SamaFil HCCSI

Isang Mapagpalang Araw po sa Ating Lahat!

Ikinagagalak kong ipabatid at ipakilala sa inyo ang bagong hanay ng mga opisyales ng Samahan ng Mag-aaral sa Filipino (SAMAFIL) para sa taong 2025–2026. Ang mga pinunong ito ay inihalal nang may lubos na pagtitiwala dahil sa kanilang kahusayan, katapatan, at taos-pusong malasakit sa ating organisasyon. Sa kanilang pamumuno, tiwala kami na higit pang mapapalalim at mapapalawig ang mga adhikain ng samahan ang pagyamanin at itaguyod ang ating wika, kultura, at pagkakaisa.

Inaanyayahan namin ang bawat isa na makiisa sa mga darating na proyekto at gawain na magpapatibay sa ating samahan. Sama-sama nating isulong ang isang makabuluhan at matagumpay na taon para sa SAMAFIL at para sa wikang Filipino!

OBRA NINA:
G. Jeremy Lariosa Cago at G. Christian Andrew Humol
Mula sa UNANG TAON ng Kolehiyo

Ang larawang ito ay sumasagisag na anuman ang rehiyon, tradisyon, at pagkakaiba ng wika, nagkakaisa pa rin ang mga Pilipino. Isa na rito ang pagtuturo at pagpapahalaga sa iba’t ibang katutubong wika. Ipinapakita rin dito na ang paraan ng bigkas ng bawat isa ay nagsisilbing palatandaan kung saang bahagi ng Pilipinas sila nabibilang. Gayunman, hindi ito nagiging hadlang; sa halip, ipinapakita nito na anuman ang ating wika, tayo ay nananatiling iisa.

OBRA NINA:
G. John Carl G. Lacaba at Bb. Charlotte C. Lapayag
Mula sa IKALAWANG TAON ng Kolehiyo

Ang obrang ito ay sumasagisag sa pagkakaisa ng kabataan mula sa iba’t ibang kultura at tradisyon. Ang aklat ay sumisimbolo sa kaalaman at pag-aaral na nagiging tulay upang magkaisa at magtulungan ang bawat isa. Ang pagkakahawak-kamay ay siyang patunay na sa kabila ng ating pagkakaiba sa pananamit, relihiyon at pinagmulan, iisa ang ating mithiin at ito ay ang makamit ang kapayapaan at kaunlaran ng bayan.

OBRA NINA:
Bb. Joan Bangcoyo at Bb. Rica Mercado
Mula sa Ika-apat na taon ng Kolehiyo

Handa na ba kayong ipagdiwang ang Buwan ng Wika sa taong 2025?

Sama-sama nating palalimin ang pagmamahal at pag-unawa sa Filipino at mga katutubong wika, habang pinagyayaman ang makasaysayang papel nito sa pagbuo ng ating bansa!

Tara na, makiisa sa makulay at makabuluhang selebrasyon ngayong Agosto❣️

𝗔𝗻𝘂𝗻𝘀𝗶𝘆𝗼!!

Magandang araw sa lahat! Para sa pagdiriwang ng 𝑩𝒖𝒘𝒂𝒏 𝒏𝒈 𝑾𝒊𝒌𝒂 narito na ang mga larawan ng mga makikisig at magagandang kalahok ng Lakan at Lakambini ng HCCS 2024.

Kalakip nito'y magkakaroon ng botohan para sa bawat kalahok. Ang boto ay idadaan sa pamamagitan ng GCash o cash .

1. Sa gcash ay kinakailangan may mensaheng kalakip na LAKAN/LAKAMBINI at numero ng kalahok na iyong nais iboto. (HAL. LAKAN #1)

2. Sa cash naman ay maaaring ibigay sa opisyales na nakatalaga sa bawat taon. Ang bawat boto ay may katumbas na piso(₱1). Ang makakakuha ng maraming boto ay hihiranging "Gawad ng Paborito ng Bayan"

Bumoto at tangkilikin ang paboritong pambato!

Magandang hapon po sa ating lahat!

