KATHA Stories

𝗞𝗶𝗹𝗮𝗹𝗮𝗻𝗶𝗻 𝘀𝗶 𝗕𝗣𝗖 𝟮𝟬𝟮𝟯 𝗧𝗼𝗽 𝟱 𝗙𝗶𝗻𝗮𝗹𝗶𝘀𝘁 𝗝𝗔𝗟𝗔𝗟𝗢𝗗𝗜𝗡 𝗣. 𝗠𝗨𝗦𝗧𝗔𝗥𝗜

Mahigit limang taon na ang nakalilipas mula ng mangyari ang Marawi Siege na siyang pumukaw at bumago sa buhay ng mga mamamayan sa Marawi City. Ang trahedyang ito ay nagdulot ng napakalaking epekto sa kabuhayan at ekonomiya sa naturang lugar. Sa anumang sakuna, kalamidad, at giyera, dehado ang mamamayan lalo na ang mga nasa laylayang sektor ng lipunan tulad ng mga bata, manggagawa, magsasaka, at kababaihan.

Sa usaping rehabilitasyon, naniniwala si Jal na malaki ang papel na ginagampanan ng mga kababaihan bilang ilaw ng tahanan kaya sila ang naging lakas at inspirasyon niya sa pagbuo ng mga programa patungol sa usaping kapayapaan. Nasaksihan ni Jal ang determinasyon ng bawat ina upang makabangon mula sa mapait na karanasan.

Alamin ang mga kwento at pagsisikap ng mga ina sa pamamagitan ng kanyang mga likhang sining at produkto upang matulungan maiangat ang antas ng pamumuhay ng mga kapwa niyang Meranaw.

Samahan natin si Jalolodin sa kanyang makulay na sining na siyang magdadala ng panibagong pag-asa at liwanag sa bawat ina ng tahanan dahil naniniwala siya na ang kapayapaan ay laging nagsisimula sa loob ng ating mga tahanan.

Ipakita natin ang ating suporta para kay Bangsamoro Peace Champion 2023 Finalist, 𝙅𝘼𝙇𝘼𝙇𝙊𝘿𝙄𝙉 𝙋. 𝙈𝙐𝙎𝙏𝘼𝙍𝙄 sa pamamagitan ng pag-like sa official page ng Ministry of Public Order and Safety at sa pag react, comment, at share ng video na ito.

𝗞𝗶𝗹𝗮𝗹𝗮𝗻𝗶𝗻 𝘀𝗶 𝗕𝗣𝗖 𝟮𝟬𝟮𝟯 𝗧𝗼𝗽 𝟱 𝗙𝗶𝗻𝗮𝗹𝗶𝘀𝘁 𝗛𝗔𝗦𝗡𝗔 𝗞𝗘𝗦𝗢𝗡 𝗔𝗥𝗔𝗣

Isinusulong niya ang karapatan ng mga kababaihan na naging biktima ng gender-based violence sa kanilang komunidad, hinihikayat nya rin ang kabataan na makilahok sa mga aktibidades kaugnay ang kapayapaan tungo sa maunlad na kinabukasan.

Samahan natin si Hasna at nang ating masaksihan ang kanyang inisiyatiba at mga proyekto na Project Women Empowerment in Maguindanao, Project YOUth Matters at Transformative Training para sa mga Bangsamoro Women Auxiliary Brigade (BWAB).

Panoorin natin ang buong kwento ni Hasna, mga kwento ng pag-asa, pangarap, at pagbabago para sa mga kababaihan at kabataang Moro.

Ipakita natin ang ating suporta para kay Bangsamoro Peace Champion 2023 Finalist, 𝙃𝘼𝙎𝙉𝘼 𝙆𝙀𝙎𝙊𝙉 𝘼𝙍𝘼𝙋 sa pamamagitan ng pag-like sa official page ng Ministry of Public Order and Safety, pag-react, comment, at share ng video na ito.

𝗞𝗶𝗹𝗮𝗹𝗮𝗻𝗶𝗻 𝘀𝗶 𝗕𝗣𝗖 𝟮𝟬𝟮𝟯 𝗧𝗼𝗽 𝟱 𝗙𝗶𝗻𝗮𝗹𝗶𝘀𝘁 𝗝𝗔𝗜𝗡𝗔𝗕 𝗔𝗟𝗙𝗔𝗗 𝗔𝗕𝗗𝗨𝗟𝗠𝗔𝗝𝗜𝗗

Ang pagtulong sa pagkamit ng kapayapaan sa Sulu ay nangangailangan ng tapang at kagandahang-loob. Likas na kay Jainab ang pagtulong sa mga nangangailan sa abot ng kanyang makakaya.

Ibinuhos ni Jainab ang kanyang oras at panahon upang lubos na maunawaan ang sitwasyon sa lugar na kanyang nasasakupan para maibahagi ang mga tulong na angkop sa kanilang mga pangangailangan.

