DepEd Tayo Dasmariñas-Youth Formation-Vicente P. Villanueva Memorial School

A leader who excels both in leadership and academics!

Congratulations to our SELG President for winning 🏆 Best Poster Display (Individual Category) in the Science Investigatory Project.
Your SELG family is proud of you! 🎉🎉🫶

𝗕𝗔𝗦𝗔𝗛𝗜𝗡 | 𝗦𝗶𝗱, 𝗡𝗮𝗻𝗴𝘂𝗻𝗮 𝘀𝗮 𝗕𝗲𝘀𝘁 𝗣𝗼𝘀𝘁𝗲𝗿 𝗗𝗶𝘀𝗽𝗹𝗮𝘆 𝘀𝗮 𝗗𝗶𝘃𝗶𝘀𝗶𝗼𝗻 𝗦𝗰𝗶𝗲𝗻𝗰𝗲 𝗥𝗲𝘀𝗲𝗮𝗿𝗰𝗵 𝗙𝗮𝗶𝗿 𝟮𝟬𝟮𝟲

Marso 6, 2026 - Isang malaking karangalan ang nakamit ng mag-aaral mula sa Vicente P. Villanueva Memorial School (VPVMS) matapos tanghaling Best Poster Display – Individual Category sa ginanap na Division Science Research Fair 2026.

Ang parangal ay iginawad kay Sid Mahdy Cadavedo, na nagpakitang-gilas sa kanyang research poster na pinamagatang “Wastewater Race: Coagulants and Flocculants on Different Water Pollutants.” Sa pamamagitan ng kanyang pag-aaral, ipinakita niya ang kahalagahan ng paggamit ng iba’t ibang coagulants at flocculants sa paglilinis ng maruming tubig at kung paano ito makakatulong sa pangangalaga sa kalikasan.

Sa kompetisyong ito, ipinamalas ni Sid ang kahusayan sa paglalahad ng siyentipikong konsepto, malinaw na presentasyon ng datos, at malikhaing poster design, dahilan upang makuha niya ang paghanga ng mga hurado at ang pinakamataas na pagkilala sa kategorya.

Malaki rin ang naging papel ng kanyang research adviser na si Mrs. Laurry O. Aquino, na gumabay at sumuporta sa paghahanda at paglinang ng proyekto mula sa simula hanggang sa presentasyon nito sa hurado. Gayun din sa suporta ng Punogg**o ng paaralan na si Gng. Berlina A. Alcaide.

Ang Division Science Research Fair 2026 ay naglalayong hikayatin ang mga mag-aaral na magsagawa ng makabuluhang pananaliksik sa larangan ng agham at teknolohiya. Tampok sa programa ang research entry display, research paper presentation, at awarding ceremony kung saan kinilala ang mga natatanging proyekto mula sa iba’t ibang paaralan sa dibisyon.

Ang tagumpay na ito ay patunay ng dedikasyon, talino, at sipag ng mga batang VPVian, pati na rin ng patuloy na suporta ng mga g**o at ng paaralan sa pagpapaunlad ng kahusayan sa agham.

Lubos na ipinagmamalaki ng Vicente P. Villanueva Memorial School ang natamong tagumpay na ito ni Sid Mahdy Cadavedo, na patuloy na nagbibigay inspirasyon sa kapwa mag-aaral na magsikap at mangarap nang mataas sa larangan ng agham.

𝐏𝐚𝐠𝐭𝐚𝐭𝐚𝐧𝐢𝐦 𝐧𝐠 𝐏𝐚𝐠-𝐚𝐬𝐚: 𝐘𝐄𝐒-𝐎 𝐓𝐫𝐞𝐞 𝐏𝐥𝐚𝐧𝐭𝐢𝐧𝐠 𝐏𝐫𝐨𝐣𝐞𝐜𝐭, 𝐈𝐬𝐢𝐧𝐮𝐥𝐨𝐧𝐠 𝐚𝐧𝐠 𝐀𝐝𝐛𝐨𝐤𝐚𝐬𝐢𝐲𝐚𝐧𝐠 𝐏𝐚𝐧𝐠𝐤𝐚𝐥𝐢𝐤𝐚𝐬𝐚𝐧

Isinagawa ng mga opisyal ng Youth for Environment in Schools Organization (YES-O) ang isang makabuluhang Tree Planting Activity bilang bahagi ng kanilang adbokasiya para sa pangangalaga ng kalikasan. Ang gawaing ito ay pinangunahan ng kanilang masigasig na YES-O Adviser na si G. Rex Robles, sa patnubay nina Gng. Berlina Alcaide, Punong G**o IV, at Micaela L. Salazar, Dalubg**o II.

