12/09/2026
๐๐๐๐๐๐๐๐๐ | ๐๐๐น๐ถ๐ป๐ด ๐ฃ๐ฎ๐ฝ๐ฒ๐น
ni ๐๐๐๐๐๐๐
๐ฆ๐ฎ ๐ฏ๐ฎ๐๐ฎ๐ ๐ฝ๐ฎ๐ด๐๐ฎ๐๐ฎ๐ฝ๐ผ๐ ๐ป๐ด ๐ด๐ฟ๐ฎ๐ฑ๐ถ๐ป๐ด ๐ฝ๐ฒ๐ฟ๐ถ๐ผ๐ฑ, ๐ต๐ถ๐ป๐ฑ๐ถ ๐น๐ฎ๐บ๐ฎ๐ป๐ด ๐ฐ๐ฎ๐ฟ๐ฑ ๐ฎ๐ป๐ด ๐ต๐ถ๐ป๐ถ๐ต๐ถ๐ป๐๐ฎ๐ ๐ป๐ด ๐น๐ถ๐ฏ๐ผ-๐น๐ถ๐ฏ๐ผ๐ป๐ด ๐ฒ๐๐๐๐ฑ๐๐ฎ๐ป๐๐ฒโ๐ธ๐๐ป๐ฑ๐ถ ๐ฎ๐ป๐ด ๐ฝ๐ฎ๐ด๐ธ๐ถ๐น๐ฎ๐น๐ฎ๐ป๐ด ๐บ๐ฎ๐ด๐๐ฎ๐๐ฎ๐ฏ๐ถ๐ป๐ด โ๐ก๐ฎ๐ธ๐ฎ๐ฝ๐ฎ๐๐ผ๐ธ ๐ป๐ฎ๐ธ ๐บ๐ฒ๐๐น๐ฎ๐ป๐ด.โ ๐ฆ๐ฎ ๐น๐ถ๐ธ๐ผ๐ฑ ๐ป๐ถ๐๐ผ ๐ฎ๐ ๐บ๐ด๐ฎ ๐ด๐ฎ๐ฏ๐ถ๐ป๐ด ๐ถ๐ฝ๐ถ๐ป๐๐ต๐๐ป๐ฎ๐ป ๐๐ฎ ๐ฝ๐ฎ๐ด-๐ฎ๐ฎ๐ฟ๐ฎ๐น, ๐บ๐ด๐ฎ ๐ฝ๐ฎ๐ด๐๐๐๐๐น๐ถ๐ ๐ป๐ฎ ๐ต๐ถ๐ป๐ฎ๐ฟ๐ฎ๐ฝ ๐ป๐ฎ๐ป๐ด ๐ฏ๐๐ผ๐ป๐ด ๐๐ฎ๐ฝ๐ฎ๐ป๐ด, ๐ฎ๐ ๐ฏ๐ฎ๐๐ฎ๐ ๐ฝ๐ฎ๐๐ฎ๐ธ ๐ป๐ด ๐ฝ๐ฎ๐๐ถ๐ ๐ป๐ฎ ๐ป๐ฎ๐ด๐ถ๐ป๐ด ๐๐ถ๐ป๐๐ฎ ๐ป๐ด ๐ฝ๐ฎ๐ด๐ธ๐ฎ๐บ๐ถ๐ ๐ป๐ถ๐น๐ฎ ๐ป๐ด ๐๐ฎ๐ด๐๐บ๐ฝ๐ฎ๐. ๐ ๐ฎ๐ธ๐ฎ๐๐ฎ๐ฟ๐๐ป๐ด๐ฎ๐ป ๐ฏ๐ฎ๐ป๐ด ๐ฝ๐ฎ๐ด๐ธ๐ฎ๐ถ๐๐ฎ๐ป ๐๐ถ๐น๐ฎ ๐ป๐ด ๐ฝ๐ฎ๐ด๐ธ๐ถ๐น๐ฎ๐น๐ฎ ๐๐ฎ ๐ฝ๐ถ๐ป๐ฎ๐ด๐ต๐ถ๐ฟ๐ฎ๐ฝ๐ฎ๐ป ๐ป๐ถ๐น๐ฎ๐ป๐ด ๐ธ๐ฎ๐ฟ๐ฎ๐ป๐ด๐ฎ๐น๐ฎ๐ป?
