SLNH Batch 1993-1994

EYES HERE!

Enhanced Community Quarantine sa Probinsiya sa Sugbo.

Taas2x ni na post pero basaha lang para sa kaayuhan sa tanan. Palihug lang pud ko ug share.
———————

Mga pangutana para klaro ug hapsay tanan:

1. Kanus.a man jud ang quarantine?

Mao ni ang schedule sa pag implementar sa quarantine:

*Cebu City - 12:01 sa UDTO karon Sabado, March 28*

*Lapu-Lapu, Mandaue ug Cordova - 12:01 sa KADLAWN karon Dominggo, March 29*

*Cebu Province - 12:01 sa KADLAWN karon Lunes, March 30*

2. Unsa man ang sakop sa quarantine?

KITANG TANAN quarantine na sa balay. APAN ang uban na mo trabaho sa mga pinili na industriya ug negosyo makagawas gihapon.

Kada balay, naa’y usa ka QUARANTINE PASS. Ang kanang naa’y quarantine pass mao ra’y maka gawas sa ilaha para mo palit ug pagkaon ug uban pang importante na gamit sama sa tambal, etc. MGA BATAN-ON UG SENIOR CITIZEN 65 PATAAS DILI JUD KA LAKAW.

3. Unsa ma’y mga negosyo ang abli pa?

Mga supermarket, merkado, grocery, sari-sari store, construction, MEPZ, Mitsumi, Tsuneishi, mag-uuma, mangingisda, barko, trucking, mga pabrika na nag-himo ug pagkaon ug uban importante na gamit na panglawas ug Call Center.

Ang mga nag trabaho aning mga negosyoha ug companya maka gawas gihapon para mo trabaho. Kanang mga gikan probinsya na mo trabaho sa syudad, dad.a lang ang inyong quarantine pass ug i present sa police kung naa’y checkpoint.

Ang mga kompanya labi na sa MEPZ, Mitsumi ug uban pa kay gi awhag na mo provide ug sakyanan para sa ilang mga empleyado. Ang call centers gi awhag na mo work from home na lang or mo provide ug accommodation ang kompanya para sa mga empleyado.

4. Naa pa’y Public Transportation?

WALA NA’Y BUS, JEEP, HABAL-HABAL ug TRICYCLE na pwede mo operate. PERO pwede ni sila gamiton ug suhulon sa mga negosyo ug gobyerno para sa paghatod sa mga empleyado ug mga goods. Para pud naa’y income ang mga driver.

5. Naa ko’y personal na sakyanan, pwede pa ko mo adto ug syudad?

Kung medical o bisag unsa na emergency, pwede ra. Please keep in mind na hapit tanan lungsod naa na’y checkpoint gikan ug padung syudad. Kung dili importante ang lakaw, pagpuyo na lang sa balay.

6. Unsaon namo pagpalit ug among konsumo?

Usa ra ka tawo kada balay maka lakaw para mangompra sa merkado.

Ang mga negosyo pud gi awhag na mo himo ug delivery system para ihatod na lang ang mga isda, karne, bugas ug uban pa sa inyong balay. Bayad lang mo ug gamay na delivery fee.

7. Naa’y ihatag ang gobyerno na ayuda?

Naa. Huwat lang mo kay nagsabot na ang tanan mayor ug si Gov Gwen para sa pagpanghatag sa mga ayuda.

Kada lungsod ug syudad tagaan ni Gov Gwen ug kwarta para palit ug ayuda. Ang lungsod o syudad na ang bahala mo palit. Ang mga pobre na lungsod makadawat ug mas dako na budget. Ang katong medyo dato na lungsod gamay ra ang madawat. Atong hatagan ug gibug.aton ang mga pobre jud na lungsod.

Ang unahon ug hatag katong mga nawad.an ug trabaho ug mga mas labing nagkahinanglan ug tabang.

Kung arang-arang ang pagkabutang ninyo, mo hangyo lang ko, ayaw lang ug demand ug ayuda. Palit na lang mo. Ato ni ihatag sa katong mga na apektohan ug maayo aning sitwasyona.

Naa pud programa ang DOLE para sa mga nawad-an ug trabaho. Huwat lang ta sa detalye gikan nila.

Ang kapitolyo mo himo pud ug BAGSAKAN CENTERS matag lungsod. Adto sa covered court kada lungsod ibutang. Didto makapalit ug labing barato na mga produkto. Subsidized ni namo sa kapitolyo, mao barato ra ni. I-announce lang nya namo kung kanus.a ni magsugod.

8. Taga bukid ko. Wa ko’y kasakyan padung merkado para mo palit ug konsumo. Unsaon nako?

Ang mga kapitan matag barangay gi awhag na mo himo ug sistema sa pag kompra sa mga tao sa merkado. Ug siyempre, ang kato ra’y naa’y quarantine pass ang maka lugsong.

9. Kanus.a man ni mahuman tanan?

Wala pa’y oras. Sa pagkakaron, agwanta lang usa tag gamay para sa atong kaayohan. Ang panginabuhi makit.an ra na, pero usa ra ang atong kinabuhi.

——————-

Mao na ni ang mga detalye sa Enhanced Community Quarantine diri sa Probinsya Sa Sugbo.

Usab, magtinabangay ta. Kaning virus wa’y pili, ma dato man ta o pobre. Mao ra ni’y kontra na dili nato makit.an. Hinaot magsinabtanay lang jud ta.

Naninguha ang gobyerno para hapsay ang tanan ug wala’y magutman na Sugbuanon.

Virus ka lang, Sugboanon kita!

Daghang Salamat.

Just Sharing not mine

Arina e post iyo mga picture ug video mga ka batch