Kagawaran ng Filipino -Page-ETTMNHS

FYI

Maligayang Araw ng mga Bayani! 🇵🇭

Kaisa ang Kagawaran ng Edukasyon ng sambayanan sa pagbibigay-pugay sa lahat ng mga bayaning Pilipino mula sa kasaysayan hanggang sa kasalukuyan.

Kinikilala rin natin sa pagdiriwang ngayong araw ang magigiting na bayani ng iba’t ibang sektor, kabilang ang mga g**o at kawani na katuwang natin sa pagsig**o ng maayos na kalidad ng edukasyon para sa mga Pilipinong mag-aaral.

Unang araw ng Brigada Eskwela

Bayanihan tungo sa isang maayos at ligtas na paaralan

Pagbati sa ating lahat!

Ang Laki sa Layaw
ni Francisco Balagtas

196. “Anhin kong saysayin ang tinamong tuwa
Ng kabataan ko’y malawig na lubha
Pag-ibig ni ama’y siyang naging mula
Lisanin yaong gubat na payapa.

197. Pag-ibig anaki’y aking nakilala
Di dapat palakhin ang bata sa saya
At sa katuwaa’y kapag namihasa
Kung lumaki’y walang hihinting ginhawa.

198. “Sapagkat ang mundo’y bayan ng hinagpis
Mamamaya’y sukat tibayan ang dibdib
Lumaki sa tuwa’y walang pagtitiis
Anong ilalaban sa dahas ng sakit?

199. “Ang taong magawi sa ligaya’t aliw
Mahina ang puso’t lubhang maramdamin
Inaakala pa lamang ang hilahil
Na daratna’y di na matutuhang bathin.

200. “Para ng halamang lumaki sa tubig
Daho’y nalalanta munting di madilig
Ikinaluluoy ang sandaling init
Gayon din ang puso’y sa tuwa maniig.

201. “Munting kahirapa’y mamalakhing dala
Dibdib palibhasa’y di gawing magbata
Ay bago sa mundo’y walang kisapmata
Ang tao’y mayroong sukat ipagdusa.

202. “Ang laki sa layaw karaniwa’y hubad
Sa bait at muni’t sa hatol ay salat
Masaklap na bunga ng maling paglingap
Habag ng magulang sa irog ng anak.

203. “Sa taguring bunso’t likong pagmamahal
Ang isinasama ng bata’y nunukal
Ang iba’y marahil sa kapabayaan
Ng dapat magturong tamad na magulang.

204. “Ang lahat ng ito’y kay amang talastas
Kaya nga ang luha ni ina’y hinamak
At ipinadala ako sa Atenas
Bulag na isip ko’y nang doon mamulat.

"Walang manloloko kung walang nagpapaloko."