Dakila - Jesus J. Soriano NHS

22/09/2026

07/09/2026

𝐁𝐈𝐆𝐀𝐘-𝐏𝐀𝐒𝐀𝐒𝐀𝐋𝐀𝐌𝐀𝐓
𝐌𝐠𝐚 𝐠𝐮𝐫𝐨 𝐬𝐚 𝐉𝐉𝐒𝐍𝐇𝐒, 𝐛𝐢𝐧𝐢𝐠𝐲𝐚𝐧𝐠-𝐩𝐮𝐠𝐚𝐲

JJSNHS— Pormal na inilunsad ang Teachers’ Day 2026 bilang pagbibigay-pugay at pagkilala sa mga g**ong humubog sa kaalaman, karakter, at kinabukasan ng mga mag-aaral.

Ginanap ang pagdiriwang ngayong umaga, Setyembre 7, 2026, sa Jesus J. Soriano National High School (JJSNHS).

“Respeto sa mga g**o sa lahat ng pagkakataon, hindi lang tuwing Teachers’ Day,” saad ni Faculty President Tranquilino E. Velasco, Jr.

Ang programa ay pinangunahan ng mga opisyal ng Supreme Secondary Learner Government (SSLG) ng paaralan sa pamumuno ni Ayena Buyoc, SSLG President.

Bilang bahagi ng selebrasyon, isinagawa ang pamimigay ng rosas at balloons bilang simpleng pagpapakita ng pasasalamat at pagpapahalaga sa mga g**o sa kanilang walang kupas na sakripisyo.

Kasunod nito, kinanta ni Marife Dayaganon, mag-aaral sa ika-12 baitang ang “The Journey”. Ito handog na awitin para sa mga bayani ng silid-aralan.

Higit pa sa mga parangal at programa, ipinakita ng pagdiriwang na ang bawat g**ong patuloy na nagtuturo at gumagabay ay isang mahalagang haligi ng paaralan at ng lipunan.

✍️Nina Rodes
📸DAKILA

01/09/2026

𝐊𝐮𝐥𝐭𝐮𝐫𝐚 𝐚𝐭 𝐀𝐥, 𝐓𝐚𝐦𝐩𝐨𝐤 𝐬𝐚 𝐊𝐮𝐥𝐦𝐢𝐧𝐚𝐬𝐲𝐨𝐧 𝐧𝐠 𝐁𝐮𝐰𝐚𝐧 𝐧𝐠 𝐖𝐢𝐤𝐚 2026 𝐬𝐚 𝐉𝐉𝐒𝐍𝐇𝐒

𝗜𝗞𝗔-1 𝗡𝗚 𝗦𝗘𝗧𝗬𝗘𝗠𝗕𝗥𝗘 2026 — Nagkulay-Pilipino ang buong Jesus J. Soriano National High School (JJSNHS) nang magsuot ng iba’t ibang kasuotang Pilipino ang mga g**o at mag-aaral bilang tampok na bahagi ng kulminasyon ng Buwan ng Wika 2026, na sinabayan ng natatanging Cultural Dance at aktibidad na “Pista sa Nayon.”

Isinagawa ang pagdiriwang sa ilalim ng temang “Wikang Filipino at AI: Kasangkapan sa Pananaliksik at Tulay sa Yaman ng Impormasyon,” na naglalayong ipakita ang patuloy na kahalagahan ng wikang Filipino sa pananaliksik at paggamit ng makabagong teknolohiya.

Bilang bahagi ng pagdiriwang, isinagawa rin ang "Pista sa Nayon," isang aktibidad na nagbigay-daan upang maipakita ng mga mag-aaral ang buhay at tradisyon sa isang pamayanang Pilipino.
Tampok sa gawain ang mga makukulay na
tela, kasuotan, palamuti, at iba pang elementong kumakatawan sa kulturang Pilipino. Naging daan ito upang maipamalas ng mga mag-aaral ang kanilang pagkamalikhain habang higit na nauunawaan ang kahalagahan ng mga tradisyong minana mula sa mga naunang salinlahi.