Ang peacebuilding ay isang tuloy-tuloy na proseso, lalo na sa isang lugar na malalim ang sugat dala ng matinding kaguluhan. Ito ay naging inspirasyon ni Jainab upang ipagpatuloy ang makabuluhan at boluntaryong mga gawaing pangkapayapaan sa loob ng tatlong dekada.

Bilang isang ina, hangad ng BPC 2023 Finalist na ito na magkaroon ng maganda, mapayapa at maunlad na kinabukasan ang bawat batang Bangsamoro. Samahan natin si Jainab sa kanyang kwento ng pagbabago at pag-asa.

Ipakita natin ang ating suporta para kay Bangsamoro Peace Champion 2023 Finalist, 𝙅𝘼𝙄𝙉𝘼𝘽 𝘼𝙇𝙁𝘼𝘿 𝘼𝘽𝘿𝙐𝙇𝙈𝘼𝙅𝙄𝘿 sa pamamagitan ng pag-like sa official page ng Ministry of Public Order and Safety at sa pag react, comment, at share ng video na ito.

𝗞𝗶𝗹𝗮𝗹𝗮𝗻𝗶𝗻 𝘀𝗶 𝗕𝗣𝗖 𝟮𝟬𝟮𝟯 𝗧𝗼𝗽 𝟱 𝗙𝗶𝗻𝗮𝗹𝗶𝘀𝘁 𝗡𝗢𝗥𝗛𝗔𝗠𝗜𝗡 𝗞𝗔𝗠𝗜𝗗𝗢𝗡 𝗦𝗜𝗡𝗚𝗛

Si Norhamin ay lumaki sa Brgy. Dapiawan, Datu Saudi, Maguindanao Del Sur, sa loob ng SPMS Box Community, na may kaliwa’t kanan na mga suliranin na kinakaharap katulad ng, bakbakan, kahirapan, at iba pang mga problema. Ito ang nagsilbing inspirasyon ni Norhamin na magpursige at magsagawa ng peacebuilding initiative para sa kabataan sa kanilang komunidad.

Ang English Literacy in Markadz (ELM) ay isa sa kanyang adbokasiya sa Barangay Pamalian, Shariff Saydona Mustapha, Maguindanao Del Sur sa SPMS Box Community upang mabigyan pansin at matulungan ang mga kabataan na nasa Markadz kung saan ang ibang kabataan ay mga ulila o biktima ng kahirapan at kawalan ng oportunidad dulot ng kaguluhan.

Naniniwala si Norhamin na karapatan ng bawat batang Bangsamoro ang matuto, makapag-aral, magkaroon ng kalidad na edukasyon, at mamuhay ng tahimik na malayo sa kaguluhan at karahasan.

Samahan natin si Norhamin sa kanyang kwento at alamin ang kahalagahan at kontribusyon ng kabataan sa pagkamit ng isang ligtas at mapayapang Bangsamoro.

Ipakita natin ang ating suporta para kay Bangsamoro Peace Champion 2023 Finalist, 𝙉𝙊𝙍𝙃𝘼𝙈𝙄𝙉 𝙆𝘼𝙈𝙄𝘿𝙊𝙉 𝙎𝙄𝙉𝙂𝙃 sa pamamagitan ng pag-like sa official page ng Ministry of Public Order and Safety at sa pag react, comment, at share ng video na ito.

𝗞𝗶𝗹𝗮𝗹𝗮𝗻𝗶𝗻 𝘀𝗶 𝗕𝗣𝗖 𝟮𝟬𝟮𝟯 𝗧𝗼𝗽 𝟱 𝗙𝗶𝗻𝗮𝗹𝗶𝘀𝘁 𝗠𝗔𝗛𝗔𝗧𝗠𝗔 𝗠. 𝗦𝗔𝗡𝗚𝗔𝗖𝗔𝗟𝗔

Mahalagang magkaroon tayo ng malaliman at malawakang pang-unawa kung sino at ano ang Bangsamoro, kasama na rito ang mga hirap at pinagdaanan ng ating mga ninuno bago natin nakamit ang ating tinatamasang pagbabago. Isinusulong niya ang pagkakaroon ng wastong kaalaman at binibigyang-diin niya ang importansya ng tungkulin ng bawat isa patungkol sa Peace Process.

Bilang isang Kabataang Bangsamoro, mahalagang makilahok tayo sa mga makabuluhang gawaing pangkapayapaan. Tayo ay, maki-isa, makibahagi, at maging katuwang sa pagbabago.

Samahan natin si Mahatma sa kanyang panawagan na magkaisa at magtulungan na gawin ang lahat ng ating makakaya upang makamit ang kapayapaang ating inaasam para sa Bangsamoro.

Ipakita natin ang ating suporta para kay Bangsamoro Peace Champion 2023 Finalist, 𝙈𝘼𝙃𝘼𝙏𝙈𝘼 𝙈. 𝙎𝘼𝙉𝙂𝘼𝘾𝘼𝙇𝘼 sa pamamagitan ng pag-like sa official page ng Ministry of Public Order and Safety at sa pag react, comment, at share ng video na ito.