07/09/2026
:
PANUN BANYA BASI?
Kanu kuwana antu na mabagel abenal i kambityala na kaped sa dikena kon AMEER a wagib a bagunotan si Chairman Haj murad, parihalan nu Allah.
Saguna menem na mayatakon sa si kagi bun i ameer nilan, nandu baginugotan nilan kon.
Nginto ka pakadsulanga i bityala nilan?
Nyako gailay a sawal na idsa ko anya na isa sa mga nyaba:
1. Kagina da nilan magaga mudtang su tindeg nu kadakelan a mga maungangen a mga ulama sa inged a pedtalu sa si CHAIRMAN na ameer sekanin a wagib a bagunotan sya kanu mapiya a kasuguwan nin.
2. Silan mismo a san sa bala a party na di silan gaisa tindeg nandu kapegkasabut, su kaped na metuba i sandeng nin, dikena wagib i kapaginugot kani. Chairman ka dikena kon sekanin HĀKIM na Dawlah.
3. belangoten nilan i mga taw sa bityala nilan about sa namba a issue ka endu pegkalugka su paginugot nu mga bangsamoro. Kumbaga pedtatagitun nilan i kabamaked nilan lun. Alhamdulillah ka pakaimaman su bangsamoro.
4. basi nakenal nilan bun i mali silan sa kinadtalu nilan sa dikena wagib i paginugot Kani chairman, bali mimbalingan silan kanu bantang. alhamdulillah.
Kaped kanu ulama nilan na pedtalu sa aden expiration na BAY'AH nilan, or adn limit nin or condition nin. Apia daw dn san.
Mana gandalmetan su dalil sabap bu sa kapebpulitika.
Tawbaten tanu nu Allah kanu mga kalimbanan tanu. Ameen.
. نعمان عبد العزيز📝
#𝐔𝐁𝐉𝐏𝐏𝐚𝐫𝐚𝐒𝐚𝐋𝐚𝐡𝐚𝐭