Sa kaniyang mensahe, binigyang-diin ni 𝐆𝐧𝐠. 𝐑𝐚𝐥𝐩 𝐑. 𝐀𝐥𝐚𝐜, 𝐊𝐨𝐨𝐫𝐝𝐢𝐧𝐞𝐲𝐭𝐨𝐫 𝐬𝐚 𝐅𝐢𝐥𝐢𝐩𝐢𝐧𝐨, ang mahalagang ugnayan ng wika, teknolohiya, at kultura sa pagkatuto ng mga mag-aaral.
Ayon sa kanya, maaaring gamitin ang artificial
intelligence bilang kasangkapan sa pananaliksik at pagkuha ng impormasyon, subalit kailangang gamitin ito nang responsable at mapanuri.

Dagdag pa niya, hindi dapat maging kapalit ng sariling pag-iisip at pagkatuto ang teknolohiya. Sa halip, dapat itong gamitin upang mapalawak ang kaalaman at mapalalim ang pag-unawa sa mga paksang sinasaliksik.

Sa pagtatapos ng pagdiriwang, ipinakita ng JJSNHS na maaaring magsanib ang wika, kultura, at teknolohiya upang makabuo ng mas makabuluhang karanasan sa pagkatuto—isang patunay na ang wikang Filipino ay patuloy na umaangkop sa makabagong panahon habang nananatiling tulay sa mayamang impormasyon at kulturang Pilipino.

📸DAKILA

17/08/2026

𝐃𝐀𝐊𝐈𝐋𝐀, 𝐁𝐔𝐌𝐀𝐍𝐃𝐄𝐑𝐀
Dalawang taon pa lamang sa publikasyon, nag-uwi ng apat na pagkilala.

Matagumpay na nakiisa ang mga baguhang mamamahayag ng DAKILA-Filipino, pamahayagang pangkampus ng Jesus J. Soriano National High School (JJSNHS), sa ginanap na Campus Journalism Academy Year 4 sa Crossing Bayabas National High School, noong Agosto 15,2026.

Nagpakitang-gilas ang mga mag-aaral na mamamahayag ng DAKILA matapos makamit ang mga sumusunod na pagkilala sa iba’t ibang larangan ng pamamahayag:

🏅 4th Place – Ragel Angelo R. Truya
Pagsulat ng Agham at Teknolohiya

🏅 6th Place – Aleah Faith Curib
Pagsulat ng Kolum

🏅 6th Place – Mikylla Mari B. Matildo
Editorial Cartooning

🏅 10th Place – Christa Lyn L. Lucas
Pagsulat ng Editoryal

Pagkilala rin sa mga manunulat na nagpakita ng kanilang determinasyon at galing:

✅Pagsulat ng Balita: Nina Fe Rodes
✅Pagsulat ng Isports: Tiffany Faith R. Flores
✅Pagsulat ng Lathalain: Zaljeab Mae V. Bayon
✅Mobile Journalism: John Carlo C. Lubao

Bagaman dalawang taon pa lamang ang DAKILA bilang pamahayagang pangkampus, unti-unti na nitong pinamalas ang potensiyal na makipagsabayan sa iba pang mga publikasyong pangkampus.

Ang pagsasanay na ito ay bahagi ng paghahanda para sa nalalapit na Division Schools Press Conference (DSPC), na gaganapin sa Setyembre 9–15, 2026, sa Daniel R. Aguinaldo National High School.

Patuloy na nagsisilbing inspirasyon ang tagumpay na ito sa buong paaralan at DAKILAng manunulat upang higit pang pag-ibayuhin ang pagsasanay at paglinang sa talento ng mga batang mamamahayag.

Sa bawat kuwento, ideya, at guhit na kanilang inilalahad, patunay na unti-unti ng umuukit ng bantayog ang DAKILAng mamahayag.

03/08/2026

𝙹𝙹𝙽𝙷𝚂: 𝙿𝚊𝚐𝚍𝚒𝚛𝚒𝚠𝚊𝚗𝚐 𝚗𝚐 𝙱𝚞𝚠𝚊𝚗 𝚗𝚐 𝚆𝚒𝚔𝚊 2026, 𝙱𝚒𝚗𝚞𝚔𝚜𝚊𝚗 𝙽𝚊!