Hindi kailanman makatarungan ang pagkaitan ng pagkilala at karangalan ang mga estudyante. Sapagkat para sakanila hindi lang ito basta papelโito ang tinta ng bawat patak ng pawis nila na ibinuhos nila sa pag-abot ng karangalang nararapat para sakanila. Maaaring mabawasan nito ang pressure, at mga kompetisyon, ngunit hindi nito mapapalitan ang inspirasyong dulot ng agarang pagkilala sa tunay na pagsisikap.
Sa ilalim ng DepEd Order No. 015, s. 2026, hindi na igagawad ang Academic Excellence Awards sa bawat termino; sa halip, sa katapusan na lamang ng taon ito ibabatay sa kabuuang Academic Performance. Ang medalya at sertipiko ay hindi ibinibigay dahil sa swerte; ito ay bunga ng disiplina, pagpupuyat, at sakripisyo. Kapag ang isang mag-aaral ay naging mahusay sa isang termino, nararapat lamang na kilalanin siya sa panahong iyon. Ang pagtanggal ng parangal ay tila pagpapaliban din ng pagpapahalaga sa kanilang tagumpay.
Sa markang nakukuha nila, may kasamang paghihirap at tiyaga ang pinupuhunan nila dahil hindi lahat ng estudyante ay nag-aaral para sa medalya, ngunit para sa marami, ang pagkilala ay nagpapatunay na may saysay ang kanilang pagsisikap. Ang bawat semestre o markahan ay nagsisilbing panibagong yugto ng pagsisikap: ang agarang pagkilala ay nagbibigay ng lakas upang lalo pang pagbutihin ang susunod na termino. Kapag nawala ito, maaaring humina ang sigla at determinasyon ng maraming mag-aaral.
Kung para sa ilan, ang mga parangal na ito ay maaaring magmukhang simpleng titulo lamang, ngunit para sa maraming mag-aaral, ito ang patunay na ang kanilang pagsisikap, tiyaga, at dedikasyon ay tunay na nakita at kinilala. May mga mag-aaral na napapanatili ang mataas na pagganap sa bawat termino ngunit maaaring mawalan ng year-end award dahil sa isang pagkakamali o mababang marka sa end of the school year. Ang isang sakripisyo ay hindi dapat mabura ng iisang yugto lamang. Ang bawat termino ay may sariling tagumpay na nararapat kilalanin.
Sa kabilang banda, hindi naman tuluyang natanggal ang "recognition" dahil ang akademikong parangal ay nakatuon sa pagkilala sa pagtatapos ng school year, batay sa kabuuang pagganap ng mag-aaral at layunin ng DepEd sa bagong polisiya ang mabawasan ang pressure, alisin ang labis na kompetisyon, at isulong ang mas patas at ganap na pag-unlad na pagtataya ng bawat mag-aaral.
Totoo, hindi dapat gawing sentro ng edukasyon ang parangal kundi ang paghubog ng tamang pananaw sa tagumpay. Ngunit hindi nangangahulugang kailangang alisin ang makabuluhang pagkilala upang mabawasan ang labis na kompetisyon. Ang tunay na layunin ay hindi ang magparamihan ng medalya o magpataasan ng marka, kundi ang tiyaking kinikilala ang bawat tapat na pagsisikap habang itinuturo sa mga mag-aaral na ang kanilang tunay na halaga ay hindi nasusukat ng isang parangal lamang.
Sa pagtatangkang gawing patas ang sistema, patas ba ang paraan ng pagkilala sa bawat tagumpay?
Ang edukasyon ay hindi lamang usapin tungkol sa pagkamit ng mataas na marka. Ngunit kapag may mag-aaral na naglaan ng oras, lakas, at tiyaga upang maging mahusay, hindi kasalanan ang kilalanin siya. Ang parangal ay hindi dapat maging korona ng kayabangan kundi salamin ng pagsisikap.
Sapagkat ang bawat marka ay may kuwentong nakasulat sa likod nito. Ang bawat sertipiko ay simbolo ng determinasyon at tiyaga, at ang bawat medalya ay alaala ng laban na matagumpay nilang nalampasan. Dahil kung tunay na nais ng sistema ang magbigay-inspirasyon sa kabataan, huwag nilang ipagkait ang pagkilalang matagal na nilang pinaghirapan.
