiyak ni Penelope kung makababalik pa si Odysseus, ngunit pinili niyang manatili. Sapagkat may mga pagkakataong ang katapatan ay hindi nakasalalay sa katiyakan, kundi sa paniniwalang pinipili mong panghawakan.
At marahil, higit pa sa Ithaca, si Penelope ang tahanang hinahanap ni Odysseus.
Sapagkat ang tahanan ay hindi laging isang lugar. Minsan, isa itong taong nais mong balikan.
Hatakin man ng mundo palayo sa tahanan, walang makakatalo sa lugar na itinuturing na pahingahan, at walang tukso ang magpapahinto sa kaniyang paglalakbay.
Sa huli, hindi lahat ng paghihintay ay nauuwi sa pagbabalik. Ngunit sa kuwento nina Penelope at Odysseus, may isang bagay na nanatili: isang tahanang hindi nababagot sa paghihintay.
Kung ang taong mahal mo ay kailangang dumaan sa pinakamahabang daan upang makauwi, gaano katagal mo siyang hihintayin?
โ๏ธ | Jade Sibayan
๐ป | Frances Pacaรฑa