PAARALANG JJNHS — Pormal at opisyal nang binuksan ngayong araw, Ika-3 ng Agosto, 2026, ang taunang pagdiriwang ng Buwan ng Wikang Pambansa sa Paaralang JJNHS na nakatuon sa makabagong temang “𝑾𝒊𝒌𝒂𝒏𝒈 𝑭𝒊𝒍𝒊𝒑𝒊𝒏𝒐 𝒂𝒕 𝑨𝒍: 𝑲𝒂𝒔𝒂𝒏𝒈𝒌𝒂𝒑𝒂𝒏 𝒔𝒂 𝑷𝒂𝒏𝒂𝒏𝒂𝒍𝒊𝒌𝒔𝒊𝒌 𝒂𝒕 𝑻𝒖𝒍𝒂𝒚 𝒔𝒂 𝒀𝒂𝒎𝒂𝒏 𝒏𝒈 𝑰𝒎𝒑𝒐𝒓𝒎𝒂𝒔𝒚𝒐𝒏".

Sa gitna ng mabilis na pag-unlad ng modernong teknolohiya, layunin ng pagdiriwang ngayong taon na ipakita ang kakayahan ng wikang pambansa na makasabay at magamit bilang kasangkapan sa Artificial Intelligence (AI) para sa mas malalim na pagkatuto, pananaliksik, at paglikha.

Sa kanyang pambungad na talumpati, hinimok ni Gng. Juneva P. Ardepolla, Kawaksing Punong G**o ng JJNHS sa Junior High School (JHS), ang buong komunidad ng paaralan—mga mag-aaral, g**o, at kawani—na buong-pusong makiisa at makilahok sa lahat ng mga inihandang gawain para sa nasabing selebrasyon.

Inilahad naman ni Gng. Zarah Jane P. Manila, Master Teacher I sa Filipino, ang mga nakatakdang aktibidad para sa buong buwan. Binigyang-diin niya na ang lahat ng aktibidad ay opisyal na ilulunsad sa Oras ng Filipino sa bawat klase at ang mga malikhaing output ng mga mag-aaral ay ilalakiip bilang bahagi ng kanilang Pamantayang Pagganap (Performance Task) para sa kasalukuyang markahan.

𝐌𝐠𝐚 𝐓𝐚𝐦𝐩𝐨𝐤 𝐧𝐚 𝐀𝐤𝐭𝐢𝐛𝐢𝐝𝐚𝐝 𝐁𝐚𝐰𝐚𝐭 𝐀𝐧𝐭𝐚𝐬 𝐬𝐚 𝐉𝐉𝐍𝐇𝐒:

📌Baitang 7 — Burador ng Komik Book Brochure: Paglikha ng visual at tekstwal na balangkas ng brochure sa anyong komiks upang maipakita ang malikhaing pagsasalaysay gamit ang wikang Filipino.

📌Baitang 8 — Paggawa ng Multimodal na Tula: Pagbuo ng tula na pinagsama ang teksto, tunog, at biswal na elemento upang maipahayag ang saloobin sa gitna ng modernisasyon.

📌Baitang 9 — Paggawa ng Pabalat ng Graphic Novel: Pagdidisenyo ng kaakit-akit at makabuluhang pabalat ng graphic novel na nagpapakita ng kaugnayan ng wika sa kasalukuyang henerasyon.

📌Baitang 10 — DokyuWento: Pagbuo ng maikling dokumentaryo at pagsasalaysay na tumatalakay sa mga totoong kwento at isyung panlipunan gamit ang wikang pambansa.

📌 Senior High School (Baitang 11 at 12) — Natatanging Bilang: Pag-aalay ng mga natatanging pagtatanghal sa Pambungad at Pampinid na Programa ng Buwan ng Wika bilang kinatawan ng mataas na antas.

Nagtapos ang pambungad na programa sa pamamagitan ng isang makulay at nakakamanghang cultural dance na tinaghal ng Jesus Soriano Performing Arts Group, na nag-iwan ng sigla at pambansang pagmamalaki sa lahat ng mga dumalo.

Inaasahan na maipamalas ng kapwa g**o at mag-aaral ng JJNHS na ang wikang Filipino ay hindi naiiwan ng panahon. Sa kabila ng mabilis na pag-unlad ng AI, nananatiling buhay, dinamiko, at pangunahing tulay ang wikang pambansa sa pagbuo ng kaalaman at pagpapahayag ng makabagong kaisipan.

