https://www.facebook.com/750326621499105/

ANG HIBLA, Sabangan, Catanduanes, Caramoran (2026)

26/08/2026

Patimpalak sa Buwan ng Wika '26, Isinagawa sa TNHS

Ipinamalas ng mga mag-aaral ng Tubli National High School (TNHS) ang kanilang talento, kaalaman, at pagpapahalaga sa wikang Filipino sa unang araw ng mga patimpalak bilang bahagi ng pagdiriwang ng Buwan ng Wika 2026, na may temang “Wikang Filipino at AI: Kasangkapan sa Pananaliksik at Tulay sa Yaman ng Impormasyon,” kahapon, Agosto 25.

Kabilang sa mga isinagawang patimpalak ang Sanaysay, Katutubong Sayaw, Isahang Pag-Awit, Tagisan ng Talino, Slogan, at Poster Making, na ginanap sa iba't ibang bahagi ng paaralan.

Isinagawa ang Sanaysay sa silid ng Baitang 9-Athena, kung saan ang mga kalahok ay sina Jeanelle Salvidar at Isabel Lara Sambrano ng Baitang 11; Gabriel Robert Salvidar at Dexie Kate Pabugas ng Baitang 10; Alicia Kate Ternida ng Baitang 12; at Jhanlyn Valencia Palero ng Baitang 9.

Samantala, ginanap ang Katutubong Sayaw sa bulwagan ng TNHS, na nilahukan ng mga mag-aaral mula Baitang 8, 9, at 10. Isinagawa rin dito ang Isahang Pag-Awit, kung saan lumahok sina Xenia Belda ng Baitang 10, Lorielyn Mae Pia at Mikhaela Merl Nuñez ng Baitang 8, Nicole Yubo ng Baitang 11, Marchela Pagayanan ng Baitang 7, Jazzlyn Bernadette Hidalgo ng Baitang 12, at Cyrelle Anne T. Surban ng Baitang 9.

Isinagawa naman ang Tagisan ng Talino sa silid ng Baitang 8-Katarungan, na nilahukan ng mga mag-aaral mula Baitang 8 hanggang 11.

Samantala, ginanap sa Conference Room ang Slogan at Poster Making, kung saan ipinamalas ng mga kalahok mula sa iba't ibang baitang ang kanilang pagkamalikhain at husay sa pagpapahayag.

Pinangunahan ni Ginalyn Bondoy, G**o III at Tagapag-ugnay sa Filipino, ang pagbubukas ng mga aktibidad bilang bahagi ng pagdiriwang ng Buwan ng Wika.

Magpapatuloy ngayong araw, Agosto 26, ang mga aktibidad na Food Exhibit o Display na tampok ang Pista sa Nayon.

Kasabay nito, ihahayag din ngayon ang mga nagwagi sa mga patimpalak. Nagaganap ang mga matimpalak pagkatapos ng klase.

Ulat ni: Sheila Joy C. Dela Cruz | AngHibla
Retraro ni: Joyce E. Sapico | AngHibla
Gabriel T. Perdigon V | AngHibla

24/08/2026

BUWAN NG WIKA ’26, OPISYAL NANG SINIMULAN

Opisyal nang sinimulan ang pagdiriwang ng Buwan ng Wika 2026 sa Tubli National High School (TNHS) na may temang “Wikang Filipino at AI: Kasangkapan sa Pananaliksik at Tulay sa Yaman ng Impormasyon.” Pinangunahan ito ni Ginalyn B. Aldea, Filipino Coordinator, at ginanap ngayong araw sa Multi-Purpose Hall.

Nagtipon ang mga mag-aaral ng TNHS sa bulwagan upang opisyal na simulan ang pagbubukas ng pagdiriwang. Sinundan ito ng pag-awit ng pambansang awit na pinangunahan ni Gng. Jonna Nessa T. Masagca, G**o III, at panalangin na pinangunahan naman ni G. Noli Dela Torre, G**o III.

Samantala, nagbigay ng paunang pananalita si Gng. Catherine G. De Leon, Dalubguro I, hinggil sa kahalagahan ng tema ng pagdiriwang sa paghubog at pagbubukas ng isipan sa paggamit ng teknolohiya sa makabagong panahon.

