Mga Gabay

28/01/2024

Sila ang tao na dapat mong hangarin ang pagmamahal sayo.
At sila rin ang tao na dapat mong iwasan na magalit sayo.
Irespeto at mahalin ang ating mga magulang; dahil kaakibat ng kanilang pagmamahal sa atin ang pagmamahal ng Allah sa atin, at ng kanilang galit ang galit ng Allah sa atin.
-👑

08/01/2024

19/05/2022

Sa Islam ay Haram na tingnan o sabihin na ang pangalawang asawa ng isang lalaki ay isang kabit, dahil sa islam ay pantay lamang ang una at ang pangalawang asawa sa paningin ng Allah at walang tinatawag dito na kabit, dahil ang pagkakaroon ng kabit ay isang uri ng pangangalunya na kabilang sa mga malalaking kasalanan.

12/05/2022

•Sinabi ng propeta sallallaahu alayhi wasallam: "tumingin kayo sa mga tao na mas mababa ang kanilang antas sa inyo, at huwag sa mga tao na mas mataas ang kanilang antas, dahil ito'y upang hindi nyo hamakin ang mga biyaya ng Allah sa inyo".
•Upang mapahalagahan mo ang mga biyaya ng Allah sa’yo at malaman mo na napakarami pala nito ay tumingin ka sa mga tao na mas mababa ang kanilang kalagayan kaysa sa iyo.
•Tumingin ka sa mga taong kapos palad at nagugutom habang ikaw ay maayos na nakakakain ng tatlong beses sa isang araw.
•Tumingin ka sa mga tao na walang maayos na tirahan habang ikaw ay panatag na nakakatulog sa gabi.
•Tumingin ka sa mga taong may sakit habang ikaw ay nasa mabuting kalusugan at walang dinaramdam.
•Tumingin ka sa taong bulag habang ikaw ay malayang nakikita at nasisilayan ang mundong ito.
•Kaya tumingin ka sa mga taong mas mababa sa’yo ang kanilang kalagayan -sa mga makamundong bagay- upang malaman at maramdaman mo na napakaraming bagay ang ipinagkaloob sayo ng Allah na hinahangad ng ibang tao na magkaroon sila nito.

11/05/2022

Maaari bang gamitin ang dagat sa Wudu (Pag-aablusyon)?
May isang lalaki na nagtanong sa propeta -sallallaahu alayhi wasallam- kung maaari ba nilang gamitin ang dagat sa kanilang wudu, dahil kapag naglalakbay sila sa karagatan ay sapat lamang ang baon nilang tubig para sa kanilang pag-inom, at sinagot ito ng propeta -sallallaahu alayhi wasallam- at kanyang sinabi na ang tubig dagat ay malinis na tubig na MAAARING gamitin sa pagsasagawa ng wudu (ablosyun), at ipinahayag din nya na HALAL at maaaring kainin ang mga isda na namatay dito.

11/05/2022

عن أبي مسعود الأنصاريّ رضي الله عنه، عن النبيّ صلّى الله عليه وسلّم قال:
"من دل على خير فله مثل أجر فاعله".
رواه مسلم
Naipahayag ni Abi Mas-ud Al-Ansari radiyallahu anhu, sinabi ng propeta salallaahu alayhi wasallam:
"Sinuman ang maging gabay sa kabutihan ay makakatanggap sya ng gantimpala na katulad ng gantimpala ng taong gagawa ng kabutihan na iyon"
-Muslim

12/04/2022

Assalamo Alaikom Warahmatollahi Wabarakatoh!
Ramadan Mubarak sa kano langunu mga Muslim.

29/03/2020

"Oh MAYOR! Oh Kapitan! Oh Kagawad!"
Ibigay mo ng buo sa mga taong nasasakupan mo ang mga karapatan nila na ipinagkatiwala sa'yo, at iwasan mong gawing laman ng tyan ng iyong pamilya ang galing sa nakaw, maging isang butil ng bigas man ito.
Matakot ka sa Allah at maawa ka sa mga taong nangangailangan!.
-credit to the owner of image
-👑

28/03/2020

MAS MAINAM PA ANG HAYOP KAYSA SA IBANG TAO!

MAS MAINAM PA ANG HAYOP KAYSA SA IBANG TAO!
Nakakaawa ang kalagayan ng mga tao na kapag dumating sa kanila ang salita ng Allah o Sunnah ng Propeta Muhammad sallallaahu alayhi wasallam sa pamamagitan ng mga Ulama ay nahihirapan silang tanggapin ito, at kapag dumating naman sa kanila ang walang kabuluhang balita ay mabilis nila itong paniwalaan at sundin! Subhaanallah, nasaan na ang tamang pag iisip?
Ingatan mo kapatid at baka ikaw ay mabilang sa mga tao na mas mainam pa sa kanila ang mga hayop, dahil ang mga hayop ay wala man silang pag-iisip kagaya ng nasa tao, alam naman nila kung ano ang nakakabuti sa kanila o nakakasama.




-👑

20/03/2020

Magbalik loob ka sa Allah bago ka pa ma lock-down sa iyong libingan, dahil itoy hindi katulad ng lockdown sa mundong ibabaw na maari ka pang makalabas.
Gabayan nawa tayo ng Allah subhaanahu wataala tungo sa kanyang Paraiso!
-👑