01/08/2026

🌟 𝐇𝐚𝐥𝐢𝐧𝐚’𝐭 𝐦𝐚𝐤𝐢𝐢𝐬𝐚 𝐬𝐚 𝐩𝐚𝐠𝐝𝐢𝐫𝐢𝐰𝐚𝐧𝐠 𝐧𝐠 𝐁𝐮𝐰𝐚𝐧 𝐧𝐠 𝐖𝐢𝐤𝐚𝐧𝐠 𝐏𝐚𝐦𝐛𝐚𝐧𝐬𝐚 𝟐𝟎𝟐𝟔! 🌟

Inaanyayahan ng Mataas na Paaralang Pambansa ng Jesus J. Soriano ang lahat ng mag-aaral, g**o, magulang, alumni, at kawani na maging bahagi ng isang makabuluhan at makabagong pagdiriwang ng ating pambansang wika.

📖 Tema:

“𝑾𝒊𝒌𝒂𝒏𝒈 𝑭𝒊𝒍𝒊𝒑𝒊𝒏𝒐 𝒂𝒕 𝑨𝑰: 𝑲𝒂𝒔𝒂𝒏𝒈𝒌𝒂𝒑𝒂𝒏 𝒔𝒂 𝑷𝒂𝒏𝒂𝒏𝒂𝒍𝒊𝒌𝒔𝒊𝒌 𝒂𝒕 𝑻𝒖𝒍𝒂𝒚 𝒔𝒂 𝒀𝒂𝒎𝒂𝒏 𝒏𝒈 𝑰𝒎𝒑𝒐𝒓𝒎𝒂𝒔𝒚𝒐𝒏”

Ngayong Agosto, sama-sama nating ipagdiwang ang kagandahan ng Wikang Filipino at tuklasin kung paano ito higit pang napayayaman sa responsableng paggamit ng Artificial Intelligence (AI).

🎉 Abangan ang iba’t ibang patimpalak, gawaing pangwika, at mga programang magpapakita ng talento, pagkamalikhain, at pagmamahal sa ating sariling wika!

16/07/2026

𝐉𝐉𝐒𝐍𝐇𝐒, 𝐌𝐚𝐭𝐚𝐠𝐮𝐦𝐩𝐚𝐲 𝐧𝐚 𝐍𝐚𝐠𝐬𝐚𝐠𝐚𝐰𝐚 𝐧𝐠 𝐏𝐀𝐊𝐈𝐆-𝐀𝐌𝐁𝐈𝐓 𝟐𝟎𝟐𝟔 𝐩𝐚𝐫𝐚 𝐬𝐚 𝐏𝐚𝐭𝐮𝐥𝐨𝐲 𝐧𝐚 𝐏𝐚𝐠𝐩𝐚𝐩𝐚𝐡𝐮𝐬𝐚𝐲 𝐧𝐠 𝐊𝐚𝐥𝐢𝐝𝐚𝐝 𝐧𝐠 𝐄𝐝𝐮𝐤𝐚𝐬𝐲𝐨𝐧

Hulyo 16, 2026 – Matagumpay na isinagawa ng Jesus J. Soriano National High School (JJSNHS) ang PAKIG-AMBIT 2026 (Strengthening School-based Implementation of the Enhanced K–12 Curriculum through Technical Assistance for School Leaders and Teachers) bilang bahagi ng patuloy na pagpapaigting ng kalidad ng edukasyon at pagpapatibay ng implementasyon ng Enhanced K–12 Curriculum.

Pinangunahan nina 𝐄𝐥𝐬𝐢𝐞 𝐄. 𝐆𝐚𝐠𝐚𝐛𝐞, 𝐄𝐝𝐮𝐜𝐚𝐭𝐢𝐨𝐧 𝐏𝐫𝐨𝐠𝐫𝐚𝐦 𝐒𝐮𝐩𝐞𝐫𝐯𝐢𝐬𝐨𝐫–𝐌𝐀𝐏𝐄𝐇, 𝐚𝐭 𝐅𝐫𝐢𝐭𝐳𝐢𝐞 𝐈𝐯𝐲 𝐉. 𝐃𝐚𝐥𝐚𝐧𝐠𝐢𝐧, 𝐏𝐥𝐚𝐧𝐧𝐢𝐧𝐠 𝐎𝐟𝐟𝐢𝐜𝐞𝐫 𝐈𝐈𝐈, ang masusing technical assessment at validation ng mga programa, proseso, at dokumentasyon ng paaralan. Nagbigay rin sila ng mahahalagang rekomendasyon at teknikal na gabay upang higit pang mapahusay ang pamamahala ng paaralan at ang paghahatid ng de-kalidad na edukasyon.