“Tayo ang nagpapasunod sa teknolohiya, hindi ang teknolohiya ang nagpapasunod sa tao,” aniya ni De Leon, habang binibigyang-diin ang tema ng pagdiriwang.

Sa ikalawang bahagi ng programa, nagbigay ng pampasiglang bilang si Lorelyn Mae Pia ng Baitang 8 bago ihayag ni Gng. Aldea ang mga gawaing bahagi ng pagdiriwang.

Kabilang sa mga ito ang Paggawa ng Islogan, Poster Making, Pagsulat ng Sanaysay, Isahang Awit, Katutubong Sayaw, Tagisan ng Talino, at Food Exhibit.

Samantala, inilahad din nina Gng. Aldea, Jenica Ereso, Pangulo ng Samahan ng mga Mag-aaral sa Filipino; Skylar Faye Soriao, Ikalawang Pangulo ng Sentral na Samahan ng mga Mag-aaral sa Filipino; Liezelgen De Quiroz, G**o V; at Bnb. Cendaña ang mga patakaran at pamantayan ng bawat patimpalak.

Sa pagtatapos ng programa, nagpaabot naman ng panapos na mensahe si Bnb. Cendaña hinggil sa pagtangkilik at paglinang sa wikang Filipino sa makabagong panahon.

“Tayo bilang Pilipino ay may tungkuling mahalin, ingatan, pagyamanin, at gamitin ang wikang sariling atin,” sambit niya.

Ang nasabing kaganapan ay ginanap mula alas-3 hanggang alas-4 ng hapon.

Ulat ni: Gabriel T. Perdigon V | AngHibla
Retrato ni: Joyce E. Sapico | AngHibla

19/08/2026

𝗜𝗦𝗣𝗢𝗥𝗧𝗦 𝗙𝗟𝗔𝗦𝗛 | Dating municipal meet champion na si Arvin Jake Zuniega bumalik para pataubin si Shean Carl Hall sa Billiards Boys 9 Ball Pool; 2-0, na ginanap nitong ika-17 ng Agosto sa Sabangan Billiards Hall.

Ulat ni: Eldwin I. Dela Cruz | AngHibla

19/08/2026

𝗜𝗦𝗣𝗢𝗥𝗧𝗦 𝗙𝗟𝗔𝗦𝗛 | 𝗗𝗲𝗹𝗮 𝗣𝗲ñ𝗮 𝗻𝗮𝗴-𝗰𝗼𝗺𝗲𝗯𝗮𝗰𝗸, 𝗘𝘂𝗯𝗿𝗮 𝗻𝗮-𝗰𝗵𝗲𝗰𝗸𝗺𝗮𝘁𝗲

Mula sa pagkadapa sa ikaapat na round hanggang sa pagdomina sa tiebreaker, nagpakitang-gilas si Jacob Dela Peña matapos pabagsakin ang undefeated na si Alvin Eubra at masungkit ang kampeonato sa chess tournament ng Tubli National High School noong Agosto 14, sa silid ng 7-Achievers.

Hindi naging walk in the park ang laban ni Dela Peña matapos siyang matalo kay Mark Andrei Icawat ng Grade 7 sa ikaapat na round. Dahil dito, pumasok siya sa huling round na may apat na puntos, habang si Eubra ay hawak ang malinis na rekord at may limang puntos.

Sa ikaanim at huling round, naging decisive match ang paghaharap nina Dela Peña at Eubra. Sa kabila ng isang puntos na kalamangan ni Eubra at pagiging undefeated nito mula sa unang round, nagpakita si Dela Peña ng matatag na board control at tactical moves upang tuluyang pabagsakin si Eubra.

Dahil sa panalo ni Dela Peña, parehong umakyat sa limang puntos sina Dela Peña at Eubra. Ngunit hindi lamang silang dalawa ang nagtapos na may parehong puntos. Kasama rin sina Jorm Lenzo Bien ng baitang 7 at Jelo Fernandez ng baitang 9.

Dahil sa pagkakatabla ng apat na manlalaro, isinagawa ang single round-robin tiebreaker, kung saan nagharap ang bawat manlalaro sa isa't isa upang matukoy ang tunay na kampeon.

