The Bluefieldians

The Bluefieldians The Official Publication Page of Bluefield Technological Institute Inc.

PAGPUPUGAY!Bicolano. Uragon. Respetado.Dakilang makabayan at matapang na bayani sa digmaan, si Wenceslao "Bintao" Q. Vin...
27/09/2026

PAGPUPUGAY!

Bicolano. Uragon. Respetado.

Dakilang makabayan at matapang na bayani sa digmaan, si Wenceslao "Bintao" Q. Vinzons, at sa Setyembre 28, 2026 ay kanyang ika-116 na kaarawan. Humigit isang siglo, isang dekada at anim na taon na simula nang siya ay ipanganak. Sa paglipas ng mga taon, nananatili ang pagmamahal at pagpapahalaga sa mga natirang alaala at paggunita sa kanyang kabayanihan. Sa ilalim ng Batas Republika Blg. 6720, idinedeklara na ang araw na ito ay espesyal na araw na walang trabaho o pasok sa buong Camarines Norte, Bicol bilang parangal sa katapatan at katapangan.

Bintao, sa bawat sikat ng araw, ikaw ang hero ko!

BALITA | Bluefield Technological Institute Inc. Nakilahok sa International Coastal Clean-up Drive sa Bagasbas BeachNakib...
19/09/2026

BALITA | Bluefield Technological Institute Inc. Nakilahok sa International Coastal Clean-up Drive sa Bagasbas Beach

Nakibahagi ang Publication, The Builders, Supreme Secondary Learner Government (SSLG), at mga g**o ng Bluefield Technological Institute Inc. sa International Coastal Cleanup sa Bagasbas Beach, Brgy. Bagasbas, Daet, Camarines Norte, ngayong araw Setyembre 19, 2026.

Ang gawaing ito ay inorganisa ng SM City Daet. Nagtipon-tipon ang mga organisasyon ng Bluefield Technological Institute Inc. na kalahok sa naturang aktibidad sa Bluefield Farm sa oras na itinakda ng pamunuan at nakarating sa Bagasbas Beach sa ganap na ika-6 ng umaga.

Sinimulan ang programa sa pamamagitan ng isang panalangin at flag ceremony, na sinundan ng pambungad na programa bago nagparehistro ang mga kalahok at nagsimula ang pangongolekta ng basura.

Nakiisa ang mga nasabing organisasyon ng paaralan sa pamamagitan ng pagpulot ng basura bilang bahagi ng kampanya para sa kalinisan ng karagatan at pangangalaga sa kapaligiran. Pinaghiwa-hiwalay rin nila ang mga nakolektang basura ayon sa uri nito upang maisagawa ang wastong pamamahala ng basura.

Pagsapit ng 7:30 ng umaga, bumalik na sa paaralan ng Bluefield Technological Institute Inc. ang mga mag-aaral at g**o matapos ang kanilang pakikilahok sa coastal clean-up drive. Ipinakita ng aktibidad ang kahalagahan ng pagtutulungan para sa pagpapanatili ng kalinisan ng isa sa ating yamang kalikasan at mahalagang tourist spot sa lalawigan.

Sa kunting hakbang nang pagpupulot ng basura, ipinamalas ng Bluefield Community ang malaking ambag para sa pagpapanatili sa mas malinis, maganda, at ligtas na karagatan.

Pwede magtanong?Never grow old?! — Ay, mali, never-ending ang schoolwork na pala! 🥲📝Bakasyon is over, acads is back.Read...
15/09/2026

Pwede magtanong?

Never grow old?! — Ay, mali, never-ending ang schoolwork na pala! 🥲📝

Bakasyon is over, acads is back.

Ready ka na ba ulit pumasok bukas at harapin ang sunod-sunod na deadlines, patong-patong na schoolwork, at araw-araw na quizzes? 🫩✍️

Well, ready or not, wala tayong choice kundi pumasok.

Pero kahit na gano’n, laban lang! Dahil ang bawat puyat, bawat quiz, at patong-patong na schoolwork ay isang tulay para matuto tayo at lumaban.

Kaya’t ayusin mo na ang bag, isipin na si crush, at sabay-sabay nating harapin ang panibagong term na puno ng kaalaman at pagkatuto.