Sa pangunguna ng pamunuan ng JJSNHS at sa pagtutulungan ng mga Head Teachers, Master Teachers, mga g**o, at non-teaching personnel, naging maayos at matagumpay ang isinagawang assessment. Ipinamalas ng buong komunidad ng paaralan ang kanilang kahandaan, dedikasyon, at pagkakaisa sa pagsusulong ng patuloy na pagpapabuti ng kalidad ng edukasyon.

Muling pinatunayan ng matagumpay na PAKIG-AMBIT 2026 ang matibay na paninindigan ng Jesus J. Soriano National High School sa pagtataguyod ng kultura ng kahusayan, pananagutan, at tuloy-tuloy na pag-unlad para sa kapakinabangan ng bawat mag-aaral.

✍️Ralp R. Alac
📸Ralp R. Alac

11/07/2026

𝐔𝐥𝐚𝐧, 𝐇𝐢𝐧𝐝𝐢 𝐇𝐚𝐝𝐥𝐚𝐧𝐠: 𝐈𝐧𝐭𝐫𝐚𝐦𝐮𝐫𝐚𝐥𝐬 2026–2027, 𝐌𝐚𝐭𝐚𝐠𝐮𝐦𝐩𝐚𝐲 𝐧𝐚 𝐍𝐚𝐠𝐛𝐮𝐤𝐚𝐬

Hindi naging hadlang ang maulang panahon sa matagumpay na pagsasagawa ng Opening Program ng Intramurals 2026–2027 ng Jesus J. Soriano National High School, Biyernes, Ika-10 ng Hulyo, 2026.

Sa kabila ng walang tigil na pag-ulan, nanatiling mataas ang sigla at entusiasmo ng buong komunidad ng paaralan. Umalingawngaw ang matitinding hiyawan, palakpakan, at suporta mula sa mga mag-aaral na buong pusong nakiisa sa pagbubukas ng isa sa pinakahihintay na taunang gawain ng paaralan.

Sinimulan ang programa sa seremonya ng pagsisindi ng sulo na pinangunahan ni Kianz King Catulong kasama ang kanyang mga kapwa DAVRAA Sipak Takraw players. Ang pagsisindi ng sulo ay sumisimbolo sa pagkakaisa, pag-asa, determinasyon, at diwa ng patas na kompetisyon. Higit pa rito, ito ay nagsisilbing paalala na ang tunay na layunin ng Intramurals ay hindi lamang ang pagwawagi, kundi ang pagpapakita ng sportsmanship, disiplina, at pagtutulungan ng bawat kalahok.

Sa kanyang mensahe, sinabi ni MAPEH Coordinator Ma’am Cleo R. Damo, “We are gathered here today because, despite the challenges and our demanding instructional schedules, we made it happen.”

Inaasahan ang iba’t ibang kompetisyon sa mga susunod na araw, kabilang ang mga larong lahi, ball games, board games, at e-games, kung saan maipapakita ng mga kalahok ang kanilang husay, talento, estratehiya, at diwa ng patas na paglalaro.

Magpapatuloy ang mga nakatakdang aktibidad at kompetisyon ng Intramurals 2026–2027 sa Sabado, Hulyo 11-12 2026, na may layuning higit pang pagyamanin ang pakikilahok, pagkakaisa, at paglinang sa iba’t ibang kakayahan ng mga mag-aaral sa loob at labas ng larangan ng palakasan.

✍️:NINA FE RODES
📸SO-SHYNE FAITH C. CASANA

08/06/2026

𝗙𝗹𝗮𝗴 𝗖𝗲𝗿𝗲𝗺𝗼𝗻𝘆 𝗡𝗮𝗴𝗶𝗻𝗴 𝗞𝗮𝗻𝗹𝘂𝗻𝗴𝗮𝗻 𝗻𝗴 𝗞𝗮𝗹𝗶𝗴𝘁𝗮𝘀𝗮𝗻: 𝗗𝗮𝗮𝗻-𝗱𝗮𝗮𝗻𝗴 𝗕𝘂𝗵𝗮𝘆, 𝗡𝗮𝗹𝗶𝗴𝘁𝗮𝘀 𝘀𝗮 𝗟𝗶𝗻𝗱𝗼𝗹

Natigil ang isinagawang Opening Ceremony at unang araw ng pasukan sa JJSNHS matapos yumanig ang isang malakas na lindol na may magnitude na 6.7 nitong Lunes, Hunyo 8, 2026. Sa kabila ng biglaang pagyanig, naging maayos at ligtas ang paglikas ng mga mag-aaral, g**o, at kawani ng paaralan dahil sa maagap na pagtugon ng School Disaster Risk Reduction and Management (SDRRM) Team.