Layunin ng aktibidad na hindi lamang makapagtanim ng mga puno, kundi higit sa lahat ay maitanim sa puso ng bawat mag-aaral ang kamalayan at responsibilidad sa pangangalaga ng kapaligiran. Sa pamamagitan ng sama-samang pagkilos, ipinakita ng mga YES-O officers ang kanilang dedikasyon sa pagsusulong ng mga programang makakalikasan at makabuluhan para sa paaralan at komunidad.

Masigla at puno ng sigla ang naging takbo ng programa. Bago ang aktuwal na pagtatanim, nagkaroon ng maikling oryentasyon ukol sa wastong paraan ng pagtatanim at pag-aalaga ng mga punla. Sama-samang nagtanim ang mga opisyal at tagapayo, na may layuning mapanatili ang kalinisan at kagandahan ng kapaligiran ng paaralan.

Nakasama din sa pagtatanim ang watchmen at utility ng paaralan na sina Kuya J, Kuya Omay at iba pa.

Sa kabuuan, naging matagumpay ang Tree Planting Activity ng YES-O. Patunay ito na kapag ang kabataan ay nabigyan ng tamang gabay at oportunidad, kaya nilang maging instrumento ng positibong pagbabago. Sa pangunguna ni G. Rex Robles at sa patnubay ng pamunuan ng paaralan, patuloy na magsisilbing inspirasyon ang YES-O sa pagtataguyod ng isang mas luntian at mas maayos na kinabukasan.

Newly Elected VPVMS Supreme Elementary Learner Government (SELG) Officers for School Year 2026-2027!

PRESIDENT: 𝐒𝐈𝐃 𝐌𝐀𝐇𝐃𝐘 𝐂𝐀𝐏𝐔𝐋𝐎𝐍𝐆
VICE PRESIDENT: 𝐀𝐋𝐄𝐗𝐀 𝐌𝐀𝐗𝐈𝐍𝐄 𝐁𝐀𝐋𝐀𝐎𝐑𝐎
SECRETARY: 𝐍𝐀𝐃𝐈𝐍𝐄 𝐊𝐇𝐄𝐍𝐃𝐑𝐀 𝐑𝐎𝐒𝐀𝐑𝐈𝐎
TREASURER: 𝐆𝐈𝐀𝐍 𝐋𝐄𝐈𝐆𝐇 𝐐𝐔𝐈𝐓𝐎𝐑𝐈𝐎
AUDITOR: 𝐋𝐀𝐍𝐂𝐄 𝐓𝐈𝐌𝐎𝐓𝐇𝐘 𝐉𝐀𝐙𝐀𝐑𝐄𝐍𝐎
P.I.O.: 𝐌𝐀𝐑𝐘 𝐂𝐇𝐀𝐒𝐄𝐍 𝐀. 𝐀𝐁𝐀𝐃
PROTOCOL Officer: 𝐙𝐄𝐔𝐒 𝐆𝐑𝐀𝐘𝐒𝐎𝐍 𝐒. 𝐀𝐁𝐀𝐘𝐎𝐍
REPRESENTATIVES
GRADE 4: 𝐆𝐈𝐀𝐇 𝐉𝐄𝐒𝐂𝐈𝐋𝐋𝐄 𝐒. 𝐀𝐁𝐀𝐘𝐎𝐍
GRADE 5: 𝐀𝐓𝐇𝐄𝐍𝐀 𝐋𝐎𝐕𝐄𝐋𝐋𝐄 𝐉𝐎𝐒𝐎𝐍
GRADE 6: 𝐙𝐈𝐀𝐍𝐍 𝐃𝐄𝐑𝐔𝐃𝐀𝐑

Keep Shining, VPVians!