Welcome back to school, Bluefieldians! ✨

🎨 Layout Artist: Bea Manumbas
✍️ Writer: Sofia Campo

12/09/2026

The Bluefieldians | Balita

BALITA | BTII Nakipagtagisan sa BilliardsHindi nakamit ng mga manlalaro ng Bluefield Technological Institute Inc. (BTII)...
12/09/2026

BALITA | BTII Nakipagtagisan sa Billiards

Hindi nakamit ng mga manlalaro ng Bluefield Technological Institute Inc. (BTII) ang panalo sa kompetisyon sa billiards matapos matalo si Grifaldo Drake sa iskor na 0-2 kontra ACLC College of Daet at si Reginald Rafer sa ikalawang laban nito sa iskor na 3-2 kontra Our Lady of Lourdes College Foundation. Ginanap ang naturang kompetisyon sa Moreno Gubat ngayong Setyembre 12, 2026, mula alas-8 ng umaga hanggang bandang alas-3 ng hapon.

Kinatawan nina Drake at Rafer ang BTII sa 8-ball at 9-ball billiards, kung saan ipinamalas nila ang kanilang husay at diskarte sa kani-kanilang laban. Sa 8-ball, nagtapat si Drake at ang manlalaro mula sa ACLC College of Daet bago nagtapos ang laro sa iskor na 0-2 pabor sa ACLC.

Samantala, nagwagi si Rafer sa kanyang unang laban sa 9-ball sa iskor na 2-0. Sa ikalawang laban, hindi naman niya nakuha ang panalo matapos magtapos ang laro sa iskor na 3-2 pabor sa Our Lady of Lourdes College Foundation.

Bago nagsimula ang kompetisyon, nagkaroon ng pagbabago sa palatuntunan ng laro. Napagkasunduan ng mga kalahok at coach na tig-dalawang babae at tig-dalawang lalaki lamang ang maaaring kumatawan sa bawat paaralan.

Hindi naman nakalaro si John Mark Ibias matapos niyang ipinaubaya ang pagkakataong lumaban sa kanyang mga kasama. Ayon kay Ibias, makakasali pa naman siya sa susunod na taon. Dahil dito, nabigyan sina Drake at Rafer ng pagkakataong katawanin ang paaralan sa naturang kompetisyon.

Sa kabila ng magkabilang resulta, nagsilbing karanasan para sa mga manlalaro ang bawat laban na maaari nilang baunin sa mga susunod pang kompetisyon.

BALITA | Pambato ng Bluefield, Umatras sa Archery Competition Napilitang umatras ang nag-iisang pambato ng Bluefield Tec...
11/09/2026

BALITA | Pambato ng Bluefield, Umatras sa Archery Competition

Napilitang umatras ang nag-iisang pambato ng Bluefield Technological Institute Inc. na si Krisha F. Torres matapos mamaga ang braso nang mapitikan ng tumalsik na palaso. Ayon kay Torres, may dating bali na umano ang kanyang braso na muling namaga sa gitna ng 20m/25m/30m Archery Competition sa Mabini College Inc. ngayong Setyembre 11, 2026.

Buong laro siyang sinamahan ni Gng. Rowena Aragon Mujar. Mag-isang lumaban si Torres kontra sa apat na manlalaro ng host school, at patunay siya na ang tapang ay hindi nasusukat sa dami kundi sa tibay ng loob.

Ngunit sa kalagitnaan ng 25m round, doon na nangyari ang aksidente. Pinilit pa rin niyang tapusin ang set bago tuluyang umatras.

Bagamat hindi natapos ang laban, ipinakita ni Torres ang kanyang determinasyon at tapang bilang pambato ng Bluefield.

BALITA | CANAPS Chess, Nagtapos ngayong Ikalawang Araw Nagwaging makakuha ng pwesto ang manlalaro ng Bluefield Technolo...
11/09/2026

BALITA | CANAPS Chess, Nagtapos ngayong Ikalawang Araw

Nagwaging makakuha ng pwesto ang manlalaro ng Bluefield Technological Institute Inc. sa chess sa puntos na 5 sa babae at 9 sa lalaki na nagkamit ng ikalima at ikatlong ranggo sa silid-aklatan ng Mabini College Inc. ngayong Setyembre 11, 2026.