Sa tiebreaker, muling ipinamalas ni Dela Peña ang kanyang board vision, composure at husay sa endgame. Nagtala siya ng malinis na rekord matapos manalo sa lahat ng kanyang laban.

Samantala, isang beses lamang natalo si Eubra at ito ay laban mismo kay Dela Peña. Dalawang pagkatalo naman ang naitala ni Bien, kapwa kina Dela Peña at Eubra, habang hindi nakapagtala ng panalo si Fernandez.

“Mai ko talaga igaasahan ta nung nadaog ako, kahuna ko mii na ako makabawi,” saad ni Dela Peña.

Sa huli, inangkin ni Dela Peña ang unang puwesto matapos mangibabaw sa tiebreaker.

Nakuha naman ni Eubra ang ikalawang puwesto, habang nagtapos sa ikatlo si Bien at ikaapat si Fernandez.

Sina Dela Peña, Eubra at Bien ang magsisilbing pambato ng Tubli National High School sa Municipal Meet 2026.

Ulat ni: Desserie Precildo | AngHibla
Dorothy Martinez | AngHibla
Retrato ni: Joyce E. Sapico | AngHibla

19/08/2026

𝗜𝗦𝗣𝗢𝗥𝗧𝗦 𝗙𝗟𝗔𝗦𝗛 | 𝗦𝗼𝗿𝗶𝗮𝗼 𝘂𝗺𝗮𝗿𝗮𝗻𝗴𝗸𝗮𝗱𝗮, 𝗥𝗮𝗻𝗶𝗱𝗼 𝗻𝗮𝗽𝗮𝗯𝗮𝗴𝘀𝗮𝗸

Sa bawat galaw ng piyesa, unti-unting kinuha ni Skylar Faye Soriao ang kontrol sa board hanggang tuluyang pabagsakin si Valerie Ranido, 3-2 sa Tubli National High School noong Agosto 14, sa silid ng 7-Achievers.

Hindi naging hadlang kay Soriao ang kanyang limitadong karanasan sa chess.
Sa halip, naging puhunan niya ang matinding paghahanda, positibong pananaw at pokus sa bawat move upang mapabagsak ang tatlong katunggali at masungkit ang unang puwesto.

Bagama’t hindi pa gaanong katagal na naglalaro ng chess, naniniwala si Soriao na magbubunga ang kanyang pagsisikap at determinasyon.

“Mas ma-focus ako para dito, ta syempre gusto kong makaabot buko sanang sa Municipal Meet,” pahayag ni Soriao.

Malaking tulong din sa kanya ang suporta galing sa ama, na patuloy na nagbigay ng inspirasyon upang pagbutihin pa niya ang kanyang laro at hasain ang kanyang board strategy.

Samantala, itinuring naman ni Ranido na kakulangan sa ensayo at kaba ang ilan sa mga dahilan ng kanyang pagkatalo.
“Dapat paran sinamantala ko na yung oras, medyo igakabahan pano ako,” ani Ranido.

Sa pagtatapos ng kompetisyon, nasungkit ni Soriao ang unang puwesto, sinundan ni Ranido at ni Marchela V. Pagayanan sa ikatlong puwesto. Tatlo silang magdadala ng pangalan ng Tubli National High School sa Municipal Meet 2026.

Ulat ni: Desserie Precilda | AngHibla
Retrato ni: Joyce E. Sapico | AngHibla

12/08/2026

𝗜𝗦𝗣𝗢𝗥𝗧𝗦 𝗙𝗟𝗔𝗦𝗛 | 𝗕𝗮𝘁𝗮𝗻𝗴 𝗪𝗼𝗼𝗱𝗽𝘂𝘀𝗵𝗲𝗿, 𝗨𝗺𝗶𝘀𝗸𝗼𝗿 𝗞𝗼𝗻𝘁𝗿𝗮 𝗺𝗴𝗮 𝗚𝗼𝗹𝗶𝗮𝘁𝗵

Hindi sa edad, kundi sa talas ng isip at lakas ng loob humugot si Mark Andrie Icawat, baitang 7, upang harapin ang mga mala-Goliath na katunggali sa Chess, matapos magtala ng malinis na panalo sa kanyang unang tatlong round.

