19/12/2023
Taong 1814, kinasal ang isang Filipino-Español na si Lorenzo Alberto Alonso sa isang labin-dalawang taong gulang na dalaga na si Paula Florentino na taga Vigan, ngunit hindi sila nagkaanak. Taong 1824 may kinasama si Lorenzo na babae na nagngangalang Brigida de Quintos, mula noon tumira na ang dalawa sa Biñan Laguna.
Nagkaroon ng limang anak sina Lorenzo Alberto Alonso at Brigida de Quintos, ito ay sina Narcisa, Teodora ( ina ni Jose Rizal ), Gregorio, Manuel at Jose Maria, bastardo ang mga ito o anak sa labas dahil kasal parin si Lorenzo kay Paula Florentino.
Nang mamatay sina Lorenzo at Brigida nagdesisyon ang magkakapatid na ipamana ang titulo ng " the order of the Queen Isabel the Catholic " o hawak sa gobyerno ng kanyang ama, Ibinigay nila ito sa kanilang kapatid na bunso na si Jose Maria. Mula noon, Alberto na ang ginamit na apelyedo ni Jose Maria at nanatiling Alonso ang mga naunang kapatid.
Kinasal si Jose Maria Alberto sa isa ring miyembro ng marangyang pamilya, ito ay si Teodora Formoso at nagkaroon sila ng mga anak. Maging ang ate na kapangalan ng kanyang asawa na si Teodora Alonso ay nakapang-asawa rin ng negosyanteng mula sa pamilya ng itsik na si Francisco Mercado (Ama ni Jose Rizal)
Taong 1868 ta magbabago ang kasaysayan ng pamilya ng magkaroon ng tagong-relasyon si Jose Maria Alberto at panganay na anak ng kanyang ate na si Saturnina Mercado na kanyang pamangkin, ilang beses itong sinabihan ng kanyang ina ngunit ayaw papigil, hanggang sa magbunga ang kanilang relasyon, taong 1869 dinala ni Teodora Alonso si Saturnina sa malayong bayan upang itago ang pagdadalang-tao nito, 1870 sinilang ni Saturnina ang anak nila ng kanyang tiyuhin na pinangalanang Soledad, inilihim ito sa pamilya at inako ni Teodora Alonso na ito ay ang bunso n'yang anak.
Isang araw, naligaw rin ng landas ang asawa ni Jose Maria Alberto at napa-ibig sa isang pininsular na pinuno ng guardia-sibil na kinagulat ng lahat, habang nasa bansang Espanya si Jose Maria Alberto na umiiwas sa eskandalo, s'ya namang pagsama ng asawa nitong si Teodoro Formoso-Alberto sa ibang lalake, walang malay ang dalawa na pareho nilang napindeho ang isa't-isa.
1872, dumating si Jose Maria sa kanilang bahay, mga kasambahay lamang ang naroon at mga anak nito, nag-init ang ulo nito ng malamang sumama sa ibang lalake ang asawa, kaya't dali-dali pinahanap ang asawa at kinulong sa isang silid. Mula noon bantay-sarado na si Teodora Formoso kay Teodora Alonso, pinaki-usapan ni Jose Maria ang kanyang Ate na bantayan ang asawa habang ito ay nasa byahe.
Habang nagluluto ng ginatan na may kamoteng-kahoy at saging si Teodora Alonso at Saturnina, may balak pala itong si Teodora Formoso upang makawala sa pagbabantay ng mga ito, nila*on ni Teodora Formoso ang kanyang a*o sa pamamagitan ng pagpapainum dito ng tubig na may cacao na nilagyan n'ya ng gaas. Maya-maya, dumating na ang mag-ina, at inihain ang merienda ngunit tinawag na muna nito ang kanyang alagang a*o at bago pa maubos ang ginatan namatay na ito, agad na nagsisigaw si Teodora Formoso at balak daw s'yang lasunin ng mag-ina.
Pina-aresto ni Teodora Formoso si Teodora Alonso sa tangka daw pangla*on daw nito sa kanya at ang humuli ay ang mismong kalaguyo n'ya. nakulong si Teodora Alonso ng higit dalawang-taon. Inamin n'ya ang pagla*on dahil sa pamimilit ng alkalde kapalit upang makita at madalaw s'ya ng nila Jose Rizal, pinangakuan s'yang mapapapawalang-sala ngunit hindi naman s'ya pinalaya. pinahuli rin ni Teodora Formoso si Jose Maria pagdating nito mula sa byahe na kasabwat daw sa pagla*on, nito ngunit nakalaya ilang buwan lamang ang nakalipas.
Hanggang sa bawian na ng buhay ni Jose Maria Alberto at napa-amin ni Teodora Formoso bago ito lagutan ng hininga na may anak s'ya kay Saturnina, Totoo pala ang ugong-ugong sa buong bayan na anak ni Jose Maria si Soledad sa pamangkin nito. dahil sa taglay nitong ganda na meztisa, sapagkat ang ama ay mestizo, mula noon hindi na nakipag-usap ang buong pamilya Alberto sa mga Alonso.
Kung bakit hindi tumungtong man lang si Jose Rizal sa bahay ng mga Alberto sa Biñan ay dahil sa galit ni Teodora Formoso. Una, sa pangingialam at pagsusumbong ni Teodora Alonso sa kinasama n'yang peninsular, at ikalawa ang bunga ng pagkakamali nina Jose Maria at Saturnina na tila kinunsinti daw ni Teodora Alonzo, tila pinagmukha daw s'yang tanga sa mahabang panahon ng magkapatid.
Si Teodora Formosa ang nagsiksik sa kanyang mga anak na bastardo ang pamilya Alonso at 'yun na rin ang ikinalat n'ya sa mga alta sociedad ng Biñan, na ang pamilya ni Jose Rizal ay mga bastardo, at ang pamilya Alberto lamang ang lihitimong pamilya.
Kaya noong 2012 giniba na ang bahay ng mga Alberto makalipas ang halos 200 na taon, walang pagkakakilanlan ang bahay na ito na hindi raw parte ng pamilya Alonso ni Jose Rizal. Ang bahay na puno ng lihim na ngayon ay parte ng lamang ng ating nakaraan.
Muli itong tinayo dahil narin sa pagmamahal sa kasaysayan ng mga taga Biñan.
SOURCE: Historian Dom Sta.Maria, Rizal’s Family members; Barbara Cruz-Gonzales and Gemma Cruz-Araneta.
