21/08/2026
ANNOUNCEMENT:
Tungod sa bag-ong mga insidente nga may kalabotan sa pusil nga nahitabo sa ubang lugar, ug aron mapanalipdan ang tanang learners, teachers, non-teaching personnel, ginikanan, ug ubang tawo nga moadto sa eskwelahan, ang Panampawan Elementary School magpatuman og mas higpit nga mga pamaagi sa seguridad hangtod adunay bag-ong pahibalo.
Palihog sundon pag-ayo ang mosunod:
1. Ang main gate sa eskwelahan ablihan eksaktong alas 7:00 sa buntag aron hapsay ug luwas nga makasulod ang mga learners ug mga awtorisadong personnel.
Ang mga gate sa eskwelahan sirad-an ug i-lock sa alas 8 sa buntag ug abrihan sa tingpamauli sa mga bata eksaktong alas 4:00 sa hapon.
Human sa alas 4:00 sa hapon, dili na tugotan ang pagsulod sa school premises gawas kung adunay pagtugot gikan sa School Head.
2. Ang tanang ginikanan, guardian, bisita, ug outsiders kinahanglan adunay Visitor's Pass una pa makasulod sa eskwelahan. Ang tanang bisita kinahanglan moparehistro sa Visitor's Logbook ug isulat ang:
Ngalan
Oras sa pagsulod
Katuyoan sa pagbisita
Oras sa paggawas
Ang Visitor's Pass kinahanglan isul-ob o ipakita samtang naa sulod sa eskwelahan. Ang bisita kinahanglan moadto lamang sa lugar nga may kalabotan sa iyang tuyo sa pagbisita.
3. Adunay adlaw-adlaw nga schedule sa mga teaching personnel nga mag-check sa bag sa mga learners sa ilang pag-abot o sa dili pa sila makasulod sa school premises.
Ang pagsusi sa bag himoon sa matinahuron nga paagi, nga adunay pagsunod sa mga polisiya sa DepEd ug sa mga lagda alang sa pagpanalipod sa mga bata.
4. Ang ikaduhang gate magpabiling sirado ug luwas nga naka-lock panahon sa klase.
Ang designated/main entrance lamang ang gamiton sa pagsulod ug paggawas sa mga learners, personnel, ug awtorisadong mga bisita.
5. Ang pagdala, pagpanag-iya, o pagsulod sa eskwelahan nga adunay pusil, armas, hait nga mga butang, deadly objects, ug uban pang butang nga mahimong makapasakit o makahatag og peligro sa mga learners ug personnel kay hugot nga gidili sulod sa school premises.
6. Ang tanang personnel kinahanglan kanunay nga magmatngon. Kung adunay makit-an nga:
suspetsadong tawo,
kahina-hinalang kalihokan,
pakete,
butang, o
bisan unsang sitwasyon nga mahimong makahatag og peligro,
palihog i-report dayon sa School Head o sa designated school personnel.
7. Ang tanang teaching ug non-teaching personnel, learners, ginikanan, ug stakeholders gilauman nga mosunod sa mga lagda ug motabang sa pagpadayon sa usa ka luwas, malinawon, hapsay, ug secure nga eskwelahan.
IMPORTANTE NGA PAHINUMDOM:
Kini nga mga safety measures gipahimutang isip preventive ug precautionary measures aron malikayan ang posibleng peligro ug mapanalipdan ang tanan.
Magpadayon kini hangtod adunay bag-ong memorandum nga mopahunong o mag-usab niini.
Atong paningkamotan nga ang kaluwasan sa atong mga anak mao ang atong unang prayoridad. Ang kooperasyon sa matag ginikanan ug miyembro sa school community importante kaayo aron mapadayon nato ang usa ka luwas nga Panampawan Elementary School.
Daghang Salamat sa pagsabot.