Sa bawat opening, maingat na inayos ni Icawat ang kanyang mga piyesa bago unti-unting bumuo ng opensiba sa middlegame.

Hindi rin natinag ang batang manlalaro sa mga taktikal na palitan, habang mahusay niyang binasa ang mga posibleng galaw ng kanyang katunggali.

Sa pagtatapos ng bawat laban, napanatili ni Icawat ang kanyang momentum at winning streak, dahilan upang mapabilang siya sa tatlong manlalarong may hawak ng malinis na rekord matapos ang tatlong round.

Kasama niya sa hanay ng mga walang mintis na panalo na sina Jacob Dela Peña at Alvin Eubra, na kapwa nasa baitang 9.

Sa kabila ng agwat sa baitang, pinatunayan ni Icawat na sa chessboard, hindi edad ang tanging puhunan kundi ang strategy, positional play, at lakas ng loob sa bawat galaw.

Ulat ni: Deserrie Precilda | AngHibla
Dorothy Martinez | AngHibla
Retrano ni: Aljun A. Alferez | TheThread

12/08/2026

𝗜𝗦𝗣𝗢𝗥𝗧𝗦 𝗙𝗟𝗔𝗦𝗛 | 𝗟𝗮𝗺𝗮, 𝗯𝘂𝗺𝗶𝗱𝗮 𝗸𝗼𝗻𝘁𝗿𝗮 𝗙𝗿𝗲𝘀𝗵𝗺𝗲𝗻 𝗣𝗮𝗱𝗱𝗹𝗲𝗿 𝘀𝗮 𝗙𝗶𝗻𝗮𝗹𝘀

Hindi napigilan ang pag-ariba ng manlalarong si Carl Julius C. Lama mula sa baitang 11 kontra kay Lesotho Ternida ng baitang 10 gamit ang mahihirit nitong smash at drop shots dahilan upang walisin ng tuluyan ang laban sa larong Badminton Boys Finals, 2-1 (15-9,15-11, 15-14) na ginanap sa Tubli National High School Multi-Purpose Hall, Agosto 12, 2026.

Dikdikan ang daloy ng labanan at parehong nagbabaldahan ng mga polidong smash ang naturang magka-tunggali sa match point ng huling laban hanggang sa tinapos ito ni Lama, 15-14.

Sa likod ng maamong depensa at matitirik na palo ni Lesotho, bigo pa rin itong maangkin ang laban at tuluyang humupa ang biyaya sa pambato ng baitang 11 na si Lama.

Ulat ni: Angel Mae Armea | AngHibla
Retrato ni: Joyce E. Sapico | AngHibla

12/08/2026

𝗜𝗦𝗣𝗢𝗥𝗧𝗦 𝗙𝗟𝗔𝗦𝗛 | 𝗥𝗲𝗴𝘂 𝟰, 𝘂𝗺𝗮𝗹𝗽𝗮𝘀 𝗸𝗼𝗻𝘁𝗿𝗮 𝗥𝗲𝗴𝘂 𝟮, 𝟮-𝟬

Nagpasiklab ng mga swabeng rolling spike at knee kick ang Regu 4 nina Alfonso Interior, Prince Noah Batalia, at Mark Angelo Gozon kontra sa panig ng Regu 2 nina Redjie Niegel C. Palero, John Dave Lagasca, at Jey Trinidad, 2-0 (15-8, 15-12) sa larong Sepak Tkaraw Championship round ngayong Agosto 12, 2026 na ginanap sa Tubli National High School Multi-Purpose Hall.

Nagpakawala ng matindig head defense si Gozon ng Regu 4 na siyang naging susi ng kanilang agarang pagkapanalo sa unang laban, (15-8).

Samantala, bumwelta naman si Palero ng malakas na rolling spikes at mahigpit na floor defense na siya namang naging daan ng kanilang pag-arangkada sa ikalawang laban, (15-12).

Bagama't naka-sungkit ng bentahe ang ikalawang Regu hindi pa rin nagpakita ng awa ang ika-apat na Regu at tuluyang sinilat ang pagkapanalo.

