15/08/2026
πππππππ | Mga Mag-aaral ng Mababang Paaralan ng Carolina, Nakiisa sa 2026 Daraga South District Schools Press Conference
Ipinamalas ng mga mag-aaral ng Mababang Paaralan ng Carolina ang kanilang talento, kasanayan, at dedikasyon sa pamamahayag at editorial cartooning sa isinagawang 2026 Daraga South District Schools Press Conference noong Agosto 15, 2026, na ginanap sa Mababang Paaralan ng Anislag, Anislag, Daraga, Albay.
Dinaluhan ang nasabing paligsahan ng mga batang mamamahayag at alagad ng sining mula sa ibaβt ibang paaralan sa distrito. Naging mahalagang pagkakataon ito upang mahasa at maipakita ng mga kalahok ang kanilang kakayahan sa pagsusulat, pamamahayag, at malikhaing pagpapahayag.
Sa kani-kanilang kategorya, ipinamalas ng mga kalahok mula sa Mababang Paaralan ng Carolina ang pagkamalikhain, kritikal na pag-iisip, at husay na bunga ng kanilang masigasig na paghahanda. Sa kabila ng kompetisyon, namukod-tangi rin ang kanilang pagiging magalang, mapagpakumbaba, at propesyonal. Sa paggabay ng kanilang mga School Paper Adviser na sina Gng. Marjorie M. Millena at Gng. Herzy S. Cierva, buong tapang na hinarap ng mga mag-aaral ang kani-kanilang kategorya.
Kapuri-puri ang naging resulta sapagkat lahat ng kinatawang mag-aaral ng Mababang Paaralan ng Carolina ay nakapasok sa Top 10 ng kanilang mga kategorya. Kabilang dito sina Keisha Anne L. Amarato para sa News Writing β English, Anyra Lhacq R. Villamor para sa News Writing β Filipino, Keann Kathryn E. Salamanca para sa Editorial Cartooning β English, at Kurth Hynz M. Ardales para sa Editorial Cartooning β Filipino.
Samantala, naging bahagi rin ng delegasyon bilang mga tagapagmasid sina Akira Khate E. Bacay para sa Editorial Cartooning β English, Gabriela L. Millena para sa Editorial Cartooning β Filipino, at Emanuel James L. Rocamora para sa Copy Reading.
Ang mga tagumpay na ito ay bunga ng tuloy-tuloy na pagsasanay, paggabay, at suporta ng mga g**o, coach, magulang, at tagapangalaga na patuloy na naniniwala sa kakayahan ng mga mag-aaral.
Nagpaabot naman ng pagbati at suporta si Gng. Mary Care M. Lucilo, Punong G**o ng Mababang Paaralan ng Carolina, sa lahat ng kalahok. Pinuri niya ang kanilang pagsisikap at ipinahayag ang kanyang pagmamalaki sa kanilang ipinakitang husay at dedikasyon.
Sa patuloy na paglinang sa kanilang mga talento, nagsisilbing inspirasyon ang mga batang mamamahayag at alagad ng sining na ito sa kanilang mga kapwa mag-aaral. Pinatutunayan nila na sa wastong paggabay, pagsisikap, at tiwala sa sarili, walang limitasyon ang kakayahan ng bawat kabataang Pilipino.
Mga Kuha nina: Herzy S. Cierva at Mary Care M. Lucilo
Paunawa: Ang lahat ng larawan ng mga mag-aaral na tampok ay ibinahagi nang may pahintulot ng kanilang mga magulang o tagapag-alaga, alinsunod sa mga umiiral na alituntunin sa pangangalaga sa pribadong impormasyon at proteksyon ng mga bata.