Naganap ang lindol habang nagtitipon ang buong komunidad ng paaralan sa flag ceremony bilang bahagi ng pagbubukas ng taong panuruan. Dahil nasa isang bukas na lugar ang karamihan sa mga mag-aaral at kawani sa oras ng pagyanig, naiwasan ang mas malalang panganib na maaaring idulot ng pagbagsak ng mga bagay o pagkasira ng mga gusali.

Pinangunahan ni ma’am Emy B. Goc-ong, punong-g**o ng JJNHS, ang maayos at organisadong paggalaw ng kapwa g**o at mag-aaral habang sinusunod ang mga tinakdang safety protocols ng paaralan. Dahil dito, mabilis na naisakatuparan ang kaligtasan ng bawat isa.

Bilang pag-iingat, pansamantalang sinuspinde ang mga klase at iba pang aktibidad sa paaralan. Pinauwi rin ang mga mag-aaral matapos masig**o ang kanilang kalagayan upang maiwasan ang anumang panganib mula sa mga posibleng aftershock.

Sa kasalukuyan, wala pang naitatalang malubhang pinsala sa mga pasilidad ng paaralan at wala ring naiulat na nasugatan sa insidente. Patuloy namang nagsasagawa ng inspeksiyon ang mga kinauukulan upang matiyak na ligtas ang mga gusali bago muling gamitin.

Samantala, hinihikayat ng pamunuan ng paaralan ang lahat ng mag-aaral, magulang, at kawani na manatiling alerto at maging handa sa mga posibleng aftershock habang patuloy na minomonitor ng mga awtoridad ang sitwasyon.

✍️NINA FE RODES
📸DAKILA

05/06/2026

𝐁𝐫𝐢𝐠𝐚𝐝𝐚 𝐄𝐬𝐤𝐰𝐞𝐥𝐚 𝐓𝐚𝐩𝐨𝐬 𝐍𝐚: 𝐏𝐚𝐚𝐫𝐚𝐥𝐚𝐧, 𝐇𝐚𝐧𝐝𝐚 𝐧𝐚 𝐬𝐚 𝐏𝐚𝐬𝐮𝐤𝐚𝐧

Tiniyak ng pamunuan ng Jesus J. Soriano National High School ang kaligtasan, kaayusan, at kahandaan ng paaralan matapos ang matagumpay na pagtatapos ng isang linggong Brigada Eskwela ngayong araw ng Hunyo 5, 2026.

Sa temang “Bayanihan sa Paaralan: Nagkakaisa para sa Kaayusan at Kaalaman,” naging gabay ang sama-samang pagtutulungan ng mga g**o, magulang, mag-aaral, at iba pang mga katuwang ng paaralan upang maisagawa ang paglilinis at pagsasaayos ng mga pasilidad bilang paghahanda sa nalalapit na pagbubukas ng klase.

Binigyang-tuon ni Principal IV Ma'am Emy B. Goc-ong ang kahalagahan ng pakikiisa ng bawat isa sa paghahanda para sa nalalapit pasukan.

“This school is preparing for the opening of classes this Monday, with the active participation of parents, teachers, and students,” pahayag ni Ma’am Emy B. Goc-ong, punong-g**o ng JJNHS.

Sa huling araw, ang paaralan ay nakatanggap ng kabuuang ₱12,300 na donasyon, habang ₱3,850 naman ang para sa mga materyales. Patunay lamang ito na sa kabila ng krisis na kinakaharap ng bansa, marami pa rin ang handang magbigay ng kanilang suporta.

Sa pagtatapos ng Brigada Eskwela, muling napatunayan ang diwa ng bayanihan sa komunidad dahil sa sama-samang pagkilos at dedikasyon ng lahat ng kalahok. Ito ay patunay na handang-handa na ang paaralan sa pagtanggap sa mga mag-aaral para sa taong panuruan 2026–2027.

✍️Zal Bayon
📸 Jannah Buenavista