"Simula pa lang 'to ng aking pangarap... gusto ko rin ipakita sa lahat kung ano yung makakaya ko at maging inspirasyon," ani ni Gozon ng Regu 4.

Dagdag pa niya, paghuhusayan niya pa ang pag-ensayo sa naturang laro upang mapanatili ang maayos na reputasyon ng larong Sepak Takraw.

Bukod pa riyan, tauspuso ring nagpapasalamat ang koponan ng ikalawang Regu sa magandang takbo ng laro.

Matatandaan na ang Regu 4 ay bigong maka-ungos sa bangis ng Regu 1 ngunit muling bumangon at tuluyang dinomina ang entablado.

Ulat ni: Antonette Joyce F. Galicia | AngHibla
Aljane Mae N. Corporal | AngHibla

12/08/2026

𝗜𝗦𝗣𝗢𝗥𝗧𝗦 𝗙𝗟𝗔𝗦𝗛 | 𝗕𝗶𝗰𝗼𝗹 𝗠𝗲𝗲𝘁 𝗣𝗹𝗮𝘆𝗲𝗿 𝗣𝘂𝗯𝗹𝗶𝗰𝗼, 𝗣𝗶𝗻𝗮𝗻𝗴𝘂𝗻𝗮𝗵𝗮𝗻 𝗮𝗻𝗴 𝟱-𝟬 𝗥𝗮𝘁𝘀𝗮𝗱𝗮 𝘀𝗮 𝗙𝘂𝘁𝘀𝗮𝗹

Nagpaulan ng nagbabagang sipa ang Bicol Meet player na si Chen Ashlie Publico dahilan upang pangunahan ang kanyang koponan sa pagratsada kontra koponan ni Rica Mae Layva, 5-0, sa Single Round Robin ng Futsal na ginanap sa Tubli National High School grounds.

Bitbit ang karanasan mula sa Bicol Meet, agad na ipinakita ni Publico ang kanyang husay sa ball control, passing, at attacking play, na naging malaking agwat ng kanyang koponan sa buong laban.

Hindi nakaporma ang panig ni Layva matapos maagaw ng kampo ni Publico ang possession at maputol ang kanilang mga pagtatangka sa pag-atake.

Samantala, sunod-sunod na nakalikha ng scoring opportunities ang kampo ni Publico hanggang sa tuluyang maitala ang limang goal.

Sa kabila ng matinding depensa ng kalaban, patuloy na pinakawalan ni Publico ang kanyang mga tira, habang nakipagpalitan ng mabilis na passes ang kanyang mga kakampi upang mapanatili ang kontrol sa laro.

“Si Publico pano ang pinakamagubat na kalaban ta siyempre, Bicol Meet player na siya. Grabe naman, naging karanasan,” saad ng isang manlalaro mula sa koponan ni Layva.

Samantala, itinuring ni Publico na teamwork, coordination, at pagtutulungan ang naging susi sa kanilang tagumpay.

“Nanggana kami ta may coordination, may teamwork, at gaturuwangan kami,” wika ni Publico.

Sa huling busina, tuluyang isinara ng kampo ni Publico ang laban sa malinis na 5-0.

Ulat ni: Gianne Louise Sarmiento | AngHibla
Shara Mae Castor | AngHibla
Retrato ni: Joyce E. Sapico | AngHibla

12/08/2026

𝗜𝗦𝗣𝗢𝗥𝗧𝗦 𝗙𝗟𝗔𝗦𝗛 | Bumangon mula sa bingit ng pagkatalo si Denver Rojas matapos pabagsakin si Francis Sebuano sa 9-Ball Billiards na ginanap ngayong araw sa Sabangan, Caramoran, Catanduanes.

Ulat ni: Eldwin Dela Cruz | AngHibla
Retrato ni: Alicia Kate Ternida | TheThread

ANG HIBLA

26/08/2026

24/08/2026

19/08/2026

19/08/2026

19/08/2026

12/08/2026

12/08/2026

12/08/2026

12/08/2026

12/08/2026

Address

Website

Alerts

Shortcuts

Share

Category

Listing takedown request