Matatapos ang botohan hanggang Agosto 29, 2024 12pm lamang. Maraming salamat!

Noong unang panahon, isang balakid sa ating mga Pilipino ang pagkakaroon ng ibat-ibang wikang ginagamit. Nawawalan tayo ng kalayaan na makipag-ugnayan sa ating mga kapwa Pilipino, lalong lalo na sa ating mga kapatid na mga katutubo dahil sa kawalan ng kaalaman sa kanilang wika, kaya hindi tayo nagkakaintidihan. Dahil dito ay ginawang pambansang wika sa Pilipinas ang wikang Tagalog na kalaunay naging Wikang Filipino. Ang wikang Filipino ang nagbibigay sa atin ng kalayaan na makipagkomyunikasyon at makipag-ugnayan sa iba pa nating kapwa Pilipino. Sa tulong din ng edukasyon, tila naglaho ang kamangmangan, naging bukas ang ating isipan at mas naunawaan ang pagkakaiba ng mga pilipino pagdating sa kultura, identidad, karanasan at dayalekto. Dahil din dito, lahat tayo ay nagkakaisa at ipinagmamalaki ang pagiging isang pilipino.

OBRA NINA:
CHRIST SHIEL SAYSON at JEGLE BAJAO
Mula sa Ika-apat na Taon ng Kolehiyo

Ang likhang sining na ito ay nagpapahayag na sa pamamagitan ng patuloy na pagtangkilik at mas pinaigting na pagsusuri ay siyang magisilbing tulay upang linanging higit ang ating sagisag na pagkatao at daan sa malayang pakikipasapalaran sa samu't saring pagsubok na hatid ng buhay nating ito bilang isang Pilipino.

Kami ay nainiwala at taos-pusong naninindigan na sa paraan ng malikhain pangangatwiran, tunay na kasiyahan at kalayaan ay ating makakamtan. Datapuwa't kung tayo'y mas higit na matuto ng wastong pananalita sa tulong ng ating ng pambansang literatura, ibig ng ating puso'y maipapahayag at dahil rito'y hustisya at pag-asa sa ating bansa ang siyang mamayagpag.

OBRA NINA
DAVID AUSTIN GALANG at JOAN BANGCOYO
Mula sa Ikatlong Taon ng Kolehiyo

Ang ating wika ay isang mahalagang regalo. Ito ay nagsisilbing tulay na nag-uugnay sa atin sa isa't isa, nagbibigay ng pagkakataon na magkaunawaan, at nagbubukas ng pinto para sa mga bagong karanasan. Kung wika ang nagbubuklod sa atin, ito rin ang tiyak na makapagpapalaya sa atin mula sa pagkakagapos sa sarili nating kamangmangan. Mahalagang huwag manatiling umid at permanenteng piliin na maging malayang mamamayan.

Gamitin ang ating wika upang maipahayag ang sariling saloobin, magpasalamat, magbigay inspirasyon, at magpalaganap ng pagmamahal.

OBRA NINA:
CARINE MAE PRADEL at KIMBERLY OMAMBAC
Mula sa IKALAWANG TAON NG KOLEHIYO

Wikang pambansa ay dapat nating gamitin at linangin, Ito'y nag bibigay kalayaan upang tayo ay makisama sa ating mga mamamayan kabilang na din sa ating kalikasan, ito'y nagbibigay daan upang tayo ay magsama-sama at nagsisilbing tulay sa pagkaroon ng magandang pamumuhay ng mga Pilipino.

OBRA NINA:
Roshell May Hitalia at Reah rose Jade Hinlog
Mula sa UNANG TAON NG KOLEHIYO

BUWAN NG WIKA 2024!

Tema: FILIPINO: WIKANG MAPAGPALAYA

Handa na ba kayo para sa isang makulay at masayang Buwan ng Wika?

Narito ang iilan sa mga kaganapan na inihanda para sa darating na Buwan ng Wika! Mula sa mga makulay na aktibidad hanggang sa mga talakayan, sama-sama tayong magdiwang at magpakatatag sa ating mga kultura at wika.