Nagpatuloy ang laban mula kahapon, sa oras na 8:00 ay nagsimula na ang laban. Nagawang makapuntos ng 3 mula kay Beatriz Manumbas at 2 kay Ashley Nicole Jamito na nagbunga ng ikalimang puwesto. Sa kabila naman, 2 kay Ramil Cortes, 3 kay Rhieanne Francis Sanchez at 4 mula kay Victor Wayne Alban na sa kabubuan ay 9 at nakamit ang ikatlong puwesto—Bronze.

Sa pang-apat na laban, nagawang makabawi ng BTII mula sa kahapong pagkatalo at nagpatuloy hanggang sa huling laban. Bagama't hindi pinalad na makamit ang unang puwesto, umuwing may ngiti sa kanilang mga mukha matapos ang nakakakabang laban sa pagitan ng ibang mga representante ng mga pribadong paaralan.

Saludo kami sa iyong dedikasyon at kakayahan na dalhin at ipaglaban ang BTII. Bukas, tatanggap ng parangal ang kalahok na lalaki bilang pagkilala sa kanilang katibayan at katatagan. Abangan bukas ang susunod na balita sa paggawad ng parangal sa Camarines Norte Chunghua High School, Setyembre 12, 2026.

BALITA | BTII, Panalo sa Futsal Tournament Nasungkit ng Bluefield Technological Institute (BTII) ang panalo sa futsal la...
11/09/2026

BALITA | BTII, Panalo sa Futsal Tournament

Nasungkit ng Bluefield Technological Institute (BTII) ang panalo sa futsal laban sa San Vicente Parochial School sa iskor na 4-2 matapos ipamalas ng mga atleta ang kanilang husay, bilis, lakas, at diskarte bilang bahagi ng kompetisyong nagbigay-daan sa kanilang pag-abante sa Provincial Meet. Ginanap ang laban sa San Vicente Parochial Church ngayong Biyernes, Setyembre 11, 2026.

Ipinamalas ng mga atleta ng BTII ang kanilang galing at liksi sa bawat sipa ng bola, habang patuloy naman silang sinuportahan ng mga manonood sa buong laro.

Rinig din ang suporta ng mga dati at kasalukuyang estudyante ng Bluefield sa buong laro, kasama ang patuloy na paggabay ng kanilang coach sa futsal na si Ma’am Maria Jhezel Pascual, at ang suporta ni Sir Josalito Palacio.

Naging mabilis at kapana-panabik ang takbo ng laban mula simula hanggang huling minuto, kung saan kapwa ipinakita ng dalawang koponan ang kanilang determinasyon at kakayahan.

Sa panalong ito, opisyal nang nakatakda ang BTII na lumaban sa Provincial Meet bilang kinatawan ng ating paaralan.

CANAPS 2026 | Basketball Tournament - Day 2Nakamit ng BTII Basketball Team ang isang panalo at isang pagkabigo sa isang ...
11/09/2026

CANAPS 2026 | Basketball Tournament - Day 2

Nakamit ng BTII Basketball Team ang isang panalo at isang pagkabigo sa isang araw na magkahalong tagumpay at pagsubok sa ikalawang araw ng CANAPS Basketball Tournament sa Camambugan, DBC court, ngayong Setyembre 11, 2026.

Wagi ang Bluefield Team sa unang laro matapos hindi sumipot ang kanilang nakatakdang makalaban. Bagaman hindi naidaan sa pisikal na laban, itinuring ito ng koponan bilang mahalagang pagkakataon upang mas paghandaan ang kanilang huling laro.

Ngunit sa ikalawang laban, bigong masungkit ng koponan ang panalo laban sa Mabini Colleges. Nagtapos ang laban sa iskor na 40-68. Dito nagtapos ang laban ng Bluefield sa CANAPS MEET 2026. Baon ang aral, karanasan, at mas matibay na pundasyon para sa mas malakas na pagbabalik sa susunod na taon.

Saludo kami sa inyong ipinamalas na husay at laban, BTII Basketball Team! Ang inyong dedikasyon ang tunay na panalo para sa'min.

Address

Purok 4, Alawihao
Daet
4600

Website

,

Alerts

Be the first to know and let us send you an email when The Bluefieldians posts news and promotions. Your email address will not be used for any other purpose, and you can unsubscribe at any time.

Shortcuts

Share

Category